المساعد الشخصي الرقمي

مشاهدة النسخة كاملة : قصائد للرادود الحسيني ملا باسم الكربلائي.لطميات....(أرجو التثبيت)...


فاطمة الفردوس
08-12-2006, 08:06 PM
بسم الله الرحمن الرحيم...
السلام عليكم ورحمة الله وبركاته...
جبت اليكم بعض لطميات لباسم الكربلائي مكتوبة...وان شاء الله تعجبكم والي يبي اي لطمية ما يرده إلا اللسانه...
يالباري ظلت تنحب سمائك و الليلة نزلت كل أنبيائك

يارب حبيبك مات ما أعظم المأسات

*****

عبيدك احنه ياالجلت صفاتك بالربوبيه

نناجيك بدمع يرسم مناجات العبوديه

حبيبك هذا يالخالق محمد ما سطع ضيه

اختفت هالليله أنوراه و صحيفة عمره مطويه

ياربي دفنوا جسم العداله و الفقده ناحت روح الرسالة

بالحسره و الآهات ما أعظم المأسات

****

الرسل و الأنبياء اليوم نزلت من سماواتك

و الحروف السماويه تحن و اتعزي آياتك

حبيبك هذا هالمفقود و المأسات مأساتك

محمد هذا مبعوثك خلقته من لطف ذاتك

عالهادي صلي و سلم و بارك كل مرسلينك نزلت تشارك

و اتشيعه بعبرات ما أعظم المأسات

***

الرسل دفنوا جسم طاها حبيبك و الد الزهره

عقب ما تمموا دفنه السمائك صعدوا بحسره

كئيبة الدنيه من بعده و تهل عبره بأثر عبره

تنوح إعله النبي تاره و تحن تاره عله العتره

بغيبة رسولك ياربي اشهد مظلومة أمست عترة محمد

باللوعه حيدر بات ما أعظم المأسات

***

حبيبك من قضه نحبه ترك بعده الوصي حيدر

وجوده العروة الوثقى التمسك بيها ما يخسر

علي و لو ما علي بسيفه يحطم قلعة المنكر

ما جان اعتمر هالدين و لا شرع العدل يظهر

ليش اليعمر سور الدنيانه اتخونه و تحيطه اجيوش الخيانه

و اتساوره النكبات ما أعظم المأسات

****

رسولك يا إله الكون محمد خاطب الاصحاب

مدينة للعلم آنه و حيدر للمدينه باب

مثل ما أنزلت يارب عله الهادي الرسول اكتاب

علي قرآنك الناطق و ينطي الكل اجواب

كلمن يخالف حيدر وليك لا شك يخالف سيرة نبيك

و الينكر الآيات ما أعظم المأسات

****

يخلاق العرش اشهد بصوت من القلب ناديت

مسلم آنه ياربي و بنهج الرسول امشيت

و بايعت الوصي الكرار و اتمسكت بهل البيت

عله كل محنه صابتهم بجيت و دمعي دم هليت

بكل مأتم أحضر هتافي بدموعي هاي القوافي

و أرسمها بالدمعات ما أعظم المأسات

****

ونسألكم الدعاء من القلب بتعجيل الفرج وبراءة الذمة...

فاطمة الفردوس
08-12-2006, 08:07 PM
كلما أشوف أيتام جاري دمعهم ألعن ثمود و عاد و اللي تبعهم

و الحق يعود رغم اليهود

و اللي تبعهم

****

وين الحطم الأوثان وين اللي نشر علمه

وين السهر و الغزوات وين التعب للأمه

نسعمه ايصيح واغوثاه دينك يا نبي الرحمه

ظل بس الإسم للدين و القرآن ظل رسمه

خصيمك يا رسول الله تماده بجوره و بظلمه

و احنه انقارع الأزمات أزمه من بعد أزمه

كلما تهيج أمواج بحر المظالم انشد العزم و انقول لازم نقاوم

نثبت وجود رغم اليهود

****

دخيلك يا من الباري إعله صدرك أنزل القرآن

نعيش بفترة يالهادي و زمن ما مثله بالأزمان

إذا مروان واحد جان عدنه ميت ألف مروان

إذا حوت ابتلع يونس و دينه بلعته الثعبان

ألف قارون ويانه يعاصرنه و ألف هامان

بعهضها اتعلم الشيطان دروس و تلعن الشيطان

ظل يستجير الدين و احنه النجيره صح المثل لو قال كلمن ضميره

نبذل جهود رغم اليهود

*****

يعاتبني و يحاججني ضعيف الراي و الأفكار

يقول الماضي وله وراح جزانه و نزلت الأستار

ثمود أصبح خبر كان السبب هالعنه ليل انهار

و ليش الجبت و الطاغوت تلعنهم ابكل اسرار

كلت له الما يلاعنهم بقرآنه عليهم شار

لون ما هم ما نزلت علينه الفتن و الأخطار

كل الظلم و الجور مصدرها منهم و الجبت و الطاغوت واجب لعنهم

و العن ثمود رغم اليهود

****

الظلم كل هذا و الطغيان و الجور الجره اعلينه

أساسه من ثمود و عاد حجر وضعوا يهادينه

بسبب عاد و ثمود اليوم اليهود استفردوا بينه

بسبب هامان و الجبتين اليتيم اتصب دمع عينه

نريد بدعوة المظلوم إلك نرفع أيادينه

و نصيح انتقم من عدهم و العنهم يبارينه

مهما حملنه هموم ثابت ولانه و نتمسك بأعراف نهج الديانه

و نوفي العهود رغم اليهود

****

رغم كل هالظلم تبقى أصيله و حره طينتنه

بسمائك يا رسول الله تظل مرفوعه رايتنه

وفاتك يالنبي الليله بدت من عدها لوعتنه

و إذا نذكر مصايبكم علينه اتخف مصيبتنه

جنت يالمصطفه خيمة و تلوذ بفيها أمتنه

بوفاتك يا رسول الله فقدنه الليله خيمتنه

صارت درس للناس سيرة حياتك

حكمة اقتضت هليوم تصبح وفاتك

و نلت الخلود رغم اليهود

****

أصل فقدك يبو إبراهيم يفرع كل فرع جمره

ابتدت من دفع باب الدار و ضلع الطاهره و كسره

و تمر بالكوفه و المحراب و دم الجره من الطبره

الحسن ريحانتك بالسم جبدته بطشت متوذره

و قوم الما إجت تدفن جثمانك يبو الزهره

هي تركت المظلوم ثلث أيام علغبره

دم الغريب احسين هدم عرشهم قطع النحر مسنار صار ابعشهم

قلعة صمود رغم اليهود

****

فاطمة الفردوس
08-12-2006, 08:10 PM
الليله يشيعه انواسي الوديعه

قلب حيدر نعينه عله امصيبة نبينه

انواسي الوديعه (6أبيات)

***

عله امصيبة رسول الله ال*** مجمر و من بين المحاجر دمع يتنثر

مدامعكم يشيعه حين تتفجر تواسي ادموع عين المرتضه حيدر

ابغيبة محمد دمعتنه تشهد

بجفن دامي إجينه

***

لون رحتوا يشيعه للنبي و كَبره تشوفها كَبلكم حاضره الزهره

عليكم واجب اتواسوها بالعبره بحال الزهره بس رب العرش أدره

و اتشاركوها بلوعة أبوها

و تعينون الحزينه

***

يا شيعة علي يا شيعه يا أطياب الليله نور أبو إبراهيم عنكم غاب

كَبلكم حضر يم الكبر داحي الباب حزين و فوك راسه ظل يهيل اتراب

بجمرة عذابه و دمعة مصابه

علي اينوح بونينه

***

كَبر سيد الأنام و شافع الأمه مو بس فاطمه مو بس علي يمه

الليله الرسل كلها اهناك ملتمه و الأملاك كلمن سارح بهمه

يا شيعه و احنه بلوعتنه صحنه

الحزن واجب علينه

***

يا شيعة علينه الحزن واجب صار سبحانه الجمع بينه الدمع و النار

يشيعه اشلون ننسه امصيبة المختار مصيبه الفجرت دمع الوصي الكرار

و احنه انجمعنه الجمره و دمعنه

و تدور المحنه بينه

***

يا شيعه الصخر من هالمصيبه ايذوب ونين و نوح من كل جانب و كل صوب

دمعنه بدمع جفن المرتضه مصحوب كَلبنه مثل *** أم الحسن منشوب

و نار النوايح بين الجوانح

لون متنه ارتضينه

***

فاطمة الفردوس
08-12-2006, 08:11 PM
كَبل ما يلفك وصيك حيدر بثوب الجفن هاجت من امتك عله أهلك يبو إبراهيم الفتن (4أبيات)

**

كما تضعن و نورك عنها يالهادي انخفه وافتك أمتك لاجن ريتك اتشوف الوفه

كل فرد منهم عله أهلك جذب بالشر مرهفه و كَاموا يطلبون بيهم منك اديون المضن

**

كوم شوف اشجره اعليه من الطواغيت أمتك و عاين بعينك فعلها اشلون بالشر وافتك

خذوا ميراثي يبويه و مني غصبوا نحلتك و عيني بجوها يبويه و بجوا احسين و حسن

**

ريت عينك تصد ليهم لمن الداري لفوا وقفوا اعله الباب كلهم و الحطبهم جمعوا

بالحبل قادوا وصيك و اعله جتله اتحاشموا عقب ما قطعوا جنيني و الضلوع اتهشمن

**

و آنه أصيحن يهلوادم خلوا عن حامي الحمه لا أفرع و أشتكي كل الصار الباري السمه

ليه رد العبد بالصوت و متني ولمه كوم شوف امتون بتك بالسياط اتوسمن

فاطمة الفردوس
08-12-2006, 08:12 PM
كلما تمر بينه اهموم مصدرها من هذا اليوم

و اتوضحن هاي المحن

مصدرها من هذا اليوم (8أبيات)

****

صحف مكتوبه بالآهات عليها تشهد الأمه محن و امصايب و نكبات و أزمه من بعد أزمه

مصادرها و بدايتها من غيبة نبي الرحمه منها و تستمر ظلت هوان و فاجعه و نقمه

جم ظالم و جم مظلوم مثل النهر تجري ادموم

و الدم رخص كل الغصص

مصدرها من هذا اليوم

**

إذا سائل سأل مني عليمن تسجب العبره أقله اعله الضلع أبجي و أنوح الفاجعة كسره

إذا ناشدني منهو اللي هضم بنت النبي الزهره أقله غيبة المختار هي بالوضع أدره

إنشدضلعها المهشوم و يخبرك بالمفهوم

كسر الضلع موج الدمع

**

إذا رايد بعد يسأل عليمن منهضم محتار أقله قطعت قلبي و دهتني طبرة الكرار

الطبره الصوبت حيدر و تركت جم جرح جم نار إذا رايد سبب عنها إنشد غيبة المختار

هذا المصاب المحتوم بعين الإله القيوم

غاب الولي طبرة الولي

**

و بعد يالسائل أروي لك ثالث فاجعه و امصاب قبل ما تسأل آنه أنطيك من سيل الدموع اجواب

لونك عالحسن تسأل تقلي اشلون جبده ذاب الحسن مسموم نعتبره و من جده محمد غاب

و احنه الحزن بينه ايدوم نجري الدمع عالمسموم

جبد الحسن نار الفتن

**

لون حاضر رسول الله بالطف شنهو تتوقع يقدر ينظر أولاده و كلمن طايح بمصرع

و هم يقدر يشوف احسين جسد بالمعركه الموزع و هم يقدر يشوف ايزيد اعله عرش الحكم يتربع

اعليمن نبث هذا اللوم و الحاكم أصبح محكوم

هذ الألم حرق الخيم

**

عجيبه احسين يتوسد و جسمه يسكن التربان عله منبر رسول الله و يصعد هالرجس مروان

و الاعجب بعد من هاي مصيبه اتحير الأذهان الوليد أصبح أمير و صار بيده ايمزق القرآن

و دين الله أصبح مهضوم بحكم الوليد المشؤوم

كل هالظلم نار الهضم

**

مصايب تستمر ظلت بعد للشرح ما يحتاج و الوليد و مزق المصحف اشيظل بالدين يا منهاج

الامه احتارت بمروان و يزيد و شمر و الحجاج و يظل دم الغريب احسين يصب و امخضب الأوداج

لا تعتب اعله المالوم لو فارقت عينه النوم

ادموع الجفن جمر الحزن

**

بجفن دم و دمع يجري ننوح الفقد هادينه جمر كسر الضلع لليوم ناره تستعر بينه

غصص طبرة علي ظلت تصبحنه و تمسينه عله افراق الحسن زادت مصايبنه و مآسينه

و بكربله نار القوم خلتنه باللوعه انحوم

سبي الأهل و اللي حصل

*****

فاطمة الفردوس
08-12-2006, 08:13 PM
من بعد الهادي المختار و انبين كل الأسرار

خل نكشفها خل نعرفها

و انبين كل الأسرار (7 أبيات)

**

هاي الأسرار الواجب انوضحها كل النوايه الحاقده نفضحها

و التتبع نهج الغلط نصلحها تبتعد عن هذا الدرب ننصحها

خل تترك درب الأخطار باجر لا توقع بالنار

خل نهديها و انجيها

و انبين كل الأسرار

**

الوادم البست أقنعه معروفه بالدجل للأمه أصبحت مكشوفه

صبح و مسه جانت الهادي اتشوفه و جان الوحي ما تمر ساعه ايعوفه

وجهه الصادق ليل انهار ايشوفونه ايشع الأنوار

مبعوث إلهم و شبدلهم

**

تتحمل الأمه جميع الأسباب و يوم الحشر يترتب اعليها احساب

بضعة الهادي الزهره من غير احجاب و بيا ذنب من دفعوا اعليها الباب

الأيد الدفعت باب الدار لو مقطوعه بحد بتار

صارت عبره ظلت ذكره

**

لو ما ضلع بت الرسول و كسره ما جان ابو اليمه تهشم صدره

و لو ما يطيح المحسن اعله الغبره عبد الله ما جان السهم حز نحره

ما ضرب أم الأطهار ما ضربوا زينب أشرار

لا سلبوها و لا يسبوها

**

لو قلنه ظلموا فاطمه و ظلمونه ضجه تصير و نقد لو سمعونه

هالظلم لو ما جانوا ايشنونه ما ذبحوا العتره و لا ذبحونه

من غصبوا حق حامي الجار ظلت لليوم الآثار

و اتغربنه و اتعذبنه

**

و الشاهدت يوم الغدير و حضرت سمعت الآيه ابحق علي اللي نزلت

و الهادي وصاها ابغيابه و سمعت هو الوصي ضد علي اشلون اتحدت

عالأمه الوالي الكرار بالنص امنصبه الجبار

و بتعيينه تمم دينه

**

جتفت داره حرب شنت ضده و خلت إبن ملجم عليه يتعده

ما جن قبل لمن تطيح ابشده بيه تنتخي و الخطر عنها ايرده

بالحرب هو المغوار يشهد ابحقه الفقار

سيفه امجرب وازن مرحب

**

فاطمة الفردوس
08-12-2006, 08:14 PM
صوت الحق اينادينه كل مسلم يحفظ دينه

دينك تدري اشوصاك إعمل خير ابدنياك

**

إنته مسلم و دينك يريدك و تحمل معرفه و تفكير واسع

فكر شوف يا مكسب يفيدك حته الأمتك تضمن منافع

لا تهدم مجد بانيه بيدك إحرز بلعلم اعله المواقع

ابهذا الكون و تطويره كل إنسان و تفكيره

فكر و إبذل مسعاك

**

هذا الدين دين النبي المختار حقوق الناس دستوره ضمنها

هادينه ترك بالعلم آثار و هالآثار لا تبتعد عنها

علوم و معرفه و تضحيه و إيثار و هاي الأربعه شعرفت منها

راسم لك منهج واضح يالمسلم إمضي و كافح

صوت المرسل ناداك

**

مسلم إنته لا تتصور الدين يريدك بس تظل تسجد و تركع

العباده اتريد منك هالمظامين تريدك تعمل و تزرع و تصنع

و هذا الدين واضع لك قوانين بالك عن حدود الدين تطلع

إلزم دينك و اتمسك لا تترك هذا المسلك

دينك عالحق دلاك

**

لمن تعمل و تمضي و تكافح بكل تقدير هالوادم ينظروك

و بالك تخضع الأهل المصالح من توقع ابشده ما ينفعوك

يالمسلم إخذ مني النصايح و هذا و ذاك بالك لا يشغلوك

و ذاك ايريد تتأخر و هذا ايريدك تتغير

إبعد عن هذا و ذاك

**

المسلم من سلامة قلبه ينقاس و الإسلام يرفض كل مشاغب

ابوحدة عمل خل نتحد يا ناس ليش انصير أحزاب و مذاهب

و المؤمن الحر الوفي الحساس و ياخذ من فعل غيره تجارب

و كل إنسان ابتربيته تقدر تكشف نوعيته

و من تصفه الدنيه اوياك

**

هادينه بذل روحه و حياته و للوادم ترك آثار علمه

و خل نتمسك ابمنهج صفاته و نتبع سيرته و أدوار حكمه

و انقدم تعازينه ابوفاته و بعده إنشاهد اشعملت الأمه

الهاي الأمه اشوصاها ليش اتخالف مسراها

بالك تترك مسراك

**

من بعد النبي انحرفت الوادم و ظلت هالمواقف مستمره

عافوا عترته و تبعوا الظلام و بسيف الغذر ذبحوا العتره

و دسوا للحسن سم الأراقم و بكربله احسين اقطعوا نحره

جسمه امجفن برماله و داست صدره الخياله

و احسين اشصاح اهناك

فاطمة الفردوس
08-12-2006, 08:15 PM
عزتنه عزتنه بالكرار عزتنه

هالأمه يهاديها و ما ظل كل أمل بيها

عزتنه عزتنه بالكرار عزتنه

***

ضمير العالم اينادي وينك يا نبي الرحمه

إخلافك يا رسول الله و عالذل نامت الأمه

و عافت حيدر و راحت ويَ الظالم و حكمه

و الما يعرف التوحيد هالأوضاع شتهمه

و هالحال

لو طال

و يغتال

أجيال

أمتنه أمتنه بالأحزان أمتنه

و عقبك من ينجيها ما ظل كل أمل بيها

*

أعرض لك صور أحزان عن نعشك و تشيعه

و كلها عافت و راحت تمد للظالم البيعه

و خانت حيدر و تركت هالمبدأ و تشريعه

و ضاعت عقبك الوادم لجن ضيعه من ضيعه

منلوم

هالقوم

و اليوم

مذموم

سيرتنه سيرتنه تبقه اوياك سيرتنه

و الناس اشيصحيها ما ظل كل أمل بيها

*

يا الهادي و بعد أشرح ابدمعي حالة العتره

جار الظالم اعليها و انته اعلم و أدره

عالباب اهجموا لجن و كسروا ضلع للزهره

و ظلت تنحب و تصرخ هذا الكسر شيجبره

و محتار

وشصار

هالنار

عالدار

لوعتنه لوعتنه عالزهراء لوعتنه

بغيابك يواليها ما ظل كل أمل بيها

*

أبعث لك كتاب اهموم ابدمعي أكتب احروفه

و عقبك يا رسول الله ريت الحيدر اتشوفه

ساجد و انفضخ راسه و طاح ابمسجد الكوفه

و حالة حزن حالة ضيم بالعبرات موصوفه

مطروح

و اجروح

هالروح

متروح

دمعتنه دمعته و دم اتسيل دمعتنه

و مهجتنه اشيداويها ما ظل كل أمل بيها

*

أرفع إلك صرخة نوح و قلبي اعله الحزن بعده

و عن الحسن أروي لك هذا الخبر يا جده

وافاه الأجل مسموم و السم ابغدر جعده

و هذا الحسن من عقبك بالسم قطعوا جبده

مهموم

مهضوم

مسموم

مالوم

صابتنه صابتنه هالآم صابتنه

هاي الأمه تدريها ما ظل كل أمل بيها

*

و الأعظم و أشد و أصعب و الأصعب و اعظم

بالطف شبلك المظلوم جسمه الطاهر اتخذم

تجفن من ثره المصرع تغسل من نجيع الدم

و هاي الحاله ما تخفاك و تدري ابحالته و تعلم

مصيوب

مخضوب

و مسلوب

مغصوب

جمرتنه جمرتنه بالدلال جمرتنه

هالجمره اشيطفيها ما ظل كل أمل بيها

*

ذبيح اشيحسب اجروحه صريع اشيحسب الآمه

عقب ما وذروا جسمه و بالطف سلبوا أيتامه

و نار التستعر عالباب و بيها حرقوا اخيامه

و للباري اقتضت حكمه و بالطف شاءت أحكامه

ايتاماك

تنعاك

تنخاك

من اعداك

صيحتنه صيحتنه ويَ الأيتام صيحتنه

حرمكم من يباريها ما ظل كل أمل بيها

*****

فاطمة الفردوس
08-12-2006, 08:16 PM
حفر عيني الدمع و اجرى ادمومها اتصوبت و الناس ليش اتلومها

**

سال دمع العين من صب الدمع و مهتضم عايش زماني و منفجع

من شفت آل الرسول ابيا وضع ابعام ويَ الأمه أصبح يومها

*

من بعد ما راح هادينه الأمين الناس عافت عترته و حرفت الدين

الغدر و التحريف من اشجم لعين ابسيف و ابسم الأصول ايرومها

*

صار فقد الهادي للأمه امتحان عن هدى الإسلام غيرها الزمان

راح كل واحد إله ايشيد مكان و الوصيه غيروا مفهومها

*

عقب جمع الشمل لنها امقسمه و بدت غدرتها ابظليمة فاطمه

و ابغدرها انغصب حق حامي الحمه و سيد الأمه صبح مظلومها

*

عيني جنها شاهدت عصرت الباب و حيدر ابمحرابه بالصارم انصاب

اعليه روح القدس صوبت بالمصاب و رغدت اعيون الأعادي ابنومها

*

كل هلوضاع الحسن بيها يمر عاشت اوياه المحن طول العمر

تالي لن ابسم أميه ينغدر و ما رعت عهده اميه و قومها

*

و أبو اليمه عل المحن كلها صبر اتسمه بيها ابإسم مظلوم الدهر

ابكربله اشعملت بني حرب و صخر ابجتل لحسين انكشف مكتومها

*

احسين شاف الأمه من صاعد يزيد اشتره دينه و عزته ابدم الوريد

دم أبي الضيم ساد اعله الصعيد و بقت أنصاره صريعه اجسومها

*

هالمحن كابدها زين العابدين اميسر أخذوه من عقب جتل لحسين

بقه ايعاني ابصبره جور الظالمين و حمل كل ذيج الغصص و اهمومها

*

و محنة الباقر ورث منها المحن ما رغد له العيش يوم امن الزمن

مات مسموم و مثل عمه الحسن و خذمت جبدته ماضي اسمومها

*

صادق أهل البيت شاف أدهى و أمر من محن جده و أبوه اللي صبر

من بني العباس ساعدها الدهر غيبة من سمه الدوم انجومها

*****

فاطمة الفردوس
08-12-2006, 08:19 PM
بسم الله الرحمن الرحيم...
السلام عليكم ورحمة الله وبركاته...
وفاة امير المؤمنين علي عليه الصلاة والسلام...
في شهر الغفران ...يا حيدر يا حيدر يا حيدر
أبكيت القرآن ...يا حيدر يا حيدر يا حيدر
فمن يدري ... بما يجري
أبكيت القرآن
----
مثل دمك .متفايض دموع الحجر .والعالم ينوح
فضخ رأسك .دمك تفايض وانسفك .من جبهة اللوح
إلك مضجع .ما بين آدم يا علي .وبين النبي نوح
فتح كبرك .من مثل الكبر من شيعتك .متفحته جروح
ذا عرش الرحمان ...يا حيدر يا حيدر يا حيدر
يدعوا بالأشجان ...يا حيدر يا حيدر يا حيدر
قضى أمري ... بما يجري
---
القلب يصبر. لا وإلذي بيدك جعل. دوران الأفلاك
صبر نافذ .حتى كتاب الله بكه. وآياته تنعاك
بحور العز. جفت روافدها وغدت .تبكي إعلى فركاك
عقب موتك . هالدنيا مات يا علي .ودفنوها وياك
في قلب الأكوان ...يا حيدر يا حيدر يا حيدر
جمر كالأبركان ...يا حيدر يا حيدر يا حيدر
لضى الجمري ... بما يجري
---
مثل يومك .بالدنيا صار وجره .يا سر الوجود
صعب فقدك. يا باب علم المصطفى .وخيرت المعبود
على مصابك .ناحت ينابيع الكرم .واتيتم الجود
هتف هاتف . فقد يا ابن عم النبي .وحي الله مفقود
في بيت الديان ...يا حيدر يا حيدر يا حيدر
أحزنت الأركان ...يا حيدر يا حيدر يا حيدر
لدى القدري ... بما يجري
---
لطف ربك .يرعاك يا سيف الوحي .يا سور الأحكام
يضل جاري .هيهات هالمدمع يجف .ياريف الأيتام
نعى الناعي .جبريئل يهتف بالسمه.وينك يا ضرغام
انهضم دينك .وانهدمت اركان الهدى .واهتز الأسلام
اركان الأيمان ...يا حيدر يا حيدر يا حيدر
هدت بالأحزان ...يا حيدر يا حيدر يا حيدر
من العسري... بما يجري
---
كلف امرك يا ابا الحسن ويخاطبك صوت الموالين
الف وسفه يتناولك شف الأجل ويحيطك البين
لو شنا يمك نغسل جثتك من دمعة العين
ونواضرنا يصيرنه جفن ويغسلنك يا ابو حسين

في جوف الكثبان ...يا حيدر يا حيدر يا حيدر
خذ عيني أكفان ...يا حيدر يا حيدر يا حيدر.
لدى القبري ... بما يجري
---
عقب دفنك جن وانس ناحت الك يا حامي الجار
دمع دامي صاح ربيبات الحزن وينك يا كرار
يا ابو العتره خلفت احدش من صلبك أطهار
على المهدي ظلت هو الي يلاخذ لك الثار
ثار في الوجدان ...يا حيدر يا حيدر يا حيدر
يجري في الأزمان ...يا حيدر يا حيدر يا حيدر
الى الحشري ... بما يجري

فاطمة الفردوس
08-12-2006, 08:19 PM
حيدر شــرف للأجـــــــيال مــــا تــــــــنكر آثـــــاره

حــيدر صــــبح للمخــــتار من معجزات اســــراره

* * *

هيــــبة عــلي داحي الباب للدين صارت مصــــــدر

نحيا ونـــموت احنه اوياه ونصيح حيدر حـــــــيدر

بامر الــــوحي حيدر صار للشرف للعــــز مــــظهر

اشما عــددت مــــن أخبار ما توصــل لأخــــــــباره

* * *

لو ما عــــلي حامي الجار ما ينعــــرف بــــاريـــنه

لو ما عـــــلي، رب الكون ما ظهر منــــهج ديــــنه

حيدر ســــند بــــالغـزوات صدق نــــهج هــــاديــنه

مـوت وغـضب عــــالكفار يسعـــر جــــمر بتــــاره

اسأل بــــدر والاحـــــزاب اســــأل أحــــد والخندق

اســأل حنــــين وصفــــين بيمن الديــــن اتــــصدق

منــــــهو القلع بيده الباب والأمل بــــيه اتحقــــــق

ومنـهو اليرجف الشجعان من هيـــبته القـــــــهاره

* * *

بيــــمن ثــــبت هـذا الدين منهو الوضــع أركــــانه

المن شـــهد جــــــــبرائيل والباري عــــظم شـــانه

منهو الـــذي للمعــــــــبود ثبت ســــــــور قرآنــــه

منهو الشفــــيع لـها لناس يوم التــــضل محـــتاره

* * *

يوم القــيامة يــــا صــــاح للمحـــــشر ايقدمــــونه

بالموقـــف ايصير احساب هاك استــــمع مضمونه

أول ســــؤال ايســـــــألون عـــن حــــيدر ايسألونه

عالجنه واگـف رضــــوان ومالــــك يهــــيأ نــــاره

* * *

لو ناشـــدونه شنــــــگول هــــاك استــمع صيحتنه

شيعة عـــلي محســــوبين حــيدر فــــخر عــــزتنه

رغــــم الخصم للفـردوس نمـــضي ونطـــب جنتنه

يوم الحشر حامـــي الجار حاشه يعـوف انصــــاره

* * *

حب الــوصي بالشــــريان مــــتوزع اويـــه ادمانه

ما ننــــسه حـــيدر للموت حاشاه لـــــــو ينــــسانه

انعيش ابنعــــيم المعـــبود ونتــــمتع ابــــرضــوانه

ننحشر رغــــم العــــدوان ويـه اليحــــامي جــــاره

* * *

طبقــــنه ســــنة هالــــدين وأصبحنه بالحگ شيعه

ويه الوصي اكتبنه اعهود وفيــــــــنه عــهد البيعه

والمخـــلص لعهده ايصير بالدم حـــبر توقــــــــيعه

بصفحة ضما يرنه تشوف نهــــج الوصي وافكاره

* * *

شــــمس العلم حيدر صار ابــــنور الــــفكر نـورنه

ابدافع عــــقيده وارشــــاد ابدرب العــدل ســــيرنه

انطانه العــــلم والتــــفكير ومن الجــــهل حـــررنه

بكل خطوه من عـدنه يريد نمضي ونعـــــيد أدواره

* * *

(طهران 1987 م)

فاطمة الفردوس
08-12-2006, 08:21 PM
نفس اللوعه

نفس اللوعه ونفس المصدر دم الطبره و دم المنحر

نار الخيمه و باب التسعر نفس المصدر

***

يا حيدر طبرتك دمها بجبين اللوح وليوم الحشر يبقى الاثر ما يروح

ابهاي الطبره تدري تصوبت كم روح وتركت بينا طبرات وطعن وجروح

بالطف ذبحوا سبط الهادي صوت الهاتف ضل ينادي

نحر حسين وطبرت حيدر نفس المصدر

***

سيف الي طبر راسك يا بو السبطين نفس السيف بالطف حز وريد حسين

جرح واحد براسك و شتشوف العين بالطف لا جرح واحد ولا جرحين

صرخه وظهرت من محرابك بالطف شهروا سيف الي صابك

واليتصوب واليتوذر نفس المصدر

***

هاي الحاله معروفه يا داحي الباب دم راسك لون ما يجري بالمحراب

ما كان بسهم كبد الحسين انصاب ولا دم بالوريد لوجها صار خضاب

اذكر نعشه من يتشيع نفس الليله حفروا مضجع

لوعة شبلك ما تتغير نفس المصدر

***

انطبر راسك وذبحوا ضنوتك عطشان فرق بينك وبينه بمحضر الدفان

نعشك شيعوه ودفنوا الجثمان ثلاث ايام ضل شبلك على التربان

شبلك طايح ماحد شاله ضل موسد فوق رماله

واليتوسد واليتعفر نفس المصدر

***

شفت بالطف مسيل الدم يا حامي الجار اذكرت دم طبرتك والي جرى عليك وصار

ولمن شفت نار الخيم يا كرار ذكرت الباب باب ام الحسن والنار

نار الحرقت باب الزهره بقلبي وقلبك تركت حسره

ويا الخيمه الي تتوجر نفس المصدر

***

سيف الي صابك وارداك يا ضرغام صوب يابو الحمله هامت الاسلام

اصوابك ترك بالعتره اشكثر الام عطش وحروح تتنازف وحرق خيام

كل مصايب هاي العتره ضلع الزهره ودم الطبره

مصايب عدكم مهما تكثر نفس المصدر

***

هاي الدنيا سجدت يا علي يمك تنوح لفرقتك ومخضبه بدمك

هضم دنيانا قطره من بحر هضمك وكل همها عشر معشار من همك

تنوح الدنيا تبكي ليومك تسعر بيها نار همومك

همنا وهمها شما يتكرر نفس المصدر

***

فاطمة الفردوس
08-12-2006, 08:23 PM
قال جبريل...
تهدمت والله أركان الهـــــــدى

* * *

هايم جبريــــــــل بأحزانــــــــه وارتفعت صرخه من لسانــــــه

اتهدم ديـــــن الله وبنــــــــيانه والمبدأ طاحــــــت أركانــــــــــه

ورجت الأفـــــلاك من هذا الندا

تهدمت والله أركان الهـــــــدى

* * *

حيدر مصيوب بمحرابـــــــــــه واتخضب من دم اصوابــــــــــه

بسيف الفتنه الظالم صابـــــــه والكون اتغــــــــير لمصابـــــــه

أين دفنت اليوم يا بحر النــدى

تهدمت والله أركان الهـــــــدى

* * *

هالأمه ازدادت لــــوعــــــــتها فگدت هيبتها وعزتـــــــــــــــها

تجري وما تنــــــــشف عبرتها تصرخ هاك اسمع صرختـــــها

أين ولي الله أيــــــــن المقتدى

تهدمت والله أركان الهـــــــدى

* * *

حيدر ذبلت زهــــــــرة عـــمره يجري ويســفح دم الطــــــــبره

لمصابه اشما نجري العـــــبره ما نگدر نخــــمد هالجــــــــمره

وعمرنا والله قد ضاع ســــدى

تهدمت والله أركان الهـــــــدى

* * *

يالصابر صبرك مـــــا ينــــــفع ما لومك حگك لـــو تجــــــــزع

إجذب ونه وســــيل المدمـــــع ولكن الدين اليــوم اتصــــــــدع

قد قُتِلَ الكرار في كيد العــــدى

تهدمت والله أركان الهـــــــدى

* * *

أصوات وظـــــــلت تتعــــــــاله العالم هالليله بــــــيا حــــــــاله

يصرخ بدموعـــــــه الهمــــاله وايعزي المخــــــــتاروآلـــــــــه

يا أيها المختار قد جاء الصدى

تهدمت والله أركان الهـــــــدى تهدمت والله أركان الهـــــــدى

* * *

بسيفه انخمدت نار الفتــــــــنه ابفگده التهبت نار المحـــــــــنه

عگبه ابذله وجور أصبحـــــنه ومن شدة هالموقف صحـــــــنه

غاب هلال الدين في برج الردى

تهدمت والله أركان الهـــــــدى

* * *

(لندن ـ1992م)

فاطمة الفردوس
08-12-2006, 08:24 PM
ماذا جرى


(موشح)

عيـــوني تـجري وما تجف دمـوعها نبـــــع مــــن طبرة عـــــلي ينبوعها

* * *

عيــــوني تـجري وانفگد منها النظر واســــمعت ون الحمام اعلى الشجر

ونّــــت بألحان وانــــغام الـــــوتـــــــر وبـــــالنحب گــــامت تـــفسّر روعها

* * *

ترگص اعلى الغصن والمدمع يسح مثــــل رگــــص الطـــــير لمّـن ينذبح

وآنــــه يـــم الشــــــجر گلبي مـنجرح وروحــــي آلام الــــزمان تـــــلوعها

* * *

واگــــعدت متـــــنومس ابفي الغصن استــــــمع ونّ الحـــــمامه مـــن تون

عاشـــگ الـــــنوح ويسليني الحـزن ودارس الــــونّه ونـــــغمها ونوعها

* * *

اسمعت ونها وناشدت عن الاسبـاب جــاوبت ما صـــاب گلبك هالمصاب

گــــلب مـــا ادري وردت منچ جواب گــــالت انــــشد هــالبشر وجموعها

* * *

مـــن عــــفتها صـــــادفِت ام الفصيل ناشــــدِتها ليـــــا ســـبب دمعچ يسيل

گــــالت اللّيــــله انـفگد حامي الدخيل والجـــــواب عـــرفته مــــن فزوعها

* * *

روحـــي هــامت ناحره جناح الظلام بالمصـــــيبه الـــــليله مــاخذها الهيام

مهرعـــه وتـــــنشد على حال الإمـام لمسجـــــد الكــوفه اعتنت بهروعها

* * *

گــــبل لا اوصـــــل وعيني اتهل دمه اسمـــعت جـــــبرائيل يهـــتف بالسمه

طــــاح بـــــالمحراب حمـــــاي الحمه والعقــــيده انــــصرعت ابـصروعها

* * *

ابـــطحيته اتـــــهدمت اركــان الشرع ومنهـــج الديـــن ابمــــــصابه منفجع

والعـــــقيده امــــست اتــــهل الــــدمع عـــــالاصول الثـــــابته وفــــــروعها

* * *

والصــــلاة تــنحب على داحي البـاب ونـــــزلت الامــــلاك تعلن بالمصاب

بهـــــالمصيبه انـــفجعت آيات الكتـاب واحنت عليّـــــه النـــــبوه ظــــلوعها

* * *

مبـــــدأ الاســـــــلام يعــــــلن بــالثبور وانـــــخمد نــور الزهه بجانب الطور

دمـــــعة الــــــتورات سالت عالزبور والكــــــنايس خــل تـــطفّي شموعها

* * *

راح ســـــر اليــــــعلم ابـــــكل الاديان ولبســــت الكعبه عليه ثوب الاحزان

زمـــزم دمـــــوعه تــــسيل بلا هوان والحـــجر الاســـود صبح مفجوعها

* * *

عــــالارض عيــن السمه نثّت دموم والفــــــلك مفــــجوع وايعزّي النجوم

والگــــمر بغـــياب أبــو الحمله يحوم والشمس غـــــابت ابـــبرج طلوعها

* * *

محــــنة اليـــوم اشـــد من كل المحن هالارض أشــــرف جسم بـيها اندفن

خـــل يگــوم حسين وايعزي الحسن والاعادي خــــل تـــــذب دروعـــــها

* * *

غـــاب عـــنها الچان يسگيها المماة رفـــرف اعلى الكــوفه جنح النايبات

عگــب حامي الجار ما تسوه الحياة خلها تبــــدي للـــفناء خـــــــضوعها

* * *

مظـــــلمة الــدنيه عگب حامي الجار الثار يــــهل الـــــثار مـــن ياخذ الثار

بــــعد مــــا نــــعرف الـليل من النهار وجـــفّت ريــــــاض العمر وربوعها

* * *

طهران / 1983 م

فاطمة الفردوس
08-12-2006, 08:26 PM
مولاي علي


مولاي علي مولاي علي

سلم لمــــــــــــــن سالمك حرب لـــــــمن حاربـــــــك

مولاي علي مولاي

* * *

يا علي كل الحقايق من علم ذاتك انكشــــــــفت()

انت سورة عمه وانت البيك هالوادم اختلــــــــــفت

عالنبأ هالناس تنشد منها جهلت منها عـــــــــرفت

للمجد فضلك حــــــــــارزه لعهد النبوه ناجــــــــــــزه

التلتزم نهجك فايـــــــــــزه وخسرت العنك انحــــرفت

هذا مقولي هذا مقولي

صاح وقــــــــــد خاطــــبك حرب لـــــــمن حاربـــــــك

مولاي علي مولاي

* * *

يا علي القرآن واضح نهجه للرايد يطالــــــــع ()

سورة المائده تشهد للنواظر والمسامــــــــــــــــــع

امنحت بالخاتم زكاتك للفقير وانت راكـــــــــــــــــع

والباري نزلــــــت آيـــــته بمعناك يا سر هــــــــل أته

هاي الحقايق ثابـــــــــــته واليشكك خل يــــــــــراجع

أصبحت ولي أصبحت ولي

طوبى لمن شايعــــــــــــك حرب لـــــــمن حاربـــــــك

مولاي علي مولاي

* * *

يا علي كونك ربك نور من ذاتك وجمــــــــــــــــاله

سورة الرحمن گالت انت قرآن الجلالـــــــــــــه()

علمك حفظ البيان وشرعت نهـــــــج العدالــــــــــه

بهالوصف معناك انوصف صوت الوحي بسمك هتف

لو ما وجودك ما انعـــرف لا رســــــــول ولا رسالــه

الحق جلي الحق جلي

خصم لمن خاصـــــــــــمك حرب لـــــــمن حاربـــــــك

مولاي علي مولاي

* * *

يا علي انت الكتاب الناطق الواضح بيــــــــــــــــانه

سورة الجاثية تشهد صرت للحگ ترجمانـــــه()

نسخة الاعمال بيدك وانت للخالق لسانــــــــــــــــه

والخالق ابحبك امــــــــــر يا نسخة اعمال البــــــــشر

ابصارمك دين الله اعتــمر وارتفع صرح الديــــــــانه

نار تصطلي نار تصطلي

تورى لمن أغضـــــــــــبك حرب لـــــــمن حاربـــــــك

مولاي علي مولاي

* * *

يا علي تصريح قدسي ابفضلك القرآن ناطــــــــــق

هاذي سورة مريم اضحت درس للراد الحقايق()

اتگول اوهبنه وجعلنه لسان بالايمان صـــــــــادق

بالصرت للعالم عـــــــــــلم تكشف حقايق للأمـــــــــم

ابحكم المواعظ والقـــــــيم تنطق وبالعدل واثـــــــــق

ريب ينجلي ريب ينجلي

صدَّقت من صدَّقـــــــــــــك حرب لـــــــمن حاربـــــــك

مولاي علي مولاي

* * *

يا علي ويوم القيامه ينكشف ستر الضــــــــــــماير

الباري عالباطن يحاسب ما يحاسب عالضـــــواهر

الباري عن حبك يحيدر يكشف أوراق الســـــــراير

ابعلمك وعلم المصطـــــفه يوم الفصل سره اكتفه()

والفصل ميقاته اختـــــــفه وغاب عن كل البصــــــاير

عين المجتلي عين المجتلي

ترنو لــــــــمن أحـــــــــبك حرب لـــــــمن حاربـــــــك

مولاي علي مولاي

* * *

(لندن ـ1992م)

فاطمة الفردوس
08-12-2006, 08:26 PM
نداء الكون


العالم والدنيا هتفا آهٍ لرحيلك وا أسفا

ظلمــــــوك يا فاتح خيبر

قتلــــــــوك حيدر حــيدر

* * *

يا نور الباري وبرهانـــــــه ويا سيف الهادي وايمانـــه

سبحان الأظهر قدسيــــــتك سبحان الخالق سبحانـــــــه

ابتأييدك دين الله اتأيـــــــــد يا نهج الدين وقرآنــــــــــه

سيف الصابك صاب المبــدأ والدين انهدمت أركانــــــــه

لولاك الخالق ما عـــــــــرفا والكون بحبك قد شغـــــــفا

ظلمــــــوك يا فاتح خيبر

قتلــــــــوك حيدر حــيدر

* * *

هالعالم واساك ابهـــــــــمك والكون اتخضب من دمــــك

صابوك وما صابوا مجـــدك دفنوك وما دفنوا علــــــمك

كل ظنهم نورك يتغــــــــيب وضاح وما يأفل نجــــــــمك

وبرغم الظالم واعـــــــوانه بالتاريخ انخلد اســــــــــمك

أرداك الظالمو اعــــــــتسفا وبقتلك وضحت الهدفــــــــا

ظلمــــــوك يا فاتح خيبر

قتلــــــــوك حيدر حــيدر

* * *

يا حيدر خصمك ما هابــــك سل سيف الطغيان وصابــك

واتعفر شيبك من دمــــــــك واصبح دم الطبره اخضابك

أركان الاسلام انهدمــــــــت واهتز العالم لمصابـــــــــك

غابت شمس الانسانــــــــيه من بعدك مظلم محــــــرابك

الدمع لفقدك قـــــــد ذرفــــا ومدار الأكوان اختلــــــــــفا

ظلمــــــوك يا فاتح خيبر

قتلــــــــوك حيدر حــيدر

* * *

تتحمل يا لوعه بصـــــــبرك عايش مظلوم بكل عمرك

بگبرك مدفون وعـــــدوانك تتحداهم وانــــــــت ابگبرك

سرك سر الاسم الاعــــــظم يالما واحد يــــــــدرك سرك

جسمك مات وفكرك عـايش محد يگدر يــــــــدفن فكرك

بسواك ضميري ما اعــترفا والجرح لغـــــــيرك ما نزفا

ظلمــــــوك يا فاتح خيبر

قتلــــــــوك حيدر حــيدر

* * *

من گبرك تتحده الظالـــــــم تهتف ما أخضع ما سالـــــم

واحنه بهاي الفكره امشينه نرفض كل جاحد كل واهـــم

منبايع غــــــيرك ياحــــيدر انت القائد انت الحاكـــــــــم

يا قانون الـــــــذات الحـــره انت النور التهدي الــــوادم

الدَّهر على قتـــــلك زحــــفا وعليك بأحقاد عصــــــــــفا

ظلمــــــوك يا فاتح خيبر

قتلــــــــوك حيدر حــيدر

* * *

صرخات مصابك مرفوعـــه تشرحلك أبعاد اللوعــــــــه

نار افراگك تطفه وتسعـــــر بگلوب الناس المفجوعـــه

ما ظل مبعوث ولا مرســــل ما سالت هاليوم ادموعــــه

كل الاملاك بهالليـــــــــــــله أمست يم گبرك مجموعـــه

الحزن تقرب وازدلــــــــــفا وأقام بقلبي واعتكـــــــــــفا

ظلمــــــوك يا فاتح خيبر

قتلــــــــوك حيدر حــيدر

* * *

(دمشق ـ1990م)


قم المقدسة

فاطمة الفردوس
08-12-2006, 08:27 PM
نفذ صبري


خلص عمري نفذ صبري نفقد صبري خلص عمري

* * *

يا بــــــــا الحسن احسب للأجل لحظات

من حــــــــزني ذبل هرش الدليل ومات

فات الأمـــــــــل عن عــيني يحيدر فات

شيفيد العمر من يگضي بالحســــــرات

يهل دمعي اختلف وضعي ابغدر دهــــري خلص عمري

* * *

دوران الليالي ايـــــــدور بالاوهــــــــام

وبدار الغرب احســــــــب الــــيوم بعـام

گالولي الصبر لهل الصــــــبر أيــــــــام

والأيام صارت بالغــــــــرب اعــــــــوام

انهدم عزمي كثر همي الدمع يجري خلص عمري

* * *

عمري خلص بالــــهم والحزن والنوح

واليفگد حبيب الگلب ويــــــــن ايروح

هذا الگلب بالغربه يلـــــم اجــــــــروح

يمك يا علي يمك تركــــــــت الـــــروح

على جروحي غفت روحي يشب جمري خلص عمري

* * *

كلشي احسبت من عمري يداحي الباب

بس فرگتك ما چنت احسب الها حساب

بدموعي الك اكتب احروف اعـــــــتاب

عـنك مبتعد لا ذنــــــــب لا أســــــــباب

اسهرت ليلي انهدم حيلي انگطع عــــذري خلص عــمري

* * *

مصــيوب الگلب يا با الحسن مصيوب

هــــــــذا الصوت ويه النايبه مصحوب

صار المــــــــثل بينه يا عـلي مضروب

واشحال المحب لو فارگ المحــــــبوب

كثروني انگطع ظني واظن تدري خلص عمري

* * *

ويــــن أنــــطى الوجه يا بعد بيتي وين

انصابت عـــــــيني بفراگك يضي العين

روحي اتصــــوبت يا عـلي بسهم البين

حيرني الدهر بالغربه يا بــــو حســـين

ظهر عــتبي ابجمر گلبي اندهش فكري خلص عمري

* * *

اصرخ بالحزن وينك يحامي الجـــــــار

لا محبوب ظــــــــلل ولا وطــــن لا دار

بدموع الجــــــــفن مــــا تنخمد هالــنار

لحد يالحضرت الشدد يـــــــا كــــــــرار

يسليني دمــــع عـــــيني انشحن صدري خلص عمري

* * *

ناري نار هظمي هـــظم دايــــــــي داي

شوفة حضرتك صــــارت أمــــل دنياي

هالمحنه الإجث گطعت حــــــبل رجواي

طالت يا علي شنهو البــــــصر والراي

ابدمع ودي انجرح خدي انخسف بدري خلص عمري

(طهران ـ 1988م)


قم المقدسة

فاطمة الفردوس
08-12-2006, 08:28 PM
وا أبتاه


يا أبا الحسن ناديت يــــمك جـــــــــــيت زيــــنب تــــــــــراني

اجري الدمـع ظليت واحــــــــتاريــــــت آنــــــــه وزمـــــــاني

* * *

رحــــت وخــــذت ويــــاك روحــــــــــــي وحــــياتــي

ما عـــندي مــــنك غــــير بــــــــــس ذكــــــــرياتــــي

يا بــــويه گــــبلك ريــــت حــــــــانت وفــــــــــــاتـــي

صــار النـــحب والــــنوح طبـــــــعي وصــــــــفاتــــي

چم دوب اظل بالدار يــــــــــا كــــــــرار أنــــــــطر وتـــــــاني

يا سبب مــــا رديت واحــــــــتاريــــــت آنــــــــه وزمـــــــاني

* * *

لــــيل الهــــظم والضــــيم عســــعــــس ظــــلامــــــه

ما شـــفت مــــن دنــــياي غـــــــــــير المــــــــلامــــه

يابــــا الحــــسن ونـــــيت ون الــــــــيــــمامـــــــــــــه

عگبك يبـــويه اشــــــلون نصــــــــبح يــــــــتامــــــه

وبيا لسان أنــــخاك مـــن فــــرگـــــــاك يعــــــــجز لســــــاني

ومن الحزن ملـــيت واحــــــــتاريــــــت آنــــــــه وزمـــــــاني

* * *

حيرني دهــــري اويــــاك وآنــــــــــــه العــــقــــــــيله

ما ظــــل دمــــع بالعــــين لجــــــــلــــك أســــيــــــــله

والتســــتعر بــــالنــــــوح جــــــــــــمرة دلــــــــيــــله

ابفيض الدمـــع هيــــهات يــــــــبرد غــــــــلــــــــيــله

يا بويه گلــــبي الـــــــيوم يشچي اهموم والهم كفاني

بالــــــفاجعه استكفــــــيت واحتاريت آنه وزمـــــــاني

* * *

ارتــــجت يــــبويه اعـليك ديــــــــرة الكــــــــــــوفـــه

لــــو شيعــــوك اشــــلون نعـــــشك اشــــــــــــوفــــه

والــــوكت وســفه وحيف غــــير صــــــــروفــــــــــه

گالولي عــــوفي الــــنوح واشــلــــون اعــــــــوفــــه

وينك يصل الصـيف وســــفه وحـــــيف فگـــــــدك لفــــــــاني

طارش حزن وديـت واحــــــــتاريــــــت آنــــــــه وزمـــــــاني

* * *

جارت يــــبويه الــــــــيوم ســــــــود اللــــــــيالـــــــي

راح وبعـــــــد هيــــــهات يــــــــــــرجــــــــع دلالــــي

ثوب الهـــــظم والضــــيم عــــــــگبك حــــــــلالــــــي

واشلون أصــــد للــــــدار لو شفــــــــته خــــــــالــــي

غرگانه بالحســـبات وكــــــتك فــــــــات فـــــات وجــــــــزاني

وابگبرك اتواريـــت واحــــــــتاريــــــت آنــــــــه وزمـــــــاني

* * *

ســــدد عــــليه البــــــــين وارمــــــــاني بســـــــــهام

رمــــياته صــــارت فـوگ رمــــــــــيــــات الأيــــــــام

عفيه اعله روحي اشلون تـــــــتـــــــحــــــــــــمل آلام

يـا بــــويه مــــا أنــــساك عــــام وألــــف عــــــــــــام

طيفك رسم بالعــين يا بــــــــو حســـين شــــوگي وحــــــناني

ابنظرة حزن صديت واحــــــــتاريــــــت آنــــــــه وزمـــــــاني

* * *

آه اشـــــبلاها الــــــــروح آه اشــــــــبلاهـــــــــــــــــا

مسرعــــه وحادي الموت مــــــــــسرع وراهـــــــــــا

ذبــــــــها الــــدهر ومنين يحــــــــــــصل دواهــــــــــا

فوﮔ المــــــــحن والــجور فگــــــــدك لفــــــــاهــــــــا

جــور الــــدهر غــــــــدار يا كرار هـــــدم كــــــــياني

ابدرب المنيه امشيت واحـــــــــتاريــــــت آنـــــــــــه وزمـــــــاني

* * *

(لندن ـ 1993 م)

فاطمة الفردوس
08-12-2006, 08:29 PM
وداعاً يا علياً


فقدناك أمـــــــيرا وللحق نصـــــيرا

ولياً يــا وليّـــــــا وداعـــاً يا عـــليّا

* * *

بوادي المصايب يا عــــــلي صرخة حزن مرتفـــــعه

هالصرخه من جوف الگلب نسمعها ويه الدمـــــــعه

هالليله امـــلاك الســــــــمه يم النعش مجتمــــــــــعه

بالصبر والهــم والدمــــــــع نعشك تريد اتشيــــــــعه

اشنصبر بعدك، يصعب فگدك، حفروا لحدك، بالـــــدلال

سنبكيك فقــــــيدا وللدين شهـــــيدا

عهدناك تقـــــــيّا وداعـــاً يا عـــليّا

* * *

راحت اسنينك يا عـــــــــلي وانطوت صفحة عــمرك

عفت الحـــــــياة الفانـــــــيه وعين الأجل تنتظـــــرك

مجتمع جاهل عاصــــــــرك ما چان يعرف قــــــدرك

ولمن متت يــــا بالحـــــسن ابلهفه اعتنوا يم گــبرك

بقوة صبرك، واضح أمرك، جهلت قدرك، هاي النـــاس

إذا العصر جهول ترى ماذا نقـــول

سنرثيك وفــــــيّا وداعـــاً يا عـــليّا

* * *

هالناس عـــاشت بالكــــــدر واتغـــــيرت حالتــــــــها

عگب الرعايه يا عـــــــــلي محد يســـــــد خلتــــــها

بموتتك حـــــسَّت بالنــــــدم ضيعت كـــل عــــــــزتها

هيهات عــــــالامه بعــــــــد عگبك تــــــــرد هيــبتها

بمصيبتها، اتهل دمعتها، يا هيبتها، الماتنعاد

إذا تعطي نفــوسا إذا تفدي رؤوسا

فما أعطتك شـــيّا وداعـــاً يا عــليّا

* * *

رغم المتاعــــــــب والشــدد ومهــــــــما تكاثر همـك

ما چنت تهــتم لو إجــــــــت كل النوايــــــب يمــــــك

ماشي بطريقـــــــك والهدف اغلى وأعز من دمــــــك

كل غايتك يـــــا بالحــــــسن تنشر مبادئ عــــــــلمك

انت الحاكم، حكمك قايم، ضد الظالم، والغدار

فشيَّدت إبـــــــاءا وطاولت السماءا

وناصرت النبـــيّا وداعـــاً يا عـــليّا

* * *

يا بالحسن شمس العــــــدل من عدل ذاتك تظـــــــهر

لولاك ما چــان انعــــــــرف للدين هـــــذا المصــــدر

يا وسفه راســـــــك ينفضخ بسيف الغـــــدر يا حيدر

يا وسفه شيـــــــبك بالدمــه يتخضـــــب ويتعــــــــفر

نجري العبره، لجل الطبره، تسعر جمره، بوسط الروح

خسرناك حبــــيبا وللشيب خضيــبا

وللهادي وصـــيّا وداعـــاً يا عـــليّا

* * *

شيعتك احنه يـــــــا عـــــلي وضحـــــيت روحك النه

يوم القــــيامه لــــــــو ردت يا بالحـــــــسن تســـألنه

انجاوبك انــــــــواع الظـــلم من اجلــــــك اتحملـــــنه

لجلك صمدنــــه والمحـــــن ما گــــــدرت اتبدلــــــنه

اشما نتحمل، ما نتبدل، مهما تعمل، بينه اعداك

رفعناك شعـــــارا وللــــــدين منارا

عـرفناك أبـــــــيّا وداعـــاً يا عـــليّا

* * *

يابالحسن فگدك صعــــــــب خله الدمــــع يتــــــجاره

والأمه بعــــــدك والــــــــهة ومدوهنه ومحــــــــتاره

عالم التقديــــــس انفجـــــع بيك وطـــــفت أنـــــواره

كل شي اندفن يابالحــــــسن بس عــــــلمك وآثــــاره

هاي انوارك، هاي افكارك، يالآثارك، ما تنزال

سلامـــاً يوم تولد سلاماً يوم تفــقد

ومذ تبعــــث حيّا وداعـــاً يا عـــليّا

* * *

(لندن ـ1992م)

فاطمة الفردوس
08-12-2006, 08:31 PM
الشاعر السيد سعيد الذبحاوي 22/رمضان1421هـ


علي ودّع حياته و راح يخفي لوعته بصدره

يسولف راح للمختار و يشرح همه للزهرة

*********

الوادم تضرب الأمثال و تحجي عن صبر أيوب

صبر أيوب ما يوصل ذرة صبر داحي البوب

مصايب عل الوصي انصبت من عندها الجبال اتذوب

صبره حيّر الألباب بعينه شاف حرق الباب

و ضلع الزهرة من انصاب

و شاف المحسن بعينه حين الهجمت الزمرة

و عاش اهموم فوق اهموم و هضايم شافت اعيونه

ضلع مجتوف ويّة اعداه يبايعهم يريدونه

وَ هُو صاحب البيعة و احق منهم يعرفونه

بالقيح انترس قلبه و أمره فوضه الربه

تمنى ينقضي نحبه

المتقدم عليهم جَيف الشورى اتعزله و اتأخره

بعد المصطفى اتمحن و انصب جم مصاب اعليه

قله اعلى المحن تصبر بعد شنهو النبي موصيه

و قله لا تجرد السيف سيفك بالصبر جليه

وصيي أنت من بعدي وصية يا علي عندي

الزجية قطعة من جبدي

و عندك راح أودعها و لا تخليها بالحسرة

و ما ندري علي بيا حال من دفعوا عليها الباب

طبكَها الظالم اعليها و الزهرة صدرها انصاب

و كسروا جم ضلع منها و صابر ما يرد اجواب

و تنادي يا حامي الجار صدري انصاب بالمسمار

و محسن طاح يا كرار

علي ينظرها بالآهات و جفه اتقيّد بصبره

و يم قبر النبي ينحب و يناديه بقلب مجمور

يقله اودعيتك رجعت لجن و الضلع مكسور

و أنت اللي قلت أصبر و آنا بها الأمر معذور

يبو القاسم استقبلها و عن الصار اسألها

و يا لوعات تحملها

و رجعت لجن بيا حال و تخفي بالضلع جمرة

ختم عمره بأخير امصاب براسه أصبح اصوابه

و حيدر ساجد الربه انطبر و بوسط محرابه

و راح امضرج ابدمه و يشرح للنبي امصابه

بلهفة الزهرة تتنطر الجيت المرتضى حيدر

راسه شافته امطبر

**********

فاطمة الفردوس
08-12-2006, 08:32 PM
تهدمت و الله أركان الهدى
و رجت الأفلاك من هذا الندى
تهدمت و الله أركان الهدى
أين دُفنت اليوم يا بحر الندى
تهدمت و الله أركان الهدى
أين ولي الله أين المقتدى
تهدمت و الله أركان الهدى
و عمرنا و الله قد ضاع سدى
تهدمت و الله أركان الهدى
قد قُتل الكرار في كيد العدى
تهدمت و الله أركان الهدى
يا أيها المختار قد جاء الصدى
تهدمت و الله أركان الهدى
غاب هلال الدين في برج الردى
تهدمت و الله أركان الهدى

فاطمة الفردوس
08-12-2006, 08:36 PM
جمال الكون
جمال الكون بأشفافك القلب مفتون بأوصافك
سحر معناك اندفن وياك يا حيدر
***********
بدر علياك من يظهر ضوى الأكوان يظل خجلان حجاب الغيض يتستر
اوصفك بيش ما اقدر الوصف هيهات يوصف ذات بضوى الخلاق تتنور
عمد للكون يا محور وجودك صار أخو المختار و أبو الأطهار يا أطهر
بشذاك الطيب تتعطر علينا فاح حيى الأرواح بدر لولاك ما أزهر
مطالع نور من وجهك بشر بالكون ميشبهك
لحن نجواك اندفن وياك يا حيدر
***********
المفاتن بيك تتجسم سحر ينساب من الأهداب بشذى التقديس ينتسّم
يظل معناك سر مبهم جبين اللوح سناك يلوح على التكوين يتقسّم
حَدِر جف*** يتنعّم حسن مضمور خمايل نور لحن طرواك تتنعَّم
جبينك نور يتزاحم يا أبو السبطين سواد العين شبيه الليل لو عتَّم
بصدى العشاق ناديتك فرض علناس قدسيتك
جمالك ذاك اندفن وياك يا حيدر
**********
الك اشعاع ظل يمتد الك أسرار يا حامي الجار بعقول الناس ماتنحد
لوجودك دوم نتودد إذا مصباح لفانا و لاح محاسن بيك تتجدد
بهواك أرواح تتنهب معاني الشوق عليك تلوح يا روح الروح يا أوحد
اله الكون خل يشهد رفعنا الصوت على حد الموت نآمن بيك مانرتد
حلى الإيمان بوجودك بحور تفيض من جودك
كرم يمناك اندفن وياك يا حيدر
*********
يا اصل الطيب و المنبع الك أوصاف البشر ماشاف مثل معناك يالأنزع
الشمس لولاك ما تستطع و لا أفلاك جرت لولاك بهائك نور يتوزع
عجيبة شلون بالمضجع تظل مدفون يظل هالكون عليك يجود بالمدمع
عليك العين ما تهجع سهر و هموم دمعها دموم جمر فرقاك يتلفع
لهيب الروح يتوجر دمع بركان يتفجر
و أمل دنياك اندفن وياك يا حيدر

للشاعر جابر الكاظمي...

فاطمة الفردوس
08-12-2006, 08:37 PM
كلما نوقف بمحراب

كلما نوقف بمحراب نذكر نورك اللي غاب
و الأنظار تجدح نار لأجل الثار يا كرار حيدر
**********
يا حيدر شيعتك احنا نصيح بلهفة و بحسرة** مواقد بينا تتسجر الك يا والد العترة
بينا طبرتك تركت ألف طعنة و ألف طبرة** و ثارك يستعر بينا مثل ماتسعر الجمرة
احنا شيعتك ننعاك ياريت اندفنا وياك
حزن الروح دمع النوح ظل مسفوح ليل نهار حيدر
و الأنظار تجدح نار لاجل الثار يا كرار حيدر
*********
بكل محراب من نوقف نذكر لوعة مصابك**و نذكر من طحت دامي و عليك ينوح محرابك
نكابر علحزن و نصيح يا من صار الدما خضابك**منهو المسح دم راسك و منهو الضمّد صوابك
و بيا طبرة يا ضرغام طبروا هامة الاسلام
عين الكون تغفى شلون يالمرهون للأقدار حيدر
و الأنظار تجدح نار لأجل الثار يا كرار حيدر
*********
غبار الفاجعة تناثر حزن و العالم تغبّر**حزين و بالسما السابع هتف صوت الوحي و كبّر
سمعنا الهاتف ينادي انطبر راس الوصي حيدر**عجيبة تموت يا فارس بدر و الخندق و خيبر
و شلون الأجل ارداك يا سيف النبي الفتّاك
كلها تقول مو معقول هالمجتول حامي الجار حيدر
و الأنظار تجدح نار لأجل الثار يا كرار حيدر
**********
انت الغالي يا أول امام و شيعتك احنا**مصابك عايش ويانا و لا لحظة يبارحنا
بعد منهو الذي يبدد هضمنا بشدة لو طحنا**مثل نوح الثكالى تنوح مهجنا و بالحزن صحنا
لاهب النسيم الهاب من بعدك يا داحي الباب
يومك يوم كله هموم بينا تدوم هالأكدار حيدر
و الأنظار تجدح نار لأجل الثار يا كرار حيدر
**********
على فراقك سكن بينا الكدر و هموم لوعتنا**و سواد الليل ظل ينعى و يواسينا بمصيبتنا
جمر تنثر نواظرنا عليك بدل دمعتنا**مثل دم جرحك اليجري دم تجري عبرتنا
و شلون الكفن اخفاك و تراب القبر واراك
نحني ضلوع نجري دموع جم مفجوع ظل محتار حيدر
و الأنظار تجدح نار لأجل الثار يا كرار حيدر
**********
يمن رب العرش حجة و خليفة للنبي اختارك**مشاعل فقدك استعرت و لا تخمد بعد نارك
بواتر هذي مشحوذة يمن قائدها بتّارك**لون هالدنيا نفنيها فلا نوفي طلب ثارك
دمك يا دما يساويه و يا ثار الذي يجاديه
ماساواه لا و الله ماننساه مهما صار حيدر
و الأنظار تجدح نار لأجل الثار يا كرار حيدر
*********
ثارك عايش ويانا يصبّحنا و يمسينا**و من يسفر شهر رمضان يذّكرنا بمآسينا
نصوم و نذكر صيامك الماكملت ثلاثينه**ياليلة واحد و عشرين دوَت نار الحزن بينا
و كلما بالصحف آيات ويانا تهل عبرات
بالأحزان و الأشجان ثارك جان يا مغوار حيدر
و الأنظار تجدح نار لأجل الثار يا كرار حيدر

فاطمة الفردوس
08-12-2006, 08:38 PM
مولاي علي

مولاي علي خير ولي فارس خيبر**برجاك بحماك في ساعة المحشر
*********
لمن صِحِت حامي الحما حيدر علي مولاي**نعم الولي ارض و سما قامت تصيح وياي
حبك علي بمسرى الدما يسري بجميع أعضاي**بيك انتخي بكل مؤزمة و ساعة عسر دنياي
آمنت بكَ حبي لكَ لا يتغير**برجاك بحماك في ساعة المحشر
*********
حبي الك عن معتقد من عالم الأصلاب**باسمك لهج من المهد قلبي بمحبتك ذاب
عن هيبتك واحد أحد يشهد يا داحي الباب**و بكل حرب طبعك أسد يمفرق الأحزاب
حسامك كم حربة حسم سيفك حيدر**برجاك بحماك في ساعة المحشر
*********
نص النزل عن بيعتك بيده اللغي المختار**أنت الوصي و أن نكرتك شتجاوب الجبار
و البايعك و الوالتك فازت يا حامي الجار**يا أبا الحسن و بيمنتك جنة عدن و النار
الحق معك من خذلك انه يخسر**برجاك بحماك في ساعة المحشر
*********
مثلك علي بين البشر بالدنيا ما موجود**دين النبي بيك انتصر و اسمك حليف الزود
عن موقفك طول الدهر يا أبا الحسن مشهود**تقوى و علم زود و فخر عدل و كرامة و جود
من مثلك من كان و لن مثلك يظهر**برجاك بحماك في ساعة المحشر
*********
حن القلب و الحضرتك من البعد صديت**طال البعد لزيارتك يا ابا الحسن حنيت
يمتة الفرج و لشيعتك يلتم شمل ياريت**رايد قبر يم قبتك بجوارك تمنيت
من غيرك لي يا أملي والد شُبَّر**برجاك بجماك في ساعة المحشر

فاطمة الفردوس
08-12-2006, 08:40 PM
أنت نبراس

أنت نبراس الكرامة*** بس الك تحلى الزعامة
هالصوت من قلب المحب يعتلي**للموت نهتف يا علي يا علي
**********
نهواك يا أبا الحسن من عالم التكوين و بسيرتك ماضين
بيعة وفا يا علي نبايعك دنيا و دين للعهد ما ناسين
هلدين بيك انعرف يالضارب بسيفين يا طالع برمحين
تشهد بفضلك أُحُد و خندق و صفين تشهد بدر و حنين
مانحك ربك وسامه***شافع بيوم القيامة
يالبيك ديجور الهضم ينجلي**للموت نهتف يا علي يا علي
**********
لولاك يا أبا الحسن دين النبي ماجان يثبت بهلأركان
بنفسك يا نفس النبي حاجج أهل نجران بالشرف و الإيمان
بسيفك يا سيف الوحي منتصر على الطغيان يا محطم الأوثان
انت الأصل و الفرع للشرع و العرفان و الكرم و الإحسان
دينك مثبت قِوامه***انت دستوره و نظامه
يا من ثنيت المحور الجاهلي**للموت نهتف يا علي يا علي
**********
عُمَر بن ود من نزل بالحومة صال و جال تتراجف الأبطال
بس انت يا أبا الحسن قابلته و بهلحال ماهمتك آجال
و بضربتك لابن ود لو جانت على جبال عن الأرض تنزال
ضربة عزم يا علي ترجحت على الأعمال فلتسمع الأجيال
دينك بجفك زمامه***الخاصمك فاشل خصامه
يا من الحومة بصارمك تصطلي**للموت نهتف يا علي يا علي
**********
و بيوم خيبر الك موقف يا حامي الجار مامثله موقف صار
من نزل مرحب هتف مرحب أنا المغوار سيفي يتجادح نار
من سمع صوتك صحت آنة علي الكرار مرحب شرد محتار
و إبليس غشه و رجع لجن رجع منهار و بوجهة لِبَتّار
ضربتك ظلّت علامة***و بعد شتفيد الندامة
يا من لرب العرش حجة و ولي**للموت نهتف يا علي يا علي
**********
رب العلا يا علي بهذا الاسم سمّاك ويا النبي خاواك
مفتاح كنز العلم رب الجلالة انطاك و تسلم بيمناك
يا نور ذات القدس لوما شرف معناك ما دارت الأفلاك
و احنا على ذاك العهد نوالي الذي والاك و نعادي من عاداك
و المحب صار التزامه***بالنبوة بالإمامة
تقديس ذاتك بالبيان الجليل**للموت نهتف يا علي يا علي
***********
كل العِوالم الك خضعت يا ليث الغاب يا جوهر الأطياب
يا نور ذاك الوحي يا وسفة بدرك غاب عن ناظر الأحباب
و مضمرات الحرب صاحن بصوت مصاب صوابك شلون صواب
يا وسفة كل الوسِف عقبك يا داحي الباب صار أظلم المحراب
عسعس الكون بظلامة ***و القلب شاجر ظرامه
هيهات حزن البلقلب ينسلي**للموت نهتف يا علي يا علي
***********
دمعة مناحة فاضت يا بدر التام بالحزن و الآلام
كهف اليتامى جنت و انفجعت الأيتام من رحت يا ضرغام
مصيوب دين النبي و انهضمت الأحكام و اتيتم الإسلام
طاحت أركان الشرع يا من رحت منضام وسفة العمر مادام
يا كهف كل اليتامى***سيرتك عفة و شهامة
منهل مصابك بالجفن يغتلي**للموت نهتف يا علي يا علي

فاطمة الفردوس
08-12-2006, 08:41 PM
خذني‌ معك‌




يبويه‌ اوياك‌ أريدن‌ ينحفر گبري ‌شلي‌ ابعمري‌ امن‌ اظل‌ متمحّنه‌ ابدهري‌

* * *

العمر يابويه‌ بافراح‌ او حزن‌ مكتوب ‌تطيب‌ اگلوب‌ بايّامه‌ او تشيب‌ اگلوب‌

وأنه‌ ابدفتر حياتي‌ بس‌ حزن‌ مكتوب او كُبر بيّه‌ الحزن‌ يابويه‌ من‌ زغري‌

* * *

كُبر بيّه‌ الحزن‌ واترعرع‌ ابهل‌ دار أصد لاُمّي‌ أشوفن‌ تبچي‌ عالمحتار

أصدّن‌ ليك‌ أشوفك‌ بالصبر محتار وعلي‌' صبرك‌ صبرت‌ او ما نفذ صبري‌

* * *

صبرت‌ اسنين‌ بين‌ الا´ه‌ والحسره‌ لچن‌ فاض‌ الصبر بمصيبة‌ الزهره‌

يبويه‌ العصره‌ آه‌ اشسوّت‌ العصره‌ بيها الكِسر ضلع‌ اُمّي‌ كسر ظهري‌

* * *

انكسر ظهري‌ يبويه‌ او جرحي‌ شيطيبه ‌او دليلي‌ امصوّب‌ ابضربات‌ مو ضربه‌

ضلع‌ اُمّي‌ واخويه‌ الطاح‌ علعتبه‌ والبسمار ناره‌ بالحشه‌ تسري‌

* * *

نيران‌ ابدليلي‌ او بالحشه‌ تسعر او صفالي‌ امن‌ العمر بس‌ اءنته‌ يا حيدر

او كبرت‌ اوياك‌ وآمال‌ الگلب‌ تكبر من‌ تحضر تنشّف‌ دمعتي‌ التجري‌

* * *

تنشّف‌ دمعتي‌ وتورّد آمالي ‌واحس‌ّ ابهيبتي‌ لو شفتك‌ اگبالي‌

لچن‌ يا بدري‌ لحظه‌ ما اءجه‌ ابّالي ‌تغيب‌ او ينطفي‌ ابريع‌ العمر بدري‌

* * *

يداحي‌ الباب‌ غاب‌ البدر بغيابك ‌يبو الاطياب‌ ظلمه‌ الليله‌ محرابك‌

عساني‌ اتصوّبت‌ يابويه‌ بصوابك ‌صدگ‌ دمّك‌ يبويه‌ ابمسجدك‌ يجري‌

* * *

صدگ‌ راسك‌ يبويه‌ ابهامته‌ مصيوب ‌صدگ‌ شيبك‌ يبويه‌ بالدمه‌ مخضوب‌

صدگ‌ طايح‌ ابمحرابك‌ يداحي‌ البوب ‌يبويه‌ اليوم‌ طاح‌ ابطيحتك‌ خدري‌

* * *

يبويه‌ اليوم‌ طاح‌ ابطيحتك‌ جدّي يبويه‌ اليوم‌ راحت‌ اُمّي‌ من‌ عندي‌

يبويه‌ اليوم‌ علمحسن‌ عطب‌ چبدي‌ يبويه‌ اليوم‌ بسمار العِده‌ ابصدري‌

* * *

صدگ‌ أسمع‌ تصيح‌ الناس‌ حيدر مات‌ صدگ‌ وحدي‌ صرت‌ يا حاضر الشدّات‌

عسه‌ اعيوني‌ يبويه‌ اثنينهن‌ عميات ‌وين‌ انطي‌ الوجه‌ يابويه‌ ما أدري‌

* * *

وين‌ انطي‌ الوجه‌ يابهجة‌ اعيوني‌ يبويه‌ اعداك‌ بغيابك‌ يظلموني‌

او يشتموني‌ او يضربوني‌ او يأسروني‌ يريت‌ الموت‌ آنه‌ او لاطيحن‌ أبأسري‌

* * *

يبويه‌ ما دريت‌ العيد جايينه‌ او عله‌ العاده‌ تجي‌ الوادم‌ تهنّينه‌

يبويه‌ اشلون‌ لو گالوا علي‌ وينه ‌شنطي‌ اجواب‌ يابويه‌ او شنو عذري‌

(1990) للشاعر الحاج هيثم سعّودي الكربلائي..

فاطمة الفردوس
08-12-2006, 08:41 PM
آنه زينب يالعفتني


آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
ياعلي آنه العقيلة بالمصايب دمعي جاري.... من غبت عني يحيدر طول إعليك انتظاري....

شابحة عيوني إعلى دربك وانتظر ليلي ونهاري....قلبي نار بعيني دمعي ومزجت دمعي ويا ناري.....
للنوايب هيمتني....للمصايب سلمتني......
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
*********************************
بالأمس يا بوية روحي اتصوبت بمصيبة أمي .... اليوم صوبني زماني بفرقتك وازداد همي....

صرت يا بوية يتيمة والمصايب كلها يمي.... هجمت أشباح المنايا هدمت حيلي ويا عزمي....
للمصيبة رجعتني... بوية لمن ضيعتني...
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
******************************
عذبت روحي الليالي والدهر سهمه رماني... من عقب ذيك المهابة تقابلت آنه وزماني....

دمعي ليل نهار يجري ما نسيته ولا نساني... غبت عن عيني يبوية والهضم عقبك لفاني...
وسفه تاليها هضمتني... فرقتك من ألمتني....
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
*******************************
يا علي وليل المصايب بالحزن خيم ظلامه... دمعة المحنة إعلى خدي حفرت وخلت علامة....

والحسن وحسين مثلي صاحوا بصيحة ملامة.... ترضى من بعد المعزة تالي لن نصبح يتامه....
قلبي ذاب وذوبتني... بروحتك يالحيرتني....
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
*********************************
يا علي وچلمة أبوة چنه نسمع من لسانك.... والزمان إحرمنه منها وسفه يالخانك زمانك...

لكن الحال الفجعني من شفت خالي مچانك... اعرفت يابوية إحرمتني العاطفة ولهفة حنانك...
لوعة الهم لوعتني... وبمغيبك غيبتني...
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
*********************************
راحت أيام المعزة قابلت سود الليالي... أذكر أيام العشتها بعطفك وعزة دلالي....

تالي لن دارك شفتها وحشة والمحراب خالي... هذا لا واقع اقوله ولا أحسبه من خيالي...
هيجتني سهرتني... بالمصايب صوبتني.....
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني.....
**********************************
يا علي ودعتك الله يا فخر تاج الغوالب... اتوسد بقبرك يبوية وأنا أبقى وياالنوايب...

ليلة فراقك رهيبة يالصرت عن عيني غايب.... اتحيرت مدري أجابه لو أسلم للمصايب....
لوعت يالدوهنتني... وانت وحدك روعتني....
شحسبت من ودعتني.... شحسبت من ودعتني....

آنه زينب يالعفتني...بويه عقبك يتمتني....شحسبت من ودعتني... شحسبت من ودعتني

فاطمة الفردوس
08-12-2006, 08:44 PM
للشاعر جابر الكاظمي...حسينية القصاب مملكة البحرين 1423هـ
ماتجتمع نار ودمع
بالقلب جمرات بالجفن عبرات
ماتجتمع نار ودمع
ياحيدر شتختار اجري الدمع لو نار

*********
هذانه شبلك ياعلي انه الحسن ناديت قبلك متت ياريت
ياعزه البيت الذي خطفوها مني البيت من بعدك حتاريت
حتى الصخرون وبجى الحالي والك ونيـــــــت واجرع غصص ضليت
قبلك يحاتفني الاجل يابويا وتمنـــــــــت بتـــــــرابك تواريــــــــت
قبرك المحفور منحجب هالنور
شلون نحجب ياللعجب
وحتارت الافكار اجري الدمع لونار
*******
يابويا دمعاتي مثل دم راسك المسفوح حتى اليتيم ينوح
بعيوني دمع مصيبتك وبقلبي نار النوح شيضل بعد من روح
جفني مثل راسك غدا نفس الجرح مجروح ولطبرتك مشبوح
ليله امس يمي جنت ما ادري عني تروح رحت وتركت جروح
يا مصيبه تهون والامل مدفون
فقدك صعب صاح القلب
باصرني ياكرار اجري الدمع لونار
*******
يالجندلت عمر بن ود يالبلحرب فتاك شلون الاجل ارداك
اتحمل جبال الهضم ولا لحظه من فرقاك شلون بقبر القاك
اتمنى لو هذا القبر بيه اندفن ويـــــــك ولا ناعي التنعاك
يابويا وشلون اللحد بين الترب واراك وعن النظر اخفاك
فارس الميدان يسكن التربان
نظم بلحد ما اعتقد
ظل الفكر محتر اجري الدمع لونار
*******
بدارك يبو الحمله جنت ويايه قبل بيوم يوم بقبر مضموم
ماضاقت عيون الوسف مامر عليها النوم سهرانه تبجي دموم
روحب وياروحك غايبه قلبي عليك حوم شاي الجرح ملجوم
راح انتحب طل العمر خل اليلوم يلوم شيصبر المهموم
ليله ياصنديد كل صبر مايفيد
نار الحزن دمع الجفن
ما ادري عقب شصار اجري الدمع لونار
*******
بمصيبتك بويا ذكرت جم نايبه ومصاب ياثالث الغياب
اولها فقد المصطفى عن عيني لمن غاب خلف جرح وصواب
ثانيها يابويا ذكرت من هجمو على الباب ضلع لوديعه نصاب
ثالث مصيبه مصيبتك ماحاسب الها حساب تتوسد المحراب
راسك المصيوب شيبك المخضوب
انحب صرت وتحيرت
عقبك يحامي الجار اجري الدمع لونار
*******
يابويا هالقوم الذي نعش الني عافوه وبلا دفن خلوه
هم الي ضلمو فاطمه منها الفدك غصبوه اك الضلع كسروه
هم الذي صارو سبا لمصابك وعلنوه من حقك السلبوه
هم الي رادو من قبل دم راسك يسفكوه ولشيبك يخضبوه
هالامر محتوم دمك المظلوم
حين نصبت وتغيبت
ناديتك باعبار اجري الدمع لونار

فاطمة الفردوس
08-12-2006, 08:45 PM
علياً يا علياً يا علياً يا عليا يا علياً يا علياً يا علياً يا عليا
كما أرسل رب الكون للناس نبيا فقد أرسلك الله و بالحق وليا
علياً يا علياً يا علياً يا عليا يا علياً يا علياً يا علياً يا عليا
يا علياً لك أمرٌ في كتاب الله يعقد يا أخا عيسى بن مريم و بك الروح تجسد
و حديث الفضل يروى عن رسول الله مسند مثل هارون لموسى كنت للهادي محمد
فيا من كلم الناس و في المهد صبيا سلامٌ يوم مت بل و مذ تبعث حيا
علياً يا علياً يا علياً يا عليا يا علياً يا علياً يا علياً يا عليا
يا علياً بئس قومٌ جعلوا الشرك سبيلا بعضهم قد عبدوا شخصك لله بديلا
فقضى برهان ربي فيك أن تمضي قتيلا ليكن موتك هذا لذوي الشرك دليلا
فسبحان الذي أظهر ما كان خفيا و سبحان الذي أعطاك خلقا نبويا
علياً يا علياً يا علياً يا عليا يا علياً يا علياً يا علياً يا عليا
لو سئلنا عن دياجير السوادِ ما سواد الليل إلا ثوب حزن و حدادِ
و من الوحي نداءٌ عند ذي العرش ينادِ قتل اليوم عليٌ غاله سيف المرادِ
نداء الوحي هذا ملأ الكون دويا أصاب اليوم سيف البغي ليثاً هاشميا
علياً يا علياً يا علياً يا عليا يا علياً يا علياً يا علياً يا عليا
يا علياً كيف يدنو منك أشقى الأشقياء يا لها من ضربةٍ شقت رؤوس الأنبياء
ضربةٌ من كفَّ باغٍ فجرت بحر الدماء و نعى مقتلك العرش و سكان السماء
نعاك العرش في عليائه نعياً شجيا و يبكي فقدك اللوح بكاءً سرمديا
علياً يا علياً يا علياً يا عليا يا علياً يا علياً يا علياً يا عليا
لك في الأحشاء نارٌ لم يزل يروى لظاها لو جرت عيني دماء عنك لا يجدي بكاها
ستموت الروح حزنا لك في نار جواها و غداً أنت شفيعي يا أخى المختار طه
سأحيا بعد موتي في غدٍ خلقاً سويا و أدعو إنني قد كنت عبداً علويا علياً
علياً يا علياً يا علياً يا عليا يا علياً يا علياً يا علياً يا عليا
كل من والاك حاشى يوم حشر أن يظيعا سوف يأتي الصوت لما يحشر الناس جميعا
فاز من والى علياً فاز من كان مطيعا سوف نلقاك غداً يا صاحب الحوض شفيعا
سنلقاك غداً في موعد الحشر سخيا سينجو من يواليك و من كان تقيا
علياً يا علياً يا علياً يا عليا يا علياً يا علياً يا علياً يا عليا

فاطمة الفردوس
08-12-2006, 08:47 PM
للشيخ عبد السحين الشرع...
طيفك عايش بين عيوني لكن شخصك عني بعيد ** لا ينفع بغيابك صبري ولا دمعات عيوني تفيد
بويه وما تممت صيامك وهذا الي خله دمعي يزيد ** شلون أفرح شلون أفرح بعدك شلون أستقبل هالعيد

وين بنعش أبونه تريد

وين بنعش أبونه تريد بيريض ييا شياله ** مجبل على الناس العيد ليش تيتم أطفاله

لا تبعد ويا حامي الجار ريض والنعش رده ** ما تسمع يتامه الناس تبكي وتنحب لفقده
يا هو الي يحن على المسكين وعلى الأرملة بعده
خله يتمم صيامه ** ويقضي العيد وأيامه ** ضلت حرم وأيتامه
تبكي وتصرخ لفرقاه ومن هالعين همالة

فجعها بكتله للمرادي وخلاها عليه تنوح ** والممبر يون عليه والمحراب دمه يفوح
ما كان يخطر على البال من هالفخر برده يلوح
راسه ينجسم نصين ** ويحوم عليه البين ** يا وسفه على أبو الحسنين
ريته من القتل يسلم ويفنه العالم بداله

حيدر شيد الاسلام صمصامه ورفع شانه ** وجاهد دون دين الله ولمن شيد اركانه
داحي الباب بالميدان تشهد بيه عدوانه
هو السيف المجرب ** وصمصامه طبر مرحب ** لو طب للحرب وأضغب
أبا ما يهب الود يوم الحرب وأهواله

حيدر ما يهاب الموت كيف الرجس ما هابه ** تعنا له وطبر راسه وهو ساجد بمحرابه
خضب شيبه بدمه وهز الكون بمصابه
وخله الاوادم بعبرة ** وحسرة تجوب أثر حسرة ** وسفه على لآية الكبرى
بن ملجم يصل حده وسفه يصير قتاله

بهيدو ويا الوصي الكرار لو ردتم تغسلونه ** كلف جرح الذي براسه وخافن انكم تلكمونه
وضل الدين لفراقه ينوح وتسجب عيونه
دين المصطفى وشرعه ** ولفراقه يهل دمعه ** رج مصابه الوسعة
عسن لا هل شهر رمضان وريته وبين هلاله

بليلة قدر من رمضان فجعها بقتل ابو الحسنين ** وخل الأوادم بحيرة ما تدري الوجه لا وين
يا بن ملجم شلك عتبة على الأمة وشلك من دين
تطبر حيدر على الراس ** ومن تخمد الأنفاس ** وتسيب يتامة الناس
يا هو الي يحن على المسكين عقبه ويعطف لحاله

ضل روح القدس ينعه وما بين السماء ينادي ** تهدم ركن دين الله وطاح بسيف المرادي
وقع مصيوب بالمحراب أبو الحملة الوصي الهادي
بالدم انخضب حيدر ** للأجله العالم تغير ** يا ريت الفجر لا طر
الي بيه انصاب ابو الحمله وفقده يتم عياله

وين بنعش أبونه تريد بيريض يا شياله ** مجبل على الناس العيد ليش تيتم اطفاله

فاطمة الفردوس
08-12-2006, 08:50 PM
دنيانه أمست مظلمه و انفجعت أملاك السمه

****

يا وسفه يا حامي الحمه

وجهك تخضب بالدمه

كل المهج متألمه

يسيف الهضم متخذمه

اعليك العوالم هايمه

نار المصايب مضرمه

يا قدرة الله و صارمه

نهج النبي بيك احتمه

اشلون الطغاة المجرمه

اتصيبك يا ليث الملحمه

يا من الك قلبي انتمه

مثلك على القاع ارتمه

و هاي المصيبه المؤلمه

جددت لوعة فاطمه

لجلك دمع عيني همه

روحي بمصابك هايمه

فاطمة الفردوس
08-12-2006, 08:51 PM
جينه لـــــرض النجف ودخلناهـــــا ** بقعه مـــــن جنه عــــــدن شفناها
يــــــاعلي يــــاعلي يـــــــــا علــي ** يــــــاعلـــــي ياعلي يــــــاعلـــي

هـــــــذي ارض النجف مركز للعلم ** مــــاتجد بيها سوى الحر والشهم
ذخـر جـــــــاعلها الآله وطلع اســم ** بيها اســـــرار الخلق اخفاهـــــــا

النجف قاعي وموطن احبابي وهلي ** شلون بقعه وبيها كل هم ينجلــــــي
فخر يكفيها حتـوت مرقد علــــــــي ** اعني ليث الكـــــون ووارث طـــه

فــــــــــارقتها وطلعت عنها غصب ** وتركــــــت بيهـــــا مهجتى والقلب
رغم الاعـــوام العشتها بـــــالغرب ** لحظه مـــــاكــــــان الفكر ينساهـــا

من بعد غيبه طويله اليــــــــوم اجيت** مو على اجدامي على عيوني مشيت
ارسمت آمــالي ويا كل خطوه خطيت** فرصه من سنين جنت ادناهـــــــــا

ادخلت مرقد علي ودلالـــــي كسير ** وبمدامع صوتي احجي وياالاميــر
صدق آنه واقف بصـــــــحن الامير ** شلون وقفه المَــــلك يتمناهـــــــــا

كنت من دار الغرب اعتب واقول ** شلــــون تقبلهــــــــا يبن عم الرسول
شبون تقبل الفرقه عالعاشق تطول ** والجفن دمـــــعه حزن اجراهــــــــا

يالقلت يـــايوم اشـــوف اعتابــــك ** يـــــــاعلي ومشتاق اشم تــــــــرابك
بــــالفرح جيــــت ووقفت بــــبابك ** حققت كل ماجنت ارجـاهـــــــــــــــا..

فاطمة الفردوس
08-12-2006, 08:52 PM
يجراح يجراح علي اشحاله يجراح

****

لفه الجراح حيدر شيعته اتنشده

تكَله يالأجيت الحيدر اتضمده

ننشدك و الجواب انريدك اترده

علي الماجان فارس يوصل الحده

علي القاتل أحزاب أهل الشرك وحده

لجل دين الرساله الصارم امجرده

علي الكل الخصال اتجمعت عنده

علي الأدرك الهادي بساعة الشده

العجب ابن المرادي اعليه يتعده

ينام اعله الوساده و ضربته اتضهده

وسف طاح وسف طاح

جبل عزنه وسف طاح

****

يجراح الشفت بعيونك اصوابه

ننشدك و الدموع انهار سجابه

نعاتب و الكَلب ما يخلص اعتابه

علي الجانت رجال الموزمه اتهابه

الفقار بيمنته و ما والف اقرابه

علي الطب الحصن خيبر قلع بابه

علي الكمّل الدين و شيّد أطنابه

رف راية الباري و فسّر اكتابه

وسافه بالغدر سيف الحقد صابه

وحش مظلم بقه بهالليله محرابه

فزت صاح فزت صاح

و حق ربي فزت صاح

****

بكَينا الموعدك تشبح نواظرنه

تنينه و ننتظر منك تبشرنه

يجراح بوضع حيدر دخبرنه

تمنينه بأمل من عندك تخبرنه

سكوتك و الدمع هو اللي امحيرنه

علي الكبل الندب بعازه يحضرنه

لون عنه ارتحل كَلي اشيصبرنه

يجراح الدهر ما صدق ايسرنه

يريد ابغيبته الوالي يمرمرنه

وكَت عيد الفطر يكسر خواطرنه

الحزن لاح الحزن لاح

أظن جَنّه الحزن لاح

****

بقه الجراح حاير دمعه يتجاره

يشوف اولاد حيدر كلها و انصاره

اجته اتناشده و تتسمع أخباره

يجاوب و الكَلب تسعر غدت ناره

جرح حيدر غميج و يكلف ازراره

و لا منه يطيب و تلتم أكتاره

راسم بالوصي هالبانت آثاره

و بعد هاي المسيه ايغيب عن داره

وسف راح الذي ينشد على جاره

عكَب عينه يتامه الشيعه محتاره

بجه وناح بجه وناح

الوحي الفقده بجه وناح

***

فاطمة الفردوس
08-12-2006, 08:53 PM
من شريط واعلياه ......


اشدد حيازيمك للموت .. فان الموت لاقيكا

ولاتجزع من الموت .. اذا حل بواديكا

فان الدرع والبيضة .. يوم الروع تكفيكا

كما اضحكك الدهر .. كذاك الدهر يبكيكا

****

واعلياه .. واعلياه

فاطمة الفردوس
08-12-2006, 08:54 PM
گضت ليله


گضت ليله وبعد ليله تمر بينا تودعنا وتيتمنا يا والينا
العمر أيام .. يا بو الايتام ..

************
يا حيدر احنا أشبالك يمن طرواك يسعدنا
سعادة عشنا بوجودك على الهم ما تعودنا
يا بو الحمله شبلاه الموت غدت عيناه ترصدنا
گبل ما يبعدك هالموت يريت الموت يبعدنا
گضت ليله أمس بالنوح بگت ليله بعد عدنا
نريد وياك نتوادع يمن فرگاك يضهدنا
تفارگقنا وبعد عد من تخلينا
الدهرعگبك يا بو الحمله شيراوينا
سوى الالآم يا بو الايتام
************
الدهر معروفة ايامه يوم اصعب اشد من يوم
عرفنا الدنيا من بعدك تراوينا غصص وهموم
آنه الحسن هذا حسين وزينب هذي وأم كلثوم
كل واحد غدى گباله شبح لمصيبتك مرسوم
مثل حوط الجفن بالعين تحاوطنا وعليك انحوم
لون عينك غفت هيهات نتهنا بلذيذ النوم
الكدر والهم عگب عينك يبارينا
فجر باجر خبرموتك يوفينا
الجفن ما ينام يا بو الايتام
*************
بگت هالليلة نسهرها لون وجه الفجر اسفر
خبر موتك يفاجإنا ويتاما انصير يا حيد ر
ببماتك عاصف الاكدر يهب والدنيا تتغير
لو ان شمسك حجبها الموت شتظن على الصبر نگدر
عسى بعيد البلا انشوفك يا بويه بگبرك معفر
فلا من فرگتك نخلص ولا من هالاجل محذر
دمع سافح الك شارت ايادينا
نموت احنا گبل موتك تمنينا
السعد ما دام يا بوالايتام
*************
غرايب شفنا هالليلة وعجايب تسلب الافكار
نحاجي انفوسنا انگلها الدمع فوق الوجن مدرار
صدق هذا الذي يعالج على فراشه الوصي الكرار
صدق هذا الذي دمر قلع الشرك والكفار
انشوفه انازع بروحه يسلم نفسه للاقدار
عجيبة لاكن الاعجب بقبر يندفن حامي الجار
فكر سارح غدى اصور مآسينا
الدهر ندري بأشد محنة اجازينا
فكرنا هام يا بو الايتام
***************
بعد ظلينا نتذكر صور تدعي القلب مجروح
اليتامة الجنت ترعاها تباريها بحنان الروح
يا بو الايتام هالايتام عگب عيناك وين تروح
مثلهم احنا هم صرنا يتامى والدمع مسفوح
نفكر لو لفاك الموت شكثر نحمل ألم وجروح
يتامى والعمر بعدك نگضيه بالنحيب ونوح
لطلف ربنا يبارينا يراعينا
لكن طبع اليتيم تظل تهل عينه
الدمع سجّام يا بو الايتام

فاطمة الفردوس
08-12-2006, 08:55 PM
يكرار يمك حضرنا .. يكرار ويتامى صرنا
*********
اجت يم النعش زينب .. تحن عالمرتضى وتنحب
تنادي والقلب يلهب .. يبوية فركتك تصعب
وسف يالجدلت مرحب .. اشوفك بالثرى مغيب
يكرار نافذ صبرنا .. يكرار ويتامى صرنا

***********

يريت اللي حفر لحدك .. عساه بمهجتي يوسدك
تظل عندي واظل عندك .. الوذن وانحب بسدك
واكلك يالصعب فكدك .. يتامى صرنا من بعدك
يكرار شينفع عمرنا .. يكرار ويتامى صرنا

********
يمن يفني الجبل صبرك .. تنشدك روحي وتخبرك
صدك تالي انخسف بدرك .. صدك راح وخلص عمرك
صدك بوية انحفر كبرك .. عساني موسدة بكترك
يكرار غايب كمرنا .. يكرار ويتامى صرنا

***********
صحت والخاطر مصدع .. يريتك ياعلي ترجع
عساني بدالك اتشيع .. واموتن واسكن المضجع
العمر يابوية ماينفع .. لون يتكضى بالمدمع
يكرار يصعب أمرنا .. يكرار ويتامى صرنا

************
كبل ليلة جنت يمنه .. يبوية بظلك تلمنة
الدهر ماندري يحرمنة .. بمغيبك تالي يصدمنة
تالمنة وتيتمنة .. وسافة الدنيا تهضمنه
يكرار موحش دهرنا .. يكرار ويتامى صرنا

****************

يبوية انهدمت صروحي .. ويروجح على الجفن موحي
جزعت يابوية من روحي .. صحت عن الجسم روحي
حزينة وسلوتي بنوحي .. واداوي جروحي بجروحي
يكرار يشبح نظرنا .. يكرار ويتامى صرنا

**************

مغيبك يصعب علينا .. صفينا يتامى تدرينا
هضم فكدك يبارينا .. يصبحنا ويمسينا
تشب نار الحزن بينا .. ونخمدها بماسينا
يكرار يسعر جمرنا .. يكرار ويتامى صرنا

فاطمة الفردوس
08-12-2006, 09:57 PM
(أبيات أبوذيه)

يحيدر طبرتك نيران وجرت

جذبت الونه لمصيبتك وجرت

دمه هليت دموع العين وجرت

صعب فقدك يحماي الحميه

ما طال الدهر ويه العقيله بهضم ما طال

و تصيح البدر غاب اليوم ما طال

يبويه و ياريت هذا العمر ما طال

شلي بعمري ووقع سور العليه

ولملاك يحزن القلب ما عوفك ولملاك

صرت ما ألتزم صبري ولملاك

افقدت روحي بفقد حيدر ولملاك

اعتنت تحمل نعش حامي الحميه

***

فاطمة الفردوس
08-12-2006, 09:58 PM
علي علي علي يا علي

تنزف دماء الرسل من طبرتك هزت كيان العالم امصيبتك

علي علي علي يا علي

****

دمك الطاهر يا علي من نزف لليوم ظل يتموج و ما نشف

سجل صحايف خالده للشرف و اتخضبت يا بالحسن شيبتك

****

بمحرابك الدين الحنيف انصرع سيف ابن ملجم فوكَ راسك وكَع

يالدمك بعين الدنيانه انطبع و انفجعت بهذا الحدث شيعتك

****

من طحت يا حامي الحمه جنها الكواكب طاحت من السمه

أمست الدنيه موحشه و مظلمه اشلون المنيه يا علي وافتك

***

جن ما وكَع جسمك يعود الحسن طايح بمحرابك وجود السنن

من كل كتر حلت اغيوم المحن و المدمع اتفجر دمه الفركَتك

***

فاطمة الفردوس
08-12-2006, 09:59 PM
بدرك غايب يا حيدر بدرك غايب

من بعدك مظلم محرابك و اهتز العالم لمصابك

بدرك غايب

***

صوتي الأمم ردد يا علي و ناداك يا قالع الباب بعزمك و يمناك

انته البلحرايب ما تهاب اعداك و اشلون الأجل يا با الحسن وافاك

هاي الليله بيك انفجعت الأملاك و العالم العلوي يصرخ و ينعاك

يصعب فقدك يا حيدر يصعب فقدك

للنوح انفتحت ابوابك و اهتز العالم لمصابك

بدرك غايب يا حيدر

***

بسيفك يا بو الحمله جندلة مرحب و من هيبتك جيش اعداك يتهيب

انته البلمعارك للمثل مضرب و سفه طايح بمحرابك امصوب

قرآن الجلاله المصرعك ينحب يا من سيفك بدم هامك امخضب

حته المصحف يا حيدر حته المصحف

مفجوع و ينحب لغيابك

***

يا موت الزلم يا نفخة اسرافيل و يا من صارمك يمطر حجر سجيل

مثل دمك دمعنه من العيون ايسيل و يالحزنك يظل يتنقل بكل جيل

تنوح الفقدك التوراة و الإنجيل و امصيبتك فجعة محكم التنزيل

فيض المدمع يا حيدر فيض المدمع

يتفايض من دم اصوابك

***

يا منهج الدين و مبدأه و شرعه فقدك للجبل يا حيدر ايصدعه

هالليله هتاف النايبه انسمعه و صوت الناعي بسمك يا علي ينعه

وباجر نعشك أملاك السمه اتشيعه و الفقدك تهل دمعه بأثر دمعه

نار افراقك يا حيدر نار افراقك

تتوجر بكلوب أحبابك

***

موضع سجدتك دمك الطاهر سال و انفجعت فروع الشرع و الآصال

أعظم فاجعة يا علي و أصعب حال لو شاهدنه نعشك للدفن ينشال

فقدك يبن عم النبي ايهد إجبال و ايخلي الجرح ينزف بكل دلال

جف الغادر يا حيدر جف الغادر

صابك بالسيف و ما هابك

***

نصحي بصوت صاخب و الدمع منثور يا من جنت للإسلام قلعه و سور

يا المهدت للوادم طريق النور الليله جم *** لمصيبتك مجمور

فوق اللوح ذكر الفاجعه مذكور و كبرك بالقلب يا بالحسن محفور

نصرخ بسمك يا حيدر نصرخ بسمك

وسفه ايصير الدم اخضابك

***

باجر رغد عين أهل الضلاله اتنام و أصحاب الهدايه اتنكس الأعلام

و الحاله تهد الحيل يا ضرغام أولادك تصّبح بالفجر أيتام

بغيابك يعيشون بهضم و آلام وشتعمل بزينب عقبك الأيام

فاطمة الفردوس
08-12-2006, 10:01 PM
بسم الله الرحمن الرحيم...
للسيد سعيد الصافي الرميثي...
دريضوا يالتشيعونه ولينه لا تدفنونه

بعد ما تمم اصيامه تريد اتعيد أيتامه

ولينه لا تدفنونه

**

اهنا يالسريتوا بنعش والي الايتام كل ظنكم اتدفنون شمس الاسلام

يا جفن يطبق بعد يا عين اتنام ويا قلب يهجع ياجروح التلتام

بعد الوصي نوقع بجف الظلام و لا نفرح بطول الدهر و الأيام

قضه عمري الدمع يجري

علي كلكم تعرفونه ملاذ اللي يكصدونه

وحش ياوسفه محرابه علينه يصعب اغيابه

***

نعش الولي من داره يوم اللي إنشال صاحت عقيلة حيدره و بيا حال

دم و دمع عالوجن من زينب سال لو يندفن من ضرب بالشيمه آمثال

تندفن وي حيدر جميع الآمال عيد الفطر ياريته ما هل إهلال

و أظن يدري الدمع يجري

يبويه والله فجعونه حرم مهضومه خلونه

المصابك حقنه لو نحنه يهالوادم لون صحنه

**

من عقب عينك بويه يحامي الجار خيم ظلام الحزن بويه اعله الدار

و بغيبتك مدري اشتظم الأقدار من جدي جنت أسمع بهاي الأخبار

ما ينصح اويايه الزمان الغدار أفقد احسين و حامي ظعني المغوار

و إخيامي بيها يا علي اتشب النار

و أنه بيسري الدمع يجري

الخذر عقبك يسلبونه متن زينب يورمونه

و أظل بكربله الوحدي يبويه و غيرك اشعندي

**

يا بالحسن آنه العقيله البحماك لو مسني ضيم الدهر يبويه أنخاك

لمن سره نعشك سرت روحي اوياك يا أبو المثلك يا علي اشلون أنساك

خبرني أقطع ظني لو ظل برجاك لو إلك جيه اعله الدرب جنت أتناك

بغذر دهري الدمع يجري

لون ظعني يمشونه و عالكوفه يمرونه

أوجه وجهي و أشكي لك و أصيحن يا علي ادخيلك

**

يا بويه يومك ياعلي ريته ابعيد لا دمعي ينشف بعد لا قلبي ايهيد

بعدك بقيت أصفق الايد اعله الأيد و جنت بوجودك بالخدر وشما ريد

مني رحت لا بجي و لا نوح ايفيد يابالحسن هالمجبل اعلينه العيد

و عقب قدري الدمع يجري

شجاوب لليعيدونه لون عنك ينشدونه

نقلهم غايب اهلالك علي ما عايد اهلاله

**

يالشخصك ابمعنه الجليل ابوصفه و حدر اللحد نايم يحيدر وسفه

و جرحك البقليبي بعد ما يشفه نار الحزن طول الدهر ما تطفه

فركتك يا راعي الشدايد كلفه صبح و مسه لنشد عليك بلهفه

و نفذ صبري الدمع يجري

يا ليث و اليندبونه وسف جسمك يغطونه

بحزن يا صاحب البيعه تنوح و تندب الشيعه

فاطمة الفردوس
08-12-2006, 10:04 PM
للشاعرهيثم سعّودي الكربلائي...
إلهي إنجان ماردن لعد حيدر إخذ روحي عله افراكه بعد مكدر

*****

يا ربي اسنين أناديك و يرد صوتي أنا اتمنيت بفراك الولي موتي

اخلصت روحي و صفالي جسمي تابوتي و ***ي للغري بفقد الولي يسعر

***

و يسعر للغري ***ي و تهل عيني يبو الحمله اشقطع ما بينك و بيني

يبو الحمله و عسن لا طالت اسنيني و عسن لا صرت بغيابك و له أتصور

***

بغيابك ماتت البسمه عله اشفافي و حملة اهموم هجرانك عله اجتافي

مو كافي البعد يا الوالي مو كافي أنه بفركاك أعمه و ناري تتوجر

***

أنه بفركاك ليلي ما طلع صبحه أنه بفركاك طير و منكسر جنحه

أنه بفركاك كل ساعه أنذبح ذبحه و كل ساعه أنطعن يالوالي و أتوذر

***

و كل ساعه انطعن و اتطشر و ألتم مثل اليفكد بكل ساعه خال و عم

و ما يصبر دليلي لو أبجي من دم دليلي اشتاق الك و اشلون يتصبر

***

نموت انموت لو ما نرد للحضره و ما ظن يا علي الايام تتكرر

***

يا حيدر علي ما ظن يعود الفات من جنه نجيك و نسجب العبرات

اشلون أنساها يا حيدر يبو الحملات

*****

فاطمة الفردوس
08-12-2006, 10:17 PM
للسيد سعيد الصافي الرميثي...
عتب عدنه حشه اتردنه

علي يا حاضر الشده

****

عتبنه يا علي انوجه و نكتبه بلوعه و بدمعه

يبو احسين اشيضمدها جريح البلقلب وسعه

نحن و اللي يحن تدريه الدمع طول الوكت طبعه

شملنه يا علي اتشتت و نريد بجاهك اتجمعه

تعذبنه تغربنه

علينه طالت المده

***

حنين ايهدنه ليليه بعدنه بلهفه نتمنه

الزمان الكبرك ايردنه علي يالحضرتك جنه

بعد لسه الأمل موجود بعدما خابت الظنه

هذيج الساعه لو صارت زحف يالوالي نتعنه

اليحن ***ه الأمل دربه

يحقق غايته العنده

***

بجوارك يا علي عشنه جزت من العمر فتره

تغربنه و بعدنه انحن الزمان اللي مضه نذكره

نذكر و الدمع يجري تشب بكل *** حسره

و نحسب للفرج ساعات صبرنه النافذ انطره

حسبنه اشقد جزينه العد

صبرنه هلوصل حده

***

ظلم عنك تبعدنه بظلم لمن تشتتنه

سبب هذا البعد تدري نتج عن سر محبتنه

التكرهك يا علي ظنه تموت بغربه فطرتنه

شريفه الفطره ما ماتت و بعد زادت محنتنه

اليحب لازم يظل عازم

يوافي اويه الذي ايوده

***

رضعنه من الطفوله احنه محبتك من ثدايه أمنه

رجوله و طيبه غذتنه يحيدر تسري وي دمنه

يا حيدر عن وعي و فكره درس منك تعلمنه

حرب ويه اليحاربنه و سلم ويه اليسالمنه

الك شيعه عله البيعه

ثبتنه و نبقه نتحده

***

اليتامه يا علي الليله تنوح و تبجي لمصابك

بعد من ينشد اعليها بكت مهضوم بغيابك

تكول اشلون ابن ملجم تجاسر يا علي وصابك

و عنك تشهد الحومه الزلم يا حيدر اتهابك

السمع صيتك ربه ابيتك

عليك اتجاسر اتعده

****

فاطمة الفردوس
08-12-2006, 10:19 PM
فكري احتار شنهو الصار

حيدر طايح بالمحراب لو راس المختار انصاب

فكري احتار شنهو الصار

*****

شبيه الطير من يفزع بالظلمه افزعت مرعوب شفت فوق الأرض كوكب وقع بالنايبه مصحوب

صحت هذا الوقع حيدر و شيبه بالدمه مخضوب و لو هذا رسول الله بمحرابه وقع مصيوب

منهو الطاح و الدم ساح

صابوا هامت داحي الباب لو راس المختار انصاب

***

أناشد ما حصل واحد يجود اعليه بجوابه بقيت امدوهن و فكري يجول بعالم امصابه

ما أدري محمد طاح و توسد وسط محرابه لو هذا علي الكرار طايح و الدمه اخضابه

بالآهات و العبرات

أنشد و أصرخ حيدر غاب لو راس المختار انصاب

***

اسمعت بين القلب و الروح حديث ايفجر العبره القلب للروح يخبرها يقلها طاح أبو الزهره

لن روحي الحزينه اتقول بعيده عنك افكره هذا الطاح أبو السبطين وقع و بهامته الطبره

قلبي اينوح ويه الروح

الليله اتصوب ليث الغاب لو راس المختار انصاب

***

لنها اتجاوبه روحي تقله يا قلب اسمع انته القلت هادينه صفت المحراب اله مصرع

ما ظن يا قلب هذا دم المصطفه ينبع هذا اللي جره اعله القاع دم المرتضه الأنزع

و بهالحال يا دم سال

دم حيدر هالصار اخضاب لو راس المختار انصاب

***

صغت روحي و يحاجيها القلب و بلوعته اتفطر يقللها و بشرايينه لهيب النايبه يسعر

أخبرج هذا بالمحراب جسمه انصرع مو حيدر هذا دم رسول الله جره و من طبرته اتفجر

من انين اليوم تجري ادموم

حيدر هالمصيوب اصواب لو راس المختار انصاب

***

لا روحي ولا قلبي عرفوا مصدر الأحزان النتيجه واضحه و هالحال ما يحتاج اله تبيان

لا دم الوصي هذا و لا دم سيد الأكوان دم المصحف اليجري و صابوا هامت القرآن

و التنزيل دمه ايسيل

صابوا تنزيل الوهاب لو راس المختار انصاب

***

الليله طبروا القرآن و الآيات دمها ايسيل هذا مو علي اتصوب صابوا مصحف التنزيل

نحيب الكون لمصابه يرتل بالحزن ترتيل عله امصابه الزبور اينوح و التوراة و الإنجيل

بالمضمون ما يدرون

صابوا من وحي الله اكتاب لو راس المختار انصاب

******

فاطمة الفردوس
08-12-2006, 10:20 PM
هاك اسمع نداء الروح ما بين العرش و اللوح

دمك يا علي مسفوح ما بين العرش و اللوح

*****

كنز الحكمه وجدانك و قلبك خازن الاسرار إيمانك يبث أنوار للعالم يا حاي الجار

ياكرار سيفك صار شفرة نار عالكفار إلك بتار يوم الثار خله نايحه بكل دار

يا نور الإله الغاب بين الكعبه و المحراب

للحق ناظرك مشبوح ما بين العرش و اللوح

**

وجدانك يداحي الباب أصبح حجة للرحمان إلك عنوان بالميدان خالد ظل مده الأزمان

يا ريسان سيفك جان بركان و عله العدوان بالقرآن إلك برهان تشهد له الإنس و الجان

بفضلك تشهد الآيات و الإنجيل و التورات

بابك للعلم مفتوح ما بين العرش و اللوح

**

فضلك يا علي واضح بالتوراة بالإنجيل يالشرفت ميكائيل يالعلمت جبرائيل

بالحومه تصيح الويل من عزمك أصحاب الفيل وجهك فجر سيفك ليل يمطر حجر من سجيل

يالسرك عصه موسه او يا من كلمت عيسه

و بفضلك تشرف نوح ما بين العرش و اللوح

**

يحيدر اسمك الزاهر على ساق العرش مكتوب إلنه اكلوب بيك اتذوب يالبيك المثل مضروب

عشر معشار من صبرك يعادل كل صبر أيوب إبن يعقوب رديته لبوه و فرحت يعقوب

بسمك يهتف اسليمان و بملكك صبح سلطان

ذاتك بالعالي اتلوح ما بين العرش و اللوح

**

دلالي المصابك ذاب لمن طحت بالمحراب اشلون اصواب دهرك صاب راسك و الصواب

و المحراب عل الأطياب صار أظلم يداحي الباب جم امصاب فوق امصاب صابك و الجرح ما طاب

دمك يجري عالغبره و ظل ينبع من الطبره

و تدري لشجم قلب مجروح ما بين العرش و اللوح

**

هذا الحال أصعب حال دمك عالترايب سال لاجن جسمك الطاهر تشيع و الدمع همال

بس احسين فوق ارمال ظلت جثته بهالحال خله اعيال بالغربه و راسه انرفع عل العسال

صريع و بالدمه امعفر و جسمه الطاهر اتوذر

و دم النحر ظل ايفوح ما بين العرش و اللوح

******

فاطمة الفردوس
08-12-2006, 10:21 PM
حاء و ياء و دال وراء حيدر حيدر حيدر

إسمٌ تعشقهُ الأسماء حيدر حيدر حيدر

أسرارٌ هل تذكر لا والله يا حيدر

****

بالعرش سرك يحيدر بالكنوز الجوهريه محد الذاتك عرفها غير بارينه و نبيه

عن جميع الناس غابت هاي الاسرار الخفيه يالصبح حبك عباده بأمر من رب البريه

أنت منارٌ للأمناء حيدر حيدر حيدر

علمك نهجٌ للعلماء حيدر حيدر حيدر

هل يغ*** الجوهر لا والله يا حيدر

***

اسمك الطاهر عشقته يا علي و يمشي ويه دمي الحاء حبك و آنه منه بالمهد رضعتني أمي

الياء ياقوت الجلاله امودع بأعضاء جسمي الدال دم شيعتك هذا الراء رحمه و تجلي همي

حبك يجري في الأعضاء حيدر حيدر حيدر

إن تطلب نعطيك دماء حيدر حيدر حيدر

يجدي فيضُ المنحر لا والله يا حيدر

***

حيدر و صرختنه منها ترجف اكَلوب النواصب هالاسم مثل الزلازل عالعده ينزل نوايب

هالاسم أمجاده تدوي بالمشارق و المغارب هالاسم و احروفه تزهي تسطع بعين الكواكب

اسمك للأكوان ضياء حيدر حيدر حيدر

يسلبُ أرواح الأعداء حيدر حيدر حيدر

ذا مجد هل ينكر لا والله يا حيدر

****

حيدر و من نذكر اسمك نذكره بإيمان صادق يبتهج وجه الموالي و ينخطف وجه المنافق

هذي ما نقصد إثاره للفتن هذي حقايق هذا صوت الحق نصيحه الما يوافق لا يوافق

فلتعلو منا الأصداء حيدر حيدر حيدر

أنت وجودٌ دون فناء حيدر حيدر حيدر

هل نرضى بالمنكر لا والله يا حيدر

****

يا علي و هالدنيه فرصه للذي يريد السلامه و اللي ما يمشي بطريقك تالي ما تفيده الندامه

اسمك بوجه الموالي يا علي أصبح علامه و الذي ايخالف طريقك ما يغيرنه بكلامه

أنت شعاع في العلياء حيدر حيدر حيدر

تزهو بالنور الوضاء حيدر حيدر حيدر

هل من سحر يؤثر لا والله يا حيدر

****

للشريعه انطيت دمك ما نعز اعليك دمنه يا علي و من نذكر اسمك بيك يتبرك اسمنه

و الخصم مهما يخالف و الله ذره ما يهمنه منك اعرفنه الحقيقة و منك اكسبنه علمنه

يا دستورا للبلغاء حيدر حيدر حيدر

يا منهاجا للحكماء حيدر حيدر حيدر

هل حرفت المصدر لا والله يا حيدر

******

فاطمة الفردوس
08-12-2006, 10:22 PM
حيدر يا حيدر حيدر

بعد الله و محمد اسمُك يبقى يتردد

حيدر يا حيدر حيدر

*****

يا أفضل مخلوق اتكون من بعد الهادي حيدر حيدر ظلت بسمك هالأمه اتنادي

دين الله يناديك بمجدك حارس أمجادي إنته القمه و غيرك أصبح يا حيدر بادي

أنت الفاروق الأوحد اسمُك يبقى يتردد

حيدر يا حيدر حيدر

*****

بالخمس افروض الفارضهن ربنه اعله الأمه أول نذكر اسم الباري و نتشهد بسمه

بعد الخالق اسم الهادي و اعليك يقدمه نتشهد بسمك يا حيدر يا تاج الحكمه

بعد الخلاق و أحمد اسمُك يبقى يتردد

حيدر يا حيدر حيدر

*****

يا كنز الخالق وجدانك يا خازن سره شاركة الهادي بغزواته و بالسيف اتنصره

إنته البيك الدين اتأيد يا سر القدره كلمن رايد ينكر فضلك جاحد نعتبره

بالمحراب و بالمعبد اسمُك يبقى يتردد

حيدر يا حيدر حيدر

****

فاطمة الفردوس
08-12-2006, 10:23 PM
يا هيبة مضر يا حد مراجلها من هيبتك تتراجف بواسلها

**

يا صل الرمل يا غضب يا بركان زودك عاصفه و تنسف جبل ثهلان

يا ما حدت بسمك يا علي الركبان و تتغنه بثباتك كل قوافلها

**

قوافلها يحيدر غدت تتغنه بسمك يا قسيم النار و الجنه

و سيفك إله بهامات الخصم رنه و الخيل ابدمه العسكر تحجلها

**

تحجلها ابدمه و بالجثث تتعثر يا فارس الخندق يا بطل خيبر

يالصوتك يهز إجبال لو زمجر و صرخاتك لاعد ترهب جحافلها

**

جحافلها تهابك و انته ليث الغاب يا الجفك نسر كاسر يداحي الباب

و ما يهمك يحيدر لو خفق لغراب يا تارك مناحه بكل منازلها

**

منازل تنتحب منك يصل الصيف و يحلالك يبو الحملات ممشه الهيف

و ياراضع العسكر من ثدايه السيف و قاع الحرب صولاتك زلازلها

**

يا زلزال من صوتك تروض القاع يا ماخذ احقوق الموت صاع بصاع

من حملاتك اقلوب الزلم ترتاع و كل تخطف كل مهجها من تقابلها

**

تقابلها بعزم يالما فتر عزمك عجيبه اشلون ابن ملجم قرب يمك

و لنك عالترب مخضوب من دمك و امصيبتك ما تخمد مشاعلها

فاطمة الفردوس
08-12-2006, 10:24 PM
بس حيدر تحلاله الرآيه

**

حيدر بأمر الباري اتعين جوهر و من الجوهر أثمن

حيدر أطهر من كل معدن و بأسمه العفه مسمايه

***

من اسمه مسمايه العفه و ايدير الأفلاك بجفه

حيدر يالماتعرف وصفه آيه و بيمينه ترف آيه

***

جفه الجف الموت ايصافح من أجل التوحيد ايكافح

و انخاضب هالبحر الطافح يا بحر الماي نشف مايه

**

ثبت دين الله و منهاجه كلم هادينه بمعراجه

فايض ما تنشف أمواجه بحر الإحسان و عطايه

***

بحر الجود و تاج الهمه للدين أصبح روح و جسمه

و الركبان اتنادي بأسمه تحدي بمعناه الحدايه

***

روح أسأل صفين و خيبر تروي لك عن همسة حيدر

صال و جال و هاج و دمر و بسيفه ايروع غزايه

***

ناصر دين الله و أحكامه يشهد تاريخه و أيامه

حيدر ما ثبتت جدامه لا سيافه و لا رمايه

*******

فاطمة الفردوس
08-12-2006, 10:26 PM
للشيخ عبد الستار الكاظمي...
خضبوا في الصلات أعظمَ الكائنات

غالهُ في السجود سيفُ حزبِ اليهود

***

خضبوا رأس علي و هو حالِ السجودي معشرٌ بالظلم فاقوا كل أفعال اليهودي

دينهم كذب وزورٌ مثل عاد و ثمودي

و بشهرِ الصيام قد أصابوا الإمام

هُدَ قطبَ الوجود سيفُ حزبِ اليهود

***

خلف الكرار آثارا من الاحقاد تسعر في قلوب الكفرِ من بدرٍ و أُحد ثم خيبر

و قفا صفا قريشٌ و اليهودُ ضد حيدر

بإتفاقٍ خؤون جرعوهُ المنون

بين تلكَ الحشود سيفُ حزبِ اليهود

***

للعصا كانوا عبيدا رفعوا الذل شعارا خرجوا عن دين طاها حيثُ خانوه جهارا

قتلوا الكرار ظلما و به يصلونَ نارا

في شقاءٍ عظيم يدخلونَ الجحيم

شرُهم في الجحود سيفُ حزبِ اليهود

***

شر خلق الله عاشوا في ظلال و ظلامي و بغدر ذبروها خطةً ضد الإمامي

خلفت أحزابَ جورٍ ساقهم حبُ المقامي

و بظلمٍ شنيع كان خضباً فظيع

حين صابَ الحقود سيفُ حزبِ اليهود

***

في السماء جبريلُ نادا في بكاءٍ و عويلِ هدمت أركان دين الحق في خطبٍ جليلِ

راح خير الناس طرا حيدرٌ حامي الدخيلِ

يا عظيمَ المصاب راحَ عدلُ الكتاب

جاءهُ من ثمود سيفُ حزبِ اليهود

***

ضجتِ الدنيا و ناح الملأُ الأعلى نياحا جوهرُ العروةِ ظلما دمهُ الطاهر ساحا

و له المحراب و المسجد كالأيتام ناحا

بدرُنا في خسوف في بروج الحتوف

ساقهُ للحود سيفُ حزبِ اليهود

***

هدمت و الله أركان النبوه و الإمامه

عند قتل الساقي ماء في يوم القيامه

فاطمة الفردوس
08-12-2006, 10:28 PM
للمرحوم العلامة السيد جعفر الحلي...
لبس الإسلام أبراد السواد يوم أردى المرتضى سيف المرادي
ليلة ما أصبحت إلا وقد غلب الغي على أمر الرشاد
والصلاح انخفضت أعلامه وغدت ترفع أعلام الفساد
ما رعى الغادر شهر الله في حجة الله على كل العباد
وببيت الله قد جدّ له ساجداً ينشج من خوف المعاد
يا ليال أنزل الله بها سور الذكر على أكرم هادي
مُحيت فيك على رغم العلى آية في فضلها الذكر ينادي
قتلوه وهو في محرابه طاوي الأحشاء عن ماء وزاد
سل بعينيه الدجى هل جفتا عن بكا أو ذاقتا طعم الرقاد؟
وسل الأنجم هل أبصرنه ليلة مضطجعاً فوق الوساد؟
وسل الصبح هل صادفه ملّ من نوح مـذيب للجماد؟
عاقر الناقة مع شقوته ليس بالأشقى من الرجس المرادي
فلقد عمم بالسيف فتى عمّ خلق الله طراً بالأيادي
فبكته الأنس والجن معاً وطيور الجومع وحش البوادي
وبكاه الملأ الأعلى دماً وغدى جبريل بالويل ينادي
هدمت والله أركان الهدى حيث لا من منذر فينا وهادي

فاطمة الفردوس
08-12-2006, 10:29 PM
لا لا تخلينه يبويه لا تخلينه منهو اليواسينه من يواسينه

و ايتامه ظلينه يبويه ايتامه ظلينه

****

هذا النعش مطروح فقدك يفت الروح دم و دمع مسفوح

يا حيدر ايشيعوك و بكبرك ايدفنونك بالنايبه و بالنوح

عكبك نظل أيتام نحمل هضم و آلام نحمل غصص و اجروح

من يحضر الدفان و يوسد الجثمان باصرنه وين انروح

لا تحيرنه لا تحيرنه يبويه لا تحيرنه

منهو اليصبرنه يبويه من يصبرنه

بيا حاله تدرينه يبويه ايتامه ظلينه

****

هالليله يا كرار تتشيع من الدار و احنه اعله جمرة نار

انشوف النعش محمول يابه الحسن و انكول هذا الجره و الصار

نصبر عالمكتوب نحمل هضم جم دوب عكبك يحامي الجار

بسمك رفعنه الصوت بين الأجل و الموت و الحكمه و الأقدار

ظل خالي محرابك يبويه ظل خالي محرابك

من جمرة امصابك يبويه من جمرة امصابك

تسعر غدت بينه يبويه ايتامه ظلينه

****

امصابك أشد امصاب نورك يحيدر غاب ظل موحش المحراب

يا خايض الأهوال يا رجفة الزلزال و من البعد تنهاب

اشلون اوقعت مصيوب من اسمك المهيوب ترجف ليوث الغاب

جا وينه عزمك ذاك اشلون الأجل وافاك تتوارى بين اتراب

اشلون الدهر خانك يبويه هالدهر خانك

ياريته دفانك يبويه ريته دفانك

كبلك يوارينه يبويه ايتامه ظلينه

****

لمصابك انعانينه دم و دمع نجريه و الجرحك انواسيه

كبلك ياريت انموت ولا ننظر التابوت بيه جسمك امخليه

دمك صبح كافور هذا الكبر محفور و الجسمك ايواريه

هالساعه جن شالوك و بحفرتك نزلوك للمضجع امحضريه

جن نزلوا جسمك يبويه جن نزلوا جسمك

خل نندفن يمك يبويه خل نندفن يمك

خابت أمانينه يبويه ايتامه ظلينه

***

جنازتك شالوك يابه الحسن شيعوك و بحفرتك نزلوك

إنته البحر لو فاض و إنت الأسد لو غاض اشلون بلحد خلوك

طبع الشموس اتنور ما تندفن بكبور و إنته اشعجب دفنوك

يا مرجف المسكون صوتك يهز الكون اشلون بكبر وارووك

ردينه بالدهشه يبويه ردينه بالدهشه

و بدارك الوحشه يبويه بدارك الوحشه

يرعانه بارينه يبويه ايتامه ظلينه

****

بهالحاله ودعناك و بمضجعك عفناك بالعبره فاركناك

مظلم لقينه البيت صحنه بحزن ياريت شفنه الأجل وياك

عقبك يبو الأطهار وحشه و مظلمه الدار تبجي الهضم فركاك

اغراب المصيبه ايحوم و ايتامه صرنه اليوم ما نصبر بلياك

ليك الدمع جاري يبويه ليك الدمع جاري

و بذمة الباري يبويه بذمة الباري

هو اللي يحمينه يبويه ايتامه ظلينه

****

فاطمة الفردوس
08-12-2006, 10:30 PM
ليلة توديعٍ و بكاء و عليٌ يوصي الأبناء

بالإسلامِ أُوصيكَ يا ولدي

بالإيتامِ أُوصيكَ يا ولدي

***

بدار الوحي صرخة حزن مرتفعه و من بين أستار الهضم و الدمعه

و شاهدنه فتيان الوصي متجمعه ايودعها بدموع الحزن و اتودعه

و من بينهم صوت الوصيه انسمعه يوصيهم بدين الرسول و شرعه

ووصيةُ خيرِ البُلغاء لشريعةِ دينٍ سمحاء

***

هالليله بفراش الأجل حامي الجار و جالت اعيونه و ظل يدير الأنظار

يالحسن يبني ايصيح هالموعد صار اسمع وصيتي يا سليل المختار

و طبع الدهر ما يوفي ويه الأحرار و لا تعتقد يبني تطول الأعمار

إنَ الدنيا دارُ فناء ما فيها للمرءِ بقاء

***

يالحسن هاك اسمع كتاب الله اشقال ما تنفعك بالدنيه غير الأعمال

مهما بلغ بيك العمر مهما طال لابد يجي يوم و تشوف الآجال

و الدنيه يبني ما تظل بهالحال هذا الظلم لابد يروح و ينزال

بالسراءِ و بالضراء إصبر إن الصبرَ دواء

***

أوصيك يا سيد شباب الجنه بدين الرسول و بالشرع و السنه

و يالحسن و احذر من وقوع الفتنه و ما غيرك اليحفظ عهد يتبنه

طبع الدهر لو ردت تنشد عنه غدار هذا الدهر و احذر منه

ربُكَ يعلمُ بالأشياء فاذكره صبحاً و مساء

***

أوصيك بعدي بالفقير المحروم و احذر الدعوه لو دعاها المظلوم

أديت يبني اوياك هذا المرسوم بعلم المنايه راح أخبرك هاليوم

لو غبت عنك ما يرحموك القوم جني أشاهد يبني جبدك مسموم

ربُكَ يعلمُ بالأشياء فاذكره صبحاً و مساء

***

وصه الحسن و النوب صد إعله احسين ناداه اصبر لا تهل دمع العين

يحسين يبني هذي حالات البين بقلبك و قلبي اليوم شبت نارين

لو رحت عنك يبني تتوجه وين بدمك الطاهر ينحفظ هذا الدين

تمضي للإسلامِ فداء و الموعدُ في عاشوراء

***

يحسين إخذ دمعة اعيوني اتخبرك لو غبت عنك ما يرحمك دهرك

كربله يبني اعله الوعد تنتظرك و تنذبح ضامي و الفرات بكترك

و من بعد ما هالقوم تكطع نحرك بالخيل يا مظلوم تسحك صدرك

ظامٍ تقتلُ جنبَ الماء و الجسمُ خطيبٌ بدماء

*****

فاطمة الفردوس
08-12-2006, 10:30 PM
لا تسل ماذا جرى إنهُ دمي جرى

و إلى اللهِ المصير

***

آنه حيدر من وجودي يفترع أصل الإمامه بسيفي دين الباري ثبتت قاعدة شرعه و نظامه

و آنه أخبرني محمد عن أجل عمري و ختامه و الإشاره إعله الكواكب ينرسم جرحي علامه

و بقى يامٍ دمي في عيونِ الأنجمي

هكذا قال البشير و إلى اللهِ المصير

***

هذي آخر ليله جمعت كل علامات النهايه و السحر لمم نجومه ينتظر فجر المنايه

ودعة أطفالي و آنه امطوق بموج الرزايه و اطلعت من داري أمشي و الأجل يمشي ورايه

قاصداً فرض الصلا آنَ لي أن أقتلا

ها هو الفرض الأخير و إلى اللهِ المصير

***

اتوسطت محرابي و أنظر مشهد العالم تغير كبرت للباري و اسمع كل ملك ويايه كبر

أحس كل ذره ويه صوتي رددت اللهُ أكبر و جن يخاطبني ضميري اتهيئ الموتك يحيدر

و إذا قلت متى ها هو الموت أتى

مسرعاً جاء يسير و إلى اللهِ المصير

***

تمت السجده الأخيره كبل ما تكمل صلاتي لن أحس الطبره صابة هامتي و ختمت حياتي

دمي خضب شيبي و آنه اموسد بخطة مماتي و اهتفت فزت و رب الكعبه ما تهمني وفاتي

و كأني بالسما تذرف الدمع دما

و لها دمعٌ غزيز و إلى اللهِ المصير

****

اتوسدت محرابي و أسمع بالسمه يصيح المنادي انهدمت أركان الدنيانه و ينعه جبريل و ينادي

انفصمت العروة الوثقى و فرحة اكلوب الأعادي هذا حيدر طاح مرمي امصوب بسيف المُرادي

هكذا كان الندا هُدت أركانُ الهدى

إنه خطبٌ مرير و إلى اللهِ المصير

***

طبرتي تنزف دماها ووجهي من دمي ايتخضب القوم شالوني و اسمع بالسمه الأملاك تنحب

ما إلي إعله النهضه قدره من ألم راسي التصوب جني مو ذاك اللي أرده إبن ود و جِتل مرحب

هدني ثقلُ الأسا و بيه السيفُ قسا

فغذى وجهي عفير و إلى اللهِ المصير

***

اتوجهوا بيه إعله داري لن تلقوني بنيني الحسن حاضر عن يساري و صار الحسين بيميني

دمعة أم كلثوم تجري و هيجت جمرة ونيني زينب بجفها اجتني تمسح الدم عن جبيني

بعد يومين انقضت هكذا روحي مضت

نحو خلاقٍ قدير و إلى اللهِ المصير

****

فاطمة الفردوس
08-12-2006, 10:31 PM
لو ما علي ما دارت أفلاك الكون و لا جان رب العرش يخلق مسكون

حكمت وجوده رسم أشرف مضمون مضمون هاي الأكوان بطيب الطبع يرعاها

***

حيدر كيان العالم الإنساني و علت الإيجاز و لغز رباني

ناموس و ايدور بفلك عرفاني حيدر سفينة لاهوت بحر الملك مرساها

***

ازمام العوالم بيده و هو المحور و أصبح التيار المعاجز مصدر

من جبتهه برج السماوي اتنور كل مظلمه بهذا الكون نور الوصي أجلاها

***

ما بين ساقي العرش و آفاق اللوح أشرقت من عزة علي شمس الروح

أنفاسه بالحضره الإلهيه اتفوح من عطر وجهه الضواع جنة عدن أشذاها

***

بذاته و صفاته جمع كل الأضداد و الهاي عزت لبو الحمله الأنداد

من سر وجوده انوجد سر الإيجاد أسراره بعيون اللوح سبحانه من أخفاها

فاطمة الفردوس
08-12-2006, 10:32 PM
ما تنخمد للموت نار المصيبه يا حيدر

****

ذبني الدهر هاليوم و انفجع كَلبي يا حيدر

و اعيوني يا كرار عالدرب تربي يا حيدر

و ارسم صور و أحزان و القلم عتبي يا حيدر

و البدر من ايغيب منهو اليجيبه يا حيدر

اهلال العمر وياك يا بويه غايب يا حيدر

أصبر و أظل جم ذوب أحمل نوايب يا حيدر

عكَبك يداحي الباب شفت العجايب يا حيدر

شيبتك وسفه اتصير بالدم خصيبه يا حيدر

اشلون بكَبر هليوم يندفن جسمك يا حيدر

لو ترضه يا كرار بالروح أضمك يا حيدر

من عيني تجري اليوم دمعتي و دمك يا حيدر

ليلتك عالأيتام ليله رهيبه يا حيدر

بيت انهدم وياي يا عمد بيتي يا حيدر

أنحب و أحاجي الروح حلت رزيتي يا حيدر

عكَبك يبويه ريت قربة منيتي يا حيدر

هذا الكَلب هيهات يبطل لهيبه يا حيدر

هم ترد ليه اردود و انظرك يمي يا حيدر

و بشوفتك يا ليل ينكشف همي يا حيدر

جسمك يا جسم الكون ياوسفه مرمي يا حيدر

جيف الحبيب اشلون يدفن حبيبه يا حيدر

فاطمة الفردوس
08-12-2006, 10:33 PM
موال....
يا باني الدين يا سر الحجه ونها

و بعلمك و صارمك راح الشرك ونها

و ظلت قريش بحقد منك تجر ونها

و الراد بيك الغذر شاف الوكت لافته

تكفيك هالمكرمه و الكل نظر لافته

جبريل بيها هتف لا صارم و لافته

بس ذو الفقار و علي و أهل الشرك ونها

فاطمة الفردوس
08-12-2006, 10:35 PM
للشاعر ابو ايمن الاحسائي...
نبكيكَ يا كرار يا رمز الإباء

****

يا حيدر فقدك لوعنه روعنه امصابك روعنه

يا وسفه اغيابك صدعنه يهمل يالوالي مدمعنه

حزناً أيا عيناي دمعاً فسكبا

**

من صوب هامك بن ملجم شيبك حيث لتخضب بلدم

و ظلت أيتامك تتألم و حيلي اعليك اليوم اتهدم

و ضجت الأملاك من هول النبا

**

يا اللي ما تممت اصيامك وسفه الطاغي صّوب هامك

و بجرحك زادت آلامك و بلوعة تنحب أيتامك

يمشعل الأحرار يا بدراً خبا

**

نارين بقلبي مستعره نار الباب و نار الطبره

مهضومه و كسري شيجبره آحاه من الدهر و غدره

من يكفل الأيتام من للمجتبا

**

يا خيمه اعله اكلوب العيله بويه اشيقضي هاي الليله

ينعاك الذكر و تهليله و المحراب الدمع ايسيله

يا سيد الأكوان بتنا سُغبا

فاطمة الفردوس
08-12-2006, 10:36 PM
ناعي الموت صاح و نعه الله من هالفاجعه

**

راح ابن عم النبي و الأجل حل ميعاده خلف النعش ناعي الحزن بالحزن صاح و ناده

اليوم انفقد عقد الوله و اتيتموا اولاده و ابتدت نكبات الدهر من لحظة استشهاده

زينب هاي متصدعه الله من هالفاجعه

**

من بعد جدها المصطفه من بعد أمها الزهره ما جانت اتحس بيتم و لا تدري شنهي العبره

لاجن فقد حامي الحمه بالقلب تارك جمره اتفكر بوالدها علي الليله ينام ابقبره

اتصيح بروح متلوعه الله من هالفاجعه

**

امن الدار طلعت فازعه اتفت الصخر ممشاها تمشي و تصد اعله النعش و الحسن يمشي اوياها

و احسين اخوها لو بجت يمسح دمع عيناها و الشالوا اجنازة علي محد وكف تاناها

صاحت وين يالمسرعه الله من هالفاجعه

**

ريض يشيال النعش قبل الدفن تانيني لا تحفر اتراب القبر قبره حفرته بعيني

و انجانك حافر لحد وين اللحد دليني نزلني يم جسم الأبو بنفس القبر خليني

جفن العين صب مدمعه الله من هالفاجعه

**

من قبل عمر المرتضه ياريت يخلص عمري من بعده شيفيد العمر و اتيتمت من زغري

يا دار ابويه الموحشه و يا دمع عيني اليجري اشلون أرجع الداره و أطب ياريت أطب القبري

راح الراح شيرجعه الله من هالفاجعه

***

بمصيبة أمي هالدهر فت مهجتي و ألمني دهر الغدر بنت النبي اشلون أنتظر يرحمني

من بعد أمي فاطمه رايد بعد يهضمني فاجأني بمصاب الأبو و من الزغر يتمني

هذا الصوت من يسمعه الله من هالفاجعه

***

ناديت بويه يا علي جمرة مصابك تلهب جنت بحماك امدللة صرت اليتيمه زينب

هالحمه يا بويه اقتضت من الزغر أتعذب لو أدري ترجع بالنحب ليلي و نهاري أنحب

روحي اعليك متروعه الله من هالفاجعه

فاطمة الفردوس
08-12-2006, 10:38 PM
السيد سعيد الصافي الرميثي...
راسك ما يشفه اصوابه و انشلت ايده الصابه

*****

خاشع للباري وساجد يا أصدق و أطهر عابد

وصابك بالسيف الحاقد و لن شيبك دم اخضابه

***

كون الله الفقدك مغضب و جبريل بلوعه و يندب

وياك أصبح متصوب دين الخالق و اكتابه

****

مدمعنه اعليك انسيله حيدر يا حامي ادخيله

يا هو البعدك نشكي له المثلك يتمنه اغيابه

***

يا من فقدك يتمنه و أصبحنه انعيش بهمنه

و ما ظلت وسعه اتلمنه و لية اتولتنه اذيابه

***

حي ميت يا هيبتنه و لمن تسمع نخوتنه

تحضر ساعة شدتنه و الحبك هذا احسابه

***

فاطمة الفردوس
08-12-2006, 10:40 PM
المرحوم السيد عبد الحسين الشرع...
سيف الله انطبر بالسيف و اتخضب بمحرابه و أظلم كونها الفركاه و ماج العرش لمصابه

*****

و هاشم خل تجيم النوح و تعمر مياتمها و لف الكدر رايتها و فل احدود صارمها

راح الجان للعدوان طيب النوم حارمها

راح السيف المجرب و لو طب للحرب و أحرب

راح اللي طبر مرحب و هز الحصن بيمينه و بعزمه شمر بابه

***

يا موت الزلم يا ليث يا المنك يهاب الموت و يا جاذب أرواح اعداك و يوم الحرب يا لاهوت

أشلون أجذام المرادي لعد حدك تصل و تفوت

و انته البلحرب فتاك و حته الكدر ما يدناك

و تشهد لك مواضي اعداك يوم الجندلة بن ود و سيفك شتت أحزابه

***

و حدك جمر يتواكد و من يكدر يصل حدك و انته الموت يوم الكون طايع الأمرك و يدك

كلمن يسمع بطرواك و يرجف خوف من عندك

جيف النذل ما هابه و اتقرب المحرابه

و جرد مرهفه و صابك و شيبك يا شديد الباس صار بدمك اخضابه

***

نعاك الروح يا حيدر و سمعة نعيت أم جلثوم و تصرخ لفت لخوتها و من عدها الجبد مالوم

صاحت يالعلي و الله يطيب الكم يخوتي النوم

و ابونه انجتل بالمحراب و بسيف المرادي انصاب

يبو امحمد يا داحي الباب كوم و عاين الراسه و شد يبن أمي اصوابه

***

و اسمع بالسمه جبريل و كام ايصيح و اينادي تهدم ركن دين الله المصيبة وصي الهادي

أبو الحمله وكع مصيوب و راسه بسيف المرادي

فاطمة الفردوس
08-12-2006, 10:41 PM
وينك يداحي بويه يا بويه صار أظلم المحراب بويه يا بويه

**

لمصابك اهتز العرش يا ضرغام و أولادك بهاليوم صاروا أيتام

هالليله ليلة نايبات و آلام يا علي و جرح البقلب ما يلتام

و الحسن عقبك صاح بويه يا بويه

و سور المعالي طاح بويه يا بويه

و غاب البدر هاليوم شيصبر المهموم

**

أشرح الحاله ابدمعي يا حامي الجار جم قلب من عقبك يحيدر محتار

قلب الحسن بالهضم يتلاهب نار و احسين هايم بالحزن يا كرار

اسمع اشصاح احسين بويه يا بويه

و عقبك أتوجه وين بويه يا بويه

هذا حال المظلوم

**

زينب يا حيدر هالحزن داهمها ريتك يبو الحسنين حاضر يمها

ذايب قلبها و الدهر يتمها علمها عالهم و الهضم علمها

اتصيح بقلب مجروح بويه يا بويه

عندي ما ظلت روح بويه يا بويه

و قلب العقيله ايحوم

**

يا بالحسن بيدك مدار الأكوان يا وسفه تتوسد ابين التربان

بكل قلب شبت يبو احسين النيران و للحشر ما تنخمد نار نار الأحزان

جم قلب صاح ابصوت بويه يا بويه

وسفه اخضعت للموت بويه يا بويه

فوق القلب مرسوم

**

صاحوا أيتامك يا علي ما ننساك لو ترضه نتوسد بقبرك وياك

يا ريت دمنه ايسل من قبل ادماك و لا نعيش ساعه من الحياة بفرقاك

ريت العمر لا طال بويه يا بويه

و شيصبر الدلال بويه يا بويه

جرح الجبد مالوم

**

تاهت بفقدك يا علي أفكاري و بطبرتك طاح و تهدم داري

أصرخ و أنادي ابدمع عيني الجاري للموت ما تنخمد جمرة ناري

و بالقلب جمرة نار بويه يا بويه

و أصرخ اشصار اشصار بويه يا بويه

اشلون أصبر اعله اللوم

**

نداء السمعته امن العقيله يظهر نادتك عقبك ما أقدر

ما ردت عالهم و الهضم أتصبر نوبه أنظر اجيوش النوايب تكثر

*******

فاطمة الفردوس
08-12-2006, 10:42 PM
وداع اوياك هالليله وداع اوياك

عد من ودعتنه لو رحت و عفتنه

وداع اوياك هالليله وداع اوياك

***

أربع يتامه شاهدت يم الوصي مجتمعه زينب إجت ويه الحسن تريد الأبوها اتودعه

و تنحب أم كلثوم بحزن ما بين حسره و دمعه و احسين يحجي ويه الأبو و حيدر ابوه يسمعه

صعب فرقاك هالليله صعب فرقاك

و افراقك يفتنه لو رحت و عفتنه

**

ناح الحسن يم والده و ناداه فتني اصوابك بين الجوانح و الجبد تتواره نار امصابك

الليله الأخيره يا علي و باجر يحين اغيابك ثلثين حيلي ينهدم و لو عاينت محرابك

الدمع ناداك هالليله الدمع ناداك

أحسب يتمتنه لو رحت و عفتنه

**

و النوب إجت زينب تحن و تتلاوح الها الطبره و اتكله هذي طبرتك رسمت لي ضلع الزهره

يا بويه باصرني صدق جسمك ينام ابكبره قبرك ياريته ابمهجتي جف المصيبه ايحفره

القلب ينعاك هالليله القلب ينعاك

بويه و ضيعتنه لو رحت و عفتنه

**

هالليله كل موج الدمع طافح بدار العصمه و ناحت أم كلثوم بهضم و للوالي فزعت يمه

مره تقبل يمنته و مره ابطبرته اتشمه تحجي و دمعها امن الجفن يتسابق ويه الجلمه

إجيت أنخاك هالليله إجيت أنخاك

ابهالحاله الشفتنه لو رحت و عفتنه

**

رابع وداع اللي حصل يختلف وضعه و حاله حيدر تغير من نظر شبله لحسين اقباله

أومى له و بإذنه همس جلمه حزن أوحى له و الشبله صار ايخبره باليحصل و يجرى له

خبر وافاك هالليله خبر وافاك

بيمن أملتنه لو رحت و عفتنه

**

و احسين حين اللي سمع هذا الخبر من حيدر بيه المصيبه اتلاهبت و بركان حزنه اتفجر

ناداه لوعت طبرتك و لوعتي بقطع المنحر يتفرعن من فاطمه و ضلع أمي هوَ المصدر

و نظل برجاك هالليله نظل برجاك

طول العمر نتنه لو رحت و عفتنه

**

يا بويه ملينه العمر يا عمر بعدك ينفع و هالليله يمنه و بالفجر جسمك يضمه المضجع

و جم قلب بعدك عالقبر يتنثر و يتقطع و جم روح بعدك يا علي بهالنايبه تتصدع

***

فاطمة الفردوس
08-12-2006, 10:43 PM
يا شايل نعش الوالي ريض مشيتك

تانيني و ارحم حالي و آنه ارتجيتك

أرد أودعه و من تشيعه

ريض مشيتك

******

صحت و الهم تبلاني و يلوج المدمع بعيني ايهداك ياهالشايل نعش والينه تانيني

أريد اتريض الممشه تراني الهضم عاميني و أهيس نشفت ادمومي و لا قطره بشرايني

لوين بهل النعش قاصد أريدك تسمع اونيني أسوم اعليك أبو الزهره أودع الوالي خليني

آنه الحره المظلومه هاي آنه زينب

لمن ينحب له اتلومه كَلبي التعذب

لا تفجعه من تشيعه من تشيعه

ريض مشيتك

****

يا شيال النعش ريتك تهون خطوة المسره ياريتك ترحم ابحالي أودع والد العتره

كَبل ما توصل اللحده و تخضه و بيدك اتحفره قبل ما تنظر اعيوني ابويه اموسد بكَبره

أريد اليوم أودعنه و أشمه بموضع الطبره و أغسل شيبته بدمعي حنين و لهفة الحسره

و آنه بحسراتي و همي ظليت أكابر

راح الوالي من يمي بيمن أصابر

وش يرجعه من تشيعه

ريض مشيتك

****

كبل لا توصل الكبره تنزل نعشه ياريتك اشكثر يمشيع الوالي تمنيت و ترجيتك

ويه ابو الحمله أريد أحجي و أكله اتغيب مدريتك عكَب عينك يضي البيت مظلم يا علي بيتك

ياريت الموت ياخذني تعيش إنته تمنيتك مثل دم طبرتك دمعي يصب و بدمعي واسيتك

أتمنه اتعيش وتالي ميته عساني

يا الما تبعد عن بالي فكَدك ولاني

بعيني دمعه من تشيعه

***

بعد يا من شلت نعشه أخبرك و ال*** مجمور بلا شك ينحفر جبدي لون شفت الكبر محفور

هاي آنه اجيت أنحب و أنوحن و الدمع منثور أجفن حيدر بروحي و دمعتي السدر و الكافور

و أخبرنك بعد لمن شفت راس الولي مطبور ذكرت الباب و المسمار و ضلع الطاهر المكسور

اشلون أكدر أنسه اهمومي شدة مصابي

سهرت ما بين انجومي جمرت عذابي

لا تصدعه من تشيعه

***

فاطمة الفردوس
08-12-2006, 10:43 PM
يا وجودي و منطلق إيماني بسجل حبك سجلت عنواني

***

يا علي مكتوب اسمك بالقلب و اسلكت نهجك على سلم و حرب

يا علي و هيهات أغير هالدرب بنهج دربك والدي وصاني

**

والدي وصاني أمضي بسيرتك و غايتي معقوده من سر غايتك

و آية العشاق صارت آيتك و شهد بيها العالم الإنساني

**

يا علي ما أخلف اوياك بعهد الحبك بدلالي من هز المهد

و اليواليك اهتده بدرب الرشد ياللي اسمك ترجمة قرآني

**

إنته للقرآن أصله و منهجه و التمسك بيك يا حيدر نجه

و اسمك السان الموحد يلهجه بآيتك ***ي نطق و الساني

**

استأرثت هاي المحبه من هلي و أمي غذتني الولايه يا علي

و غيرك بهالكون ما واحد إلي يكشف من ال*** ثوب أحزاني

**

إتراب احنه يا علي و انته الذهب عالعهد واضح و عاللوح انكتب

و الذي من ***ه إيمانه انسلب لو لفظت بهاللفظ عاداني

**

يا علي إنته الأصول الثابته و إنته للمعبود روحه و آيته

و اليعاديك انشد إعله الرضعته بهالمعاجز قدمت برهاني

******

فاطمة الفردوس
08-12-2006, 10:44 PM
يا يومَ عليٍ حسُبنه اللهُ و للقلبي نداءٌ واعلياهُ

**

عليٌ بعد طاها خير من صلى و من صام و من سبح للمولى

عليٌ ذو العلا و الخالق الأعلى و منهُ إشتق إسماً حين سماهُ

**

عليٌ هل أتى و الآيةُ الكبرى هو السر لسبحان الذي أسرى

رسول الله قد حدثنا جهرى بهِ جاءت ألا من كنتُ مولاهُ

**

هو التنزيل يبكي فقده التأويل و سالت أدمعُ التوراة و الإنجيل

و يبكي في السموات له جبريل و في الآفاقِ حزناً باتَ ينعاهُ

**

قتيلٌ قد بكاهُ مجمل القرآن سبأ و الطور و التكوير و الرحمان

و طاها و النبأ و النجمُ و الفرقان و ناح الكون أقصاهُ و أدناهُ

**

كفى من لوعةٍ جبريل ناعيها لهول الخطب قد مادت رواسيها

مصاب زلزل الدنيا و ما فيها و في القلبي زناد الحزن أوراهُ

**

أتدري ما جرى في ليلة القدري دماء المرتضى من رأسه تجري

بكاء هي مطلع الفجري و ما أدراك ما دمعي و مجراهُ

**

على فقد علي فارس الهيجاء سأبكي ما بكت في دوحها الورقاء

و لن أخلع ثياب الحزن و الأرزاء على من خصهُ الهادي و آخاهُ

**

قريحُ الجفن و القلبُ أساً قد ذاب و الجسم رهينَ الحزن و الأوصاب

أبكي لهلالٍ غاب في المحراب و السيفُ بكهف الموت واراهُ

**

لما نابَ علياً لم أطق صبرا مصابٌ قد ذكى في مهجتي جمرا

ألا يا ربي فإرحم كلمن أجرى دموعاً ثم دموعاً ثم نادى و اعلياهُ

***

فاطمة الفردوس
08-12-2006, 10:45 PM
يومك فجعنه يا بو احسين يا بو احسين

**

يا بالحسن نحسب محن و آلام

عزنه انخطف صرنه وسف أيتام

يالمرتضه عمرك قضه و ما دام

فقدك رجح شخصك صبح أحلام

يالفاركتنه يا بو احسين يا بو احسين

**

أم الحزن آنه اشتظن أنساك

يابالحسن صوت المحن ناداك

ريت أنفقد وسط اللحد وياك

ذبني الحزن طيف الجفن يرعاك

فقدك هضمنه يا بو احسين يا بو احسين

**

صرخة فزع دمعة جزع تجري

عني رحت و اتحيرت بمري

دمعي رخص لمن خلص صبري

ضاع الشمل ما ينقبل عذري

يالصدعتنه يا بو احسين يا بو احسين

**

بقلبي ثبت حزني و نبت بحشاي

شنهو الأمر شنهو البصر و الراي

جنها اغذرت و اتكدرت دنياي

قلبي انفجع و آنه انقطع رجواي

لمن عفتنه يا بو احسين يا بو احسين

**

ضلعي انعطف و آنه اختلف وضعي

جار الدهر و اسمع خب ر دمعي

دمعي همل صوت الأجل ينعي

زينب أنه ليك انحنه ضلعي

من يتمتنه يا بو احسين يا بو احسين

فاطمة الفردوس
08-12-2006, 10:46 PM
نعى...
آنه زينب أم النوح و أم الحزن تدريني أسوم الله عليك اصبر يهالدفان تانيني

أودع والدي الكرار و أشبع شوف خليني و أجيب السدر و الكافور و أغسله من دمع عيني

يا دفان وارحم حالي آنه اللي ضيعت الغالي

أريد اوصيك يا دفان وصيه بلوعه و بحسره ابويه امصوب براسه بهيده نزله بكبره

بهونك بالدفن وياه أخافن تلجم الطبره ياريت انكضه عمر كبل لا ينكضي عمره

مليت الدنيه من بعده يا ريت ايوسدوني بلحده

(أبوذيه)

أريد أجري الدمع من دم وسيفه

و أصيحن آه يا حيدر وسيفه

ابن ملجم قرب يمك وسيفه

طبر راسك يسيف الله و نبيه

الكرامه انجعت بجتلك وهامك

و يزول الجبل من صبرك وهامك

طحت ساجد الوجه الله و هامك

انطبر و اتفجرت عين الثريه

عالهم عودك هالدهر ودماك

و موده ما بكت بالناس ودماك

إمام بلا ذنب غدروه ودماك

جرت مجره الجداول عالوطيه

فاطمة الفردوس
08-12-2006, 10:48 PM
للسيد سعد الذبحاوي...
زينب يم أبوها تهمل الدمعه و بآخر وداع بهالمسه اتودعه

*****

يم راس الأبو قعدة تون و اتنوح تعتب و الدمع فوق الوجن مسفوح

عفه روح العقيله تمتلك يا روح يصبرها اعله محنتها الأبو اتسمعه

***

ايقلها هالدمع و النوح مو وكته اله فذ يوم عينج من دمه اتكته

مصايب كربله الدلالج اتفته و باجر تطفه من عيناج جم شمعه

**

على جبد الحسن هالدمعه خل تجري يزينب قابلي لوعاتج بصبري

صعبه محنتج من بعدي آنه ادري اورثتي امصايب أمج البضعه

***

باجر من دمه دمعج يظل مسفوح اقبالج تزهق بطف كربله جم روح

و اتشوفين أبو اليمه السبط مذبوح و جسمه الطاهر اسيوف العده اتوزعه

***

خل يجري اعله عباس الأخو المدمع عله اجفوف الكفاله حين تتقطع

عله اجبود الضمايه و لوعة الرضع دلالج مصايب كربله اتقطعه

***

اعله جاسم عالرضيع و طبرت الأكبر اعله صرخات اليتامه و محنة الخذر

خل دمعج يزينب يجري دم أحمر اوحيده من تظل العيله بالوسعه

***

اخوتج هاي يا زينب يكفلونج و عن فقدي و فقد أمج يعوضونج

بعيناهم يا زينب تشبح اعيونج الصبر لازم يزينب قلبج ايجرعه

***

يا حيدر تكله لا تودعنه ضيعه من بعد عينك تضيعنه

عليك اشلون يبطل بويه مدمعنه المصابك يا علي اتنوح السمه السبعه

******

فاطمة الفردوس
08-12-2006, 10:49 PM
الفضه اتغير عكَب حيدر

كِلت يظهر بده المحشر

صدق دمه انتثر يمه ووكع جسمه بطل خيبر

**

هذا الأشر ابجفه و ردت له الشمس مرتين ما كفه يمينه السيف هذا الضارب ابسيفين

نصرخ من نضح من جفك سيل الموت هذا الطاعن ابرمحين كضه و رمح الشمس هاليوم ما مر اعله جفن العين

ابعلو الميزان أم راسه طبرها اشلون سيف البين اشيظل بالدنيه لو عنها تغيب نور أبو السبطين

حزن مشتد و لا ممتد

بغبار أسود الوكت غبر

جري المدمع رسم مصرع

و حفر مضجع بطل خيبر

**

هذا الترجف الآجال من اسمه و صعد راس الموت و هامات العده ابجذمه جان ايدوسها و ايفوت

هذا اللي نصر طالوت و بسره كسر جالوت و اشلون اليخوف الموت و ايرجف الموت هوه ايموت

عسن لا ناعيه تنعه و لا هذلت حمامه ابصوت القلم و اللوح يتمنن لون صارن إله تابوت

يشيعينه و يودنه

يغسلنه عالكوثر

بمر ربه بدت رهبه

و كضه نحبه

**

الكون اختل سكونه و ناح ابدمع مثل المطر منثور و هذي نفحة اسرافيل تنفخ ناعيه بالصور

مراكب هضم محذوره و تيار الحزن حادور دهتنه امصيبة الكرار و انصيح بقلب مجمور

أسد ربنه الطبر مرحب هالليله وكع مطبور مصيبه و صابت الأملاك يا روح القدي مأجور

ختم عمره ابدمه الطبره

وفه ابنذره و لا أخر

و نذر عنده دفن مجده

يطب لحده

**

الرازيا اترهت اعلينه ابراهاوت يذبل و صفوان و ليلة واحد و عشرين مرت من شهر رمضان

تركت بالضمير اجروح تتنازف قهر و أشجان و ما ظلت بعد عدنه لجروح التجينه امجان

ابحزن عشنه و بعد هيهات نخلع بردة الأحزان فرايس للهضم صرنه عله اللي يدب الفرسان

جروح الهضم فلا تلتم

اعله موج الدم غدت معبر

الجفن ينطح دمع يسفح

صريع أصبح

**

ابدمع خاوه الجفن و الخد ننحب و الدمع غدران عله الخاوه الرمح و السيف له الإنس و الجان

ألف حسره عله الجاعل جسم عمر ابن ود ديوان و هالديوان بيه نزلت ضيوف الضبع و السرحان

ألف شهقه عله المصحف اشلون اندفن بالتربان عله اللي كل عضو من أعضاه و الجسم قرآن

أبو العتره سكن كبره

و بعد بدره فلا يظهر

الترب حاجب نسر غالب

وسفه غايب

**

النوايب غرزت الأنياب بينه و كل مخالبها عكب غيبة نسر غالب الشيم ناحت غوالبها

المحن ما بينه نتحمل ثقل همها و مصايبها مهجنه طبرة الكرار غدت تمرح نوايبها

القداسه اشلون ابن ملجم قدر يدخل مضاربها اشلون الشيبة الكرار من دم راسها خضبها

ابوجهه مظلم إجه المجرم

إبن ملجم ربيب الشر

ياريته انشل بكَيت أسأل

صدق جندل

فاطمة الفردوس
08-12-2006, 10:50 PM
المرحوم الملا عطيه الجمري...
مات الوصي و نهضو أولاده ايجهزونه اموصي عليهم وسط بيته ايغسلونه

علي علي علي

***

اختصوا بتهجيز المطهر حسن و احسين ضافوا عل امياه الثلاثة امدامع العين

ايتقلب اعله المغتسل ما بين لثنين و بخمسة الأثواب أوصى ايجفونه

**

امنجي سفينة نوح حطوه ابسريره شالوه حسن و احسين بدموعٍ غزيره

تتخضع الجدران لنواره المنيره مرفوع المقدم و ساروا يتبعونه

**

طلعت الحوره تنتحب و القلب مرتاع بوداعة الله اتصيح يا حصني يمناع

سلم عله الهادي و مكسورة الأضلاع ريضوا اشويه بالنعش يا شايلينه

**

وسفه و ألف يا حيف يا هزاز الحصون يمدلل الشجعان من يتعمر الكون

ساجد الربك غالك الغادر ال***** أحزن عليك المصطفه و أمي الحزينه

**

جيف البصر يا والد الغر الأماجيد لو هيأوا المنبر يبويه الخطبة العيد

من يبتسم ثغره و يا هو يلبس اجديد متشوف غير اليصفك ايساره ابيمينك

**

يباب طلاب العلم و أهل الفضايل لو قصدوا الباب العلم و الكل يسايل

يولاد حيدر وين حلال المشاكل حاوي علوم المصطفه باب المدينه

**

ينشعب قلبي و مهجتي تتواقد ابنار لو لاحظت عيني يبويه بعدك الدار

منها يسور المنع نورك فاقدينه

**

باجر يبويه ايصير برض الشام عيدين و احنه صباح العيد عدنه ايصير حزنين

منك نشوفه خالي المسجد يبو احسين هاي المنابر و الخطيب اليوم وينه

*****

فاطمة الفردوس
09-12-2006, 01:05 AM
گوم اسألها گوم اســـــــألها زينب رجعت گوم اسألـــــــها

لمن عافــــتكم يحســــــــين ويه اعــــــــيالك راحت ويــن

گوم اسألها گوم اســـــــألها زينب رجعت گوم اسألـــــــها

* * *

هاي اختك رجعت بظعــونك جابت وياهــــا الايــــــــــــتام

گوم اسألها وخل تشرحــلك كلما شافــــــــت مــــــــن آلام

شوف الدنيه اشعملت بـيها واشعملت بــــــــيها الأيــــــام

تنتقل كل يوم ابمجــــــــلس بين الكوفة وبــين الشــــــــام

من أولها، مـــن أولــــــــها خل تشرحلك مــــــــن أولـــها

عگبك شافت چــــم امصاب لو رايد من عدها اجـــــــواب

گوم اسألها گوم اســـــــألها زينب رجعت گوم اسألـــــــها

* * *

خل تشرحلك كلما شافـــــت من يوم مصابــــك للــــــــيوم

أول حاله المــرّت بيــــــــها شافت عالتربــــــــان اجسوم

وگفت فوگ التل وصـــاحت يحسين ادركنه مـــــن الـگوم

ما سمعت منك كل چـــــلمه وأيست منك يــــا مظــــــــلوم

نتمثــــــــــلها، نتمثــــــــلها حاله زيــــــــنب نتمــــــــثلها

بين النــــــــار وبــين الخيل اشلون اتحــــــملت ذاك الليل

گوم اسألها گوم اســـــــألها زينب رجعت گوم اسألـــــــها

* * *

سهرانه الليل وما نامــــــت واتراقب حــــــــال الأطــــفال

بس ما راح الليل الموحش لن تنظر وجـــــه الجمّــــــــال

يا مظلوم وهذا الموقــــــف ما چان ايمر أعــــــــله الــبال

منهوا يصدگ اخــتك زينب تطلع مسبــــــيه بهالحــــــــال

ما نقبلها، مــــا نقــــــــبلها صعبه الحــــــــالة وما نقـبلها

بغياب الاخــوه الاكــــــــرام ويا من راحــــــت للــــــــشام

گوم اسألها گوم اســـــــألها زينب رجعت گوم اسألـــــــها

* * *

دخلت للطف بـــــين اخوتها طلعت ما بـــين العــــــــدوان

تريد اتودعك مـــــــا خلوها عافت جســــــــمك عـالتربان

والحادي اتوجه للكـــــــوفة ابخدّر وأطفال ورضعــــــــان

مسبيه ابجـــور الحدّايــــــه وگطعت كل ذيــــــــچ الوديان

طلعت الها، طلعت الــــــــها أهل الكوفة طلعــــــــت الهـــا

بين الشامـــت والغــــــــدار من وصلت للكوفة اشصـــــار

گوم اسألها گوم اســـــــألها زينب رجعت گوم اسألـــــــها

* * *

أول ما طــــبت للكــــــــوفة وگفوها گبال ابــــن زيــــــــاد

ظالم مغــــــــرور ابطغـيانه وهذا الظالم تــــــــدري اشراد

رايد يگطع نسل العـــــــتره ويحوم لچــــــتل السجــــــــاد

صارت ضجه بذاك المجلس ومصابك يحســــــــين انعـــاد

يتأملــــــــــها، يتأمــــــــلها صد لعـــــــــيالك يتأملــــــــها

ولســــانه أعـله الخدّر طال وزينب سمعــــــــت كلــما گال

گوم اسألها گوم اســـــــألها زينب رجعت گوم اسألـــــــها

* * *

طلعت من اديـــــــار الكوفة اشلون اوصف حالتها اشلون

للشام اتوجــــه حاديــــــــها وعدوانك صاروا يحـــــــدون

من توگع طفله من المحمل ايعيفون الطفله ويمشــــــــون

والگطعوا رگـــــبة عبد الله اشلون ابهالطفله ايرحمــــون

من محملها، من محــــملها طفله التوگع من محمــــــــلها

تركض زينب الها ابســــاع چم طفله الطاحت عالــــــگاع

گوم اسألها گوم اســـــــألها زينب رجعت گوم اسألـــــــها

* * *

وصلت للشام واطــــــــفالك تنتقل مـــن ايــــــــد لأيــــــــد

فـــوگ الآلام الشافــــــــتها اختك شافــــــــت وجـــه يزيد

والــــــــيوم اتعـنت بظعونك گوم اسأل زيــنب شــــــــتريد

هاي المسبيه المظــــــلومه رجعتلك مــن درب ابعــــــــيد

تستقـــــبلها، تستقــــــــبلها زينب ظــــــــنت تستقـــــبلها

طالت غيبتها اويــــه الگوم شنهو الأخرها لـها لــــــــيوم

گوم اسألها گوم اســـــــألها زينب رجعت گوم اسألـــــــها

* * *

(لندن ـ 1993 م)

فاطمة الفردوس
09-12-2006, 01:13 AM
للشاعر السيد سعيد الصافي الرميثي...
يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

هاي الأرامل عودت هالليلة والأيتام ** بعد أربعين ويا العدة من أصعب الأيام
ولقبرك بلهفة اعتنت تشكي لك الآلام ** من لوعة الكوفة أشد لوعة مرار الشام

شتقول لو تنشدها ** شتقول وش ضل عندها
لو تدري بيها شصار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

حين الي شافت كربلاء هاج الحزن والنوح ** تتذكر بهاي الأرض دم ودمع مسفوح
لخيمها مهرك من رجع يخبرها يا مذبوح ** واليها يالي منها رحت محتارة وين تروح

وبيوم قطعوا نحرك ** وبيوم هشموا صدرك
بخيمها شبت نار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

تروي لك أخبار السبي متعنية يا مظلوم ** من الهضم مثل الكطة بين القبور تحوم
هاي لأبنها تخاطبه يا سلوة أمك قوم ** ذيج لأبوها تعاتبه بلوعة وحزن وهموم

ما بين صاحت بويه ** ما بين صاحت خويه
دم هلت الأنظار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

الليلة لعي الأكبر أجت يم قبره تشكي الحال ** جرحك تقلل بالقلب متوسع وقتال
ورملة يا جاسم ناذته يا شمعة الآمال ** وبليلة الزفة طفت من دمعي الهمال

حنيت يا بني لشوفك ** حنيت دم جفوفك
طبع الزمن غدار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

يم الرضيع تناديه عبد الللع يا رجواي ** أقعد أرضعك ذرتي يلما شربت الماي
حرموني منك يا وسف يا دهرتي بدنياي ** لا وني بعدك ينقطع لا بطل من بجاي

وشلون أقطع نوحي ** وشلون تشفه جروحي
ولكل جرح آثار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

سكنة العزيزةمن هوت يم قبر ابوها حسين ** قوم اتراب الذي هوت وصاحت يا نور العين
سلوته أنت وسولتك منك حرمها البين ** يا بويه هم عندك خبر عنك رحت لا وين

ظلام وتولوني ** ظلام ما رحموني
ولا والي نغار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

فاطمة الفردوس
09-12-2006, 01:33 AM
نعى...
هاي آنه القضيت العمر كله اوياك

ما حسبت تاليها ابقبر ألقاك

منهو الشيعّك منهو الذي واراك

يا ايد اللي حفرت قبرك و يا عين اللي شافت نحرك

**

صدق يحسين جسمك بالقبر مدفون

اشلون أقضي العمر بعد يخويه اشلون

يلفيني العمه ريته و لا عندي اعيون

و لا أشوفك مدفون بلحدك و متوسد بترابك وحدك

**

ابقبرك ريت يبن أمي ينزلوني

و يمك يا بعد أهلي يدفنوني

اشلون أرجع و أشوف الدار بعيوني

يالغابت بالطف أنوارك اشلون أدخل يحسين الدارك

******

مو مره ولاني الدهر مرات

و أيام اليسر يحسين مُرات

اعيالك برض الشام مرات

و للكوفه مشت وسفه سبيه

**

الدهر ما يوم دلالي يساره

لعند ايزيد ودونه يساره

وين القطعوا ايمينه و يساره

أخبره بالجره و الحل عليه

**

دليلي ابسيف جوهر الدهر ينشاف

المناظر بجت ما بعد ينشاف

زينب طولها الما جان ينشاف

يسيره اتروح لولاد الدعيه

***

فاطمة الفردوس
09-12-2006, 01:35 AM
عجيب يا بن هند كيف تجرا ** بأن تأتي بنا للشام أسرا
فكد كيدك علينا وأسع سعيك ** فلن تمحو لآل البيت ذكرا

أنا زينب أنا وأخت الحسن وحسين ** أنا بنت الوصي إلي ضارب بسيفين
أنا إلما جانت خيالي تشوفه العين ** جبتني ميسرة وأشقف مرام البين
عفت ولياني صرعة وتدري ظلوا وين ** وبهذا اليسر تعرف إجيت امنين
حسين جسمه فوق الوهاد ** وأنت منعم وسكنت قصرا
فمهما زاد ظلمك والتمادي ** فلن تمحو لآل البيت ذكرا

تظن عرشك يدوم وملكك وقصرك ** أبد والله مو دايم إلك دهرك
أشوفك وأحتقر سلطانك وقدرك ** بذبح آل النبوة صدرت أمرك
أخوتي اتذبحت بسيوفك وغدرك ** لهيب الحاتمه وجمرتها تنتظرك
ذليلٌ أنت رغم القصر هذا ** ونحن أعزةٌ والله أدرى
ستُمحى أنت وأعلم يا بن هندٍ ** فلن تمحو لآل البيت ذكرا

جنود تحيط قصرك يا بن أبو سفيان ** ظهورك بالعرش والدولة والسلطان
تظن تمحي فكرنا يا رجس غلطان ** فكر آل النبي خالد مدى الأزمان
إذا ربك يريد يعلي أي إنسان ** بعد ما ينفع لو تجتمع إنس وجان
سيبقى من جرى في الموت عزا ** ويفنى من سعى في الأرض جورا
إذاً لا فرق أن تفنى ونبقى ** فلن تمحو لآل البيت ذكرا

تحذر يا يزيد وهالأمر معلوم ** لا تصدق حكم ظالم يظل ويدوم
كل مجرم إله بأحكامه ساعة ويوم ** ندامة ما تنفعه ولا يفيده اللوم
إذا يوم القيامة ينشدك القيوم ** يقلك ليش أبو اليمه إنذبح مظلوم
فلم تقتل حسيناً لا ولكن ** قتلت محمداً في الطف جهرا
فآل البيت لو قتلوا جميعاً ** فلن تحموا لآل البيت ذكرا

تظن ابذبح أخوتي تحصل أمجادك ** تعادلها ابدر وبمصرع أجدادك
أبد لا والله هذا الفعل ما فادك ** عجيبه العبد إنت وتذبح أسيادك
تسل سيف الظلالة ورمح إلحادك ** تنصب راس أخويه براس هياجك
حسينٌ والدنا تبكي عليه ** وسيف البغي منه إحتز نحرا
سنبقى حتف أنفك يا بن هندٍ ** ولن تمحو لآل البيت ذكرا

أخويه إلفصلوا بالذاري أجفانه ** طلع وبكتره قومه وجثث فتيانه
رمي سهامك تقصد حتى رضعانه ** كضت جنب النهر وآنه أهلي عطشانه
عقب ذبح الغريب وحرق صيوانه ** خذونه لليسر والروس ويانه
تركنا أهلنا في الطف صرعى ** سلكنا مسلكاً في الأسر وعرا
برغم البيض والسمر العوالي ** فلن تمحوا لآل البيت ذكرا

جثث عفناها بيها مشجرة الأشفار ** على رماح القمر روس الأهل تندار
هذا إللي جرى بولياني هذا إلصار ** صريعه ابلا دفن وإحنه على الأكوار
هذا من هوان الدنيا يا غدار ** أجيك ابيسر وآنه بضعة الكرار
كأن العقل أوحى لي ستفنى ** ولن تملك من الأرجاء قبرا
وأما نحن آل البيت نحيا ** فلن تمحوا لآل البيت ذكرا

فاطمة الفردوس
09-12-2006, 01:35 AM
يحسين اكَعد شاهد حالي

*

بغربه ولا واحد ظل يمي لاوين اتوجه يبن أمي


أحتار ابهمك لو همي و جسمك عالتربان اقبالي

*

ابهمي و همك فكري اتحير أرد أوصل يمك ما أقدر

خيل و ليل و نار و عسكر عقبك ما أدري اشيجرالي

*

نوبه أتعنى لك للمصرع نوبه أذكر أطفالك و أرجع

محتاره و بس أجري المدمع كل سا حسبه اتمر اببالي

ناديتك و المدمع يجري لاوين أتوجه ما أدري

و عقبك بالطف سلبو خدري و آنه الما ينشاف اخيالي

سلبوا خدري و خذر اعيالك و انسحكت بالخيل أطفالك

ظل ينشد عنك جتالك يا زينب جا وين الوالي

ناديتك و الدمعه ابعيني اشلون ابه الحاله اتخليني

يرضيك العسكر توليني يرضيك أتحير بعيالي

يبن أمي إخلافك ظلينه ابغربه و ما واحد يحمينه

كل سا هجمه اتغير اعلينه كل سا ظالم يتعنى لي

**

فاطمة الفردوس
09-12-2006, 01:36 AM
عفتك أيام كل يوم ابعام

قوم و شوف امصابك أصعب لو هضم الشام

***

أنا زينب و اجيت امن اليسر يمك يمن طاح و توذر عل الأرض جسمك

مثل دم راس حيدر ظل يصب دمك و اضلوعك تهشمت مثل ضلع أمك

أريد أذكر إلك هضمي و سهم هضمك و أنشد يا هو أصعب همي لو همك

و أرسم نارين بدموع العين

و انشاهد يا نار الأكثر تركت آلام

*

أبدي من طحت يبن أمي جدامي أوقعت من ظهر مهرك عل الأرض دامي

لونك كِلت قلبك يسعر و ضامي أنه قلبي استعر من جمرة اخيامي

لون كِلت الحوافر هشمت اعضامي نفس هالخيل بالطف داست أيتامي

غارات الخيل ما خلت حيل

نفس الخيل السحكت صدرك سحكت أيتام

**

يا بعد أمي و أبويه و أغله من عمري بعد أشرح و أقارن صبرك و صبري

لون جسمك تسلب يا شهم تدري مثل جسمك يبو اليمه انسلب خدري

و لونك كلت دمي ايسيل من نحري مثل دمك دمعتي اويَ الدمه تجري

دمعي المسجوم ظل يجري ادموم

و اجروح اعيوني اتظل تنزف ما ظن تلتام

*

من يمك رحت لليسر مغصوبه خذت خدر تحن و أطفال مرعوبه

عفت بالطف جثث يبن أمي مسلوبه و بدم النحور التجري مخضوبه

إذا عذرك جبدتك سهم مصيوبه تراني امن الشماته اسهام مضروبه

و اشقف رميات عين الشمات

مو سهم الواحد صابتني صابتني اسهام

*

اشكثر يا خويه قلبي امصايب اتحمل و أظن من همي همك أهون و أسهل

انت المتت بالعز ما ردت تنذل و أنه المسبيه أختك رحت عالهزل

ابحجر صابوك يا ريحانة المرسل و انه راسي ضربته ابجبهة المحمل

راسي المصيوب مثلك مخضوب

مجموعه اجروحك و اجروحي قلبي المنضام

*

يمن عفتك رميه اعله الترب وحدك طول الدرب أمشي و الفكر عندك

أفكر بيك منهو اللي حفر لحدك و منهو البيده جر السهم من جبدك

ابها الحاله أفكر صرت من بعدك فوق اليسر محتاره بهضم فقدك

محتاره اهناك ما بين اعداك

يحسين و عقبك وقفوني ابمجلس ظلام

*

من عندك يخويه القوم حرموني عله انياق الهزل يحسين مشوني

من مجلس لعد مجلس يودوني اشكثر عقبك مرار و محن راوني

ارجعت يمك يخويه و ناخت اضعوني و عله قبرك طحت و الدمعه بعيوني

يم قبرك جيت صحت و ناديت

أيام الفارقتك بيهن جنهن أعوام

****

فاطمة الفردوس
09-12-2006, 01:38 AM
غريبه وحدي عفتوني حزينه و فاضت اعيوني

فجعتوني هضمتوني

*

آنه العقيله و حاربتني الأيام عفتوني وحدي ويَ الحرم و الأيتام

يا فاجعه الأنساها من الظلام أنسه مرار الكوفه لو أنسه الشام

و اليوم إجيت و بالقلب خمس اسهام جور و هضم نوح و مصايب و آلام

انهدم حيلي اسهرت ليلي

عقبكم خابت اظنوني أصيحن ما تسمعوني

فجعتوني

*

جيت و شفت قاع الطفوف إقبالي و ليلة الحادي عشر تتراوالي

اتذكرت مهر احسين من رد خالي اتذكرت من سلبوا القوم إعيالي

اتذكرت من داست الخيل أطفالي هاي الصور ما تنمسح عن بالي

اذكرت حزني اذكرت وني

مواقف بيها جبتوني وحيده من تركتوني

*

ليلة الحادي عشر ما أعظمها اتذكرت بالعايله و حرق اخيمها

فزعت الخدر من مرارة همها وحده اطلعت تشكي الهضم لبن أمها

ووحده اقصدت للمشرعه يم عمها ناديت هاي العايله شيلمها

الدمع جاري اسعرت ناري

يهاشم لا تلوموني أحنن و انخطف لوني

*

سهرانه عيني و حين صار المصباح حادي الضعن لليسر ناداني و صاح

من غير توديع الضعن عنكم راح يا هلي شالوا روسكم فوق ارماح

رحنه ابيسر للكوفه بس الأشباح و ابكربله يمكم تركنه الأرواح

من خذونه و يسرونه

يسيره تالي مشوني أنادي يالسبيتوني

*

للكوفه رحنه الكوفه ما أنساها ياريت لا جينه و لا شفناها

اتصيح ابشماته الوادم اسمعناها قوموا إخت عباس نتلقاها

واحد ينادي الثاني هذي اوياها من عقب عباس الشمر يبراها

وين أخوها يسروها

سبيه ابظعني جابوني شجاوب من ينشدوني

*

ياريتكم يهل الوفه اتشوفونه المجلس يزيد الطاغي من أخذونه

بين ايده وقفة فاجعه وقفونه ابنظرة شماته اعلينه تربي اعيونه

قوم الذي ابدرب اليسر ودونه هاليوم للطف يا هلي جابونه

فاطمة الفردوس
09-12-2006, 01:38 AM
يبن أمي جيت امن اليسر تدريني خليني يمك بالقبر خليني

جيت أنخاك آه يبن أمي خدني اوياك آه يبن أمي

*

جيتك يا خويه و جبت عيله و أيتام اشعملت يبو السجاد بينه الأيام

راوتنه أحزان و مصايب و آلام و الدنيه غير الهضم شتراويني

*

يحسين من يمك رحت مسبيه جتالك أصبح للضعن حاديه

ألتفت و أنظر للجثث مرميه و اعله الطفوف أمشي و أدير ابعيني

*

أخذوني من يمك غصب يا مظلوم و اتركت يم جسمك دليلي المهموم

للكوفه مسبيه اطلعت ويَ القوم و من عقب عينك حرمله ايباريني

*

راسك يبو اليمه اعله راس العسال يراقبني و يراقب مسير الأطفال

لو شاف متني ايلوحه صوت الجمال يبجي اعله حالي ابدمعته ايواسيني

*

راسك يراقب عيلتي ابمسراها لو طفله توقع بالمشي و عفناها

عالرمح راسك يثقل و يتناها و الطفله تصرخ والدي يتانيني

*

و لو طفل يوقع و الضعن عنه ايروح راسك يصد له ابنظر عينه المشبوح

و آنه اعله طفلك أرجع ابلهفة روح راسك يصد للطفل و ايدليني

*

طول الدرب راسك يلوح اقبالي عالرمح يتفقد مسير أطفالي

يحسين من بعدك تغير حالي للكوفه و الشام الدهر سابيني

*

ابها الحاله درب اليسر خويه امشيته و الضعن بدموع و صبر باريته

و اليوم جبته الكربله و رديته اقعد يا خي من قبرك و حاجيني

فاطمة الفردوس
09-12-2006, 01:40 AM
السيد سعيد الصافي الرميثي...
عذبني درب الشام ما طبق جفني و نام

سهمك رماني آ يا زماني

*****

يا زمن من عندك سبب كل بلواي من زغري و اتقابلت بالضيم اوياي

و اجفوني ذبلت من كثر دمع ابجاي و لمن وقع جافل اضعوني الوفاي

و عالنهر قلبي طاح و الأمل مني راح

و كل الأماني آ يا زماني

**

جمر الغضه ابوسط القلب حسراتي صبن دمه من الفرك راحاتي

فوق الوجن خلن أثر دمعاتي اقضيت الليالي أتقلب بحسباتي

بالطف عفت هالروح يمي لجساد اتنوح

و الهم ولاني

**

من أمي كسروا ضلع من عندي اضلوع و شقد صبر عندك يقلبي المفجوع

فوق الرمح راس الحسين المقطوع و اعله الهزل مجتوفه لطفال اتلوع

أتفقد المضعون لو سكّت اليبجون

غدرك سباني

**

شاب القلب من الهضم قبل الراس أتفقد الطفل اليطيح و ينداس

لو أستر العيله من اعيون الناس و من ضربوا امتوني صحت يا عباس

يا اللي جبتني اوياك هضموني خويه اعداك

ابشده تراني

**

من قطعوا اجفوفك يراعي الغيره فوق الهزل من ديره رحت الديره

شحجي و أمري صعب تفسيره تنشدني عنك حين الطحت ابحيره

مني تريد اجواب و آنه ابدمع سجاب

مدري اشدهاني

**

من عقب خدري و عزتي و ذيج الدار لني بخرابه قاعده و بين أشرار

الصوب المدينه اتوجهت بالأنظار يا جدي قوم انظر يطاها المختار

بس حرم و الأطفال يا الهادي و بيا حال

و محد رعاني

**

اقضيت أربعين من الليالي يحسين ما بين لوعة قلبي و ادموع العين

و من شبلك أنشد خويه عن قبرك وين و عن قبر اخوك و رايته و الجفين

من اليسر رديت و القبرك اتعنيت

وشتد حناني

**

جبت الودايع خويه يحسين و جيت قبرك حضتنته ابين ايديه وونيت

لرض المدينه اشلون أرد احتاريت أتوسد ابلحدك يخويه اتمنيت

*****

فاطمة الفردوس
09-12-2006, 01:40 AM
إرحم قلبنه لوعة غربنه

يا غريب

*****

يريحانة رسول الله يشبل المرتضه الكرار إجيتك و القلب يسعر مثل جمرة لهيب الدار

إشكثر من اليسر قلبي حمل هم و هضم و أخطار و أظن بس دمعة اعيون تخمد من دليلي النار

نشف دمعتي و اخمد جمرتي

و اللهيب

****

صحت يالكسروا اضلوعك مثل كسرة ضلع أمي أنوح الفرقتك و أنحب و لا ينشف دمع همي

رحت يبن أمي مسبيه تمنيتك جنت يمي تنشف دمعة العيله و تساعدني الحمل هضمي

هالعيله ناحت و بهمها صاحت

يا خضيب

**

عليه جارت أيامي مثلما جارت أيامك يا خويا و مشعل آلامي يشب من جمرة آلامك

بعدها الها الوكت تلهب أبد ما تنطفي اخيامك يا ريت من اللحد تقعد يخويه و تسمع أيتامك

مهمومه بعدك تبجي اعله فقدك

يا سليب

**

مثل دم طبرة الكرار يسيل امن الجفن دمنه عقب فقدك حملنه الهم مثل هم فاطمه أمنه

رجعنه امن اليسر و انصيح ما واحد حضر يمنه تذكرنه ابمرار الطف و يوم الحرقوا اخيمنه

سلبوا خدرنه و احنه ابيسرنه

و النحيب

**

يبو السجاد ناديتك يريتك تنظر الحالي رجعنه امن اليسر هاليوم حزينه و فاجده الوالي

أحير ابشدة اهمومي يخي لو أجمع أطفالي أنوحن و القلب ينحب نحيب الفاجده الغالي

إرحم مصابي شدة عذابي

يا تريب

فاطمة الفردوس
09-12-2006, 01:42 AM
يالحادي نترجاك للطف إخذنه اوياك

بهاي الظعينه من الشام إجينه

للطف إخذنه اوياك

****

رجعنه من اليسر لاجن مهجنه الوالهه اتنادي بنات الهادي هذي إحنه ايهداك يهالحادي

كَبل ما للمدينه اتروح نريدك تسلك الوادي الربوع الطف تودينه الكَبر ريحانة الهادي

للطف نريد انروح نسأل عن المذبوح

الشوفة ولينه من الشام إجينه

***

يهالحادي مشينه اوياك بيسر و أخذونه للكوفه عليل و عايله و أيتام إعله نوكَ الهزل مجتوفه

لون ما هاليسر ما جان اخونه اعله الثره انعوفه و إجينه اليوم من الشام نزور الوالي و انشوفه

نوح و هضم و اهموم وياك إجينه اليوم

بالهم مشينه

****

لونك للمدينه اتريد بينه اتطوح الركبان اشعدنه بالمدينه اهناك لا حامي و لا وليان

و للطف عرج بظعنك نريد انجدد الأحزان نزور اكَبور أهالينه التركناها على التربان

بالطف تركنه اجسوم تجري و تصب ادموم

ليها اعتنينه

****

مشارف كربله هذي جريب الدرب ما هو ابعيد الرواحل لا تنوخها تواصل بالمسير انريد

كل لحظه التر بينه نار الفركَه بينه اتزيد اشكثر عالفركَه نتصبر يهالحادي الصبر شيفيد

لا لا تنوخ النوكَ حركَتنه نار الشوكَ

و الجمره بينه

****

بنات الحشمه و العفه سبايه تالي أصبحنه علينه كلفه مو هينه بيسر عن الأهل رحنه

اشكثر من يسرونه الكَوم صرخنه و بالدمع صحنه راعوا حرمة الباري بنات المصطفه إحنه

يالحادي كَومك هاي ما أنصفو وياي

و اميسرينه

***

ثكَل هضم اليسر بينه و جمعنه الدمع وسط العين الدمع صوغة سفر جبناه و انوزعه اعله كَبر احسين

و نكَله اوصلنه يم كَبرك و تدرينه رجعنه من انين فاركَنه الدهر وياك ما بين اليسر و البين

نجري اعله كَبره ادموع و نعلكَ دمعنه اشموع

و يعز علينه

****

بعدما عفنه يالحادي صبر جد ظعنك بسرعه نريد اعله الكَبر نوصل تراها انفجرت الدمعه

و جن صوت الغريب احسين يصيح بكَبره و انسمعه عليّه طالت الغيبه و بطّيه صارت الرجعه

يم كَبره خذنه و روح ما طل صبر بالروح

بظعنك لفينه

***

فاطمة الفردوس
11-12-2006, 08:02 PM
السلام عليكم ورحمة الله وبركاته


قصيدة قسماً بدمائك ياحيدر كاملة:





قسما بدمائك يا حيدر ** وبشبلك محزوز المنحر
ما ظن بولائي ** وبكل وفائي
لن أخشى ممن يتجبر ** خذ عيني لا بل خذ أكثر
أعطيك دمائي ** وبكل وفائي

لعيونك يرخص كل غالي يا حامي الجار ** أطلبكل ما مر في بالي بس أنت اختار
الموت على المبضع يحلا لي بخفقة بتار ** بالدمتكتب لك أوصالي عهد الإيثار
طبرة راسك تتراوالي دم الأطهار ** شاخص حالة دماقبالي نصب الأنظار

فيض دمائك لما سالا ** كان لوجه الله تعالى
وسيبقىيجري ** لبلوغِ الحشرِ
أعطيت لمن شاء وقدر ** بحر دماء لن يتخثر
ومنالأبنائي ** وبكل وفائي

قسما بدمائك يا حيدر ** وبشبلك محزوز المنحر
ماظن بولائي ** وبكل وفائي
لن أخشى ممن يتجبر ** خذ عيني لا بل خذ أكثر
أعطيكدمائي ** وبكل وفائي

بيك أقسم وبدم الطبرة يا عالي الشان ** ما يبلغ من دمكقطرة دم كل إنسان
أقسم بالي حزو نحره وطايح عطشان ** اي والي هشموا صدره بخيلالفرسان
روحي وعيني ونفسي الحرة ودم الشريان ** كلهن أرخصهن للعترة وبلا أثمان

ذا عهد ودمائك تشهد ** لن أصفح عن آلِ محمد
لو يقطع رأسي ** وأجودبنفسي
من أعماقي صوت يظهر ** من قلب يلهب كالمجمر
وجهت نداء ** وبكل وفائي
قسما بدمائك يا حيدر ** وبشبلك محزوز المنحر
ما ظن بولائي ** وبكل وفائي
لن أخشى ممن يتجبر ** خذ عيني لا بل خذ أكثر
أعطيك دمائي ** وبكل وفائي


يا أول مظلوم و أول مصيوب انصاب**قلبك يا ما جور اتحمل من اهل الانصاب

دمك يسفح مثل المنهل وسط المحراب **نار امصابك شعلت مشعل جمر الاطناب

و اشبولك لو عنهم تسأل يا داحي الباب **كل منهم بدموم اتغسل برض الطف غاب



والهفي أهتف والهفي ** لرؤوس حزت بالطفي

لما حملوها ** سحبا جعلوها

و كأني بالمطر الأحمر ** من كل وريدٍ يتقطر

تجريبإزائي ** و بكل وفائي

قسما بدمائك يا حيدر ** وبشبلك محزوز المنحر
ماظن بولائي ** وبكل وفائي
لن أخشى ممن يتجبر ** خذ عيني لا بل خذ أكثر
أعطيكدمائي ** وبكل وفائي
هب عاصف أسود يا الأنزع بالضيم يلوح ** من طبرة راسك تتفرعآهات ونوح
دمك بأولادك يتوزع وأصبح مسفوح ** ما بين الطايح بالمصرع دامي ومذبوح
بين اللي على الشاطي مبضع جسمه ومطروح ** كل هذا وما أجري المدمع شي يصبر الروح

لن أبكي بالدمع الجاري ** بل أبكي فقد الأطهارِ
بسيوف قُطع ** ورماحشُّرع
لو جسدي يحرق أو ينثر ** قسماً قسماً لن أتغير
أعرض أشلائي ** وبكلوفائي

قسما بدمائك يا حيدر ** وبشبلك محزوز المنحر
ما ظن بولائي ** وبكل وفائي
لن أخشى ممن يتجبر ** خذ عيني لا بل خذ أكثر
أعطيك دمائي ** وبكل وفائي

دمكم ثوب الليل تخضب وأصبح نيشان ** واضح وبجبهة كل كوكب دمكمعنوان
أجساد وإلكم تترقب عين الديان ** هنا جثة ومظلوم مسلب وهنا شبان
هناراس بعامود مصوب وهنا رضعان ** وهنا عيلة تنوح وتنحب بين النيران

ولناعبراتٌ تتجارى ** وسيوف ترتقب الثارا
سأحقق وعدي ** في جيش المهدي
لو صاحالمهدي وكبر ** عن نصرته لن أتأخر
لأكون فدائي ** وبكل وفائي

قسمابدمائك يا حيدر ** وبشبلك محزوز المنحر
ما ظن بولائي ** وبكل وفائي
لن أخشىممن يتجبر ** خذ عيني لا بل خذ أكثر
أعطيك دمائي ** وبكلوفائي

فاطمة الفردوس
11-12-2006, 11:48 PM
يا حيدر قوم واسجب العبرة
حسن مظلوم عاين لقبره
بعدك ياداحي الباب والحسن جبده نصاب
ومن بعده جم مصاب تدري يا حيدر

عندك علم بالصار من غيبة المختار سيد البرية
انت الوصي الكرار وتعرفك الاشرار حامي الحمية
لانك ياحامي الجار متجتف ومحتار واول ضحية
حاضر جنت بالدار من صوب المسمار ضلع الزجية
شفتها شلون ساعة العصرة
عليك يهون عصروا الزهراء
وانفطرت على العين ام الحسن وحسين
خبرنا سيفك وين يا أسد خيبر

ياحيدر قوم واسجب العبرة حسن مظلوم عاين لقبره
بعدك ياداحي الاب والحسن جبده مصاب ومن بعد جم مصاب تدري يا حيدر

سيفك ياحيدر جان للحق مثل ميزان من يوصفونه من يوصفونه
عن دورب الميدان لو ننشد الفرسان ماينكرونه ماينكرونه
والعبدة والاثان والعلنة والعصيان واليا ولونا واليا ولونا
والزعمة والإيمان من رفعوا القران بيطالبونا بيطالبونا
زمان الراح لمن نذكره نطق الراح يا علي بحسرة
زمان الراح لمن نذكره نطق الراح يا علي بحسرة
ما تشفى بينا جروح عالحسن لسه النوح
والأشد عالمذبوح جسمه الموذر جسمه الموذر

ياحيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري ياحيدر

صحت بعتب مريوق ياحجة المعبود حيدر ولينا حيدر ولينا
ريتك جنت موجود وانت للالك مشهود الحاير تعينه الحاير تعينه
تنظر يا راعي الزود شبلك بنفسه يجود تسمع ونينه تسمع و نينه
جبد الحسن ممر ود ليك بنظر مشدود سابح بعينه سابح بعينه
يصد بالعين رادك تحضره عضيده حسين خاطره تجبره
زينب قبالة تحوم عنها ألطشت مضموم بيه ما درت مسموم لونه تغير لونه تغير

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري يا حيدر

ريتك جنة يمه حين انزف دمه شدت صوابه
تحضر ياريت امه وجده نبي الأمة يبجي المصابه
ويعالج بسمه ولحسين ابو اليمه وجه خطابه
ويخاطبه بهمه خوي الطشت ضمه شنهي حسابه شنهي حسابة
العقيلة يقول لمن تنظره حزنه يطول بلوعة وبحسرة
خوي الطشت نحيه ولشمسك تغطيه
لا زينب تصد بيه والجرح يكبر والجرح يكبر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري
يا حيدر

وبساعة الشالوه عند القبر ودوه ساعة الشدة ساعة الشدة
أهل الشر تلقوه ياحيدر اعترضوه تحاشموا ضده تحاشموا ضده
وبجم سهم صابوه من بعد ماسموه قطعوا جبده قطعوا جبده
أهل الحقد منعوه يندفن ما خلوه يم قبر جده يم قبر جده
وأبو الوجدان عبرته بصدره قمر عدنان محد ينحره
راعي الوفاء العباس كله عزم وإحساس
اغضب أبو النوماس عزمه تفجر عزمه تفجر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري
يا حيدر

سبط النبي المظلوم حسين لبقى مهموم من ها لوصية من ها لوصية
تعنى لأخو الجيدوم راعي الوفاء المعلوم الطاهر حليبه
يقله يا سبع القوم ذاخر لزودك يوم ساعة عصيبة ساعة عصيبة
طف كربلاء المحتوم ماي النهر ملزوم وأنت لتجيبه وأنت لتجيبه
أعرفك زين ناصر العترة ينور العين من علي الشمرة
ولحسن من وصاه يدري بفعل يمناه بالطف يريد لواه يرعب العسكر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري

فاطمة الفردوس
12-12-2006, 12:06 AM
جبدك و جبدي

جبدك و جبدي يبن الزجية**بين سم و سهم و الأشد يا ألم
************
للحسين الحسن من وجَّه سؤاله**رايد يهوِّن مصاب اللي جرى له
حين شافه يعثر بهمه اعتنى له**ذِكَر قصة كربلاء و حَن على حاله
يقله يبن أمي حزنك علية**شفت حيلي انهدم و الأشد يا ألم
************
الحسن من عاين عضيده يجري دمعه**حِبَس ونه بقلبه عنه لا يسمعه
يقله متألم لجبدي السم مقطعه**السهم من جبدك يا خوية من يطلعه
بسهم المثلث بالغاضرية**ريت قلبي انجسَم و الأشد يا ألم
************
و الحسين بحسرته يجاوب عضيده** قبلي هم شايف أخو يبن الصُميدة
جبدة عضيده غِده يقلبها بيده**يا عضيدي الموت قبلك جنت اريده
هذا اللي ببالي و ماصَح بيدية**و الجليل الحُكَم و الأشد يا ألم
************
من الحسين الحسن يسمع جوابه**يقله قلبي هيَّجِت حزنه و عذابه
يا غريب اليشبه مصابك مصابه**و يا ذبيح القبلك انسلبت ثيابه
و عالرمح راسه و جثته رمية**و حتى صدره انهشم و الأشد يا ألم
************
صبر قلبك يا عضيدي من يصبره**تنظر أصحابك و أهلك على الغبرة
الأكبر مقطع وِذَر جيمه تنظره**و حنة العريس جاسم فيض نحره
و طفلك يصيبه سهم المنية**بقَطِع نحره انفطم و الأشد يا ألم

فاطمة الفردوس
12-12-2006, 12:07 AM
وسط القلب يا حسين
وسط القلب يا حسين نارك و ناري**شيطفي هالنارين نارك و ناري
يبن أمي يا مظلوم يوم الحزن هاليوم
**********
يا حسين أخِبرَك و القلب يلهب نار**حان الموادع يبن أبوية الكرار
آنة الحسن عندي وصايا و أخبار**و الأجل قرَّب يا شبل حامي الجار
مستعرة بالدلال نارك و ناري**شيهَوِّد المسموم يوم الحزن هاليوم
*********
يبن أمي ذابت مهجتي بنار السم**جبدي تقطَّع و القلب ينزف دم
تفرَّق شملنا و بعد ماظن يلتم**و بوجهي سَل الدهر شفرات الهم
ملتهبة بين حشاي نارك و ناري**و احمَلِت من دنياي نارك و ناري
يبن أمي نارك و ناري**شيطَيِّب المالوم يوم الحزن هاليوم
*********
بجَدم الحنان القلب يتقرَّب ليك**و لساني بأصوات الوصية يناديك
دين الله ذمة مودعة بين ايديك**و التضحية واجب يابو اليمة عليك
خلتستعر بالروح نارك و ناري**طول العمر متروح نارك و ناري
يبن أمي نارك و ناري**و الدمع يجري دموم يوم الحزن هاليوم
*********
أول وصية بالشرع و الأحكام**تحفظها و تحاميها يبن الأكرام
و ثاني وصية ارد اسلمك جسّام**ترعاه من جور الدهر و الأيام
أصرخ و أصيح بصوت نارك و ناري**ما ينطفَن للموت نارك و ناري
يبن أمي نارك و ناري**هذا الأمر محتوم يوم الحزن هاليوم
*********
يا حسين أخِبرَك و استمع مضموني**كل بني هاشم حضروا يودعوني
لو حان وعدي بهيبتي شيعوني**و أنت تظل وحدك يا نور عيوني
و بجبدك العطشان نارك و ناري**و تستعر بالصيوان نارك و ناري
يبن أمي نارك و ناري**و تسحق صدرك القوم يوم الحزن هاليوم
*********
يا حسين همَّك صار يشبه همي**جني أشوفك بالغُرُب يبن أمي
مغسَّل بدمك عالترايب مرمي**قطع النحر أمضى من جمرة سمي
بقلبك و بقلبي تصير نارك و ناري**بين الجروح تسير نارك و ناري
يبن امي نارك و ناري**جنح المصيبة يحوم يوم الحزن هاليوم
***********
يا حسين و أم الحزن هذي وياها**جور الدهر بأصعب وضع خلاها
راواها جبدي بالطشت راواها**و ثاني طشت بالشام ظل يتناها
يا جمرة الطشتين نارك و ناري**انجمعن بدمع العين نارك و ناري
يبن أمي نارك و ناري**جمر القلب مضروم يوم الحزن هاليوم

فاطمة الفردوس
12-12-2006, 12:08 AM
يا سائلاً

يا سائلاً أين الإحسان**اليوم أمسى في الأكفان
قولو إذاً تلك السُنَن تحيى بمن بعد الحسن
*********
اجى لدار الضيافة اليوم ضيف بحسرته يناشد
يكفكف بيده عبراته خُبَر عني الحسن رايد
بلهيب النوح جاوبته بعد لا تجي يالوافد
الكرم ويا الحسن دفنوه جا المن بعد قاصد
إن كنت تبغي بحر الجود**فالجود قد أمسى مفقود
بدرُ الهُدى بحرُ الندى قد ارتدى ثوب الكفن
**********
ريحانة رسول الله و ابن أشرف المخلوقات
مرار السم فُطَر جبده مصابه ماخِلَص من مات
على نعشه سهام من كل صوب غِدَت تتراكم الرميات
عُقُب بحر الكرم فاضت بحور الدمع و الحسرات
يومُ شجونٍ يومٌ فراق**و الدمعُ نارٌ في الأحداق
قلبي ذوى من الجوى فمن طوى يوم المِحَن
**********
مثل ماصوبوا نعشه تصوَّب جبدي بمصابه
و عًلَي جور الوقت حُرَب و تركز بالقلب نابه
و تمحَّن قلبي بصوابين صواب الحسن و صوابه
عساني موسد بقبره علية هالوا ترابه
أنعى سليلاً للنجباء**أنعى حبيباً للزهراء
دهر النبى للمجتى سلَّ الضبى جورُ الزمن
**********
قبل دار المجد جانت زهية و تستطع بأنوار
عقب غيبة أبوم محمد صُفَت وحشة و خِلية الدار
فَقِد نور الحسن جدَّد مصاب الضلع و البسمار
و جدَّد عالمحن لوعات طبرة والده الكرار
آهٍ على الضلع المصيوب**آهٍ على الشيب المخضوب
دهرٌ قسى كيف رسى ذاك الأسى في المؤتمن
***********
اذكَرِت الزهرة و الكرار صِرِت اتعثر بهمي
و الهيَّج لظى جروحي دعاني حاير بهضمي
اسمعِت زينب تِحِن و تصيح متت مسموم يبن أمي
و حين اسمَعِت صرختها تداعى كل عضو بجسمي
ألَّمني صوت الحوراء**صوتُ شجونٍ صوتُ بكاء
تبكي على تاج العُلا حتى اعتلى صوت المحن
************
ألوذ بكاسر همومي و غدى بروح الأجل يحدي
قبل جبد الحسن ياريت بالسم قطِّعوا جبدي
و أخِبرَك دمعة عيوني جداول حُفرَت بخَدّي
و قبل لا ينحفر لحده عساهم حفروا بلحدي
أبكي على السبط المسموم**أبكي على القلب الملكوم
و لو عتي في مهجتي عن مقلتي غاب الوَسَن

فاطمة الفردوس
12-12-2006, 12:09 AM
بهاذي عبراتي أطفي جمراتي

و أنتة تدري يالحسن كَلـبي وياك ندفن

آه آه آه خوية

----------- 1

يالحسن فكَدك دهاني ماجت بحور الدمع طفحة العبرة

بفكَدك نعادة مصيبة جدنة وآنة المنفجع أطفي يا جمرة

نعشك يذكرني حيدر والدي الضل منصرع و أذكر الطبرة

مصيبتك عادة مصيبة فاطمة وذاك الضلع و ذكرة كسره

و أنتة يالغالي عايش بالي

ريته لا طال الزمن كَلـبي وياك ندفن

آه آه آه خوية

----------- 2

شيعة نعشك يخوية بعبرة و هموم وألــم والدمع يجري

نهدم ثلث العزم مني وثلث من حلمي نهدم و ثلث من صبري

بكل سهم نعشك تصوب أشعر بكَلبي السهم وختلف أمري

كَبل لا ينختم عمرك عمري يا ريت أنختم ولا عشة عمري

بغيمة همومي غابت نجومي

شمسك وشمسي ختفن كَلـبي وياك ندفن

آه آه آه خوية

----------- 3

بيدي نزلتك الكَبرك ريت كَبلك هالكَبر بيه ينزلوني

كَبل لا ينحفر لحدك ريتة ليه ينحفر و بيه يدفنوني

بعدك شتسوه حياتي شتنفع أيام العمر يا ضوه عيوني

نار فكَدك يا عضيدي حركَة أوراق الصبر و نخطف لوني

يالغبت عني يالرحت مني

موتي وياك نعلن كَلـبي وياك ندفن

آه آه آه خوية

----------- 4

عصفت رياح المصيبة و ريت لا نسمه تهب خوية من بعدك

دمعي مهما يجري يعجز يطفي كَلبي الملتهب من جمر فكَدك

بحر للأحسان جفك وسفة هالماي العذب يختفي بلحدك

جبدك تكَطع كَبالي بعيني شاهدتك تذب بالطشت جبدك

دفنتك بروحي يا دوه جروحي

صارن جروحي جفن كَلـبي وياك ندفن

آه آه آه خوية

----------- 5

جسمك دفنتة بدية عفت كَلبي بـحفرتك يا بعد كَلبي

و رجعت للدار أنحب والنحيب الفركَتك والصبر حسبي

أمشي وتلفت يخوية بعيني هاذي بغيبتك عالكَبر تربـي

ريت وافتني المناية كَبل ساعة موتتك ينكَضـي نحـبي

بلوعة آلآمي يكَضن أيامي

و أحمل هموم ومحن كَلـبي وياك ندفن

آه آه آه خوية

----------- 6

شلون أعيش العمر بعدك و أنتة بتراب اللحد جسمك تواره

و المصاب الفطر جبدي يا عضيدي بكل جبد ضلت آثاره

جروح تتنازف دماهة بيش أضمد بيش أشف روحي محتاره

آه يا لـوعـة مـصابي آه يا جـمر الوجد بالـكَلب ناره

ليلي و نهاري تستعر ناري

يا سليل المؤتـمن كَلـبي وياك ندفن

آه آه آه خوية

فاطمة الفردوس
12-12-2006, 12:09 AM
يا مسموم دفنك حضرته
يا مسموم قبرك حفرته
********
عضيدك آنة و ابن أمك اجيتك للدفن يمك
اختفى بحجر الأجل نجمك و أردد يالحسن بإسمك
احفرت قلبي برمح همك و ادفنت بمهجتي جسمك
الك هاج قلبي بجمرته
يا مسموم قبرك حفرته
**********
لهيب النايبة اتسجّر عليك و ضامري اتفطّر
مصابك عالقلب أثّر و عَلَي جدَّم حزن حيدر
شفت جبك غدى امنثّر اذكرت طبرة بطل خيبر
و لا فاد صبري الصبرته
يا مسموم قبرك حفرته
***********
بحزن و مهامل العبرة على نعشك وجّهِت نظرة
ذكرت الوالدة الزهرة ضلعها و نايبة كسره
بجيت و بالصدر حسرة و أحس بكل ضلع جمرة
أشد حال ، حالي الذكرته
يا مسموم قبرك حفرته
***********
شعاعك يالحسن غرَّب بسحاب الفاجعة اتغيب
القلب لا تلومه من يلهب عضيدي و فرقتك تصعب
و اختنا الطاهرة زينب تواسيني و غدت تنحب
الك ذاب قلبي بحسرته
يا مسموم قبرك حفرته
***********
الكفن جهزته يا ابن أمي و الك صار الدفن حتمي
يا ريته يندفن جسمي و لا أشوف النعش يمي
و حقك يا رمح عزمي أحس مثل الجبل همي
بالهموم عزمي اختصرته
يا مسموم قبرك حفرته

فاطمة الفردوس
12-12-2006, 12:10 AM
موعود يبن الحسن

يا ابن من دمه جرى بمحرابه
الحسن عمك شب لهيب مصابه



موعود يبن الحسن و تعود يبن الحسن
********
يمتى يالمهدي تهل من غيبتك
و تبصر الانظار مبدر طلعتك
و بإسم ثار الحسن ترفع صرختك
و تطفي جمراته و تضمد صوابه
********
عمك المسموم نوره المنفقد
و شِعَل وسط قلوبنا نار الوَجِد
جمرة السم ذوبت منه الكبد
صابه من جور الدهر ما صابه
*********
غيبتك طالت يبن آدم و نوح
يمته راياتك المطوية تلوح
شوفتك يالغايب تشافي الجروح
و سيفك بثار الحسن طلابة
********
آه و الآهات ما بيهن نفع
دون ما نورك يا غايبنا يشع
و حق طيحة محسن و كسرة الضلع
نار هجرك بالقلب لهابة
********
يا من سيفك يقطع بنود الفتن
جم و جم ثار الك من غير الحسن
ما أظن لمصايب الطف ينسن
و حق من صار النجيع خضابه

فاطمة الفردوس
12-12-2006, 12:11 AM
بلهيب النوح و العبرة ** نبث اشجان للزهرة
الحسن مسموم اجينا اليوم
نبث اشجان للزهرة
*********
بمسجد الكوفة من انطبر فارس بَدُر
لارض المدينة جينا نمشي عالجَمُر
نقدم تعازي ردنا للزهرة الطُهُر
دوَّرنا عن قبر الوديعة بيا كتُر
محد عُرف من عدنا موضع للقبر
ردينا بخيبة و يسندنا الصبر
على الجمرات ممشانا ** نذير الموت ويانا
بقلب مهموم اجينا اليوم
نبث اشجان للزهرة
**********
انعاد الزمان و جينا جية ثانية
لأرض المدينة بالدموع الجارية
اندور لعد قبر الوديعة الزاكية
عِدْنا خبر يفني الجبال الراسية
هاليلة بإسم الحسن تنعى الناعية
و بفقده صرخات الحزن متوالية
القبر يا صوب دلونا ** نصب عبرات خلونا
بدمع مسجوم اجنيا اليوم
نبث اشجان للزهرة
*********
يا أهل المدينة للصبر ما ظل أثر
هاليلة مرَّت نايبة تذوب الصخر
دلونا قبر أم الحسن وين انحفر
للزهرة جبنا ويانا أفجع خبر
هاليلة ريحانة رسول الله انغدر
و بلا ذريعه جبده بالسم انفطر
بمصب العين ننشدكم ** نريد جواب من عدكم
نريد علوم اجينا اليوم
نبث اشجان للزهرة
************
الكون انصدع و الدنيا أمست غاضبة
تبجي المصيبة رابع أصحاب العبا
و احنا بأثر هاي المصيبة الراتبة
نحوم و ندوِّر قبر أم المجتبى
جينا نخبرها على هاي النايبة
و جينا نواسيها بمهج متلاهبة
نشوف قبور نتوهم ** قبرها وين ما نعلم
بقينا نحوم اجينا اليوم
نبث اشجان للزهرة
***********
يا أهل المدينة ناحت أملاك السما
و أمست مُهجنا بالحزن متألمة
ميصير نرجع للديار المُظلمة
من دون ما ناخذ خبر عن فاطمة
و انقِِلها شيصبر مهجنا الهايمة
لفقد الحسن تسفح مدامعنا دما
بغدر سموه يالبضعة ** مهجنا عليه منفجعة
بحزن و هموم اجينا اليوم
نبث اشجان للزهرة
*********
يا أهل المدينة ما نعود بهالصفة
من دون ما نحجي ويا بنت المصطفى
لمصاب ابنها ما نشف دمع الوفا
من كل جفن عبرتنا ظلت مِذرفة
هاي الضماير عالحسن متلهفة
و جروح همنا ما حصل الهن شفا
نزيف جروح لمصابه ** مغيب الروح لغيابه
بصدى محتوم اجينا اليوم
بنث اشجان للزهرة
********
مهما تطول و تقصر أعوام الزمن
بينا يظل يسعر جمر فقد الحسن
منعوا دفن نعشه بجوار المؤتمن
و على النعش من عدهم سهام الزمن
رميات جور و ظلم و أحقاد و فتن
و اخترقن جنازته و وصلن للكفن

فاطمة الفردوس
12-12-2006, 12:14 AM
للشاعر السيد محمد رضا القزويني...
أُطبقَ الكونُ بألوان المحن يوم أرده السمُ غدراً بالحسن

لهفَ قلبي للإمام المجتبى صارعَ الدهرَ محاطاً بالفتن

*

بايعوهُ و هو سبطُ المصطفى و قلوبُ الناسِ أبدت شغفا

فهو الرابعُ من أهلِ العبا من بهِ المختارُ أوصى في السنن

*

لم يكد يهدي زمام المسلمين بعد ما اغتيلَ أمير المؤمنين

تارةً حتى إذا السيفُ نبا قلبوا للمجتبى ظهر المجن

*

سارَ و الهديُ سرا في طيهِ و إبنُ هندٍ غارقٌ في غيهِ

يبذلُ المالَ و يستلُ الضبا ليّروي الحقد من سيلِ الإحن

*

فمشى السبط بجيشٍ للقاء نحوا صفين ليمحوا الطُلقاء

و إبن هندٍ راح يُهدي الذهبا صرراً يغري بأبطال الوهن

*

و إذا بالسبط ما بين الجموع يُبصرُ الأنصارَ تهوي للخنوع

بينما من مال ومن قد رُهبا لأُمّيٍ غدراتٍ في الزمن

*

و هناك الصلح ألقاهُ الطليق يعلنُ السلم و في القلب حريق

عله يأسر حين اغتربا من هوى الجيش حسيناً و حسن

*

فينادي بين هاتيك الصفوف إذهبا يا طلقائي في الحتوف

إنما يومٌ بيومٍ حُسبا يا بني أحمدَ لو قاسوا المنن

فاطمة الفردوس
12-12-2006, 12:16 AM
أنا إبنِ الطاهره الزهره و أبويَ الصابت الطبره

عشت مظلوم متت مسموم

و أنا اللي هدموا قبره

*

سليل المصطفه الهادي الحسن و الكرم عنواني تربيت ابحجر جدي ابحنانه و طيبه يرعاني

ابمماته الهم أخذ بيدي اعله درب ادموعي دلاني حزين و من زغر سني مشيت ابسجت أحزاني

ابفقد جدي رسول الله سعير الهم تولاني بدت من أول اسنيني تعيش اوياي نيراني

شفت جدي انخسف بدره دليلي اتفطر ابصبره

ابقلب مالوم متت مسموم

و أنا اللي هدموا قبره

*

قبل ما ينخمد مني لهيب امصيبة المختار طفل و الدنيه راوتني الهجوم اللي جره اعله الدار

انكسر ضلع أمي جدامي شفت ذاك المصاب الصار و أخوي محسن إقبالي وقع و اتلكَته الأقدار

و حين اللي شفت عالباب يتصاعد لهيب النار اعله حال أمي جرت عيني اشكثر شافت هضم و أكدار

تلوج ابناظري العبره اعله ضلع الطاهره و كسره

حملت اهموم

*

افقدت جدي افقدت أمي و شفت صدمه بأثر صدمه اعله فرقتهم بقيت أنحب و أشارك والدي ابهمه

و أبويَ ابعطفه يرعاني غمرني ابصبره و ابحلمه وسف لن دهري راواني أبويَ امخضب ابدمه

صريع ابمسجد الكوفه سواد الدم تصب يمه و انا البيدي احفرت لحده دفنته ووسدت جسمه

لبو الحمله احفرت حفره دفنته ابشهقه و بحسره

دليلي ايحوم

*

احضرت مدفن رسول الله شفت من وسدوا جدي و شفت دفن البتول امي ابدمع همي و جمر وجدي

و أبوي المرتضه بيدي دفنته و انصدع جبدي و كل منهم شفت لحده و صحت ريت انحفر لحدي

ابفقدهم صرت جني غريب ابدنيتي وحدي عقبهم أشعر الدنيه و أهلها و الدهر ضدي

أنوح ابمهجه متوجره و مشاعل بيها مستعره

ابجمر مضروم

*

عقب ما غاب أبو الحمله بدت هالحاله تتوضح لفتني الأمه و اتنادي علينه شخصك اترشح

مقاليد الحكم بيدك وجودك يا الحسن أرجح و لا غيرك عقب حيدر خليفه اعله البشر يصبح

عقب ما شافوا الظالم تعنه ابجيشه و اتسلح اعله صلح الطاغي جبروني و دعوني للصلح أجنح

عجيب المجتمع أمره ذليل و ناوي عالغدره

اشيفيد اللوم

*

قوم الشعلوا الفتنه و القالوا ينصروني هم الأصفحوا عني و يوم الشده خذلوني

وحيد و ما إله ناصر و اعله الصلح رغموني مثل موقف علي ابصفين أعيش ابحيره خلوني

عقب كل الجرالي و صار لن رادوا يغذروني دفعوا للغدر جعده و بالسم تالي سموني

أهيس بالقلب جمره و جبدتي ابسمها متوذره

اغدروني القوم

*

جبدتي اتوذرت لجن ابسم الغدر وذروها متت و اجنازتي إنشالت بني عدنان شيعوها

خذوها يم قبر جدي و من رادوا يدفنوها إجت عدواني مغتاضه و عن الدفن منعوها

غدوا لجنازتي بسهام من كل كتر يرموها خدوها للبقيع اهناك ابمرار الوحشه وسدوها

أنا البلهم خلص عمره عليَّ ناحت العتره

و أنا المهموم

*

يشيعه حالتي هذي جبدتي اتقطعت بالسم اعله هاي الحاله دفنوني ابمرار و نايبات الهم

صبح بعد الدفن حالي يشيعه أصعب و أعظم عجيبه ينجهل قدري إمام و قبري يتهدم

و كل زاير يجي القبري ينوح و قلبه يتألم يشوف المدفن الطاهر كئيب و موحش و أظلم

فاطمة الفردوس
12-12-2006, 12:18 AM
بالهم و الحزن و العبره واسي المرتضه و الزهره

**

نيران الهضم و النكبه لمصاب الحسن ملتهبه

من كثر الجزع و الرهبه جمرات القلب متوجره

*

و مهموم القلب و اتفطر و انواسي الوديعه و حيدر

كلما عالحزن نتصبر يتزايد سعير الجمره

*

و جمره البقلب نخفيها و هيهات الدمع يطفيها

و مستعره الضماير بيها و لمصاب الحسن مستعره

*

و أروح و مهج منفجعه و انواسي الوصي و البضعه

و صوت امن الوديعه انسمعه يوليدي القلب مل صبره

*

تصرخ فاطمه آه يبني و يومك يالحسن شيبني

يوليدي الهضم أتعبني و حيرني الزمان بأمره

*

و كل دمع الجفن هليته و فقدك بالنحب باريته

جن ضلعي الكسير انسيته

***

فاطمة الفردوس
12-12-2006, 12:19 AM
أبوذية...
و حق من سلبوا الجسد هدماه

عليك الجفن مثل المطر هدماه

قبرك من نشاهد حال هدماه

تظل يالحسن دمعتنه جريه

**

مصابه يصب دمعي و لا ينشف مصابه

دليلي غير سهم الهم مصابه

أنوح اعله الحسن و أذكر مصابه

و أخمد بالدمع ناري السريه

**

يدمعي دوك صحن الوجن جعده

عالسموم راح ابغدر جعده

يبو اليمه لخوك الحسن جعده

قبل ميحانك خل يبدي الوصيه

**

أنا فرح ما شفت طول العمر بسهام

و لا جف الدمع بالعين بسهام

وسافه الحسن نعشه انصاب بسهام

و منعوا دفنه يم سيد البريه

فاطمة الفردوس
12-12-2006, 12:20 AM
شالوا الجنازة والوديعه تصيح يحسين
بجنازة المسموم ريض ياضيه العين


ريض يبو سكينة بنعش حلو الجهامة
ونشروا على تابوته المشكر هالعمامه
سفروا الجفن عن وجهه تشوفه أيتامه
ودعتك الله ياحسن هالسفر لا وين؟


ريض يبو سكينة بجنازة حلو الأطباع
وعرج بتابوته على مكسورة الأضلاع
وخله على الروضه وخلنا نجدد وداع
وگف يخوية ذابت گلوب النساوين


عرج على گبر البتولة بنعش ابنها
وگبره ياخوية لاتحفره بعيد عنها
دفنه بكترها بلكت يهون حزنها
لا وين ماشي بكعبة الوفاد يحسين


ريض يخوية بهالنعش گلبي ترى ذاب
جسمي انتحل يبو علي من فراق الأحباب
مگصد الوفاد حيف نوره بالثرا غاب
عنا مشى ملفى الأرامل والمساكين


وظل الشهيد حسين عبراته يهلها
يشوف العزيزة وگلبه تصدع لجلها
صاح اطرحوا جنازة عزيزي عند أهلها
حطوا النعش وتصارخت ذيچ الخواتين


دارت على نعشه الحريم وگام لصياح
ومن خواته بكثر البواچي غابت أرواح
كلمن طلع من منزله فوگ النعش طاح
وحسين يتلهف ويصفج راح الإيدين



للمرحوم الملا عطيه الجمري

فاطمة الفردوس
12-12-2006, 12:29 AM
للسيد سعيد الصافي الرميثي...
على المسموم مهمومة
على المسموم مهمومة
حسن مظلوم من يومه
حسن مظلوم من يومه
على المسموم مهمومة
انا المظلومة ياشيعة إلي بصحن الجبد نارين
تشب لاجل الحسن وحدة , تشب وحدة لمصاب حسين

فرق ما عندي باولادي واني شعندي غير اثنين
حسن روحي واعز منها, حسين اغلى من العين

لاجن هالليلة ارد اعتب واعاتب شيعة الطيبين
على حسين الدمع تجروه جنكم للحسن ناسين

اعاتب والمحب يعتب ياشيعة وحكها روحي تلوم
اني بكل ماتم بوياكم نحن لمصيبة المظلوم

على حسين الدمع واجب لون نجري عليه دموم
مصيبة اللي جرت بالطف تخلي كل قلب مهموم

لجن ياشيعة اخبركم حسن هم مثله شاف هموم
هم تحمل مصايب يوم اللي كضه مسموم

ملامة بالنفس ضلت تريح النفس من تظهر
ياشيعة لا تظنوني ميولي للحسن اكثر

الحسن ما فرقه عن حسين بنيني وبيهم اتفاخر
مصيبة كل ابن منهم سعير بمهجتي تسعر

لون كلتلولي عن حسين ذبيح وعلى الثرى موذر
حسن هم وذروا جبده من اذكره الحالة تتغير

لون كلتوا على راس حسين ذبيح وبالطشت خلوه
الحسن هم بالطشت جبده تخاله ساعة الوذروا

اريد اوصيكم الليلة وطلب ياشيعة تسمعوه
اريد شماتذكرون الحسن ومصيبته تذكروه

تجي لمصيبة عليه امام بلا ذنب غدروه
والاصعب واشد من هاي لون ياشيعة تنسوه

فاطمة الفردوس
12-12-2006, 12:29 AM
يا نشيد الأحرار


قد عهدناك عميدا قابل الدُّنيا وحيدا

أنت صرحٌ أنت جرح

قابل الدُّنيا وحيدا

* * *

صرختك يحسين صرخه زلزل العالم صــــــــداها

ظلت ابكل عصر تدوي وبالدهر واسع مــــــــداها

فجرت ثوره بصمودك ثوره حره وما ســــــــواها

واجدب اعله الامه تدرس كل مباديء محــــتواها

أنت حرَّرت العبيدا يوم أرغمت يزيدا

أنت صرح أنت جرح

قابل الدُّنيا وحيدا

* * *

هدف هالثوره العظيمه اتحقق ابفكرك الواســــــع

انفتحت المعركه ابوجهك ما رحت خايف وخاضع

رحت للحرب ابصمودك عن شرف دينك تدافـــــع

قدمت كل ما تملكه وردت للامــــــــه المنافــــــــع

هكذا دمت سعيدا وأبيّا لن يحيدا

أنت صرح أنت جرحٌ

قابل الدُّنيا وحيدا

* * *

عاهدت ترخص الغالي ونفذت يحسين عـــــــهدك

ابكل إراده وكل جداره اوگفت بالميدان وحــــــدك

شاهدت وسط المعارك جيش سبعين الف ضـــدك

قاومتهم بالتصدي وابذلت للنصر جهـــــــــــــــدك

رحت للحرب فريدا تقرع الجيش العنيدا

أنت صرح أنت جرحٌ

قابل الدُّنيا وحيدا

* * *

ابعزمك اتحديت خصمك وادحرت عرشه ونظامـه

والشعار اللي كتبته لا حياة ابـــــلا كرامـــــــــــــه

صوتك الصاخب رفعته امطـــــالب ابنصر الامامه

والسمع صوتك وعافك عاش بالــــــــذل والندامه

أنت حقَّقت رصيدا يوم أعطيت الوريدا

أنت صرحٌ أنت جرحٌ

قابل الدُّنيا وحيدا

* * *

يا حسين ابدم وريدك مشعل الثوره توهــــــــــــج

عالترب دمك الطاهر رسم للأجيال منــــــــــــــهج

يا هو مثلك يبو اليمه ابتاج دين الله تتــــــــــــوج

خلدك رب البريه وبسمك التـــــــاريخ يلـــــــــهج

قد رفعناك نشيدا وتلوناك قصيدا

أنت صرح أنت جرحٌ

قابل الدُّنيا وحيدا

* * *

يا شعار الامه يا من صرت للعالم نشيــــــــــــــده

ثورتك يحسين حفظت شرف هالامه المجيــــــــده

انت صرخة كل مناضل ما لوه اعله الضيم جيــده

انت شيمه كل مكافح كافح وقـــــــدم وريــــــــــده

نحن نبكيك شهيدا منح الإسلام جيدا

أنت صرح أنت جرحٌ

قابل الدُّنيا وحيدا

* * *

(لندن ـ1994م)




الرادود الكبير الحاج باسم الكربلائي

الشاعر الكبير الاديب الاستاذ الحاج جابر الكاظمي

فاطمة الفردوس
12-12-2006, 12:30 AM
العواقب بالتجارب


لو ردت حسن العاقبة من عدنه أخذ التجربه

والعــــــواقب بالتجــــــارب

* * *

رب البشـــــر أعــــلينه أُمر نآخذ عــــــبر من الســــور

والي كــــــفر يسكــــن سقر اخذ الخـــــبر من الســــور

وبالأثــــــــــر دينه اعــــتمر والحق ظـهر من الســــور

بالعــــــــمل دينك راقبه تكتسب أشرف مرتبه

والعــــــواقب بالتجــــــارب

* * *

بهاي الصفـه للمصطـــــــفه لتخالــــــــفه بالمعــــــرفه

واللي جــــفه عـــــن موقفه لتوصــــــــفه بالمعــــــرفه

أهل الوفـــــه متــــــــآلــــفه عــزها اكتفه بالمعــــــرفه

دنيتك دنيه كاذبـــــــه للطمع والغش جاذبه

والعــــــواقب بالتجــــــارب

* * *

راعي الجشع مهـــــما زرع ضر ما نـــفع بالمجتـــــمع

والما خضــع لهــــل الطـمع مجده ارتــفع بالمجتـــــمع

ابگلبه انطبع درس الــورع صوته ارتـفع بالمجتـــــمع

والعــــــواقب بالتجــــــارب

* * *

هذا الـــدرس مـــثل الشمس منه اقتـــبس عـــز النفس

گلبك طـــرس بــــي ينكعس مصدر غرس عـــز النفس

طبع الرجـس مهــــما يحس ما يلتـــــمس عـــز النفس

هاك اخذ منـهاج الأبــــــــه من خامس أصحاب العبه

والعــــــواقب بالتجــــــارب

* * *

راعي الهمــم بألطـــف عزم يكتب حـــــكم تحــيي الأُمم

سيفه القلــــم للحــــگ رسم اشرف قــــيم تحــيي الأُمم

يملك شــــــيم بعـــهده التزم يدري الذمــم تحـــيي الأمم

بالحرب نفسه اتخاطبه للعــــــــدل إلزم جانبه

والعــــــواقب بالتجــــــارب

* * *

شد عالگــلب صـــب الرعب فوگ النصب وسط الحرب

جمر الگــلب ظل منعـــــطب ظامي ويطب وسط الحرب

بدار الغـــرب دمه يــــــصب فوگ الــترب وسط الحرب

بالعطش روحه غايبه جثته بدمها مخضبه

والعــــــواقب بالتجــــــارب

* * *

شبل الطــــهر بسيف الغــدر ضحه العــمر ماتم صــــبر

رد المـــــــهر بصوته ايهدر راح الذخــــر ماتم صــــبر

جيش الكــفر من كل كـــــتر شنهو الأمــر ماتم صــــبر

والخيم ظلت لاهــــــبه شيطفي جمر النايبه

والعــــــواقب بالتجـــــارب

* * *

بهذا الألــــــم گلبي عـــــــلم حزني انكــتم بعيني انرسم

من‏أهل الشيم محد سلــــــــم وحرگ الخيم بعيني انرسم

العسكر هجـم وخدري‏انضرم سبي الحــرم بعيني انرسم

مهجتي لگلبي تعاتبه يا گلب آنه امصوبه

والعــــــواقب بالتجــــــارب

* * *

(طهران ـ 1987م)




الرادود الكبير الحاج باسم الكربلائي

الشاعر الكبير الاديب الاستاذ الحاج جابر الكاظمي

قم المقدسة

فاطمة الفردوس
12-12-2006, 12:34 AM
اشلـون بيَّ لو قرب مني الأجـــل
و أخـذ سمعي الموت والساني انثجـل
ظلَّت اعيوني تدير اعلى الأهـــل

تشوفهـا اتهل الدمـع لمصـابــي
اشلـون بي النفـس لو مني خمــد
او مني ملك الموت أخذ روحي او صعد
او للمغيسـل طلّعـوا مني الجـسـد

او قام المغسـل ايجـرد اثيـابــي
اشلـون بي ابكـفـن لو لفـونـي
للقبر عقب الغسـل شـالـونــي
او نزلوني ابحفـرتـي او وارونــي
او قـام حفّـاري يهيـل اترابــي
اشلـون بي لو مسيـت ابحفـرتـي
دار غربة او ويل حـالـة الغربتـي
لا عمـل وياي و يرد وحـشتـي
و ابعدت عنـي هلـي و أحبابـي

اشلـون بي لو ضغـط جسمي القبر
او قـام من خشمي حليب أمي يدر
اشلـون حالي امن اوقف بيوم الحشر
او ياخـذ المعبـود باستجـوابـي
اشلـون منكـر لو لفـانـي للقبر
او قـام ينشـد بيش قضيت العمـر
شنهو ذاك الوقت من عنـده العـذر

و شنهو عن ذيك المعاصي اجوابــي
اشلـون بي امن انفـرد بَعمـالــي
و الذنوب اتصير كلهـا اقبـالــي
و ادري منكر ما يروف ابحـالــي
و لا ابحكـم الله عليَّ ايحــابــي

اشلـون بيَّ امن اوقف بيوم الحسـاب
شايل اذنوبي او جـدَّامـي الكتـاب
شنهو عذري او شنطي للباري جواب
من يعاتبنـي او يـزيـد اعتـابـي

اشلـون بي امن التفت يسرى او يمين
ابيوم هوله ايشيـب من عنـده الجنين
مـال مـا ينفـع و لا تنفـع بنيـن
او لا ندم ينفـع و اعـضَّ ابنـابـي

مـا يظل عنـدي وسيلة و لا أمـل
غير حـب المرتـضـى خير العمـل
حـاشـا لنّه ايعفينـي ابذاك المحـل
و انـوخ ابوادي حمـاه ركـابــي

و اصد للمحشر و أعـاين للحسيـن
موكـب اينـادي شفيـع المذنبيـن
شيعتـي اغفـر يا الـه العـالميـن
ابجاه دمي المنَّـه صـار اخضـابـي
مهيـت لجلـك يا الهـي بالشمـل
حتى يـا معبـود عبد الله الطـفـل
او راحت اعيالـي سبايا اعلى الهـزل

عقب ذبح أهلي او حـرق أطنابــي
اشريت منَّك شيعتـي ابدم رقبتــي
حتى تغفـر بالقيـامـة الشيعتــي
شوف حالي او شوف حالة كبدتــي
صوبونـي او طحت امنِ اصوابــي

للمرحوم الشيخ عبد الحسين الشرع...

فاطمة الفردوس
12-12-2006, 12:36 AM
للشاعر السيد سعيد الصافي الرميثي...
يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

يا الزاير لون قبره يلوك بعينك من بعيد * سلم وأعقد النية وأقرا الحمد والتوحيد

وأطلب من أبو السجاد كلما تطلب وشتريد

أصعب وأكـلف الحاجات * عنده بكل وكت سهلات *

طبع الرزق بالنيات
كل مطلب وسيله يريد وكل موقف اله أسبابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

عن حسين أبو اليمة يا السامع خبر مشهور * يتناقل بكل مجلس وبكل الكتب مذكور

كلمن يعتني يزوره يرد منه بقلب مسرور
بقبره تبرد اللهفة * وجمرة حسرتك تطفه * اذا عندك مرض تشفه *
تبرى علته ويطيب كل من يشتم ترابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

لا تخلي العجب والشك ما بينك وبينه يحول * لو همك جبل ينزال وبفضل الحسين يزول

كرامة خصصه الباري الدعاء بقبته مقبول
ومن تتوجه بدعواك * يا الزاير أريد أنخاك * أريدك تندعيلي وياك
لتربة كربلاء حنيت ودموع الغربة سجابة

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

يا زاير لو رحت أنخاك لمن توصل لقبره * عوض عني أريد تشم مكان البيه نزف نحره

أختنقت ريتي وحنيت يا يوم الأشم عطره
وقله خادمك وده *ينال المطلب ال عنده * وقلبه ببابك يشده
علق لو حصل مراده يرد يمك من غيابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

نذر لحسين لو رديت ناذر أعتني له زحوف * قلبي يسبق أجدامي وبقبر الحسين يطوف

وأحني ضلوعي على الشباك وأحضنه بلوعه الملهوف

وأشكي شعندي من آلام * وخبرة بدورة الأيام * وأزور الأكبر وجسام
قبل ما أودع أبو اليمة أزور أهل الوفه أصحابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

وأتعني لعضيد حسين عباس الأخو الوفاي * ال قبله ما قبل يشرب ويتهنى بلذيذ الماي

وأقله من قبر زينب أنه جايب لك سلام وياي
غيور أطباعه معروفة * كريم يحي بضيوفه * أعذره مقطعة كفوفه
وراسه بالعمد مهشوم وبعينه السهم صابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

قضيت العمر وأتمنى أعيش بحلم وبآمال* لون مني الأجل يحدي نعشي بكربلاء ينشال

يفروني على قبر حسين وش عندي ذنب ينزال
بجاه الطاهرة أمه * أريدن دفنتي يمه * وأنه الخادم لأبو اليمة
حي ميت دليلي يصيح آه يا حســـــــــــــــــــــين ومصابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

فاطمة الفردوس
12-12-2006, 12:39 AM
( بيت أبوذية)

ما ييت عساني الكربله يحسين ماييت

و لا شوفك على التربان ماييت

مثل دمك دموع العين ماييت

و مثل نحرك كَطع بيه

******

آنه الغريب ابكَيت بين آل اميه

جيش برجال و خيل داروا عليه

****

حاير وحيد ابكيت و اعيوني شتشوف

عسكر وكف جرار تترادف اصفوف

اسهام و نبل و ارماح و مجرده اسيوف

خلصو هلي و ظليت آخر ضحيه

****

بعيني صفت دنياي ظلمة و مجدره

بس الجثث علكاع و اجذب الحسره

دمعة حزن بلعين و بكَلبي جمره

نار العطش بحشاي ظلت سريه

****

كل ساعه غارت خيل تهجم وصدها

جَم هجمة من اعداي أكَدر أصدها

بس جتلتي هلقوم أصبح كَصدها

صار الذي ما صار بالغاضريه

****

بالحجر كوم اعداي صابوا جبيني

من راسي نهر ادموم يجري اعله عيني

مثل السحاب اسهام صارت تجيني

أشكفهن بدرعين صدري و ايديه

****

مستعره بين احشاي جمرة غليلي

صوبني سهم لجور و انهدم حيلي

هذا السهم جتال كّطع دليلي

من هلسهم يا ناس شفت المنيه

****

من علمهر للكَاع وسدوا جسمي

لاجن على التربان ظل يجري دمي

عيني افتحتها الكَيت جتالي يمي

و بجفه صار ايلوح سيف الرزيه

****

شفت الشمر يا ناس ثنه اعله صدري

من شيبي جرني و صار يكطع بنحري

حز منحري و علكَاع ظل دمي يجري

و بجفه شال الراس و جسمي رميه

****

راسي ايتناكَل صار بين الأيادي

رضرضت صدري النوب خيل الأعادي

و يردد السلاب صوته و ينادي

اجسوم و خيم و اعيال سلبوا سويه

****

هذا الجرالي و صار هذا الجرالي

اتوسد و راسي ايلوح روس العوالي

كَبلي برحاب الموت دخلت رجالي

و من بعدي عفت اعيال راحت سبيه

****

فاطمة الفردوس
12-12-2006, 12:41 AM
أناشدكم و اريد اتجاوبوني

إمام بيا شريعة اتحاربوني

*******

وكَف سبط النبي وسط الحرايب

أخذ يلقي الحجج بين الكتايب

ينادي و يصرخ وياكم أخاطب

إذا عدكم شيم ما تركتوني

أخاطبكم يشيعة آل سفيان

عليمن هالجمع حاشد الميدان

عهد عدكم ويايه و العهد جان

أجيكم عل الوعد و اتبايعوني

تعنيت و شفت عكس المظاهر

بدل ما تصدكَ ويايه الضماير

جمعتوا للحرب هاي العساكر

عوض ما تبايعوني اتقاتلوني

كتبكم تشهد و هاي الرسايل

كتبتوا البعيتك نمضي و نواصل

إجيت و تالي تردوني أقاتل

عليمن للمعارك تجبروني

بلسان أهل الفضل أسمي تردد

سليل المصطفى و جدي محمد

إنشدو جابر الأنصاري يشهد

صحابة جدي كلهم يعرفوني

أبويه المرتضه فاطمه أمي

عرفتوا جعفر الطيار عمي

تحلل يا شرايع سفك دمي

عكب ذاك العهد و اتخالفوني

اشبدت مني خطيئة و يا ذنب صار

لون ما جان عدكم دين و أفكار

يهلناس بدهركم عيشوا أحرار

اتركوني أرد و آخذ اظعوني

إمام و فوضت للباري أمري

ما ترهبني السيوف بكَطع نحري

لون ناشدتوا ليش ادموعي تجري

عليكم يا بشر فاضت اعيوني

عليكم هالكَلب يا ناس محزون

عليكم بالمدامع تجري لعيون

الجهنم من أجل دمي تدخلون

عوض ما علطغاة اتناصروني

و إذا ما قام للإسلام دستور

ِإله إنجان يصبح دمي مهدور

خذيني يا سيوف الغدر و الجور

إعزمت و أدري الأعادي ايوذروني

أعاتب و العتب هيهيات يجدي

نفوس العاهدت و انقضت عهدي

أروحن و شكي للمختار جدي

و أكله أمتك رادت منوني

يجاوبني رسول الباري عنهم

بريء آنه يبو السجاد منهم

جهنم يبني هلوادم سكنهم

خصمهم بالقيامه ايشاهدوني

و إذا ما قام للإسلام دستور

إلا انجان يصبح دمي مهدور

خذيني يا سيوف الغدر و الجور

اعزمت و ادري الأعادي يوذروني

فاطمة الفردوس
12-12-2006, 12:42 AM
اتذكر كسرها

اتذكر كسرها محنة دهرها اتعنى لقبرها و راح حسين
يجر حسرة على الزهرة**يجر حسرة على الزهرة
********
قبل مايمشي و يهاجر ابو اليمة**راح بدمعته يودع قبر أمه
وذاك القبر أول ماوصل يمه**انحنى على ترابه يجري الدمع و يشمه
و روحه الحزينة باتت رهينة لجمرة ونينه و دمع العين
جرى العبرة على الزهرة**جرى العبرة على الزهرة
********
يم قبر الوديعة هايم المظلوم**مثل طير القِطَة على القبر ظل يحوم
يريد يودع أمه و يشكي عندها هموم**ناداها بقلب شايل جرح ملجوم
قرّب غيابي جيت بعذابي اعرض مصابي و هضم البين
عرض أمره على الزهرة**عرض أمره على الزهرة
*********
صاح و قلبه موقد بالحزن مسجور**اجيتج و الدمع دم و جمر منثور
وحق محسن اخوية و ضلعج المكسور**أحس الدنيا بعدج ظلمة و بلا نور
بهضمة زماني عايش تراني و الهم لفاني من صوبين
القلب جمرة على الزهرة**القلب جمرة على الزهرة
*********
ظهر من القلب صوت و نِدَه يبني**قبلك هم تراني الدهر خيّرني
رفضت جوره و هوانه و تالي عذّبني**و لاجل هذا السبب كسروا الضلع مني
هاي آنة همي كل عمره يمي و خيّرني خصمي بين أمرين
المحن كثرة على الزهرة**المحن كثرة على الزهرة
**********
جاوبها بعد ما ظل عمر ينفع**بعد ساعات امشي بهلضعن و اطلع
لا شك بالسيوف هناك اتقطع**يا يمة الوعد وياج بالمصرع
لمن تجيني و تشاهديني مصوب جبيني بذاك الحين
كشف سرّه على الزهرة**كشف سرّه على الزهرة
**********
ظهر صوت الوديعة من قلب مجروح**ياريت انظر جبينك يا شريك الروح
لجن القاك مخضوب بدما و مذبوح**و بلا راس جسمك علأرض مطروح
بالطف احضْرك مذبوح اظرك دم يجري منك جتني منين
غصص مُرّة على الزهرة**غصص مُرّة على الزهرة

فاطمة الفردوس
12-12-2006, 12:43 AM
حسيناً واحسيناً واحسيناه

****

مره أكطع طريج الصبر مرات

شفت عكبك يخويه غصص مرات

مو مره صحت يحسين مرات

وانته ما ترد اجواب ليّه

****

زفير العطش من الجبد ينفذ

كلساعه بدليل سهم ينفذ

لذكرك ***ي يا مظلوم ينفذ

مهجتي و خيمتي شبن سويه

****

غيرك ما جره دمعي ولكدار

عليه امخيمه اهمومي ولكدار

إلك عيله انسبت بالطف ولكدار

تضعضع و انهدم سوره عليه

****

بيابي من البجه انحفرت وغارت

صحت يحسين دنيانه وغارت

الخيل الخيل دهمتنه و غارت

علينه وداست احدود الثنيه

****

انجرح ***ي بجرح ما بعد ينشال

عسه جف الدهر يحسين ينشال

راسك فوك راس الرمح ينشال

عجيبه و جثتك فوك الوطيه

****

دليل ابغيبتك يحسين شالوه

عبيض الجان يجري كبل شالوه

عكب مصرعك راسك ليش شالوه

على روس الرماح السمهريه

****

انه أيامي عليّ من زغر ياريت

دمعتي ماركَت من يوم ياريت

سالم تظل خويه احسين ياريت

و اروحن فدوه لك يبن الزجيه

*****

ينصاب ***ي مأتمك يحسين ينصاب

دجرك من يمر الدمع ينصاب

كَلبي دون كَلبك ريت ينصاب

خدي دون خدك عل وطيّه

فاطمة الفردوس
12-12-2006, 12:44 AM
العـــدل الســــــماوي
تسبح باسمك وتحدي بروح التضــــــحية الأرواح
وعلى صدر السما بدمك رسمت يبن البتول وشاح
محاسن جرحك الدامي تـــــــغازل طلعة المصباح
الوجود بمصرعك ساجد للخالق وباســـــمك صاح
****

دمك يساوي عدل السماوي
دمك يساوي عدل السماوي
بوجهك تجسد محمد بوجهك تجسد
***************

يمن سره ملك روحي سكن بأعــماق وجـداني
لمست بيك العدل مبدأ شفت مضـمونة إنسـاني
خلقك قبل البشر ربنا جعـــلك لاهوت روحاني
انـــت العـــــالم الأول واحــــنا المـــنشأ الثاني
نور القداسة بيك انعكاسه
نور القداسة بيك انعكاسه
بدمك تخلد محمد بدمك تخلد
********************

يامن ذاته شمس قدرة تغيب وتطـلــــــــع بذاتي
بطريق ودك مشت خيلي بمـحبتك ترف راياتي
بعثت روحي العمق روحك أناشـــد عن بداياتي
نطتني الماضي والحاضر وشرحت لي نهاياتي
واضح مسيري وعارف مصيري
واضح مسيري وعارف مصيري
للسيرة مهد محمد للسيرة مهد
**********************

تبارك من جعل ملكك عظيم وعالـــمك أعظم
شرايينك صفت أفلاك كواكــــــبها خلايـا الدم
كل رمح الطعن جسمك مواعظ مـــنك استلهم
وكل سهم الإجا وصابك بخشوع استأذن وسلم
وبتضحياتك جلت صفاتك
وبتضحياتك جلت صفاتك
منك تأيد محمد منك تأيد
********************

شفت ياما صور بالكون المعاني الوصف ما تصلح
وقفـــــت بمصرعك لنها فكـــرتي بعالمــــك تسرح
ذبيـــــح وشفتك بصـــــورة مثلها ماشــــفت أوضح
اش أوضــــح بعد من منحر يخاوي السيف والمذبح
صورة وريدك راسمها بيدك
وعليها يشهد محمد وعليها يشهد
**********************
على سوح الموت معراجك براق المصطفى مهرك
الشمس كلما تشع وتغيب تجـــسد صورة من نحرك
إذا صوت الرعــــد يدوي يذكرني بهـــــشم صدرك
إذا انــــــظر جبل راســــــي أهيم بمعــجزة صبرك
جروحك سحايب تنظر نوايب
يمك توسد محمد يمك توسد
*********************

فاطمة الفردوس
12-12-2006, 12:45 AM
سلام على كل طعنة و كل طبره بجسمك سلام سلام

إعله كل قطرة السالت من دمك سلام سلام

ياحسين

*****

ذاك الجبين اللي يشع

فوق العواسل مرتفع

ذاك الجسد يا سيدي الدامي السليب المنصرع

ذيك الدماء الجاريه و ذاك الوريد المنكطع

أبعث سلامي من جفن بيه تطفح أمواج الدمع

سلام سلام على صبرك يا مظلوم و حلمك سلام

********

ويايه عايش منظرك

ليل و نهار أتذكرك

لو شافت اعيوني نهر أذكر منابع منحرك

و أبدي أسلم عل النحر و علتراب العفرك

كل دمعه من جفني تهل ترسملي قطعت خنصرك

سلام سلام على أحزانك يا حسين و همك سلام سلام

*****

من أذكر الدم اليسح

من صبري يتهدم صرح

و أمزج مناهل عبرتي دم الوريد المنسفح

كل طعنة كل رمية سهم و كل طبره بيك و كل جرح

ترسم صورة مصرعك و أنظر محمد منذبح

سلام سلام

على كل جثة اللي طاحت يمك سلام سلام

*****

كل دمعه كل حسرة *** كل مفصل بجسمي سأل

يا عجبة راسك سيدي عن جسمك اشلون انفصل

و يرتل آيات الوحي يتنقل بروس الأسل

سلم على اصواب الحجر علشيبه علدم النزل

سلام على كل حرف اللي كون اسمك

******

جسمك يبو الأكبر خذم

بيه تنهش أظفار الألم

من طبرة لو طعنة رمح كل عضو بجسمك ما سلم

أبعث تحية الكل عضو من شربة الماي انحرم

و ذيج الشفاه الذابلة ***ك المصيوب بسهم

سلام سلام على زودك بالهيجاء و عزمك سلام سلام

فاطمة الفردوس
12-12-2006, 12:46 AM
ماعوفك حبيبي وساكن بعيني
ماعوفك كتبت بدم شراييني
ماعوفك عهد مابينك وبيني

******

يجبريل الشعر يالطهرت ذاتي
يناموس القوافي وسحر ابياتي
بمحبتك ادركت يحسين غاياتي
الحاضر انته وانته الماضي والاتي
حبيتك يمن حبك يزكيني
حبيتك واظل لاخر سنيني

**********

ياتوراة موسى وياصحف داوود
وياقران طه الاأنزله المعبود
وحك سر الحجر والكهف والاخدود
احبك حب يبو الاكبر بلاية حدود
يالاسمك كتابي وكعبتي وديني
يالاسمك كتبته بكل دواويني

**********

بفضل دمك تخاوى السيف والمنحر
وشبيهك بالبشر هيهات يتكرر
ردت اوصف جمالك شفت مااگدر
سحرني عالم اوصافك يبو الاكبر
يالوجهك رسم صورة براهيني
يالوجهك بدر بانواره يهديني

*********

تولع بيك گلبي وضامري تلوع
وصعدت لعالمك اتمثل المصرع
شفت صورة مثلها ماشفت اروع
شفت راس برمح والجسد عالمبضع
يالنحرك محيط الدم يراويني
يالنحرك اسير الهم يخليني

*********

حوافر خيل حبك جالت بصدري
على سيوف المودة قدمت نحري
ردت دمي مثل دمك رگبتك يجري
العمر شنهو العمر يااغلى من عمري
عاهدتك احط بيمينك يميني
عاهدتك امامي وانته تدريني

**********

ارتل واقرا باسمك سورة الوجدان
مثل ماعالرمح راسك قرا القران
على كعبة مصابك اسجد باحزان
مثل ماسجد جسمك دامي عالتربان
ومصابك ينيمني ويصحيني
ومصابك يصبحني ويمسيني

**********

اعگدت حبل المدامع وية دم جسمك
سرحت بعالمك ومصابك وهمك
احس روحي الحزينة توسدت يمك
احس دمي نزف عالغبرة مو دمك
من جرحك هتاف الهم يناديني
من جرحك مسيل الدم يوصيني

*********

فاطمة الفردوس
12-12-2006, 12:47 AM
جينا نعاهد
جينا نعاهد جينا نعاهد ما نترك نهجك يا القائد
*************
انت القائد واحنا جنودك يا باذل همه مجهودك
حققت الاهداف بزودك والعالم بعيونه يشاهد
***************
بأيمانك وبروح الهمه نصرالله تحقق للامة
فكرك يتمز بالحكمة ايمانك بالله الواحد
********************
جفك رافع راية جدك يخسأ الظالم يوصل حدك
وحنا نريد انواصل جهدك وبهمة وأخلاص انجاهد
****************
كل هذا العالم خل يسمع بس للباري انطيعه ونركع
لجيوش الكافر ما نخضع والميدان اوضح كل شاهد
****************
احنا الي ما تخضع امتنا بالعزة ترفرف رايتنا
هالعالم يسمع صرختنا احنا الجيش الحر الصامد
***************
كل من القاع الحرة تتفرع اغصان الثورة
احنا بدرب الظالم جمرة احرار ومايهمنا المارد
**************
ذلينا الشيطان الاصغرميهمنا الشيطان الاكبر
ونريد العالم يتحرر وندحر كل ممرود وحاقد

فاطمة الفردوس
12-12-2006, 12:48 AM
محلة الوداع ابها المسية واعلوم المنية
بين الفاطمي والفاطمية

********************************

طب خيمة الحرة الحسين واليها اوناداه اهنا يزينب
قعد عندها يودعها او يسليها اونار الحزن تلهب
يوصيها او يسلم اطفاله بديها والخدر المرتب
الله اشها المصيبه محبوب او حبيبه
من تتحمس ابنار الرزيه

*****************************************
حن قلب العقيلة اودوت بيه النار من جور المصيبة
نادت يبن ابويه ما تقلي اشصار قلب اختك ابريبه
جن الفلك طرنه اوبالعكس يندار اوجن اختك غريبه
يبن امي اشدهانه من دهر الجفانه
شتت هالشمل بالغاضريه
**************************************************
صد احسين لخته والقلوب انلوب واتغيرت الحالة
اوناداها للشهادة فصلتلي ثوب من نسج الجلاله
الج ثوب اليسر من العهد مكتوب والخدرج حلاله
خلينه انتشارك ابها الثوب المبارك
حله الخدرج وانه امفصل اعليه

************************************************** *
نادت يبن بويه بالعهد راضين بالحق لو رضينه
لاعزت عليك اركابنه يحسين وانت اتعز علينه
تهيأ للشهادة واحنه متهيئين ننتظر سبينه
انتو اعلى الشهادة واحنه اعلى السعادة
نيتنه اوعسا راشده النيه
************************************************
لاجن عقب عينك ياضوه عيني خدرج اختك حياته
اوخوفي امن الشماته ابسهم ترميني اوتدري ابماضياته
خليني ارد اموت اوياك خليني او لا اشوف الشماته
والشامت اله اسهام تمضي ابقلب الاكرام
أمضه او اشد من سهم المنيه

*******************************************
الك عندي امانة من امك الزهره هاك اسمع المضمون
لخوج ابكربلاء اتحبينه ابصدره او تسجيه ماي العيون
اومن تجدم منيته جدمي مهره واوخل يجبل على الكون
هذي كربله هاي جيف البصر والراي
هاك اخذ الامانه امن الزجيه
************************************************** *****
وصلتني الامانه يا عقيلتنا اوجني اتسلمتها
واحقوق الوفه واشروط خوتنه بوجودج شفتها
هذي كربله اوهذي شهادتنه تشهد واسمعتها
تثبتلج إراده اوتشهد لج شهاده
صبرج نصر دين الله اونبيه

********************************************
تدنه حسين لخته او شبكته واتنوح والونه ثجيله
قبل جرح السهم خلت ابقلبه اجروح واتقطع دليله
يخونه خل ابدل اوياك روح ابروح اوصد اعلى العقيلة
ناداها الامر صار او لو عمت الاخطار
عقب اهلج تلزميلي الثنيه

***********************************************

فاطمة الفردوس
12-12-2006, 12:49 AM
ضلعك وضلعي


ضلعك وضلعي .. غيرن وضعي .. ومانشف دمعي



يحسين انا امك يوليدي .. انا الزهرة ويمك جيت

بيا حالة اتعنيتك يبني .. بنوحي والامي تعنيت

شفتك عالتربان گبالي .. صبيت دموعي وناديت

ريت الايد الگطعت نحرك .. هالايد انشلت ياريت

بالعالم مصابين .. ضلعك وضلعي

وتكسرت صدرين .. ضلعك وضلعي

***************************************

يحسين انه الزهرة وجيتك .. اصرخ اه يبني المذبوح

عطشان وهالنار بگلبك .. تتلاهب مابين الروح

هاك اشرب من ماي عيوني .. واتروى بدمعي المسفوح

ليش على التربان موسد .. گوم اغفى بگلبي المجروح

يبني شتسوف العين .. ضلعك وضلعي

وبمهجتي صوابين .. ضلعك وضلعي


***************************************


يحسين اتعنيت وشفتك .. طايح مابين الارجاس

يوليدي مصابك ومصابي .. نفس الحالة ونفس الناس

لو ماضلعي تهشم گبلك .. ضلعك بالطف ماينداس

شفتك مذبوح على الغبرة .. بس جسمك چا وين الراس

متحيرة بأمرين .. ضلعك وضلعي

صار الكسر كسرين .. ضلعك وضلعي


*****************************************

حيرني مصابك يوليدي .. وماينشف دمع الاحزان

ماتخمد ناري ولا نارك .. شيخمد هاي النيران

لمن غابت روحك يبني .. منهو الحاضر يمك چان

ليش مغسل من دم نحرك .. ليش مچفن بالتربان

اصل المصيبة منين .. ضلعك وضلعي

يحصل دواهن وين .. ضلعك وضلعي


****************************************

انشد يحسين ومن نحرك .. أرد أسمع يوليدي جواب

من صابوا طفلك عبدالله .. وبعيونك شاهدته انصاب

هم ذكرته لمحين لمن .. طاح بدفعة ذيج الباب

چم لوعة تحمل دلالك .. عينك شافت چم مصاب

مصوب بصواب البين.. ضلعك وضلعي

وتحيرت مابين .. ضلعك وضلعي

*****************************************

حال امك يوليدي تغير .. من شفتك والمدمع سال

والنوب أرد أنشد عن حالك .. ليش موسد فوق رمال

اگعد خل أفرشلك روحي .. ويغسلك دمعي الهمال

گبرك محفور بدلالي .. گوم اتوسد بالدلال

شاف الگلب هضمين .. ضلعك وضلعي

واتحملت حزنين .. ضلعك وضلعي

فاطمة الفردوس
12-12-2006, 12:51 AM
أقصدوني فأنا أسمي الحسين

أقصدوني أنا كهف الخائفين *** ويدي مبسوطة للسائلين
وضريحي صار للعرش قرين *** أقصدوني فأنا أسمي الحسين

أقصدوني فانا غيث السماء *** فيكم داء وفي قبري الشفاء
ودمي علمكم معنى الإباء ***أقصدوني فأنا أسمي الحسين

أقصدوني فأنا غوث الطرد *** وأنا سيف على كل يزيد
أنا من حرر هامات العبيد *** أقصدوني فأنا أسمي الحسين

إن جبريل إلى مهدي قصد *** ورى آية مجدي فسجد
بدمي صبى وللعرش صعد *** أقصدوني فأنا أسمي الحسين

أنا من يصرع أحداق النجوم *** في عونا ضمئت نبعي تروم
مهجة الدين على قبري تحوم *** أقصدوني فأنا أسمي الحسين

قبتي يطلع منها المشرق *** وفراتي البحر فيه يغرق
أنا للحق لسان ينطق *** أقصدوني فأنا أسمي الحسين

أنا قلب في ضلوع المصطفى *** وعلى البيت ترابي شرف
حسبي الزهراء امي وكفى *** أقصدوني فأنا أسمي الحسين

وعلي والدي خير البشر *** وأذا عبد به شك كفر
ذاك من في أسمه العرش أستقر *** أقصدوني فأنا أسمي الحسين

يعلم البيت ضريحي بيته *** بشضايا اضبعي شديته
وله نهر دمي أجريته *** أقصدوني فأنا أسمي الحسين

أنني شلال حب للوجود *** نفح تياري تحاشته السدود
وطريقي لرضى الله يقود *** أقصدوني فأنا أسمي الحسين

أنا من أبكى عيون الحجر *** مثل ما أدمى عيون السور
مشعل الأحرار أضحى منبري *** أقصدوني فأنا أسمي الحسين

قلم الحكمة من جرحي دنى *** قال يا ملهم روحي من أنا
قلت عبد من عبيدي فنحنا *** أقصدوني فأنا أسمي الحسين

جدي المختار قد علمني *** حينما ماكان وما لم يكني
في يدي ألقى زمام الزمني *** أقصدوني فأنا أسمي الحسين

أقصدوني فأنا أسمي الحسين

فاطمة الفردوس
12-12-2006, 12:51 AM
دار غربه لا خيم لا والي و مثل حال حسين أصبح حالي

*

من طحت يا حسين بالمصرع جريح و المثلث صوبك و الدم يسيح

اطلعت زينب بين قتلاها تصيح بالغرب تاهت يخويه اعيالي

قوم و احمي الحرم يا والي الحرم قلبي من بعدك ابنارين انضرم

نار من الضمه و نار من الخيم تسعر و تطفه ابوسط دلالي

قوم رد الخيل يا مروع الخيل و ادرك اعيالك يبن حامي الدخيل

هذا ليل و تدري من يوحش الليل تدري يبن المرتضه اشيجرالي

راح خدري اوياك يا مظلوم راح من طحت بيت الحرم وياك طاح

و مثل دمك دمعي من العين ساح و رخص يا مظلوم دمعي الغالي

قوم داوي الروح يا سلوة الروح اجروحي و اجروحك صفت نفس لجروح

ترضه للشامات مسبيه أروح و راسك ابروس الرماح اقبالي

فاطمة الفردوس
12-12-2006, 12:53 AM
أنشد عله احسين أخويه ها عدل هامت

لمن وردني الخبر روحي ابحزن هامات

و اعيوني مثل النحر دم و دمع هامات

صلت عليه الهنادي و السمر شيعته

و القوم شي صوبه شي سلبه شيعته

خل تلبس اثياب سوده بالحزن شيعته

و من بعد الحسين لا ترفع بعد هامات

فاطمة الفردوس
12-12-2006, 12:53 AM
عليل ينادي بالعبرة

عليل ينادي بالعبرة أظنها حضرت الزهرة
تشاركنا بفنى أحبابي تساعدني على مصابي أظنها حضرت الزهرة
********
صور من عالم همومي قلم حزني يصوِّرها و شفت جن واقف السجاد و جثث جدامه ينظرها
جثث متضرجة بدمها و عجاج الحومة عفّرها التفت لن اعتنت حرمة يفت الصخر منظرها
جرت عبراته و ينادي أظنها بضعة الهادي
لفتني تضمد صوابي و تساعدني على مصابي اظنها حضرت الزهرة
*********
تعنّت وقفت قباله خمار العفة يحجبها شمس متحجبة بغيمة و اجت تدفن كواكبها
تحوم على الجثث شافت غدير الدم يخضّبها و هي بهلحالة و السجاد بدموعه يراقبها
غدى لهلحرمة ينشدها يقول اشبيها و اشعندها
تحن مثلي على غيّابي و تساعدني على مصابي أظنها حضرت الزهرة
*********
تقرَّب يمها يسألها لجن يسألها بالدمعة يقلها منين و اشجابج يحاجيها و هي تسمعه
لنها تجاوبه و تقول مثلك آنة منفجعة يبني يا علي السجاد آنة فاطمة البضعة
نسيت مصيبتي و كسري اجيت يبني من قبري
اريدك تنفض ترابي و تساعدني على مصابي اظنها حضرت الزهرة
*********
ماهي مناسبة تبقى الجثث صرعة بهجير الحَر خلنا نبتدي و ندفن تراني على الصبر مقدر
لجن يا وليدي دليني تشتت عقلي و تحيَّر جاسم يا جسم منهم و ياهو جثة الأكبر
سؤال الزهرة أثَّرهم غدت تبجي مناحرهم
تقول من الدما خضابي و تساعدني على مصابي اظنها حضرت الزهرة
********
نزلوا جاسم بقبره لجن ماوسدوا خده و خده شلون يتوسد جاسم راس ماعنده
و اجوا يم جثة الأكبر و نزلوا جثته بلحده و بدت بنت النبي تحاجي علي السجاد و تنشده
على أبوك حسين وديني و أخاطب جسمه خليني
و أريدك تسمع خطابي و تساعدني على مصابي أظنها حضرت الزهرة
********
عقب ماعالجسد ناحوا نزلوا باللحد جسمه و كل أوصاله جمعوها و دفنوا خنصره يمه
انحنى السجاد علمنحر لنة يسمع الجلمة يقله ادفن على صدري رضيع السابح بدمه
وضع عبد الله على صدره بدمعها فاطمة تنظره
تقله دموعي بأهدابي تساعدني على مصابي أظنها حضرت الزهرة
*********
عقب مادفنوا المظلوم و رضيعه المخضب بدماه مشى السجاد و الزهرة حزينة و تابعت ممشاه
وصلوا للنهر شافوا جسد و بكتره طاح لواه شالوا جثته و دفنوا يمه يسرته و يمناه
يقله هذي يا عمي الوديعة فاطمة يمي
على دفنتك حسبت حسابي تساعدني على مصابي أظنها حضرت الزهرة

فاطمة الفردوس
12-12-2006, 12:54 AM
سادس بدر مفقود شفنه الليالي السود

من غابت أنواره

جاوبنه يالموعود امن الغيبه يمته اتعود

و اتطالب ابثاره و اتطالب ابثاره

****

الوعد يا يوم يبن العسكري و تظهر و ترسانة حرب يلمهدي تتصدر

الك ثارات غير الضلع لمكسر و غير الطبره ذيج الصوبت حيدر

و ثار الحسن و احسين الذي اتوذر و ثار اللي مشى ويه العيله و اتيسر

من لوعت السجاد نار القلب تزداد

ما ينخمد ناره

عين الله بالمرصاد لا بد يجي الميعاد

و اتطالب بثارك

**

عقب ماذبحوا المظلوم و أعوانه تهاوت بالمصارع جثث فتيانه

هجم آل أميه بفزع فرسانه و مضاربكم حرقها بلهب نيرانه

و السجاد ينظر نار صيوانه غذت تسعر مثل جمرات أحزانه

قلب العليل احتار يحمل جمر يا نار

من شنو الغاره

جدك يريد الثار و اتجرد البتار

و اتطالب بثارك

**

يشوف احسين دامي اعله الأرض تركوه مثل ضلع أمه صدره بكربله هشموه

و السجاد جدك ممتحن خلوه عليل بنار و اخيول و زلم حاطوه

مثل ما راس ابوه اعله الرمح شالوه عله انياق اليسر جدك علي حملوه

عل الغبره عاف ابدور محزوزه منها انحور

دم جدك المهدور يالمهدي يمتى اتثور

و اتطالب بثارك

**

بيسر مشوه ويه العيله و الايتام حمل لوعة الكوفه و نايبات الشام

مرت عالعليل أصعب و أشد آيام أيام اليسر كل يوم جان بعام

عقب ذيج المصيبه امصيبة الأكرام رجع لأرض المدينه بفاجعه و آلام

امن الدنيه شاف الويل ما عنده مهجه و حيل

و اندهلت أفكاره

يا ساعه يقضي الليل تسرج ظهور الخيل

و اتطالب بثارك

**

أبد مالوم جفني لو تطافح دم عله امصاب العليل اللي قضه بالسم

انغذر مسموم و بقلبه مرار الهم و حته قبره يبن العسكري اتهدم

لونك تظهر و تكشف سحاب الغم تروح اتشوف قبره موحش و أظلم

هذا الأمر مقسوم حتى القبر مهدوم

بس ظلت آثاره

يا حجة القيوم يمته الفرج يا يوم

و اتطالب بثارك

فاطمة الفردوس
12-12-2006, 12:55 AM
كيف تفجر أضرحة الأطياب ** نستكر كل رموز الأرهاب
هذا صوت يتجسد ** صبراً يا آل محمد
نستكر كل رموز الإرهاب

بوفاتك ياعلي السجاد العالم ينحب باسره
مثل ما يطفح البركان جمر تتطافح العبرة
وننصب ماتم بكل عام دمعنا ونحيي هالذكرى
لچن يازينة العباد هالعام اختلف امره
گبر شبلك علي الهادي تهدم وانجهل قدره
مثل ماهدموا گبرك بسامرا انهدم گبره
كل منا يعلم ما الاسباب
حقد ماض يتجدد ** صبرا ياال محمد

عليكم يابني الزهرة غربان المصيبة تحوم
مصابك ياعلي السجاد مصابين اصبحن هاليوم
رحت مسموم وبچبدك تگطع شفرة المحتوم
مثل حالك علي الهادي گضى بسم الغدر مسموم
گوم الهدموا گبرك نفس هالزمرة نفس الگوم
فجروا مرقد الهادي مثل گبرك صبح مهدوم
فانقلبوا في الذل على الاعقاب
والله عليهم يشهد ** صبرا ياال محمد

صبركم يابني الزهرة فلا صابر بلغ حده
بين الگطعوا وريده وبين الوذروا جبده
الدهر ماخلى من عدكم حتى اليرضع بمهده
وانته ياعلي السجاد شفت چم لوعة چم شدة
شفت چم ظالم و***** عليكم ظل يصب حقده
زمرة وما خلص منهم حتى النايم بلحده
كم من حق غادره السلاب
ان الارهاب تمرد ** صبرا يا ال محمد

مرابعكم صفت بلقع وسنين العمر ظلمة
مصابك ياعلي السجاد جبل فوگ الگلب همه
الدهر باليكم باشرار لا رافة ولارحمة
يزيد بكل عصر موجود نفس جوره ونفس ظلمه
وشمر الگطع راس حسين وخضب شيبته بدمه
اجت من بعده احفاده لگبر العسكري تهدمه
تلك رؤوس الشر وذي الاذناب
هذا تاريخ اسود ** صبرا يا ال محمد

الك يازينة العباد سؤال الوادم يوجهوه
ليش المرتضى جدك من دم طبرته يخضبوه
وليش الگطع راس حسين وجسمه بلا دفن خلوه
چبدك ليش يتگطع وگبرك سيدي يهدموه
خلي نگول ماضي وراح الحاضر خلهم يشوفوه
ليش لمرقد الهادي وابنه العسكري يفجروه
اين العالم عن تلك الانصاب
صرخة حق تتردد ** صبرا يا ال محمد

زمرة تمردت من يوم ضلع الطاهرة المكسور
ومن ضربة ابن ملجم لحيدر من وگع مطبور
نفس هالزمرة هالاجلاد گطعوا بالطفوف نحور
عصابة كل زمن تظهر نفس الظلم نفس الجور
ذبحوا قتلوا وفجروا مراقد هدموا وكبور
لازم ينوضع من حد لكل ارهابي كل ماجور
اين العالم عن فعل الغصاب
درب للثار تعبد ** صبرا يا ال محمد

فاطمة الفردوس
12-12-2006, 12:56 AM
رثاء الإمام علي إبن الحسين السجاد عليه السلام

علي السجاد أبو الباقر أنا يا شيعتي مظلوم

و انا فوق المرض لني تقطع جبدي المسموم

و ما ظل بالخلق مثلي حمل ضيم و صبر و اهموم

و لا دمعي نشف ساعة من طف كربله و لليوم

و يا جرح البعد يلتام و حيلي من المرض مهدوم

شحجي و شقولن عن محنتي لوعة مصابي لو حسرتي

دم و دمع هليت

*********

اشما اريد القلب ينسه حنين القلب ما يقدر

و الضيم السده اعلية شنسه منه شتذكر

و كل لحظة اليمر قلبي يقوم من الألم يشغر

عفاني اشلون اليَّ اعيون شافت ذبحة الأكبر

شبيه المصطفى الهادي و مثل هيبة علي حيدر

قمت بجفوفي يا شيعة ألم بجسمه الموذر

و لمن حطنته يا لهفتي حيلي تهدم من ونتي

دم و دمع هليت

*********

صخر ما يقدر يحمله ضيم الذي اتحملته

و ما ظن شافته كل عين مصاب بعيني الشفته

نهار العاشر بعاشور يوافيني الأجل ردته

بطيحة عمي العباس صبر العندي ودعته

لون حيلي يساعدني شطت للعلقمي اقصدته

و مجان اجفوفه اقبلها و من عينه السهم زحته

لا أقدر أنزل من ناقتي بيدي السلاسل و برقبتي

دم و دمع هليت

*********

جثيرة اجروح البقلبي شضَمد لا جرح و اثنين

حين الشفته متحير بالحومة ابوية احسين

أقوم و ما يعينني يا شيعة جلت الرجلين

و اشوف بسم المثلث صارت جبدته نصين

و من رد المهر خالي بعد ننطي الوجه لا وين

و اشلون أدافع عن عمتي مابية اقومن من علتي

دم و دمع هليت

*********

لون جرح القلب ينراف جرح اعيوني شيروفه

و فوق الرمح راس احسين امخضب بالدمه اتشوفه

و زينب بت علي الكرار فوق الهزل مجتوفه

و الأصعب بعد و اكلف حين الطبت الكوفة

و ا لدار الوصي اتصد له دار التشهد اضيوفه

صحت و نخيته من حرقتي ادركني بوية و بحالتي

دم و دمع هليت

*********

تشفه اجروح البقلبي لو تشفه و صدق تلتام

يظل منها جرح ينزف و هذا الجرح جرح الشام

و يظل كل و كِت يلجمني يهيّج الدمع و الآلام

شفت اعيال مجتوفه أسيرة بولية الظلام

و من ضرب السياط اتلوع أسمعها حرم و ايتام

عقب الخدر و الهيبة يا وسفة بخرابة اتنام

جني انوحن و بعلتي ظليت أنادي و ين اخوتي

دم و دمع هليت

للرادود الحاج ملأ باسم و جليل الكربلائي .

مقتبس من شريط ائمة الهدى (1)

**********

فاطمة الفردوس
12-12-2006, 12:56 AM
أضاء وجه العلمِ و الرسومي بنورِ وجهِ باقر العلومي

تعساً و بؤساً لهشام الشومي من هتكهِ لباقر العلومي

أيطلب الرميُ من الإمامي مع الرماة من علوج الشامي

و كم دمٍ محرمٍ أراقوا سالت بهِ الحجازُ و العراقُ

كم هتكوا من النبي حرمته كم جّزروا جزرَ الأضاحي لحمته

الشيخ محمد الدماوندي .

**********

يا زماني هذا حالي اشخلت بقلبي الليالي

آنا الباقر قلبي ذاب شافت عيني جم امصاب

*********

أعرض صور للفاجعة و أشرح بداية عمري

و شفت المصايب و المحن و الباري هو اليدري

بدور الطفولة شاهدت دم أهل بيتي يجري

و اتيسرت و آنا طفل هذا الحصل من دهري

يا هضم أكَدر أقوله شيّبت من الطفولة

قلبي اتصوب جم اصواب شافت عيني جم امصاب

*********

آنا الذي بعيني شفت جدي وقع بالمصرع

و اتوجهت خيل العده اعلينا و شملنه اتوزع

ذاكَ الوضع و آنا طفل وين اتجه وين اطلع

و اسمعت صرخت والدي يبني يا الباقر ارجع

اركض و دمعاتي تجري فوضت للباري أمري

من هالموقف قلبي انصاب شافت عيني جم امصاب

*********

وين اطلع اسلك يا درب خيل و زلم متحشده

الوادي السلام اتوجهت صرخه بدمع متحده

و ناديت وينك يا علي يالتحضر بكل شده

أطفالك احنه وهالدهر جار و عبر عن حده

نزلت استار المصيبة حلت الليلة الرهيبة

من عقب أهلنا الغيّاب شافت عيني جم امصاب

*********

راح النهار اليمره و عشنه بمرارة خوفه

و الليل اجانه و بالهضم هالليل صرنه انشوفه

لمن طلع وجه الفجر رحنه بيسر للكوفه

و اليسر حالة اتميزت عل الحرم ما مألوفه

بالمصايب لوعوني امن الطفولة و يسروني

من هالوضع راسي شاب شافت عيني جم امصاب

*********

راحت مصيبة كربله و عشت المصاب و همه

بدور الشباب اتحيرت و دنيايه صارت ظلمه

اتحملت لوعة والدي و جَف المصايب سمّه

بيدي دفنته بحفرته و ادفنت قلبي يمه

هذا طبعك يا زماني يعجز بوصفك لساني

من افعالك ظني خاب شافت عيني جم امصاب

*********

اعليمن أعاتب دنيتي شيفيد عتبي اعليها

دنيانه أولها الجِفت طبع الغدر تاليها

اقضيت عمري بالحزن دمعة حزن أجريها

و الروح كَوس النايبة بسهم المحن راميها

و كل مصايبنه الشفتها من الطفولة اللي عشتها

أنحب لفراق الأحباب شافت عيني جم امصاب

للرادود باسم و جليل الكربلائي

مقتبس من شريط ائمة الهدى (1)

فاطمة الفردوس
12-12-2006, 12:57 AM
أبوذيات...
المصاب ب***ي يالصادق مظلمه

و طفح موج الدمع كله مظلمه

المدينه موحشة و صارت مظلمه

بوفاتك يمن للتكوين ضيه

**

فتح باب العلم جفك و فضله

و طفح بحر الكرم منك و فضله

رسول الله اورثك علمه و فضله

و صرت قائد الفرقه الجعفريه

**

النبي و حيدر الك ورثوا علمهم

حسن و حسين كل وجدك علمهم

علي السجاد و الباقر علمهم

يرف بيدك ينور الله و نبيه

فاطمة الفردوس
12-12-2006, 12:58 AM
قال الصادق قولاً صادق

من نعم اللهَ علينا حاجات الخلق إلينا

****

معادن رحمة الباري أهل بيت النبي الأطهار تحدث عن فضايلهم عيون الكتب و الأسفار

و أيمتنه الذي نقلوا أحاديث النبي المختار كتبوا صحف للعالم و رسمو للبشر آثار

صوتٌ صاخب و هوَ يخاضب

بخطى الإيمانِ مشينا حاجات الخلق إلينا

****

يحدث جعفر الصادق حديت اسمع مضامينه ايكول الباري جاعلنه حجج من لطف بارينه

و احنه للنجاة أبواب ما خاب القصد لينه و حاجات البشر يمنه و فاز اللي يوالينه

قولٌ شامل و هو القائل

بحرٌ للجودِ يدينا حاجات الخلق إلينا

***

الصادق ثامن الأنوار بتاج المعرفه امتوج أساطين العلم تشهد واضع للعلم منهج

علومه اشموع قدسيه بطريق الأمه تتوهج صوته بكل عصر يدوي و لسانه بالعدل يلهج

فذٌ صامد و هو يعاهد

بذمامِ العهدِ وفينا حاجات الخلق إلينا

***

ولاية عترة الهادي سعاده و شرف للأمه خزانة علم بارينه صفو مستودع الرحمه

مفاتيح اللطف عدهم و صاروا محور الحكمه و الباري جعلهم نور يزهي بكوكب العصمه

نورٌ زاهر صوتٌ هادر

لسوى المعبودِ أبينا حاجات الخلق إلينا

***

شموس الباري جاعلهم و بساق العرش تستطع وسافه الدهر حاربهم عن آل النبي اشتسمع

مصايب شافت العتره عكس ما هيه تتوقع بين اللي قضه مسموم و بين الثاوي بامصرع

و من النحرِ دمهم يجري

نحنوا دماءا أعطينا حاجات الخلق إلينا

***

مصايب عترة الهادي عليها الدمع يجري ادموم ندري كل مصيبه اتهون بس امصيبة المظلوم

جسمه اعله الثره اموذر و داست صدره خيل الكوم طلعت والهه العيله و يم جسم الغريب اتحوم

ضجه بكاءٌ جاءَ نداءٌ

بطريق الحقِ أتينا حاجات الخلق إلينا

***

فاطمة الفردوس
12-12-2006, 12:59 AM
بمصاب الصادق

بمصاب الصادق الكونُ فجيع**و الهُدى من بعدهِ أضحى صريع
************
نجم من برج البلاغة اللي وقع**بيه كل العالم العلوي انفجع
و علم آل المصطفى اليوم انصرع**بمصابٍ جَلَلٍ أبكى الجميع
************
و انقطع وحي البلاغة بغيبته**و العلم طفوا ضواه و شمعته
و زمرة المنصور يوم السمته**هدَّمت للمصطفى صرحاً منيع
************
اغترف من بحر الرسول المصطفى**بجفه يحمل جان سيف المعرفة
فنَّد أفكار الجهالة بمرهفه**لبني عباس و الحكم الوضيع
************
قضّى عمره قابع بفيض العلم**عاصر العصرين من جور و ظلم
لآل أمية و بني العباس الحكم**فتراهم حاربوا الفكر الرفيع
************
جان للإسلام أعظم مدرسة**منهج العترة و فكرها يدرسه
الجعفرية خطها هو الأسسه**وفقما أنزله الباري السميع
************
ذاك قلبه الجان مرتع للعلوم**يصير موضع للمصايب و الهموم
و ترتوي جبدته من أحقاد السموم**مُفراً يُدفَن في أرض البقيع
************
جان نعشه تشيع بين المَلا**و حضرت جنازته كل العايلة
حسين بالطف ظل صريع على الفَلا**غُسله قد صار من آل النجيع
************
حسين مسلوب العمامة نشاهده**و على صدره داست خيول العدى
مثل هذا الفعل ماصار و سدى**نحر خير الخَلق بالسيف قطيع

فاطمة الفردوس
12-12-2006, 01:00 AM
يا مسموم جينه الدارك صرنه اليوم من زوارك

**

ذكراك يالكاظم تعيش اويانه لليوم نحمل لوعة السجانه

*

زوارك احنه سيدي و انعاهد مبدأنه يبقه اوياك مبدأ واحد

جسر الأيمه اعلينه أوضح شاهد لزيارتك ضحينه حته ادمانه

*

يا من عشت بين السجن و الغربه عانيت أهوال السجون الصعبه

يا الكاظم و منك ورثنه النكبه شفنه الظلم و الجور يا مولانه

*

شيعتكم احنه و نسحك اعله الأخطار عل الموت نمشي و جينه يمك زوار

ميهمنه كل اللي جره اعلينه و صار و انظل انواصل بالدرب ممشانه

*

جسر الأيمه يسأل ايريد اجواب هالفاجعه اللي صارت ابيا أسباب

للعالم انفضحت رموز الإرهاب هذي بقايه امن الحكم و أعوانه

*

جسر الأيمه اختفت كل أحبابي الله **** كل رجس إرهابي

ذبح اخوتي و كل هلي و أصحابي و اعله الهويه ننذبح خلانه

*

فاجعة هذا الجسر من نتذكر فاجعة سجنك سيدي نتصور

نجري دمعنه اعله الجره نتحسر انشارك ضمير العالم باحزانه

*

اجنازتك فوق الجسر من خلوها نفس الأيادي الحادثه ارتكبوها

ابنفس المكان الشيعتك غدروها جددوا حزن امصابك و أشجانه

فاطمة الفردوس
12-12-2006, 01:01 AM
يا قلب ذوب و يا دمع عيني تفجر للي قضه ابسجن الرجس قلبه مفطر

**

ما شاف بالدنيه و لا ساعه هنيه ابسرداب مظلم جرع جاسات المنيه

بالسجن ما يعرف نهاره امن العشيه هضم و صبر قلبه تفطر و الصبر مر

*

آمر الطاغي اتشيل إبن جعفر حماميل شالوا الجنازة لا مشت خلفه رجاجيل

و اعله الجسر ذبوه و برجله الزناجيل و اقلوب شيعتهم عليه ابنار تسعر

*

شيعة علي الكرار فجعتهم شديده من عاينوه امغلل و بالساق قيده

مطروح فوق الجسر ما فكوا حديده صاحوا يبو إبراهيم يومك صار أقشر

*

عزنه تبدد يا فخر طيبه و تهامه كل يوم نترجاك تطلع بالسلامه

دار الدهر بقلوبنه صوب سهامه فوق الجسر مطروح يا موسه بن جعفر

*

ردت الشيعه اتنوح و الحاله شنيعه اينادون بالذله و مصيبتهم فظيعه

فوق الجسر مطروح يا كعبة الشيعه بالسم فتوا مهجتك و اللون مخضر

*

يولاد عدنان و مضر قلة الغيره عن جسر بغداد ارفعوا شيخ العشيره

ذبوا العمايم و امشوا ابجانب سريره ثوروا تره ما من صديج اعليه ينغر

فاطمة الفردوس
12-12-2006, 01:02 AM
اسكبوا دمعَ العيون لرهينٍ بالسجون

و انذبوهُ باكتئاب سيدي جَلَ المصاب

*********

أجرحُ القلبَ و أجري الدمع من فيض الدمائي

لسليلِ الطهرِ موسى ووريث الأنبيائي

فَلكم أمضى سنيناً في نحيبٍ و بكائي

فهو من سجنٍ لسجن و إبتلاءٍ لإبتلائي

و الدماءُ و القيود في معصميهِ شهود

للرزايا و العذاب سيدي جَلَ المصاب

*********

و اذرف الدمعَ إذا ما كنتَ من جورٍ تكابد

و تذكر صبرَ موسى و هو يحيي الليل ساجد

إذ ينادي يا إلهي رد عني كل مارد

ألي هذا الذنب يسقيهِ سمومَ الغدر حاقد

ما بين سجن الهموم و بين فعل السموم

مات موسى بإحتساب سيدي جَلَ المصاب

*********

حينَ تنعى الناسُ موتاها بحزنٍ تتجمع

بين باكٍ بين شاكٍ بين ثقلى تتفجع

ليتَ شعري أو تدري من لي موسى الطهر شيع

حملتهُ أيدي سجانيه بالذل ملفّع

ليتهمُ يعلمون أيَ نعشٍ يحملون

لتباكوا بضراب سيدي جَلَ المصاب

*********

كيف لا نبكي إماماً راهب من آل هاشم

و هو نور اللهِ فينا ووريثاً للمكارم

إنهُ المرضوضُ ساقاً إنهُ مدمي المعاصم

إنهُ المقتول ظلماً ربي فالعن كلُ ظالم

آهِ من جورِ اللئام نالَ منا كم إمام

بادعاءات كِذاب سيدي جَلَ المصاب

*********

إن بلواكَ إمامي من خطوبَ الناس الأكبر

كم بنا حلت خطوبٌ و عليها نتصبر

فبكظم الغيظِ تحدونا مثالاً يا مطهّر

إنما لا يجزع البعدُ سنيناً يبنَ جعفر

كلُ يومٍ إذ يفوت سيدي بطأً نموت

بسعير الاغتراب سيدي جَلَ المصاب

*********

كيف لا ألبس دهراً بعدكم ثوبَ الحدادِ

فلقد كنتم ودادي و بكم يهنأ فؤادي

و إذا ما ضاقَ صدري أنتخي بابَ المرادِ

مَن لقلبٍ ذاقَ بالوجدِ لموسى ذي الجوادِ

أيها الكاظمان الأمان الأمان

هل لنا من جواب سيدي جَلَ المصاب

*********

{انتهت}.

فاطمة الفردوس
12-12-2006, 01:02 AM
يمسموم ما تطفه نارك
يمسموم بالغربه دارك
*
يبن المنولد وجدانه بالكعبه و انته ابنه و تموت ابديرة الغربه
ابهلدنيه احملت جم لوعه جم نكبه لون أيوب جا مل و جزع قلبه
عله الموت صار اختيارك
*
أرض طوس اعتلت و اتشرفت بسمك و الفردوس تتمنه تضم جسمك
هالأملاك سجد يا الرضه يمك تواسيك بمصابك و ابجمر همك
بالهموم مظلم نهارك
*
يمن جاريت يعقوب ابدمع عينك تربت عله الغربه و كبرت اسنينك
الدهر بالقهر و الهم شابج ايمينك عهد مكتوب بين النايبه و بينك
صحت ريت قبري بجوارك
*
يمن جزعت صم الصخر من صبرك أتمنه ايتعين قبري يم قبرك
كل مرسل تمنه مدفنه ابكترك و غير الباري محد يعرف سرك
من أسرار خطت مزارك

فاطمة الفردوس
12-12-2006, 01:03 AM
يا شيعه ما رحموني يا شيعه اشقد هضموني

يا شيعه السم جرعوني يا شيعه لا تنسوني

*

يشيعه امصيبتي بدموعي أرويها يسجلها المحن و الونه تحجيها

عليل و ناري متوجره اشيطفيها تظل متلوعه روحي ابمآسيها

ملتاعه بالهم روحي

ملتاعه ابجمرة نوحي

بصوابي ما راعوني

*

يشيعه عن عذابي لا تنشدوني أنا اللي خابت ابغدر العده اظنوني

عشت بالغربه بأصعب حاله تدروني وسط ضيم الدهر يا من تسمعوني

دلالي ذاب ابهمه

دلالي يا هو ايرحمه

هالزمره اشقد آذوني

*

يشيعه اتجرعت بلهم غصص مره صرت منها أون و أجذب الحسره

ورثت أحزاني من حزن امي الزهره ورثت الفاجعه من لوعة الطبره

عدواني الغدروا حيدر

عدواني عباد الشر

بالغربه هم ظلموني

*

يشيعه من صرت برض الغرب وحدي ورثت الوحده من سبط النبي جدي

الدهر مثل الحسن وسفه وقف ضدي لمن بالسم يشيعه اتفطرت جبدي

من دهري ضيمي شفته

من دهري قلبي عفته

وسط الهم لا تلوموني

*

يشيعه صوبت دلالي معصومه حزينه و تنتحب لفراقي مالومه

مثلما فقدت الأحباب بالحومه العقيله و لليسر مشوها مهضومه

معصومه تشبه زينب

معصومه صارت تنحب

محزونه نور اعيوني

*

يشيعه منهو مثلي لبس ثوب الهم يشيعه اتجرعت ضيم و عذاب و سم

يشيعه إبني الجواد إخلافي اتيتم دليله ابها الرزيه الراتبه اتألم

بغيابي قلبه ذايب

بغيابي ظل يعاتب

و ينادي خيب اظنوني

*

غريب و مرقدي ملفه الذي اتعنه يسموني يشيعه ضامن الجنه

القصدني ابغربتي و ما بطل الونه عليّ حاشه أخيب طلبته و ظنه

يتحقق ظنه بيه

يتحقق صافي النيه

ما خيب من قصدوني

فاطمة الفردوس
12-12-2006, 01:03 AM
ضلع المهشوم نحر المظلوم

يالمهدي

جبد المسموم قبر المهدوم

يالمهدي

و إنت اشتختار تطلب يا ثار

يالمهدي

*

مثل هالليله جف الموت مسح وجه الرضه جدك

قضت بين الذبح و السم يغايب كل أهل ودك

اشكثر يا ما إلك ثارات رهينه و تنتظر وعدك

مراقدهم غدت أطلال و انت ابغيبتك بعدك

جدك مطبور شبله المنحور

أجدادك

ضلع المكسور تهديم اقبور

أجدادك

توقف محتار تطلب يا ثار

يالمهدي

*

الدهر أردف عليك اهموم بدت من أمك الزهره

و تفجر جفنك ابمدمع مصبه من دمه الطبره

بعد سم الحسن عمك و ذبيح الهشموا صدره

مصيبة جدك السجاد بالسم انختم عمره

الباقر سموه الصادق أردوه

عدوانك

الكاظم سجنوه شبله الغدروه

عدوانك

من الأشرار تطلب يا ثار

يالمهدي

*

الخوارج خرجوا امن الدين عليكم صبو النقمه

بدوها ابطبرة الكرار بدت تستفحل الأزمه

أميه ما دعت إلكم نحر ما حللت دمه

تولوكم بني العباس سجون الموحشه الظلمه

الكاظم مسجون شبله المرهون

يا الغايب

جبده المطعون ابسم المأمون

يا الغايب

ابفقد الأطهار تطلب يا ثار

يالمهدي

*

مثلما راحوا أجداك ضحايه ابنايبات السم

الرضه استقبل نذير الموت و تقطع جبده و اتخذم

يغايب من تمر ذكراه ضميرك يبدي يتألم

تروح اتزوره بالدمعه و تطوف اعله القبر بالهم

نار المأسات موج العبرات

تتعنه

اتجر الحسرات ابجمر الآهات

تتعنه

تخمد يا نار تطلب يا ثار

يالمهدي

*

إلك بدموعي يا لغايب أوضح للحزن صوره

إذا تقصد لعد جدك الرضه و للمرقد اتزوره

تشوف المرقد الزاهر يشع من عالبعد نوره

و قبر جدك و أبوك اليوم صفت أطلال مهجوره

يبن الضرغام اقبور الأكرام

هدموها

بإسم الإسلام أهل الإجرام

هدموها

اتحير الأفكار تطلب يا ثار

يالمهدي

*

النواصب عالحقد عاشوا بين الباغي و المرتد

خوارج خرجوا امن الدين جرايمهم غدت تشهد

بإسم دين النبي اغتصبوا و ذبحوا طلعوا امن الحد

ابحياته الوالدك سموه ابمماته فجروا المرقد

اكَبور الأطياب ابدافع إرهاب

فجروها

و انريد إجواب شنهو الأسباب

فجروها

يبن الأخيار تطلب يا ثار

يالمهدي

*

إذا بالطف شمر واحد قطع من السبط منحر

ألف مثل الشمر عدنه و بعد يبن الحسن أكثر

إذا واحد إبن ملجم طبر راس الوصي حيدر

ابعصرنه اشجم إبن ملجم مراقد هدم و فجّر

زمرة أرجاس ذرة إحساس

ما عدهم

قطعوا جم راس خوف اعله الناس

ما عدهم

من هالفجار تطلب يا ثار

يالمهدي

*****

فاطمة الفردوس
12-12-2006, 01:04 AM
لكل قلبٍ سيدي

لكل قلبٍ سيدي كنت الحبيبا**فكيف يبن المصطفى تقضي غريبا
************
هاتف القدرة ينادي و احنا للصرخة استمعنا
صرخة تدوي و محتواها يالرضا مصابك فجعنا
ما علنك بات معتب و الحزن فجَّر دمعنا
يبن الشموس اللائحة بيك المناية مطوِّحة
و من أثر سهم الفادحة جم و جم لوعة جرعنا
اودعتَ في نفوسنا أمرا عجيبا**حتى جرى القضاء أن تقضي غريبا
************
يالوجودك طود راسي ماقِدَر يف*** دهرك
عيَّت الدنيا تِحَرِّك ذرة من بنيان صبرك
يذهل أمر للمصايب عجَّب الأملاك أمرك
للكون وجدانك قُطُر يا وسفة لن تقضي بغُرُب
بين الترايب و الصلُب ظل يشب و يطفي جمرك
للحق يا إمامنا كنت المجيبا**يوم دعاك الحق كي تقضي غريبا
************
أنت ثامن بدر صارت غيبته ببرج الشهادة
و أنت من أشرف سلالة الها صار القتل عادة
سيدي و جانت امية الكم تريد الإبادة
زمام الحكم عنها انفصل و البني العباس انتقل
طُغمة و تمادت بالجهل و عالغدر ضافت زيادة
و بالدماء شيدوا حُكما رهيبا**مذا سيغنيهم اذا تقضي غريبا
************
السطلة فلتت قاعدتها عالسجون و عالمظالم
و العروش اللي بنوها عالنفوس و عالجماجم
ماتدوم الدنيا الهم بالدهر مايبقى ظالم
هاي الحقائق ثابتة ليا طاغي دامت سلطته
المأمون هذي صفحته مسجلة بأبشع جرايم
و الدهرُ قد أبدى لنا وجهاً كئيبا**و قد هتفنا أسفاً تقضي غريبا
************
الظالم شما راد يظلم لابد لحكمه نهاية
و يظل تاريخك الزاهر شعلة بدروب الهداية
و أنت مو أول مضحي صافح جفوف المناية
بهالتضحية المتواصلة ظلَّت تسير القافلة
انشد مرابع كربلاء و خلها تكشف لك خفايا
سوف ترى في كربلاء خداً تريبا**شاء القضاء بعده تقضي غريبا

فاطمة الفردوس
12-12-2006, 01:05 AM
ما تفيد أهل الظلم أعذارها لو جهنم باجر اتشب نارها

***

اليوم ينعد بسنه و ما ينحمل ساعة الينصب ميزان العدل

محد اعله اذنوب غيره ينسأل و الحساب ايصير يم جبارها

لا ندم ينفع و لا ينفع عذر و لا ملاذ ايفيدها يوم الحشر

واعد الظلام يحشرها زمر و تصبح ابوادي سقر أوكارها

عترة المختار توقف بالحساب تشكي عند الخالق اشافت عذاب

من بني اميه اشكثر عاشت مصاب و عن بني العباس تحجي أخبارها

يوقف المأمون و بيوم المعاد اشيعتذر لو شاف بعيونه الجواد

يشكي لوعة جبده عد رب العباد و من إله الكون يطلب ثارها

و اليريد ايفوز من نار الجحيم يقصد الباري ابقلب طاهر سليم

ابشرف يعبر عالصراط المستقيم و يكسب الجنه و نعيم أثمارها

اتفوز بس شيعة علي ابيوم الضمه يوقف اعله الحوض حماي الحمه

بيدي ليحبونه كاس ايسلمه و تستر ابشوفة علي أنظارها

فاطمة الفردوس
12-12-2006, 01:05 AM
لا لا تلوموها خل تبجي خلوها

روحي الحزينه اليوم يم الجواد اتحوم

خل تبجي خلوها

*

مصيبه و إلها دمع الصخر يتفجر ثقل همها يصدع هيبة المرمر

عله امصاب الجواد الروح ما تقدر الصخر ما صبر روحي اشلون تتصبر

اتركوها ابهواها و خلها تتكدر اشما تكثر نوايحها الولم يكثر

بالحزن مالومه حايره و مهمومه

ابنوح و كدر و اهموم يم الجواد اتحوم

*

ابفقد تاسع إمام اتكدرت هالروح مثل موت الجواد الها الممات ايلوح

مثل نوح الإبل ظلت عليه اتنوح عله امصابه تون ونت حمام الدوح

تمنيت الأجل بابه إلي مفتوح و قبل روحي الجواد مني اتروح

خل تبدي ونتها خل تشكي حالتها

خلوها تبقه دوم

*

انخسف بدر الجواد و هالدهر سمه خطف نجماته نجمه من بعد نجمه

يجود ابروحه ما واحد حضر يمه لا إخوان عنده و لا بني عمه

ثلثتيام مرمي اعله السطح جسمه و روحي اتحوم يمه و تلهج بإسمه

و بشدة اللوعه مهضومه مفجوعه

تنحب عله المسموم

*

بذل قلبي الجواد اعله الصبر جهده نفذ سم الظغينه و فطروا جبده

يقاوم لوعة السم و الهضم وحده و إجه شبله علي الهادي حضر عنده

حفر لحده و بقت روحي تحن بعده تمنت لو يسدوها ابنفس لحده

ما ترجه دنياها رادت مناياها

و ابلهفة المضيوم

*

اندفن تاسع إمام ابجمرة اصوابه تمنت روحي لو دفنوها بترابه

قضت كل العمر من بعده مرتابه تغيب نور وجهه اشمصعب اغيابه

القلب هيهات يحمل لوعة امصابه هضم فقد الجواد الها القلب صابه

زاد القلب نوحه لا تلجم اجروحه

و اجروحه تجري ادموم

*

عله امصاب الجواد ايشب جمر همي و ما ظل ركن سالم بعد من عزمي

اعله فقده اينوح دمي و عظمي و لحمي و تنحب كل مسامه و كل عضو ابجسمي

ابكل حيله الدمع فوق الوجن يهمي عساني لا بده ابجو القهر نجمي

و ابشفرة آهاتي مذبوحه نجماتي

و اليوم أشوف انجوم

فاطمة الفردوس
12-12-2006, 01:06 AM
ذوبت يبن المصطفه قلبي من ابجاك هالخبر لقشر يا ضيه عيني مته جاك

غريبا واماماه شهيدا واماماه

*

يمته لفه لك هالخبر يبن الميامين هيحت حزني و من كلامك هملت العين

و انجان صح الخبر يا نور المسلمين تحزن الشيعه بالمدينه و تفرح اعداك

*

بسك يعقلي امن البجه ذوبت لكلوب شوف لطفال اتنوح منها الدمع مصحوب

قله اشلون أسكت و قلبي ابنار منشوب وسفه يبويه اتموت و احنه ما حضرناك

*

وكت المعالج من حضر يمك يباريك من غمض اعيونك يبويه و أسبل ايديك

عدوان كلهم ما تحن اقلوبها اعليك بسموم فتوا مهجتك و احنه انترجاك

*

حن العم و الدمع يجري بلخدود و يصيح يبني إمامنه يا سر لوجود

بطل حنينك لا تحن ذوبت لجبود لا يرتفع صوتك تره ترتج لفلاك

*

و انتوا يهل هالبيت مظلومين كلكم دون المله امن ارجالكم خالي وطنكم

ما شوف واحد موت عينه مات منكم وسفه على بدر تكور و اختفه هناك

***

فاطمة الفردوس
12-12-2006, 01:07 AM
رثاء الإمام محمد بن علي الجواد عليهما السلام

هو الجواد بالعلومِ و الحكم بل كلما في اللوح يسطرُ بالقلم

و هي يد الجواد بالإفاضة أكرم بهذه اليدِ الفيّاضة

قضى شهيداً فهو في شبابهِ دّسَ إليه السم في شرابهِ

قضى بعيد الدار عن بلادهِ و عن عياله و عن أولادهِ

تبكي على غربتهِ الأملاكُ تنوحُ في صريرها الأفلاكُ

قضى شهيداً و بكاهُ الجودُ كأنهُ بنفسهِ يجودُ

يبكي على مصابهِ محرابُهُ كأنهُ أصابهُ مصابُهُ

ويلٌ لها مما جَنت يداها و في شقاها تبعت أباها

و لا تحننت على شبابهِ و لا تعطّفت على .......

الشيخ محمد الدماوندي

######

يا مناراً للعباد يا محمدَ الجواد

*********

يا تاسع أنوار العلم و الحكمة

الباري اجعلك للناس خير و رحمة

لمصيبتك هلت ادموع العصمة

و بفقدك اتهدم كيان الأمة

و هوى ركنُ الرشاد يا محمدَ الجواد

*********

عل الأمة هذا اليوم أصعب كل يوم

هزت الكون امصيبتك يا مسموم

روح القُدس بالعالم العلوي ايحوم

و عين النبي فاضت مدامعها ادموم

و لهيبٌ في الفؤاد يا محمدَ الجواد

*********

نار بضمايرنه اعلى فقدك تسعر

نرفع تعازي القلب جدك حيدر

بمطلع شبابك جبدتك تتوذر

لمصيبتك حتى الصخر يتفطر

وقفَ الكونُ حداد يا محمدَ الجواد

*********

بالقلب يا مسموم تسعر جمره

و حتى الصبر هاليوم نافذ صبره

جني أشاهد اجت ليك الزهره

ناشدت قالت دفن ابنها اتحضره

و ارتدت ثوبَ السواد يا محمدَ الجواد

*********

و الحسن بالمدمع حضر يم جسمك

ريتك تصد و اتشوف حالة عمك

محني الظهر رايد الصدره يضمك

خده اعلى خدك ينتحب و يشمك

غابَ بدرُ الإعتقاد يا محمدَ الجواد

*********

يبن الطهر و الأجل لمن وافاك

جدك احسين بليا راس اتعناك

من جوف نحره ارتفع صوته و ناداك

منهو الذي عل الأرض وحدك خلاك

و الأسى نالَ المُراد يا محمدَ الجواد

*********

كل الأجداد اتعنت و حضرت ليك

اتريد بدمعها اتغسلك و اتواريك

يبن الرضا و هالموقف ايعز اعليك

و العالم بدمع المصيبة يناديك

فارقت عيني الرُقاد يا محمدَ الجواد

*********

{انتهت}.



للرادود باسم و جليل الكربلائي

مقتبس من شريط ائمة الهدى (2)

فاطمة الفردوس
12-12-2006, 01:08 AM
رثاء الإمام علي بن محمد الهادي عليه السلام

هو النقيُ لم يزل نقيّا و كان عند ربهِ مرضيّا

قضى شهيداً في ديارِ الغربة في شدةٍ و حنةٍ و كربة

بكتهُ عينُ الرشد و الهداية حيثُ هوى منها أجّلُ راية

بكتهُ عينُ الفلكِ الدوّاري حزناً على المُديرِ و المداري

بكاهُ جدهُ النبيُ المجتبى كأنهُ ضياءُ عينهِ خبا

بكتهُ أعينُ البدورِ النيرة آباءهُ الغرُ الكرامُ البررة

الشيخ محمد الدماوندي

#####

يا هادي الأنامِ نحوا الهدى أنت صفيُ اللهِ و المقتدى

خُزانةُ الأسراري يا عاشرَ الأطهاري

أنت صفيُ اللهِ و المقتدى

*********

يا علي الهادي افتخر بيك الفخر

تاسع سبط من نسل سيد البشر

عاشر إمام من الأيمة الغرر

ثاني عشر معصوم شانك ظهر

بُوركتَ من مقارعٍ للجفاء و قاطعٍ حبائلَ الإفتراء

يا وارثَ المختارِ يا عاشرَ الأطهاري

أنت صفيُ اللهِ و المقتدى

*********

ربِ المعالي امنحك من عزته

جلباب قدرة اتفصل بقدرته

صدرك خزانة علم من حكمته

و اجعلك ما بين البشر حجته

طوعُ يديكَ المجدُ قد أسلما و علمُكَ الزاخرُ بحرٌ طما

أنت المحيطُ الجاري يا عاشرَ الأطهاري

أنت صفيُ اللهِ و المقتدى

*********

من بدت للوادم شمس هيبتك

ظهرت معالم هيمنت قدرتك

اتجندت أشرار القمع سيرتك

و دولة المتوكل تذل رادتك

هيهاتَ هيهاتَ ربيبُ الإبا

أن يسكنَ الوديانَ دونَ الرُبا

و الذلُ للأشرارِ يا عاشرَ الأطهاري

أنت صفيُ اللهِ و المقتدى

*********

ما بُرح عن ذاتك شموخ النفس

و ارسمت للأجيال أوضح درس

عن هدف دربك أبعدت كل رجس

مثل ابتعاد الليل عن الشمس

يبنَ الذي فيهِ أتت هل أتى

فطمتَ كلَ من طغى أو عتا

بالبأسِ و الإيثارِ يا عاشرَ الأطهاري

أنت صفيُ اللهِ و المقتدى

*********

بوجه الرجس موقفك مضرب مثل

من جابك المجلسه و راد الزلل

ناديت وين الباتوا اعلى القلل

وين أصبحت تيجانهم و الحلل

رَفعتَ في مقولِكَ الصارمِ

صرختَ مظومٍ على الظالمِ

الموتُ للفُجارِ يا عاشرَ الأطهاري

أنت صفيُ اللهِ و المقتدى

*********

{انتهت}.

للرادود باسم و جليل الكربلائي

مقتبس من شريط ائمة الهدى (2)

فاطمة الفردوس
12-12-2006, 01:11 AM
رثاء الإمام الحسن العسكري عليه السلام

لقد بدا سِرُ المليك الأكبرِ في قائد الحق الزكيُ العسكري

و قد تجلي نورُ وجههِ الحسن فندكَ فيهِ الطور و النور ولن

و كيفَ و هو أعظمُ الأنوارِ و كيف و هو نورِ وجهِ الباري

الشيخ محمد الدماوندي

###

إمامنا الحادي عشر أبو الإمام المنتظر

هذا ابنُ خيرِ الناس أُماً و أبا هذا سليلُ الأكرمينَ النجباء

إمامنا الحادي عشر أبو الإمام المنتظر

*********

الخالق بلطفه و رحمته الواسعة

و خلّد صحايف للحسن ناصعة

و دوحة يقينه بالعلم راتعة

و أثمار فكره من المهد يانعة

بالحقِ و العدلِ شئا سرَ فسُرَ من رأى

قادَ زُمامَ قومهِ منذُ الصبا هذا سليلُ الأكرمينَ النجباء

*********

و لمن علي الهادي انحجب و ارتحل

و بروحه طّوح حادي ركب الأجل

ردد لسان الأمة صوته و سأل

بيمن إخلاف الهادي نعرف أمل

أجابهم صوتُ السنن من يا تُرى غيرَ الحسن

من يُرتجى كهفاً إذا دهرٌ نبا هذا سليلُ الأكرمينَ النجباء

*********

اتناول زمام الأمر بيده و شرع

و بدافع النص الإلهي اندفع

بقلب الحسن جذر المودة انزرع

ايريد الحصاد بجانب المجتمع

و كلَ فذٍ عبقري شادَ بحق العسكري

قد اجتباهُ اللهُ نِعمَ ما اجتبى هذا سليلُ الأكرمينَ النجباء

*********

تابع مسيرة والدهِ اعلى الأثر

و بنشر هالدعوة العظيمة استمر

وجدانه بين الأمة يلفت نظر

و أصبح على الظالم يشكل خطر

نافذةٌ دعوتُهُ صامتةٌ ثورتُهُ

بصيحةٍ عن سحقِ ظلمٍ أعربا هذا سليلُ الأكرمينَ النجباء

{انتهت}

*********

فاطمة الفردوس
12-12-2006, 01:12 AM
نارين شبوها القوم(شريط متى الملتقى)

نارين شبوها القوم**نارين تسعر لليوم
ضلعين انهشمت للعترة**ضلع حسين و ضلع الزهرة
نارين شبوها القوم**نارين تسعر لليوم
**********
يالغايب طالت هالغيبة و انحشمك بدموع العين
ماتخمد جمرة آلامك تلهب من كسر الضلعين
و اشعملوا أشرار الأمة بضلع الزهرة و ضلع حسين
كسرين كسروا الاشرار**كسرين يبن الأطهار
يا كسر اللي يسهل جبره**ضلع حسين و ضلع الزهرة
************
يالغايب و أصعب كل حالة طفلين انصابوا بصواب
عدوانك هجموا عالزهرة طيحوا محسن يم الباب
صابوا عبد الله بنبلتهم و مصاب أصعب من مصاب
طفلين غدروا الأشرار**طفلين يبن المختار
ياهو الاكثر يصعب أمره**ضلع حسين و ضلع الزهرة
************
يالغايب نارين بقلبك تتحمل جمرة يا نار
تتحمل نيران خيامك لو نار الشبًَّت بالدار
من باب الزهرة الملتهبة تحولت لخيام الأطهار
بالباب شبَّت نارين**بالباب و خيام حسين
و هاي النارين المستعرة**ضلع حسين و ضلع الزهرة
***************
ياالغايب يا يوم و تنهض تهتف يا ثار المذبوح
و الطاغي الصوَّب ضلع أمك و اظلمها و خلاها تنوح
هو الأَمَر عمتك زينب للكوفة و للشام تروح
منشوب جمر العبرات**منشوب يخمد هيهات
و الما تنشف الها العبرة**ضلع حسين و ضلع الزهرة
***************
ظلمين انصبن عالعترة**ظلم الثاني و ابن زياد
قيدوا رقبة جدك حيدر**للبيعة و مغصوب انقاد
نفس القيد تحول للطف**و تقيَّد بيه السجاد
آلام ما ظنها تزول**آلام عنهن شتقول
صوابين و كل واحد جمرة**ضلع حسين و ضلع الزهرة

فاطمة الفردوس
12-12-2006, 01:12 AM
|| بالطف لو جنت موجود ||
من شريط متى الملتقى ..؟


بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
كل عام بمثل هاليوم لجده يعتني لقبره
ويوقف بالمكان البيه بالسيف انقطع نحره
يلطم ويه زواره ويبجي ويسجب العبره

لمصاب الغريب ينوح
وينادي بقلب مجروح
ويلي عليك يا مذبوح

من مثلك يا بو اليمه عطشان الجبد منحور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
قبرك من بعيد يلوح وتشع بالسما أنواره
قاصد لك يا جدي زاير ويه زواره
بجاهك اندعي الباري اظهر وآخذ بثاره

يحسين وخبر منقول
عن جدنه الرسول يقول
بجاهك كل دعا مقبول

وليك اليعتني بحاجه من عندك يرد مسرور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
يمك شيعتك يا حسين كل عام اليجي اقصدون
يعرفونك يا بو السجاد فضل زيارتك مضمون
وآنا اتعنى وياهم ولطم ويه للي لطمون

وآنه ابنه يا بو السجاد
من عنده اريد مراد
وانته مقصد الوفاد

يا يوم الفرج يا يوم انخاك بقلب مجمور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
عندي ويه العدا ثارات مو بس واحد لمطلوب
نحرك خنصرك جبدك شيبك بالدما مخضوب
صدرك قلبك العطشان جسمك سيد المسلوب

قبلك ما حصل مفجوع
نحره من القفا مقطوع
وراسه على الرمح مرفوع

ومن ديرة لعد ديرة راسك يا بو اليمة يدور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
من امصيبته شنسى جم حالة تشيب الراس
انسى ظهرك المسكور من طاح القمر عباس
انسى زينب الظلت فرجة بين كل الناس

انسى خيام متوجرة
انسى عيال متيسرة
انسى اجساد على الغبرة

لو انسى طفل مذبوح بعده بعمر ست شهور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

--------------------
لمن انشد العدوان شتقدم عذر شتقول
ظل بلا دفن مطروح قبل حسين يا مجتول
وليش مسلبه ثيابه والخيل على صدره تجول

ظامي ينازع الوحده
وقطعة من الجمر جبده
جان هذا الجزى لجده

لو قلكم عزيز حسين بدمه بيا ذنب مهدور

بالطف لو جنت موجود يوم العاشر بعاشور
تلقى الغايب الموعود يم حسين جده يزور

فاطمة الفردوس
12-12-2006, 01:13 AM
يالغايب ماتهتم(شريط متى الملتقى)

يالغايب ماتهتم لو عندك أنصار**و لثارك تتقدم يا صاحب الثار
حاير صِرِت يالمهدي**جان اظهرت يالمهدي**لو عندك انصار
*********
يا حجة بارينا يا خاتم الأطياب**يالكسروا ضلع امك و دفعوا عليها الباب
أسبابك معروفة ما تخفى هالأسباب**ما نعتب و عليمن نعتب و نِشِن عتاب
ما عندك يالمهدي يوم الشِدَد اصحاب**مثل اللي بأرض الطف ضحّوا مُهَج و رقاب
هالصفوة و قائدهم كعبة الأحرار**لو عندك من عندهم بالحرب ثوّار
بيهم ثِرِت يالمهدي**جان اظهرت يالمهدي**لو عندك أنصار
**********
هالصفوة استصفاهم رب العلا القيوم**من ثاروا بالحومة رغموا أنوف القوم
هالنخبة بأرض الطف مثل النسور تحوم**و اكتسبوا هِمَّتهم من هِمَّة المظلوم
ماهابوا كل ظالم لا هابوا المحتوم**يالغايب و لجدك بذلوا مُهَج و دموم
و انتفضوا عالغاصب ما هابوا الأخطار**لو تملك يالغايب هالصفوة الأطهار
متأخرِت يالمهدي**جان اظهرت يالمهدي**لو عندك انصار
*********
من عابس ابديها و يتوضح المضمون**لمن طب ميدانه يشهد اله الكون
ذب سيفه و راح اعزل و العسكر يشوفون**لن واحد ظل يسأل أعزل تروح شلون
يالعابس جَن عقلك جَّن و صِرِت مفتون**لن جاوب أي و الله بحب السبط مجنون
أشرحك هالموقف و هذا الذي صار**جَن دمعك ظل ينزف و اجريت الأعبار
و تأثرِت يالمهدي**جان اظهرت يالمهدي**لو عندك انصار
******
و أحجي لك يالمهدي عن موقف ابن القين**يم جدك سَل سيفه و للحومة دار العين
لَن يهتف ارخصني أفدي النفس يا حسين**و اترخَّص من جدك و اتوسط الجيشين
و العسكر ظل يرجف ما يدري دربه منين**و اتقدم هالفارس روحها انتزعها البين
و استشهد و اتوذَر بحدود الأشفار**يالغايب ماتقدر تسمع هالأخبار
شلون اقدرِت يالمهدي**جان اظهرت يالمهدي**لو عندك أنصار
************
و عن الحُر أروي لك يا حجة الرحمن**خصَّص كل مجهوده و ناصر بني سفيان
و اتندَّم عن فعله و تحرَّك الوجدان**لَن يهتف يم جدك تعنيت الك ندمان
جاوب يا هالتايب يغفر لك الديّان**صفحة عِز سجّلها خطها بدما الشريان
طبع الحُر ما يصبر و لا يحمل العار**لو عندك مثل الحُر تشهر البتار
و تحيرِت يالمهدي**جان اظهرت يالمهدي**لو عندك أنصار
********
هاك اسمع يالغايب صوت البواسل صاح**يا فارس يتقدم قدَّم حبيب و راح
ظل خايف من عزمه كل مجرم و سفّاح**و استقبل هالثاير سيوف و نَبِل و رماح
و استشهد لأجل الحق حق المراجل طاح**جدَّك كل انصاره للحق نطت أرواح
يا وارث كل عزمك من الحِمِل جار**و حق كسرة ضلع أمك نفدي لك أعمار
و اشفكرِت يالمهدي**جان اظهرت يالمهدي**لو عندم أنصار
**********
أمرك لا شك يرجع للخالق المعبود **و نعاهد من تظهر و بيومك الموعود
نفدي لك كل دمنا و رب الجلالة شهود**يالصاحب تلقانا انصار الك و جنود
نتأمل عالموعد نورك علينا يعود*نرخص لك كل غالي لمن ترد ردود
أنصارك ننتظرك يا سِر الاسرار**يالصابر كل عمرك من جور الأشرار
ماقصرِت يالمهدي**جان اظهرت يالمهدي**لو عندك انصار

فاطمة الفردوس
12-12-2006, 01:14 AM
غايب ما نلومك أنصارك خصومك

عندك عدو عندك محب

إلمن تحاسب

*

يا المهدي ربك أيدك النشر الشرايع مهدك

واعدك ربك بالنصر ترعاك عين الواعدك

اثلثميه و اثلاثه و عشر بارينه بيهم جندك

يا نايبه اللي ما تهل صبر الصبرته و تضهدك

طبرة علي و كسر الضلع سم الحسن يترصدك

نحر الذبيح ابكربله عن ثار دمه ايناشدك

ثارك لا تعوفه سوي اللي تشوفه

ما غيرك ابهذا الأمر يمضي و يطالب

عندك عدو عندك محب

إلمن تحاسب

*

ابوجهك ملامح للقهر حرفتهن أسياف الدهر

تبدي ابرحيل المصطفه الحد غيبتك يالمنتظر

واحد بعد واحد مضوا أسلافك الصفوه الغرر

ثارات عندك أربعه تيم و عدي و حرب و صخر

الأول غصب منكم فدك الثاني الضلع أمك كسر

الثالث طبر هامت علي الرابع سفك دم النحر

و انت ابهذا حالك إعمل ما بدالك

محد يلومك سيدي و محد يعاتب

*

انهدت قواعد أسرتك و بيها الدهر أزره و فتك

و انت أعرف ابمنهو الهدر دمكم و للحرمه هتك

اتشخص عدوك سيدي و لو ما ستاير غيبتك

جان ابشبه اسيوف الغدر طل و هدر دم رقبتك

هذا العدو اتبين الك فجر منابع دمعتك

و عندك عدو ثاني بعد اتقمص ابثوب امحبتك

بثياب الفضيله ايمارس كل رذيله

اشما يختفي اتوضح الك يبن الأطايب

*

ظلم الأوائل ما جمع غير المجازر و الهلع

ظلم الأواخر يختلف لابس جلابيب الورع

مؤمن تشوفه ابظاهره و بالباطن اتوج الخدع

مالك الأشتر حسبت لنه ابن ملجم طلع

ابدينك يبيع و يشتري بالدجل و الغش و الطمع

أفعاله مثل اللي اجه و صله الصبح بثمن ركع

عاشوا عالخيانه ما حفظوا أمانه

كل ساعه يلفون ابشكل مثل الثعالب

*

أنشد يطوفان الإبه و أترجه منك أجوبه

ساعة ظهورك سيدي من ترتفع بيض الضبه

يالمهدي بيمن تبتدي ابسوء العقاب اتعاقبه

واحد سلب واحد كذب اليا باغي تبدي اتحاسبه

تبدي ابنواصب حللوا دم الحموله الطيبه

لو بالمحب اليدعي ابهاي المحبه الكاذبه

و اليكذب يخالف و اتكشفه المواقف

و المخلص الحر ينكشف عند التجارب

*

عاصرنه فتره مظلمه لا من سنن لا أنظمه

يالمهدي إرهاب و ذبح زمرة لعينه و مجرمه

بالشيعه فتوه صدروا متوقعه ابسفك الدمه

آخر جريمه اللي بدت منها العصابه الظالمه

مرقد علي الهادي انهدم بيد الأيادي الآثمه

و مرقد ابوك العسكري جور النواصب هدمه

ابتهديم المعابد تفجير المراقد

بين حقدهم و انفضح كل باغي كاذب

*

إرهابي هذا ابفتوته ايعادي الرسول و عترته

لو حاضر اويانه علي هم جان طبروا هامته

لو عايش اويانه الحسن ايوذرون بالسم جبدته

و لو جدك احسين انبعث هم جان قطعوا رقبته

ميت علي الهادي و إجو بالحقد هدموا قبته

ميت أبوك العسكري و عادوا عليه امصيبته

و اتفجر ضريحه بالفتوه الصريحه

يا وسفه جدك يندفن بين النواصب

****

فاطمة الفردوس
12-12-2006, 01:15 AM
طفلة وفجعتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


عودني ظيم الأيام ** يراويني عتس الأحلام
وبهذا حالي ** قضيت اليالي
كل ليلة اقضيها بعام ** وتحاوشتني الآلام
مهمومة تالي ** هذا الجرى لي
عفتوني بين الاسقام ** قلبي على فرقتكم هام
ظل بيتي خالي ** منهو اعتنى لي
رحتوا بضعينة اكرام ** رديتوا عيلة وايتام
وبلايا والي ** واعرض سؤالي

بالشهقة والحسرة ** بالونة والعبرة
بدموعي أسألكم ** وين التكفلكم ** جهز ضعن الكم
وين اهلي حاجوني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


متمحنة وفكري احتار ** دلالي يتواقد نار
حسراتي تظهر ** من مهجة تسعر
يا ليلة شنهو الي صار ** منج اريد الأخبار
شنهو التغير ** بالحالة اثر
جيت بنحيب واعبار ** وابنج شبيه المختار
راح وتأخر ** جا وينه الأكبر
وان جان انه خالي بالهدار ** من بعده هاي الانظار
كل ليلة تسهر ** على الفرقة ما اقدر

لن تنتحب ليلة ** والمدمع تسيله **
قالت لي راح ابني ** عقبه الدهر ذبني ** ومصابه شيبني
وبجتله هضموني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


متلوعة وظني خاب ** ومصابي ما مثله مصاب
نشفت دمعتي ** بجمرة حسرتي
يا رملة دلالي انصاب ** حاجيني وانطيني جواب
بجاسم طلعتي ** وحدج رجعتي
جا وين ابن عمي الشاب ** ابن اثنعش عام وغاب
المن سهرتي ** المن تعبتي
قلبي على جاسم مرتاب ** جن اشعرت قلبي ذاب
على من حزنتي ** قولي اشذكرتي

قالت عفت جاسم ** فوق الترب نايم
اصبح وذر جسمه ** واتحنه من دمه ** لو ردت اظل يمه
ما ظن يخلوني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


يا ما سهرت وونيت ** حن الصوافن حنيت
وحشة المدينة ** صارت علينه
لام الرباب تعنيت ** يا يمه صحت وناديت
عبد الله وينه ** جنج حزينة
لشوفت اخويه اشتاقيت ** وشقد نطرته وتانيت
قلبي بحنينه ** تفجر ونينه
من الطفل خالي البيت ** يا يمه يل ما ظنيت
وحدج تجينه ** شيطح بدينه

قالت يا هالطفلة ** صاب الطفل نبلة
شاهدته جدامي ** نحر الطفل دامي ** ابني انذبح ظامي
بصوابه صوبوني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


آلامي ما الها حدود ** يشهد عليه المعبود
من العلة جسمي ** بجم نبلة مرمي
يا سكنة شنهو المقصود ** يمتى القمر عمي يعود
حسبته يمي ** جا وينه عمي
بفقده الصبر ظل مفقود ** اتمنى لو رد لي ردود
بفراقه هضمي ** زاد ويا همي
راعي العلم راعي الجود ** يا ريته حاضر موجود
ظل جفني مدمي ** دمعاتي تهمي

سكنة بهضم ناحت ** بصوت الحزن صاحت
عمنه القمر وينه ** مقطوعة جفينه ** من صوبوا عينه
جن صابوا عيوني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني


لا شك حزن قلبي يدوم ** ما يشفى جرح المالوم
جم دوب اعاني ** هضمة زماني
زينب يا عمه بكل يوم ** اذكر ابويه المظلوم
يصرخ لساني ** غاب ونساني
بعده شكثر شفت هموم ** ما طلعت بليل نجوم
اسهر واتالي ** للما اجالي
جم نايبة عليه تحوم ** فوق الوجن تجري دموم
دمعة حناني ** محد لفاني

لن عمتي زينب ** تنداي بقلب ينحب
حسين انقطع نحره ** ظل جسمه علغبرة ** والهشموا صدره
مسبية مشوني ** يوم الي عفتوني


طفلة وفجعتوني ** بس عيلة جيتوني
وين الي كفلوكم ** من يمي اخذوكم ** وبهيبة مشوكم
يوم الي عفتوني

للرادود الكبير الحاج ملا باسم الكربلائي
للشاعر الكبير الاديب الحاج جابر الكاظمي
ليلة 3 محرم 1424 هجرية

فاطمة الفردوس
12-12-2006, 01:16 AM
يا ريت الليل


يا ريت الليل عنده لسان واحاجيه ويحاجيني
واقله شمطولك يا ليل ولا ترحم جفن عيني
نجماتك احسها سهام رمتني باول سنيني
وهلالك شبيه القوس نبل جتال يرميني
وشعندك يا ليل على يا محنة توديني
عليلة والمرض فتني قطع نبعة رياحيني
اون ما ونت الورقة غدت تاخذ تلاحيني
احن لفرقة احبابي ولا نجمة تواسيني
نحيل من المرض جسمي جمر يمشي بشرايني
وحيدة بداري والوحشة مخالبها تباريني
بعد يا ليل عندي وياك جلمة بينك وبيني
اذا ما يحضر الوالد اذا ما ضعنه يلفيني
اكيد استسلم لموتي وكهف لحدي يواريني
شلي بعمري عقب اهلي عساه الموت يخفيني

للرادود الحاج ملا باسم الكربلائي للشاعر الأديب الحاج جابر الكاظمي ليلة 3 محرم 1425 هجرية

فاطمة الفردوس
12-12-2006, 01:17 AM
يالرحتو بضعينة أشعدكم بالمدينة يا هل الشيم عندكم بعد طفلة وعليلة
********
أحشي بدمعتي وجمرة حسرتي ياراحلين بهضعن أترجى منكم
دمعاتي من دم والباري يعلم أترجى وطلب هطلب يرجع ضعنكم
خذتوا الرحيله عفتوا العليله قابل مدار مخبي وتنشده عنكم
من رحتوا عنه تكاثرحزنه تصرخ بعدكم يالأهل موحش وطنكم
هدار الخليه ونته خفيه ما عنده والي ولا سند طفلة وعليلة
*******
عالفرقه تنحب مهجته تلهب هاي العلية فاطمة أشتدت علله
بوحشة كدره تنافذ صبره شان الأمل بيكم بعد فقدت أمله
جمرته تسري ودمعه تجري هدمعه صارت علوجن من دم تهله
كبدته تسعر يا طفلة تقدر تحمل مرارات العلل وفراق أهله
من لوعة دهره تتأمل صبره حتى الصبر منه أنفقد طفلة وعليلة
********
هاطفلة ناحت وبهمه صاحت دار الأهل عقب الأهل ضلت خليه
جمرت غليلي حقرت دليلي وأنا أعلى فراش المرض شفت المنيه
محد لفاني ضليت أعاني نار الحزن نارالعلل نار الأذيه
وانا ويه نوحي احشي ويه روحي ياروحي هالفرقه أشكثر تصعب عليه
وتفطر قلبه من همه وعتبه من الزغر حملت شدد طفلة وعليلة
*******
من فراقوه شقد ألموه خلوه تعثر بالمحن وهم لفاه
عن هالمصايب المن تخاطب ما تدري وين ليا كتر تبعث نداه
عافوه كلهم تنحب لجلهم ولياها غابت والأمل غايب وراه
دار المناح ما أله راح هاجر أبوه وفكرت يمكن نساه
وتفكر بهله وتشدت علله وعلى الصبر بذلت جهد طفلة وعليلة
********
بقسوت دهره تفكر بمره يامهجه تقدر تعتقل هاي المصيبة
ولي هضمه زيد ألمه دار الأهل لكن تحس مثل الغريبة
بهلحاله ضلت منالوعه مالت يادار هال أصبحت وحشه وكأيبة
دنياه جارت وعليه دارت ذايب قلبه و الغصص فجر لهيبة
دلال الحزينه ما بطل ونينه حتى الصبر أله شهد طفلة وعليلة
*******
من رحتوا عنه تساهر جفنه مالحظة غمض هالجفن طول اليالي
مشتاقه الكم تبجي الفقدكم مهمومه وتصيح بحزن ما عندي والي
مشغول بيكم حزنت عليكم صاحت عقبكم يا هالي محزونه تالي
ولي فجاعه فجر دمعه من شافت مجان الأهل من عنده خالي
حسرته بصدره وشغلتوا فكره رحتوا وخبركم ما ورد طفلة وعليلة
****

الرادود الحاج ملا باسم الكربلائي للشاعر الأديب الحاج جابر الكاظمي
ليلة 3محرم 1422هـ

فاطمة الفردوس
12-12-2006, 01:18 AM
تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلمعتني وتريد ** تاخذ جواب يفيد ** اسمع خبرها
لعيونك من بعيد ** عنها بصراحة تشيد ** يشهد قبرها
لو رايد التوكيد ** عن علة التمجيد ** لوعة لقدرها
وين الأمير يزيد ** والي بمكرها تكيد ** ضايع أثرها

غير الحقد آثار ما عندها ما عندها ** ما نالت الأشرار مقصدها مقصدها
يا أهل الجريمة ** شوفو اليتيمة ** بهيبة عظيمة
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يل الك حاجة وجاي ** بلهفة قلب عناي ** صادق مرامة
هاي الوجيهة هاي ** وعندها الدوى لكل داي ** الها كرامة
ليه اعتني شجاي ** والمختلف بالراي ** اترك كلامه
صيح بعهد وفاي ** مولاتي يا رجواي ** يوم القيامة

عندك علم وأخبار عن جدها عن جدها ** وبمنزل الأطهار مولده مولدها
متورثة ذاته ** بسيرة حياته ** تشهد صفاته
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

لا تعقد التفكير ** طفلة وعمرها صغير ** تجهل فضلها
لو تمتلك تدبير** عندك يقين يصير ** تدرك مثلها
من الله هالتقدري ** الهم صغير كبير ** تقدير اهلها
لا تصطدم وتحير ** هالعبرة للتذكير ** الله جعلها

وبقدرة الجبار أيدها أيدها ** لأهل الوعي تذكار خلدها خلدها
هاي الحقيقة ** للظل طريقة ** أكبر وثيقة **
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلتسمع انظر زين ** هاي الكرامة منين ** نالت علاها
طفلة وهضمها البين ** وين أهلي صاحت وين ** رفعت نداها
غمضت جفن العين ** شافت أبوها حسين ** بالطيف اجاها
من صفقة الجفين ** والدمع على الخدين ** واشتد بجاها

زين العباد احتار شاهدها شاهدها ** تبجي وتريد حضار والدها والدها
الدمعة الي تبها ** يلهف قلبها ** واصبح طلبها
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

ولن الأبو المذبوح ** بالطشت راسه يلوح ** فقدت أملها
وبقلب كله جروح ** شبقته ولنها تنوح ** دمعه الي تهلها
طفلة بنظر مشبوح ** من عقبه وين تروح ** تشكي عللها
لنها بجسد مطروح ** غربت عنه الروح ** قرب أجلها

لو شائت الأقدار شيردها شيردها ** بالغربة لمن صار مرقدها مرقدها
الباري بحسابه ** خله الخرابة ** سر الغرابة
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

للشاعر السيد سعيد الصافي

فاطمة الفردوس
12-12-2006, 01:19 AM
كبل متروح و تهاجر

قبل ماتروح و تهاجر يا طير الصاف تانيني
اخذني وياك لأحبابي و على الجنحان خليني
و ادوِّر وين أبوية حسين**و أدوِّر وين ابوية حسين
************
قبل ما يطوِّح الحادي قبل ما ياخذ الأحباب
ترجيته بدمع يطفح مثل ما يطفح الخنياب
يهداك الله يا حاديهم تهدّى و لا تسوق الناب
مشى و لا جلمة من عنده سمعت و لا سمعت جواب
جزى و بكل مسرى كل خطوة أحس تركت جرح و صواب
تباريهم غدت عيني و تصد لما شبحهم غاب
يا طير الصاف عافوني و آنة الياويل يبرالي
أصد للبيت بعيوني و أشوف البيت ظل خالي
قطع لا وين ابوية حسين
************
عساها تهدمت داري علية و ريت موتي حان
و عسى بروح الأجل ينعى و لا اسمع حد الركبان
أحاجي الدار و اسألها بعد هم ترجع الوليان
سكوت و لا جواب أسمع مظلمة و موحشة الجدران
على فراش المرض جسمي و أرامح رمحة الغرقان
و أترجّى جرف صبري لعله يخفف الأحزان
عساه الموت يلفيني يا طير الصاف و أتمنى
و لا دنياي اقضيها على الآهات و الونة
قصد للبين ابوية حسين
*************
صِحِت ولياي عافوني دواهي البين حاطتني
مثل حال انولد مذبوح يا طير الصاف خلتني
عَلَي تتغاير همومي غصص دنياي ذهلتني
غصص ما ينحمل همها على نعش الموت شالتني
عليلة و من زغر سني نحيلة و المرض فتني
يا طير الصاف و الدنيا اشكثر لوعات راوتني
على اللوعات أتسنَّد و أطيح ردود من همي
و ادير العين و أتلفّت أبوية حسين مو يمي
ترك جرحين ابوية حسين
***********
جرح من لوعة فراقه انحُفر من الدمع خدي
جرح ثاني جرح قتّال من سيل المرض يبدي
عفاني شلون هالجرحين ما قطعن هِرِش جبدي
على هالحالة يا طير الصاف جزيت من الصبر حدي
سواد الليل يلفيني و اقولن يقضي و يعدي
و أصيح اشمطولك يا ليل و لا نسمة صبح تبدي
أوِن و الليل مايرحم ونيني و سيل عبراتي
و آنة المليت من همي و نحيبي و نار حسراتي
أجيب منين أبوية حسين
***********
حجيت آنة ويا حاديهم قبل ما بالظعن يطلع
الحادي ما بدى لي جواب ترك موح الجفن ينبع
حجيت النوب ويا الدار محاجي و ياها ماتنفع
حجيت ويا النجم و الليل ما منهن جواب اسمع
حجيت ويا النسيم الهاب جواب النسِم مايرجع
عفتهم كلهن و جيتك يا طير الصاف بالمدمع
أريد جواب من عندك حليفة نوح تدريني
أمشّي عليك بارينا يا طير الصاف حاجيني
تريد العين ابوية حسين
***********
لَو انك رايد تهاجر تواني وياي و اتمهَّل
أشد روحي على جنحانك و اخذني وياك من ترحل
نروح و نقطع البيدا ندوِّر على هلي و نسأل
و نتخطى على ظهر الغيم عسى المايوس يتحًّصل
يا طير الصاف و اريد اوصيك لو انك شاهدت محمل
برخى على القاع نزِّلني القلب ماعاد يتحمل
حملت هموم لو صبَّت على الجلمود يتفطَّر
غياب حسين شب قلبي و صليل حشاي يتوجر
شعل نارين أبوية حسين
***********
صدق نرحل يا طير الصاف و على جناحك تخليني
و صدق نوصل لعد أهلي و اشوفن الوالد بعيني
لبيابي صبيهن اهدي لك لون لأهلي توديني
و الك ثلثين من عمري يا مقصر عمري و سنيني
رياحين العمر ذبلت و لا خفقة برياحيني
و اباري مناحر مصابي ثجيل الهم يباريني
لظى الحسرات هيّمني هِمِت و الروح مفجوعة
بسقم بلواي محتارة حِرِت مابين هاللوعة
حِرِت مابين أبوية حسين

فاطمة الفردوس
12-12-2006, 01:20 AM
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
كل زرع لو غصنه انكسر.. ما تبقى هيبة للثمــــــر .. من بعد ساعة و يذبل
و قاع اللي يهجرها المطــر .. ثكلى و يفطرها القهر.. و بهالمثل أتمثـــــــــــــل
آنا الجرف و أنت النهـــــر .. صدقني لو رمشة بصـر .. تتركني ما أتحمـــــــل
وش تلقى من هذا السفــر .. غير المتاعب و السهـــر ..لا تبعد و لا ترحــــل

يا بوية و أنت الــروح .. عن جسمي شلون تروح
أتحسر .. و أتغـــــير .. لا ترحل عني بعيـــــــــد
*****
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
هاي آنا صرت بهالوضـــع.. مهمومة محنية ضـــــــلع .. و آنه بطراوة عمــــري
من عيني يتجارى الدمع .. دمعي مثل ماي الشمع .. لو ما اللهب ما يجــــري
أتمنى لو قلبي الـــــــورع.. يتريث و يصبــح درع .. يشكَف عواسل دهري
يالفرقتك ما تنجـــــــرع .. صد ليه لحظة و استمع .. و ارحم براءة صغــري

يا مسافر خذني وياك .. ما أتحمل فرقاك
أتكدر.. و أتحير .. لا ترحل عني بعــيد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
بوجهي الليالي معبســـــه.. و جنها المحن متأسســـــه.. لجلي وعليه تـــحومي
بظلك جنت متنومســـه.. و بهضمي ما متحسســـــه .. طفلة و أعيش ليومي
لن الوكت جار و قسه .. ضعنك لون شفته رسه.. أنثر دمع لنـــــــجومي
بعدك أظل صبح و مسه.. بين اللعل و العســــــــه .. أتناحر ويا همـــــومي

يا لرايد عني تغيب .. عقبك يا جرح يطيب
راح أكثر .. أتأثر .. لا ترحل عني بعيـــــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
ودك لعد قلبي امتـلك .. حقه القلـــــب يتأمـــلك .. كان بوجود مسعد
يا مرخص عيوني إلك ..جم دوب أظل أتوسلك .. لا تمشي عني وتبعد
خوفي الدهر يتنــاولك .. ويطفي شمعـــــــة منزلك .. يا من فرقتك تجهد
خوفي الممات يوافي لك .. و روح الذي تتمثـــــلك .. و تحرقها نار الموعد

لو نالك جف البين .. بعدك أتوجــــه وين
أتفكر.. و أتنطر .. لا ترحل عني بعيــــــــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
كل الهوادج عالإبـــــــل .. متنصبة و هذا الشمــل .. متوزم اعلى الهجــــره
و آنا بطري دمعي إليهل .. متحيرة و حالي مثـــــل .. طير إليضيع وكــــــره
جرحي جرح ما يندمل .. يا بويه و خلافك أظل .. ما بين شهقة و حســـره
فراقك صعب ما ينحمل .. لا تقطع بتوت الوصل .. و اعليك أسوم الزهره

لو ضعنك عني سار .. تتركني و قلبي بنار
يتوجر .. يتسجر .. لا ترحل عني بعيـــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
لو فارقتني لا تظــــــــن .. يصبر دليلي الممتحن .. موت بغيابك حتمـــــــــــي
بيا منزل اقعد و استكن .. لاشك يموتني الحــزن .. لو غادرت من يــمـــــــــــي
شينشف دموع الجفــــن .. لو بدت تحفر عالجفــن .. من نايباتي و همـــــــــــــــــي
كل ليلة من بعدك تجن .. وحشة و أظل أنحب و أحن .. و أحمل قساوة هضمي

تعلم يا بوية شلون .. ممشى البر مو مأمون
وتحذر .. من هالبر .. لا ترحل عني بعيـــد
*****
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
انفتحت جداول عبرتي .. مجراها حفر وجنــــــــتي .. أثر على صبي عيني
تعلم يبوية بحالـــــــــتي .. فراقك يكدر دنيــــــتي .. يسلب وداد سنيـنــــــي
يا بوية رد لي لهفتـــــي .. و ارحمني و ارحم حالتي .. يالعطفك يباريـــني
شحمل قساوة وحشتي .. لو نايرات مصيبتــــــــي .. كيف البصر دليـنــــي

لو وجهك عني غاب .. أتحمل جم مصاب
و تصور .. هالمنظر .. لا ترحل عني بعيد
*****

يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد

فاطمة الفردوس
12-12-2006, 01:21 AM
طفلة و تهضموها لمن تعيفوها
عدمن تخلوها و ياكم اخذوها
*********
قبل السفر وياها انتوا بهالدار تتلهف و تتحسر
و شلون لو هذا الظعن بيكم سار بيمن بعد تتصبر
مو قلب طفلة لو جبل جان انهار و عالفرقة ما ظن يقدر
اخذوها و اعتبرواها ضيف و خطّار و اطفوا قلبها اليسعر
ويا العيلة ودوها واجب تباروها
بالفرقة تاذوها وياكم اخذوها
*********
من شافت الطفلة الظعن راد يشيل و الحادي بيكم يطلع
فزعت مثل طير القِطى بوحشة ليل بالظلمة لمن يفزع
اتفكر بوحشتها و مثل مجرى السيل من عدها يجري المدمع
و هذي عزيزتكم يا فرسان الخيل عليكم قلبها اتصدع
مهضومة تدروها تبجي و تسمعوها
لالا تتركوها وياكم اخذوها
*********
شيصير لو وياكم تروح ويا الأطفال الراحت
تخفق عليكم مثل طير المذبوح بين الهوادج طاحت
ما خله عدها المرض مهجة و لا روح و نوح الحمايم ناحت
وين الذي يرحم قلبها المجروح و يرحم الدمعة الساحت
ياللي ترحموها علتها داووها
لو ردتوا تشفوها وياكم اخذوها
*******
كل طفلة عدكم ركبت بمحملها ظلت بعد هالطفلة
شيصير لو هذا السفر يشملها و تشفون هاي العلة
لو شخص منكم يقرب و يسألها عليمن دمعها تهله
تجاوب تقله الفرقة ما أحملها و فرقة هلي مو سهلة
خايفة تهجروها و لو رحتوا تنسوها
عليمن تودعوها وياكم اخذوها
**********
ما ظل من هالأطفال تركتوه و كل الأهل بحماكم
حتى الطفل عبد الله هم احملتوه خذتوا المهد وياكم
شنهو السبب قلب العليلة تخلوه يحمل هضم فرقاكم
ظلت بلوعتها و وضعها تشوفوه ما تقدر ابلياكم
تصبر تريدوها بيمن تصبروها
للطفلة راعوها وياكم اخذوها
*********
اقصد للظعن و اتفكر بوحدتها شلون الظعن لو طوَّح
منهو اليسليها و يرد لهفتها و منزلها خالي يصبح
مهمومة و اتفت القلب حالتها و الجفن منها مجرَّح
ما عدها غير همومها و دمعتها هالدمع من دم يسفح
لمن تشوفوها محتارة تلقوها
للفرحة عيدوها وياكم اخذوها
**********
قبل الفراق ارتدت بثياب الهم و المرض زيد همها
تدري الشمل من يفترق ما يلتم و تدري الدهر يحرمها
لو والد اللي يظل عدها و لا عم و و لا أخوة تبقى يمها
و منزل أهلها بعيلها صار أظلم و هالموقف يألمها

فاطمة الفردوس
12-12-2006, 01:22 AM
من ظلم الدهر قلبي انكسر خويه ياعباس
مثلي من صبر عندك خبر خويه ياعباس
زغري ويتموني وبفقدك ولوني
زغري ويتموني وبفقدك ولوني
مثلي من صبر عندك خبر خويه يا عباس

يا ريــــــت المـــــوت يلفينـــــي وســــكنت لحود
ولا سلمـــــت بــــيدك ياعـــــبـــــــاس الجــــــود
و يا ريت براســـــي طاحت ضربــــة الــــعامود
و لا شوفن قطعة جفينك ومصوب والنبلة بعينك

زينب قابلت عباس بالحـــــــسرة ودمع ســــجاب
تحجي له اشجرى عليها وعندها ويا الكفيل عتاب
وعندها ويا الكفيل عتاب
تقله تدري قلب أخـــــتك بســــهام الزمان انصاب
وضلـــــعي ويا ضلع أمي يا عباس انكسر بالباب
يا عباس انكسر بالباب
خاف اشرح وضع بيك انصدع يا طيب الإحساس
من يــوم الـــــضلع نشــف دمع يا طيب الإحساس
دم هلت عيوني وبفقدك ولوني
خويه ياعباس
******************************
من عمري القضى بالنوح غير الحزن شتذكر
وانســــى يا ألم خويــــه وبـــيه يا جــــرح أثر
وبـيه يا جــرح أثر
لو جان بصــــــغر همي ذاب الصــخر وتفسر
لوعــــــة كسر ضلع أمي و هامة والدي حيدر
وهامة والدي حيدر
بفراش الأجل خير العمل يلفظ الأنفاس
من بعد الأمل قلبي بوجل يلفظ الأنفاس
وانعكست ظنوني وبفقدك ولوني
خويه ياعباس
**********************
قلبي على الصبر عــــــباس وعلى الحزن عودته
و ياهي من النسا الشافت مصابي وضيمي الشفته
مصابي وضيمي الشفته
من ضــــــم الحــــسن جبده عن عين العقيلة اخته
وشــــفته بالسم تقـــــطع و بيديه جبـــــــده قلبته
وبيديه الجبد قلبته
جبدك بالطـــشت وسفة صحت يا أكرم الناس
من هضمي نحت لمن طحـــت يا أكرم الناس
بجبدي صوبوني وبفقدك ولوني
خويه ياعباس
***************
مصاب الما خطر ذكره ولا يوم انشغل بالي
من بعد الخــــدر والجاه ابقى بحسرة الوالي
ابقى بحسرة الوالي
طلعت من الوطن وياك بهيبة والــقدر عالي
و طول الدرب يا عباس انت الجنت تبرالي
انت الجنت تبرالي
تبرى الناقتي يا هيـــبتي يا رفعة الراس
تفقد حالتــــي وش رادتي يا رفعة الراس
يا كافل ضعوني وبفقدك ولوني
خويه يا عباس
***************
لوني انخــــطف يا عبـــــاس بيوم الكربلا طبيت
وقامت ترجف عظامي يا خويه وبالهضم حسيت
ياخويه وبالهضم حسيت
وهلــــت دمــــــعة عيوني و ونة حــــايرة ونيت
و بنــــظرة عــــتب و وداع ليك بساعة الصديت
ليك بساعة الصديت
ماترضى الهضم وانت الشهم وانت بو النوماس
تخشــــاك الزلــم يا بو العـزم وانت بو النوماس
بعدك مارعوني و بفقدك ولوني
خويه يا عباس
************
و يوم اللي انهدم حيلي قلبي انجسم بيه نصين
محني الظهر من شفته رد ليه أخـــوك حسين
رد ليه أخوك حسين
و من البـــعد ناديتـــه عبــــاس القمر جا وين
ولنه يقــــلي يا زينب منه انقــــــطعن الجفين
منه انقـــطعن الجفين
جفين القــــمر فوق الــنهر والدرع والطاس
وتصوب نظر راعي الفخر والدرع والطاس
بغيابك سبوني وبفقدك ولوني

فاطمة الفردوس
12-12-2006, 01:22 AM
اقارن لك مصايبها وهضمها..حزن زينب اشد لو حزن امها
يغايب تدري بيها..شتجاوبني عليها
حزن زينب اشد لو حزن امها
*********
يابقية ال غالب ياحليف الثار
راح ابين لك نوايب تسلب الافكار
ابتدي ابهجمة الغاصب من هجم عالدار
واختتمها بالكتايب والخيم والنار
مصيبه ابتدت بالزهره المها..ومرار الدهر برض الطف ختمها
هضم فاطمه وزينب..انشدك ياهو اصعب
حزن زينب اشد لو حزن امها
***********
اتصوبت امك الزهره والضلع مهشوم
هالضلع جددواكسره بالطفوف القوم
نفس هالموقف تنظره ابجدك المظلوم
داست الخيل اعله صدره وجسمه يجري دموم
الهشم ضلع امك ابجوره وظلمها ...ابخيوله اضلوع ابو اليمه هشمها
مصابين ابحزنهن...قلب زينب حملهن
حزن زينب اشد لو حزن امها
**********
وفاجعة محسن بعيده تحير الاذهان
نفس هالموقف تعيده زمرة الطغيان
صوبوا عبدالله جيده ابرمية الاحزان
باسهم قطعوا وريده وانذبح عطشان
مصيبه محسن اتوضح عملها..هيه الرمت عبدالله ابسهمها
اجت زينب تشمه...وتناشد فيض دمه
حزن زينب اشد لو حزن امها
**********
لمن اعله الزهره هجموا طغمة الظلام
فوق باب الدار شبوا مجمر الالام
وبنفس هالنار حرقوا بالطفوف اخيام
وابهجوم الخيل سحقوا عايله وايتام
حرم من شوفة الوالي حرمها...ويتامه هايمه ابلوعة يتمها
ابهضم هاي المصايب..اشتجاوبني ياغايب
حزن زينب اشد لو حزن امها
***********
الزهره ماضلت وحدها يمها داحي الباب
عايش وياها سندها حيدر الينهاب
لجن زينب منهو عدها ابديرة الاجناب
لازلم توقف ابحدها ولابقت اصحاب
زلم جانت اسود بحد خيمها..صفت لاخيم عدها ولازلمها
تصب دمعة جفنها..وانشدك عن حزنها
حزن زينب اشد لو حزن امها
*********
لو قلت جتفوا حيدر للسقيفه انقاد
هالوضع نفسه بالطفوف انعاد
بالحبل شدوا العسكر رقبه السجاد
باليسر غصبوه يحضر مجلس ابن زياد
رقبته امن السلاسل يجري دمها..ودمعته جالمزن عالخد سجمها
عليل ودمعه يجري..واضن بس هوه يدري
حزن زينب اشد لو حزن امها
**********
الزهره من قصدت عدوهاللحقوق تريد
بالحبل ماجتفوها ولاسرت بالبيد
زينب ابسوط اضربوها وشاجفت بالايد
ابطشت شافت راس اخوها بين ايد ايزيد
يسيره وواجفه ابمجلس خصمها..ومصيبة عمتك قلبك كتمها
ابجمر لوعت مصابك..اريد اسمع جوابك
حزن زينب اشد لو حزن امها

فاطمة الفردوس
12-12-2006, 01:25 AM
ما بين الصفى ومروة



ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن


يا هو الي اصل يمه واشاهد جثته بلا راس
وقفت مثل الي وقف محرم اصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن


مثل ما تحرم الحجاج حزينة ومحرمة بالهم
اذا زمزم بارض مكة انا بعيني يصب زمزم
لكن زمزم يتطافح ماي وانا دمعي يتفايض دم
مهمومة وكثر همي واصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن


اطوف بكعبة خيامي وخيامي تشب بنار
مثل ما تنفر الحجاج نفرت عيلة المختار
حرم هجمت عليها الخيل لفاها الليل بالاخطار
وأنا لا والي ظل يمي اصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن

مثل ما تفتدي الحجاج وتقدم للذبح قربان
انا القربان قدمته اخويه الي منذبح عطشان
صحت يا ليلة الحدي عشر يا ليلة الاحزان
بحزني ولوعتي وهضمي اصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن


الي يحج يعود لداره وانا ما ادري اطلع وين
مرة لمصرع العباس ومرة لجسم اخويه حسين
هنا انظر نحر مقطوع هنا متقطعة جفين
تهدم كل ركن عزمي واصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن

رحت للمشرعة بحزني ودمعتي بعيني مذروفة
رحت لن شفت ابو فاضل صريع مقطعة جفوفه
رجعت يم جسم ابو الاكبر ذبيح عيوني تشوفه
تمنين انسفك دمي واصيح بصوت يا بن امي

حسيــــــــــــــن حسيــــــــــــن حسيـــــــــــــن يا حسيــــن

ما بين الصفى ومروة تسعي للحجيج الناس
أنا زينب صرت اسعى بين حسين والعباس

حسيــــــــــــــن حسيــــــــــــن حسيـــــــــــــن يا حسيــــن
حسيــــــــــــــن حسيــــــــــــن حسيـــــــــــــن يا حسيــــن

فاطمة الفردوس
12-12-2006, 01:26 AM
اليوم راحوا كل هلي و ما ظلت خيام
وين أخوي حسين وين حركوا خيمن علينا
حرت بين العايلة و ما بين الأيتام
اليوم راحوا كل هلي و ماظلت خيام

*****
طلعت أم الحزن زينب كابعة بثوب المصيبة

تكوم نوبه و نوبه تعثر بين الأجساد السليبه

طاحت و صيحته ظهرت من كاب شاجر لهيبه

وين ليحضرون الشدد من العايلة ماظل سند

يهل الشيم خدر أنفكد راح خذري من انين أجيبه
وين أروحن يا هلي و أنطي الوجه وين
عكب عزتنا أنولينا حركوا خيمنا علينا
اليوم راحوا كل هلي ..................................
تكوم من يم جسد تكعد يم جسد و ال*** يسعر

ألتفتت بدمعتها شافت جسم فوق الثرى موذر

أجت و تكربت يمه لنها تنظر علي الأكبر

يم جسمه طاحت عثرى صاحت و مدمعها جرى

بيا عين جسمك أنظره مترب مخضب معفر
شلون يا الأكبر تظل فوق الثرى شلون
ما دريت شصار بينا حركوا خيمنا علينا
اليوم راحوا كل هلي ..................................
*****

أويلي أويلي عافت الأكبر و راحت يم جسم جسام تنحب

تنادي ياعريس جَفك من دمه المنحر تخضب

مثل ماسلبو جسمك خذري يا جاسم تسلب

ناديتك بصوت الدمع ليلة زفافك منصرع

يا جاسم ونار الشمع ضلت بدلالي تلهب
هذا ليل الفاجعة موحش ياجسام
بس حرم بلطف بقينا حركوا أخيمنا علينا
اليوم راحوا كل هلي .........................................

*****
أويلي عافت العريس مرمي و كامت بحنيت ضعلها

جافت أم الطفل تبكي و على المهد يجري دمعها

أجت يمها و شاركتها بنوحها وهمها و فزعها

على المهد محنية الظهر حايرة و دوهنها الدهر

صاحت يمقطوع النحر مصابك لأمك فجعها
بالمناحة و الحزن صاحت يمذبوح
ريت لطف لاأجينا حركوا خيمنا علينا
اليوم راحوا كل هلي ........................................

*****
النوب راحت لشريعة تصيح يا عباس وينك

الدهر وسفه يا كفيلي حال بين أختك و بينك

ريت السيف لكص يمينك كص يميني و لا يمينك

بغيبتك يا راعي العلم عامود صيواني أنهدم

يا خوي يا ريت السهم صاب عيني كبل عينك
هذا نار مخيمك تسعر ياعباس
و الخدر راح من أيدينا حركوا خيمنا علينا
اليوم راحوا

فاطمة الفردوس
12-12-2006, 01:26 AM
زينب لفت يم حسين... لـﭽن ﮔابعه بالهم
تـﮔله يا ضوه عيوني... عليمن هالفزع ملتم
*******
تعنت ليه للخيمــــــــه ... وتفسر الصخر ونتهـا
طبت قعدت اﮔبالــــــه ... وعالخد تهل دمعتهـــا
تـﮔله اعليك ضلع امك ... المظلومه او مصيبتها
سولف لي يماي العين
لا تخفي علي يحسيــن
عليمن هالفزع صوبين
وأشوف ابكثر عج الخيل ... وادي كربلــــه غيم
*******
أويلي من سمعها احسين... سالت دمعة اعيونــــــه
يـﮔلها أخاف أسولف لـﭻ... او وجهـﭻ ينخطف لونه
ابـﭽتلى او ﭽتل أهل بيتي... يختي الـﮔوم يردونــــه
ولا بد ما تشوفينــه
فوﮔ الثره امـﮔطعينه
يزينب لا تنوحينــه
عينج عاليتامه النــــــــار... لو شبت بالمخيــــــــم
******
تـﮔله الكاتبك يحسيــن... من هالناس ﭽـا وينه
يـﮔل لها يماي العيـــن... كلها انـﮔلبت اعلينه
تـﮔل له حمل اضعونك ... او سدر للوطن بينه
يـﮔل لها ما يخلوني
أسدر بعد بضعوني
نيتهم يـﭽتلونـــــــي
ولابد ما تشوفينــــــي ... او شيبي يـﮔطر امن الدم

*******
والأكبر عالأرض مطروح ... يختي عيونج اتشوفه
او جاسم عالثرى مرمــــي ... ابدال العرس والحوفه
وأخوج اعلى النهر نايــــم... ويمه امـﮔطعه اﭽفوفه
او يمه رايته او جوده
او عينه ابسهم ممروده
بطل حيلي على ازنوده
لو شفتيهن ابكتـــــــــــره ... او جسمه اعلى الثره امخذم

*******
يختي او سهم المثلـــث... ابدلالي تشوفينـــــه
او عبدالله الطفل يختـي... ابدم نحره امطوقينه
او لو شفتي الشمر يمي ... ابعدي او لا تحاﭽينه
تره هو يـﮔطع ابنحـــري
او يتربع على صــــدري
يزينب عايني او صبري
لمن يحكم الباري ... او هوه ابحالنا أرحم

فاطمة الفردوس
12-12-2006, 01:28 AM
آه يا نار باب الدار

حيدر ما جان ايطبروه لو ضلع أمي ايكسروه

آه يا نار باب الدار

**

أنه بنت الوصي الكرار المصايب غيبة نجمي إسمي زينب و تالي صبح أم الحزن أسمي

و آنه ابمطلع اسنيني شفت كسرت ضلع أمي امن الزهره اورثت حزني و مصابي و محنتي و همي

و امن القوم شفت اهموم

ما جان القلبي ايفجعوه

**

ابزغر سني و شفت بالباب انهشم ضلع أمي و اتكسر افقدتها و الدمع ياقوت فوق الوجن يتنثر

عقب ما غابت البضعه دهتني فاجعة حيدر حرت بصواب ضلع أمي لو طبرت علي أكثر

بين الباب و المحراب

للوالد ما يتولوه

**

اقبالي شفت أبو الحمله ابويه منخضب بالدم غدت من بعده هالدنيه كئيبه و الزمان أظلم

قبل ما يندمل جرحي او قبل ما يجدي شوط الهم لن شفت الحسن مسموم و ايلوج بمرار السم

ابحال الموت صحت ابصوت

جبدك ما جان ايسموه

**

بعدها صورت ابن أمي و مصابه ايراوح ابعيني قلت بعد الحسن شنهو الدهر تالي اشراويني

لن تاخذني هالدنيه القاع الطف توديني شفت فوق الترب أجساد اخوتي اللي تحاميني

شفت اجسوم تجري ادموم

ما جان الدمها ايسفكوه

**

فقد ولياي برض الطف أعظم نايبه و أصعب هذا اعله الرمح راسه و هذا بالدمه امخضب

و هذا اعله النهر مرمي و هذا بالثره امترب و هذا ابليلة الزفه انذبح و ابحوفته امسلب

و اعله احسين تجري العين

ما جان الصدره يهشموا

**

غدت نار القلب تدوي طفتها موجة المدمع صرت أتنقل ابهمي كل سا أوقف ابمصرع

اهنا جسم الغريب احسين أشوفه اموذر امقطع اهنا أنظر علي الأكبر وريده ايسيل عالمبضع

و النيران بالصيوان

ما هالصيوان يحرقوه

**

حرت من شفت ولياني جثث متضرجه ابدمها رحت للمشرعه و روحي حزينه و حايره ابهمها

شفت جثة قمر هاشم صريعه و العلم يمها صحت ادركنه يا عباس خواتك حرقوا اخيمها

هاي الناس يا عباس

ما جان الخدري ايسلبوه

فاطمة الفردوس
12-12-2006, 01:28 AM
إجيت ابكسرة الخاطر يولياني محد نهض من قبره و تلقاني

يمكم جيت يا ولياني و اتعنيت يا ولياني

*

أناحط بالحزن و اتعثر ابصبري مثل مجره النهر دمعي الجفن يجري

عساني ميته و متوسده ابقبري و لا أرجع و أشوف اكَبور خواني

*

إذا وياي نفرض تحضر الزهره و تشوف احسين إبنها اموسد ابكَبره

اشتقدر بعد تخفي و تضم يا عبره لا شك هيَ مثلي و أكثر اتعاني

*

وبعد نفرض ابوي المرتضه اويايه و يعاين قبر اخويه صاحب الرايه

أكيد ابسيفه يفني العلقمي و مايه و يحرق من حرق بالنار صيواني

*

هاي المشرعه و مصرع قمر عدنان و هذا مذبح أهلي البقت عالتربان

و هذا اهنا امجان اخيامي و الصيوان و اهنا جنت أشاقف صوت عدواني

*

إجيت و ريت من درب اليسر لا جيت اذكرت لمن وحيده ابغربتي ظليت

اوقفت على التل صحت وبدمعتي ناديت وين ابن الوديعه الوحدي خلاني

*

إذا بعدك عدل ادركني يا مظلوم و احمي امخدراتك من هجوم القوم

إذا ميت أفوض أمري للقيوم و أرجع للحريم ابلهفة أحزاني

*

من مصرع اخوي ما سمعت اجواب و شيت نار اميه و حرقت الأطناب

و اخدور الحراير عرضه للسلاب هذا الشفته بالطف راواني

*

إلي بالطف ألف حسبه و ألف تذكار إرجعت و تذكرت كلما جرالي و صار

ذكرت اجسوم أهلنه و الخيم و النار النار اللي بقت تسعر ابوجداني

****

فاطمة الفردوس
12-12-2006, 01:29 AM
ماتت بنتُ وصي الله فلندعوا إنا لله

فهيَ بنتٌ للأطائب و هي أمٌ للمصائب

فلندعوا إنا لله

*

يالتناشدني اعله زينب و انت ما تعرفها ياهي أم أبوها الزهره أمها و الأبو السر الإلهي

يا مصيبه الما دهتها إسأل اعليها الدواهي عجب العالم صبرها ولا صبر إلها يضاهي

عاشت في حزنٍ و مصاب ماتت في دار الأغراب

بين هاتيك النوائب و هي أمٌ للمصائب

*

امن الزغر عاشت يتيمه اتجالع ابحسرة يتمها عالوجن سفح المدامع سافح اعله الزهره أمها

صورة أمه اوياها عاشت كل وكت جن أمها يمها لا دمع لوعتها ينشف لا يبارحها هضمها

كالبحرِ مسيلُ العبرات هاجت أمواجُ النكبات

و بها تطفوا المراكب

*

ابكل حدث تتذكر أمها تسرح ابجو المصيبه امصاب الطاح دامي و شيبته ابدمه خضيبه

امصاب اخوها الحسن و السم بالجبد سجر لهيبه امصاب اخوها احسين لمن شاهدت جثته سليبه

أيُ مصابٍ للحوراء لم تُذكر فيهِ الزهراء

قلبها بالحزنِ ذائب

*

يا فجيعه اعليها سهله اعليها هانت يا رزيه راس أبوها جبد أخوها لو ذبيح الغاضريه

امن الجنين الطاح محسن و انجعل أول ضحيه الحد أخوها الصار بالطف هدف لسهام المنيه

مأساتٌ تتبع مأسات آهاتٌ تلحقُ آهات

إنها قطبُ العجائب

*

كل رزاياها و محنها اعليها بالطف جمعوها هشموا الأضلاع حته ابضلع أمها ايذكروها

كل جرح بحسين ذكرت طبرة الكرار أبوها قعدت اتمازج مدامع جاريه ابدم نحر أخوها

و هي تنادي يا رحمان خذ مني هذا القربان

هتفت و الوجه شاحب

*

زينب اشظل عندها زينب بس نوايبها و قهرها خلصت امن الدنيه لاجن كربله اتولت أمرها

أخذت اخوتها و أهلها سلبت منها خدرها عقب لوعة فقد أخوها النوب إجت لوعة يسرها

سيقت بيتاما و نساء و نياقٍ من دونِ وطاء

فهي أختٌ للغرائب

*

عاشت ابدنياها زينب هايمه ابوادي الرزايه امن انين ما تلتاف طبره لو ضلع لو دم ضحايه

و ابمثل هاليوم إلها انفتحت أبواب المنايه استسلمت للموت لاجن عالوصي أفجع نهايه

ماتت بنتك يا ضرغام دفنوها في أرضِ الشام

كيفَ عنها الكلُ غائب

فاطمة الفردوس
12-12-2006, 01:30 AM
أم الخدر جمعت عقايل حيدر كل ساعه تجلب طفله من ذاك البر

محتاره ظلت يا أمر تتنطر مذهوله مشبوحة عين للجثث تترباها

**

للأمر يصدر و الأمر مضمونه ظعن الفواطم لليسر يردونه

عقب القمر شمر و زجر يحدونه ما تدري زينب شتقول متحيره بدنياها

**

متحيره و عين العقيله اربيه اتشوف الظعن صار الشمر حاديه

عقب الخدر لنه ابيسر مسبيه من عقب راية عباس صوت الشمر يبراها

**

ناحت و صاحت بالله يا حادينه مر بينه لجسوم الأهل مر بينه

قبل السبي انودع الجثث خلينه حادي الظعن جاب النوق بين الجثث نخاها

**

وحده هوت يم جسم إبنها الغالي وحده اصرخت ذلوني وين الوالي

وحده اندهت وين اليصبر حالي و سكنه اعله والدها احسين ثقل الحزن أغماها

**

من بعد ما ودعن كل الأجساد اتوجهن لرض الكوفه بأمر ابن ازياد

و الروس كل راس اعله راس المياد

فاطمة الفردوس
12-12-2006, 01:31 AM
زينب وصت العيله لا تدخل مره اعلينه إله فاجده و ثكله و لو بالهم تواسينه

**

من طوح الحادي و سار للكوفه و تعناها ماخذ حرم مسبيه و يسيره ابفقد ولياها

تحن و تنتحب لاجن يفسر الصخر مبجاها

و طب الظعن للكوفه ابحرم و أيتام مجتوفه

و عليل ادموعه مذروفه

و حبل اليسر متواصل بين العايله و بينه

**

الفواطم وصلن و لنهن ابدار الهضم مجموعات و زينب وصت الخدر ابصوت الحزن و العبرات

لا تدخل مره اعلينه و احنه ابديرة الشمات

صدت و الدمع خنياب لن حرمه اوقفت عالباب

نادتها ابدمع سجاب

هذي يا الها الوقفه عله الباب و تصد لينه

**

نادت هاالمره لاجن جفنها يهمل ادموعه يا زينب يا بعد أهلي مثلجن آنه مفجوعه

آنه الضيفت مسلم آنه اوصيفتج طوعه

إجيتج و الدمع مدرار اذكرت مسلم و حيلي انهار

اسمعت طفله اله باها الدار

إجيت أنظر هاليتمه و دليلي ايخفف اونينه

**

و زينب جاوبت طوعه يطوعه طلبتج سهله لونج يا بعد بيتي تنشديني اعله هالطفله

حميده هذي وياها اجت للمدمع اتهمله

و حميده اتنادي يا عمه اشتريد اتعنت الحرمه

المسلم تلهج بإسمه

انجان اتعرفه خل أنشد و أشوفن والدي وينه

**

حميده اوقفت يم طوعه شقول اشوقفت ابيا حال حال الطفله من تفقد ابوها و تقطع الآمال

تقلها احجي يا طوعه اعله بويه و الدمع همال

اقطعت من والدي الظنه إجيت أرد أنشدج عنه

خبر ما مش بعد منه

تضعضع و انهدم حيلي يطوعه ابفقد والينه

**

خبر عن مسلم أحجي لج و أخبرج من دمع عيناي لفاني والدج للبيت مني ايريد شربت ماي

و ظل واجف ابباب الدار مذهول و شريد الراي

واجف بقه ابذاك الحين يتلفت يسار ايمين

محتار و يدير العين

فاطمة الفردوس
12-12-2006, 01:31 AM
أخاف امن أعوفك بعد ما أشوفك

إذا ما تجيني أقدر ظروفك

طويله رحلتي و أخاف ابرجعتي

بعد ما أشوفك

**

يعباس إختك آنه ولا تبارحني جنت انت التمسيني و تصبحني

فرقتك ذلتي و شوفك يفرحني كلام الشامت ابفرقاك يجرحني

ياريت الموت أخذ روحي و يريحني و إذا أنساك الله لا يسامحني

أخاف أشتكي لك و أعذب دليلك

و أريد بدموعي أبرد غليلك

تودعك دمعتي و أخاف ابرجعتي

بعد ما أشوفك

**

أودعك يبن أبوي و لليسر أطلع و أعوفك بدر غايب نوره بالمصرع

مثل جسمك توذر قلبي و اتقطع كلام اوياك صار ايرجمه المدمع

إذا أرجع يخويه اشراح أتوقع إذا أرجع أشوفك بعد من أرجع

أباصر دليلي سفرتي و رحيلي

قلت له عجيبه أفارق كفيلي

اعله فقدك حسرتي

*

أصيحن و اليموت اشينفعه الصايح اسكتت و ادموعي جدول عالوجن سايح

غصب عني أعوفك و الظعن رايح بلا توديع أتركك عالنهر طايح

تعاتب لا تعاتب و العتب جارح تودني و اليود من شيمته ايسامح

ظعنه ابراوحه يريد السماحه

تسير الظعينه ابونين و نياحه

تنشدك مهجتي

*

أنشدك لو مشيت ابظعني و أتيسر تقدر تنهض اتشد الظعن تقدر

إذا بسياطه خصمك يضرب الخدر تقدر تحمي عيله و سايره ابها البر

إذا جتالك ابمجلس شتم حيدر تقدر تجي اهناك اتدافع و تحضر

إذا وقفونه ابمجالس عدونه

حرم و احنه نسمع يشتمون أبونه

اشينشف عبرتي

*

إذا مسبيه من يمك رحت و امشيت و عني ما قمت يا با الفضل حاميت

و إذا مجلس دخلت و حايره ظليت إذا حشمتك و للنخوه ما لبيت

العذر مقبول منك خويه لو ما جيت اشلون اتقوم و انت بس جسد ظليت

يجمرة حنيني يعذرك ونيني

عسن مني قطعوا يساري و يميني

اشيرجع لهفتي

*

اشخلت ساحة الطف خذت مني احيود شحجي اوي النهر و السهم و العامود

فطر جبدي العطش من نار سهم الجود إذا تسكن لحد أسكن يخويه الحود

للطف يبن أبويه الظعن من ايعود أخافن ما أشوفك لو رجعت اردود

يطول غيابي و أجيك ابمصابي

إذا ما لقيتك تزيد عذابي

تهيّج جمرتي

فاطمة الفردوس
15-12-2006, 07:14 PM
بسم الله الرحمن الرحيم...
السلام عليكم ورحمة الله وبركاته...
رثاء بنات الحسين عليهم السلام
طفلة و تهضموها لمن تعيفوها
عدمن تخلوها و ياكم اخذوها
*********
قبل السفر وياها انتوا بهالدار تتلهف و تتحسر
و شلون لو هذا الظعن بيكم سار بيمن بعد تتصبر
مو قلب طفلة لو جبل جان انهار و عالفرقة ما ظن يقدر
اخذوها و اعتبرواها ضيف و خطّار و اطفوا قلبها اليسعر
ويا العيلة ودوها واجب تباروها
بالفرقة تاذوها وياكم اخذوها
*********
من شافت الطفلة الظعن راد يشيل و الحادي بيكم يطلع
فزعت مثل طير القِطى بوحشة ليل بالظلمة لمن يفزع
اتفكر بوحشتها و مثل مجرى السيل من عدها يجري المدمع
و هذي عزيزتكم يا فرسان الخيل عليكم قلبها اتصدع
مهضومة تدروها تبجي و تسمعوها
لالا تتركوها وياكم اخذوها
*********
شيصير لو وياكم تروح ويا الأطفال الراحت
تخفق عليكم مثل طير المذبوح بين الهوادج طاحت
ما خله عدها المرض مهجة و لا روح و نوح الحمايم ناحت
وين الذي يرحم قلبها المجروح و يرحم الدمعة الساحت
ياللي ترحموها علتها داووها
لو ردتوا تشفوها وياكم اخذوها
*******
كل طفلة عدكم ركبت بمحملها ظلت بعد هالطفلة
شيصير لو هذا السفر يشملها و تشفون هاي العلة
لو شخص منكم يقرب و يسألها عليمن دمعها تهله
تجاوب تقله الفرقة ما أحملها و فرقة هلي مو سهلة
خايفة تهجروها و لو رحتوا تنسوها
عليمن تودعوها وياكم اخذوها
**********
ما ظل من هالأطفال تركتوه و كل الأهل بحماكم
حتى الطفل عبد الله هم احملتوه خذتوا المهد وياكم
شنهو السبب قلب العليلة تخلوه يحمل هضم فرقاكم
ظلت بلوعتها و وضعها تشوفوه ما تقدر ابلياكم
تصبر تريدوها بيمن تصبروها
للطفلة راعوها وياكم اخذوها
*********
اقصد للظعن و اتفكر بوحدتها شلون الظعن لو طوَّح
منهو اليسليها و يرد لهفتها و منزلها خالي يصبح
مهمومة و اتفت القلب حالتها و الجفن منها مجرَّح
ما عدها غير همومها و دمعتها هالدمع من دم يسفح
لمن تشوفوها محتارة تلقوها
للفرحة عيدوها وياكم اخذوها
**********
قبل الفراق ارتدت بثياب الهم و المرض زيد همها
تدري الشمل من يفترق ما يلتم و تدري الدهر يحرمها
لو والد اللي يظل عدها و لا عم و و لا أخوة تبقى يمها
و منزل أهلها بعيلها صار أظلم و هالموقف يألمها

فاطمة الفردوس
15-12-2006, 07:15 PM
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
كل زرع لو غصنه انكسر.. ما تبقى هيبة للثمــــــر .. من بعد ساعة و يذبل
و قاع اللي يهجرها المطــر .. ثكلى و يفطرها القهر.. و بهالمثل أتمثـــــــــــــل
آنا الجرف و أنت النهـــــر .. صدقني لو رمشة بصـر .. تتركني ما أتحمـــــــل
وش تلقى من هذا السفــر .. غير المتاعب و السهـــر ..لا تبعد و لا ترحــــل

يا بوية و أنت الــروح .. عن جسمي شلون تروح
أتحسر .. و أتغـــــير .. لا ترحل عني بعيـــــــــد
*****
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
هاي آنا صرت بهالوضـــع.. مهمومة محنية ضـــــــلع .. و آنه بطراوة عمــــري
من عيني يتجارى الدمع .. دمعي مثل ماي الشمع .. لو ما اللهب ما يجــــري
أتمنى لو قلبي الـــــــورع.. يتريث و يصبــح درع .. يشكَف عواسل دهري
يالفرقتك ما تنجـــــــرع .. صد ليه لحظة و استمع .. و ارحم براءة صغــري

يا مسافر خذني وياك .. ما أتحمل فرقاك
أتكدر.. و أتحير .. لا ترحل عني بعــيد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
بوجهي الليالي معبســـــه.. و جنها المحن متأسســـــه.. لجلي وعليه تـــحومي
بظلك جنت متنومســـه.. و بهضمي ما متحسســـــه .. طفلة و أعيش ليومي
لن الوكت جار و قسه .. ضعنك لون شفته رسه.. أنثر دمع لنـــــــجومي
بعدك أظل صبح و مسه.. بين اللعل و العســــــــه .. أتناحر ويا همـــــومي

يا لرايد عني تغيب .. عقبك يا جرح يطيب
راح أكثر .. أتأثر .. لا ترحل عني بعيـــــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
ودك لعد قلبي امتـلك .. حقه القلـــــب يتأمـــلك .. كان بوجود مسعد
يا مرخص عيوني إلك ..جم دوب أظل أتوسلك .. لا تمشي عني وتبعد
خوفي الدهر يتنــاولك .. ويطفي شمعـــــــة منزلك .. يا من فرقتك تجهد
خوفي الممات يوافي لك .. و روح الذي تتمثـــــلك .. و تحرقها نار الموعد

لو نالك جف البين .. بعدك أتوجــــه وين
أتفكر.. و أتنطر .. لا ترحل عني بعيــــــــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
كل الهوادج عالإبـــــــل .. متنصبة و هذا الشمــل .. متوزم اعلى الهجــــره
و آنا بطري دمعي إليهل .. متحيرة و حالي مثـــــل .. طير إليضيع وكــــــره
جرحي جرح ما يندمل .. يا بويه و خلافك أظل .. ما بين شهقة و حســـره
فراقك صعب ما ينحمل .. لا تقطع بتوت الوصل .. و اعليك أسوم الزهره

لو ضعنك عني سار .. تتركني و قلبي بنار
يتوجر .. يتسجر .. لا ترحل عني بعيـــد
******
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
لو فارقتني لا تظــــــــن .. يصبر دليلي الممتحن .. موت بغيابك حتمـــــــــــي
بيا منزل اقعد و استكن .. لاشك يموتني الحــزن .. لو غادرت من يــمـــــــــــي
شينشف دموع الجفــــن .. لو بدت تحفر عالجفــن .. من نايباتي و همـــــــــــــــــي
كل ليلة من بعدك تجن .. وحشة و أظل أنحب و أحن .. و أحمل قساوة هضمي

تعلم يا بوية شلون .. ممشى البر مو مأمون
وتحذر .. من هالبر .. لا ترحل عني بعيـــد
*****
يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد
*****
انفتحت جداول عبرتي .. مجراها حفر وجنــــــــتي .. أثر على صبي عيني
تعلم يبوية بحالـــــــــتي .. فراقك يكدر دنيــــــتي .. يسلب وداد سنيـنــــــي
يا بوية رد لي لهفتـــــي .. و ارحمني و ارحم حالتي .. يالعطفك يباريـــني
شحمل قساوة وحشتي .. لو نايرات مصيبتــــــــي .. كيف البصر دليـنــــي

لو وجهك عني غاب .. أتحمل جم مصاب
و تصور .. هالمنظر .. لا ترحل عني بعيد
*****

يا مسافر وين تريد .. لا ترحل عني بعيد
ما أقدر .. أتصبر .. لا ترحل عني بعيــــــــد

فاطمة الفردوس
15-12-2006, 07:16 PM
تقاسمتِ الرزايا

تقاسمتِ الرزايا مع القومِ الضحايا
*********
سكينةَ الطُهرِ سلامٌ سلام**عليكِ يا بنت و أخت الإمام
*********
يا بنت من كالنجمِ لما هوى**علَّمه الله شديد القوى
تقاسمته البيض في نينوى**حتى قضى ضامي الحشى لا مُضام
*********
الله قد أعطاكِ مثل الحسين**صبراً و حلماً يا ابنة القبلتين
عليكِ في الطف بكت كل عين**يوم رأت عيناكِ نار الخيام
**********
لم يبقى في الفسطاط غير النساء**و أحرقوا بالنارِ ذاك الخباء
فرُحتِ و الادمع تجري دماء**نحو جسومِ الطُهر خير الأنام
***********
قصدتِ و الدمع عبيطاً جرى**و مذ رايتِ السبطَ فوق الثرى
عليكِ في الطف جرى ما جرى**من نائباتٍ و خطوبٍ جسام
***********
سكينةَ الطُهرِ ألا فإعلمي**لا يُصنع المجدُ يغير الدمِ
كذلك الإنسان لم يُكرمِ**إن لم يهب اودى جَهول الحُسام
**********
لذا ابوكِ السبط في كربلاء**صاغ بفيض النحر تاج العلا
قد مزقوه مفصلاً مفصلا**حتى قضى و لم يَهِن للطغام
**********
سكينة الطُهر بدمع الجفون**جئنا نواسي منكِ دمعا هتون
ياليتنا نُسقى كؤوس المنون**كي ما نرى سبيك بين اللئام
***********
كيف مشيتِ يا إبنة الأكرمين**أسيرةَ الحزنِ مع الناكثين
شأنكِ في الخُلدِ مع المُرسلين**و هكذا يعبق مسكُ الختام

فاطمة الفردوس
15-12-2006, 07:17 PM
عكب عزنا يبو سكينة

عكب عزنا يبو سكينة صرنا نتستّر بدينا
فرهدونا أسِّرونا مارعونا
************
ضاع عمري بفقد عمرك حتى و لروحي سبوها
خلها و الدمعة تخِبرك يا جناية الماجنوها
من عفت لعداك نحرك و الخيمنا حوِّطوها
داست الخيل على صدرك و الاعادي وجِّروها
لاذت يتيمة بيتيمة صِرِت ليتاماك خيمة
استوحدونا اسّرونا ما رعونا
***********
حال طفلة من المخيم خل أسولف خوية عنها
بيها و النيران تضرم و اليطفي النار ونها
ليها بن مسلم تقدم نادت بدمعة حزنها
آه يا شيخ و بية تعلم و الفواطم آنة منها
تقله أحلفك و بنبينا انت منا لو علينا
الحاربونا يسّرونا مارعونا
**********
هاي حالة طفلة جانت من يتامى الغاضرية
و الظعينة بينا سارت بلا ولي صبح و مسية
طفلة وسط الدرب تاهت ما دِرَت بيها البرية
ليك و بغربتها نادت قلي بوية شلون بية
عالرمح راسك نظرها جابوا الطفلة بأثرها
الروِّعونا يسِّرونا مارعونا
***********
تنوح طفلة بالخرايب خوية نص الليل قامت
تصيح وين العود غايب ليها كل الحَرَم ناحت
قلي ليها شردأجاوب شوفتك يا حسين رادت
منها و الدلال ذايب ليك يالمذبوح شافت
حضنت لراسك ولينا راحت الطفلة من ايدينا
و افجعونا يسِّرونا ما رعونا
**********
مانشف سكنة دمعها عليك و آنة عليها دمعي
غدت شبه الروح ونها و اليِوِن بالغُرُب ضلعي
مدري اسولف من وضعها لو ابيِّن ليك وضعي
و انت حمّاها و درعها و أنت يالمذبوح درعي
طِحِت بأرض الغاضرية عقب عينك آل امية
سلّبونا يسّرونا مارعونا
*********
جم سهم يبن الزجية لاح بية تجرعيته
لاجن الاعظم عليه الذبح ليكم رافجيته
و العلم فوق الوطية و الكفلني ودعيته
انهدمت الأكوان بية و العَمى لعيوني ريته
لا اشوف بعيوني تالي و بطشت راسك يا غالي
يضربونا يسّرونا مارعونا

فاطمة الفردوس
15-12-2006, 07:17 PM
كبل متروح و تهاجر

قبل ماتروح و تهاجر يا طير الصاف تانيني
اخذني وياك لأحبابي و على الجنحان خليني
و ادوِّر وين أبوية حسين**و أدوِّر وين ابوية حسين
************
قبل ما يطوِّح الحادي قبل ما ياخذ الأحباب
ترجيته بدمع يطفح مثل ما يطفح الخنياب
يهداك الله يا حاديهم تهدّى و لا تسوق الناب
مشى و لا جلمة من عنده سمعت و لا سمعت جواب
جزى و بكل مسرى كل خطوة أحس تركت جرح و صواب
تباريهم غدت عيني و تصد لما شبحهم غاب
يا طير الصاف عافوني و آنة الياويل يبرالي
أصد للبيت بعيوني و أشوف البيت ظل خالي
قطع لا وين ابوية حسين
************
عساها تهدمت داري علية و ريت موتي حان
و عسى بروح الأجل ينعى و لا اسمع حد الركبان
أحاجي الدار و اسألها بعد هم ترجع الوليان
سكوت و لا جواب أسمع مظلمة و موحشة الجدران
على فراش المرض جسمي و أرامح رمحة الغرقان
و أترجّى جرف صبري لعله يخفف الأحزان
عساه الموت يلفيني يا طير الصاف و أتمنى
و لا دنياي اقضيها على الآهات و الونة
قصد للبين ابوية حسين
*************
صِحِت ولياي عافوني دواهي البين حاطتني
مثل حال انولد مذبوح يا طير الصاف خلتني
عَلَي تتغاير همومي غصص دنياي ذهلتني
غصص ما ينحمل همها على نعش الموت شالتني
عليلة و من زغر سني نحيلة و المرض فتني
يا طير الصاف و الدنيا اشكثر لوعات راوتني
على اللوعات أتسنَّد و أطيح ردود من همي
و ادير العين و أتلفّت أبوية حسين مو يمي
ترك جرحين ابوية حسين
***********
جرح من لوعة فراقه انحُفر من الدمع خدي
جرح ثاني جرح قتّال من سيل المرض يبدي
عفاني شلون هالجرحين ما قطعن هِرِش جبدي
على هالحالة يا طير الصاف جزيت من الصبر حدي
سواد الليل يلفيني و اقولن يقضي و يعدي
و أصيح اشمطولك يا ليل و لا نسمة صبح تبدي
أوِن و الليل مايرحم ونيني و سيل عبراتي
و آنة المليت من همي و نحيبي و نار حسراتي
أجيب منين أبوية حسين
***********
حجيت آنة ويا حاديهم قبل ما بالظعن يطلع
الحادي ما بدى لي جواب ترك موح الجفن ينبع
حجيت النوب ويا الدار محاجي و ياها ماتنفع
حجيت ويا النجم و الليل ما منهن جواب اسمع
حجيت ويا النسيم الهاب جواب النسِم مايرجع
عفتهم كلهن و جيتك يا طير الصاف بالمدمع
أريد جواب من عندك حليفة نوح تدريني
أمشّي عليك بارينا يا طير الصاف حاجيني
تريد العين ابوية حسين
***********
لَو انك رايد تهاجر تواني وياي و اتمهَّل
أشد روحي على جنحانك و اخذني وياك من ترحل
نروح و نقطع البيدا ندوِّر على هلي و نسأل
و نتخطى على ظهر الغيم عسى المايوس يتحًّصل
يا طير الصاف و اريد اوصيك لو انك شاهدت محمل
برخى على القاع نزِّلني القلب ماعاد يتحمل
حملت هموم لو صبَّت على الجلمود يتفطَّر
غياب حسين شب قلبي و صليل حشاي يتوجر
شعل نارين أبوية حسين
***********
صدق نرحل يا طير الصاف و على جناحك تخليني
و صدق نوصل لعد أهلي و اشوفن الوالد بعيني
لبيابي صبيهن اهدي لك لون لأهلي توديني
و الك ثلثين من عمري يا مقصر عمري و سنيني
رياحين العمر ذبلت و لا خفقة برياحيني
و اباري مناحر مصابي ثجيل الهم يباريني
لظى الحسرات هيّمني هِمِت و الروح مفجوعة
بسقم بلواي محتارة حِرِت مابين هاللوعة
حِرِت مابين أبوية حسين

فاطمة الفردوس
15-12-2006, 07:18 PM
حسين و بنته(شريط اقصدوني)

حسين و بنته شصار عليهم**بس الخالق يعلم بيهم
********
راس الغريب يحوم رد للجسم هاليوم**جايب غصص و هموم يحمل خُبَر و علوم
يا خُبَر للطف جاب راس ابن داحي الباب**بمحنة رقية انصاب و عليها ظل مهضوم
و بلا صدى بلا صوت جاها الأجل بسكوت**و اخطفها جف الموت و تنفَّذ المحتوم
وياها يتامى و ميسريها**بس الخالق يعلم بيها
**********
يا جسمي بالأعبار اروي لك أخبار**هالطفلة بالأقدار الها الممات اختار
ماتت رقية هناك و أدري الخُبَر آذاك**دفنوني ريت وياك و لا أنظر اللي صار
هالطفلة بالآلآم دفنوها بأرض الشام**تتناوح الأيتام و كل عيلة المختار
موت الطفلة شقد ماذيهم**بس الخالق يعلم بيهم
**********
لموتة رقية بجيت و بدمعتي ناديت**يا هالحلم ياريت الها بحلم ماجيت
لَن فَزَّت من النوم صاحت شفت هاليوم**جن الأبو المظلوم وياه أنا تلاقيت
هالساعة شفت حسين بسرعة اختفى من العين**راح و تغيَّب وين و لشوفته اشتاقيت
أهلي تذبحوا و موذريهم**بس الخالق يعلم بيهم
***********
ظلَّت رقية تنوح جابوني يالمذبوح**بطشت الذهب مطروح بس النظر مشبوح
الها افتحت عيناي بجيت و بجت وياي**أخذتني و بلا راي ماتدري وين تروح
علية انحنت بالآه و الحسرة و الويلاه**مد الاجل يمناه لَن ميتة بلا روح
عيالي انفجعوا شيواسيهم**بس الخالق يعلم بيهم
***********
بالفاجعة ينوحون اطفالي و ينادون**ماتت رقية شلون تغمض عقبها عيون
بالدمعة و الحسرات دفنوها بالشامات**هالمحنة و المأساة بذمة اله الكون
و آنة على ذاك الحال أسمع نحيب عيال**و اسمع صريخ اطفال ماقدروا يصبرون
طفلة و راحت من ايديهم**بس الخالق يعلم بيهم

فاطمة الفردوس
15-12-2006, 07:22 PM
العليلة(شريط اقصدوني)

العليلة تنوح على المذبوح**بقلب مجروح تحاجي الليل
*********
مثل ما أنزل الباري كتابه و بلَّغ المرسل
نِزَل آية بعد آية و كِمَل هالمصحف المُنزل
اجت عيلة رسول الله نفس هالحالة تتمثل
المحامل وصلت لطيبة و نزل محمل بعد محمل
العليلة تحوم بفزع و هموم**تِقَع و تقول عَلَي يا ويل تحاجي الليل
*********
العليلة تلقَّت العيلة تصد من واحد لواحد
تدوِّر وين أبوها حسين حَرَم و أيتام شتشاهد
عقب ما أيِّسَت رجعت مثل ما يرجع الفاقد
تِحِن حَن الهِجِن و تصيح آه يا فرقة الوالد
بفكر محتار اجت للدار**بدمع مدرار يباري السيل تحاجي الليل
************
جفنها عاشق العبرة قلبها يوالف همومه
بعد يا دار تحويها جمعها الليل بنجومه
على كل نجمة تِصِد لوعة و معالم نوح مرسومة
تقله شظل بعد يا ليل أبوية و منه محرومة
مهجتي تلوب مثل أيوب**عِماني هبوب غبار الويل تحاجي الليل
*************
الك يا ليل بعيوني علامة موَسِّمة بجمري
لَعِد بوابة الوحشة تلاقن صبرك و صبري
بعد يا ليل و شعندك تضيف لمحنتي و قهري
يتلامع بدرك و آنة صريع بكربلاء بدري
انذبح عطشان بلا أكفان**الكفن تربان عجاج الخيل تحاجي الليل
*************
بعد يا ليل ماعندي مهجة التقدر تلومك
صريعة بكربلاء نجومي و أنت ساطعة نجومك
يا موجة من بحر همي تغرِّق قلعة همومك
يا ليلي و يمتة عن وجهي تزيح مكابر همومك
حنانك مات يا أبو النجمات**و على العبرات أخذني الميل تحاجي الليل

فاطمة الفردوس
15-12-2006, 07:30 PM
لست ادري يا من قتلوه ضامي نحرك مقطوع أم نحري هل حفروا قبرك أم قبري
عن هالطفل موقف مصاب أنرسمـــــه
حرمله الظالم حين سدد سهمــــــــــــه
صوب وريده و صار ينزف دمـــــــــه
و حسين بكفوفه على صدره يضمــــه
من بعد ما قبَـل وريده وشمـــــــــــــــه

لمن أشكو حزني و هموم فؤادي
يا ولدي و أنا لا ادري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي
للخيم جابه قلبه نافذ صبـــــــــــــــــره
بين ايد أبوه الطفل فارق عمـــــــــــره
و حسين نام على النهر و ينظــــــــره
فوق ايد أبوه الدم يصب من نحـــــــره
حاير حسين بهالرضيع و بأمــــــــــره
ناداه لكن بالحزن و العبـــــــــــــــــــرة

هذا حزني أبكيك بدمع جاري
قبرك محفور في صدري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي
يا وليدي يا عبد الله شفتك عطشــــان
بلهفة اعتنيتك خذتك من الصيــــــوان
يا وليدي وديتك صوب المـــــــــــيدان
و طلبت شربة ماي من العــــــــــدوانش
ظنيت تتروى و تطفي النيـــــــــــــران
لأنك ترويت بدموم الشريــــــــــــــــان

لهف قلبي قلبي ينعاك شجونا
سائلتك و المدمع يجري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي
يا وليدي حكمة اقتضت من عندي تــــروح
و بعيني انظر دم وريدك مسفــــــــــــــــوح
شفت دمع الجفن شي فيد النـــــــــــــــــوح
بين ايدي يا عبد الله شفتك مذبـــــــــــــوح
أمك ناظرها من الخيم ظل مشبـــــــــــوح
تتنظر جيتك يبني يا روح الــــــــــــــروح

كيف امضي كيف ترى نحرك دامي
فصبرت و يسألني صبري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي

بالخيمة قلبك أمك يا عبد الله يلـــــــوب
و شلون لو شافتك دامي و مصيـــــوب
و شلون لو شاهدت جسمك مخضــــوب
لو شافتك و قلب عليك يــــــــــــــــــذوب
نحرك لسهم عداك كامش مطلـــــــــوب
من دم وريدك يا بني نسجوا لك ثـــــوب

و هي تبكي بفؤاد زاد لظاه
و تنادي بلهيب يسري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي
يا وليدي قلبي عليك دامي و مالـــــــــوم
مثلك يوافيه الأجل هذا اليــــــــــــــــــــوم
مثلك تغسلني العدا فيض دمــــــــــــــــوم
و ينسحق صدري بحافر خيول القــــــوم
كأني شفت مصرعي دمك مرســـــــــــوم
روحي و يا روحك يا بني ع الموت تحوم

يومك يومي و سأشكو الحال لجدي
فوضت إلى الخالق أمري هل حفروا قبرك أم قبري

نحرك مقطوع أم نحري هل حفروا قبرك أم قبري لست ادري يا من قتلوه ضامي

فاطمة الفردوس
15-12-2006, 07:30 PM
يا ولدي يا عبدالله


گالــــــــــــولي عـــــــــــبد الله انفگد ظــــــــــــليت اعــــــــــــاين عالمــهد

والمهد خالي والمهد خالي

* * *

عــــــــبدالله يا زهرة دليلي المنفجع يا شمعة ايامي وبدر عمري اليــــشع

صبـــــــــيت دمعي بالوريد المنگطع بلچن يعبدالله يرويــــــك الدمــــــــــع

من غـــــــــــــــــبت عن عيني شفت سود الليالي

ليل ونهــــــــــــار امــــــــــــدوهـــنه وأعــــــــــــله المــــهد ظهري انحنه

والمهد خالي والمهد خالي

* * *

عبدالله من رفرف اجناح امصــيبتي ناديت والدمعات تجــــــــــرح وجنتي

ابفگدك يطير السعد زادت لوعــــتي ما أدري گطعوا رگبـــــــتك لو رگبتي

والنوح والـــــــــون والنــــــــــــحب عگبك حلالي

دمعــــــــــــي يعــــــــــــبد الله جــره وعيني أعــــــــله مهــــــــدك ساهره

والمهد خالي والمهد خالي

* * *

ساهره عيوني وأنشد نجوم الســـمه هم شايفه اهلال ايتخضب بالدمــــــه

روحي أعله مهدك بالمصايب حايمه انحب عليك وخل تلـــوم اللآيــــــــمه

ارخص ادموعـــــــــي البالجفــــــــن والدمع غالي

من شفت نحـــــــرك منگــــــــــــطع عــــــــــــالمهد صبــــــــيت الدمـــــع

والمهد خالي والمهد خالي

* * *

يا أمل روحي الما بعد عــــــدها امل دمعي مثل دمك يعبد الله هــــــــــــمل

يا وسفه عودك يا بعد بيتي ذبـــــــل والگلب چم نايبه وچم لوعـــــه حمل

والروح ظــــــــــــلت سارحــــــــــــه ابعالم خيالي

تتفايض عــــــــــــيوني دمـــــــــــــه وروحــــــــــــي اعـــله مهدك حايمه

والمهد خالي والمهد خالي

* * *

يا عـــين اشوفك يبني محزوز النحر مهمومه مظلومه وفـجع گلبي الدهر

عـــيون أمك انمهرت ابنبلات السهر وأعله المهد انحب وأشـــــبح بالنظر

راحــــــــن يوســــــــفه ابروحـــــتك عزي ودلالي

با صرني يهــــــــــلال السعــــــــــــد واشلون اهــــــــز مهــــــــدك بعـــــد

والمهد خالي والمهد خالي

* * *

عني رحت واتركت ورحي اموجـــله خليتني آنه وزمــاني وكربــــــــــــله

يا ريت صابت نحري نبلة حرمـــــله ولا شوف يبني دمــــوم نحرك سايله

يولـــيدي نــــــــــــبلة حرمــــــــــــله غيرّت حالي

مذهــــــــوله مــــــــا خـــذني الحزن واعله المــــــــهد أنحــــــــــــب وون

والمهد خالي والمهد خالي

* * *

لمن فصل نحرك يعــــــــبدالله السهم أهجس وگع بيتي وعلى راسي انهدم

ناديتك بصوت النوايــــــــب والألـــم يا ريت گبلك عـــــمري بألطف انختم

ساعــــة الطــــــــفّوا شمعــــــــــــتك تدري اشجرالي

لمن شفــــــــــــت دمـــــــــــك يصب عالمــهد ذبــــــــــــيت الگــــــــــــلب

والمهد خالي والمهد خالي

* * *

منصوب مهدك بين ضلــعي والگلب لو تحيا چان ارضعتك بدمعي اليصب

والدمعه لمن تنشف أعصرها غصب ما شافــــت أعيوني مثل هذا الخطب

بس المناحــــــــــــه والحــــــــــــزن والهم صفالي

هاك ارتوي بدمعــــــــــــي اليهــــــل ما أنســــــــه يومــــــــك يا لطــــــفل

والمهد خالي والمهد خالي

* * *

(أصفهان ـ 1987 م)




قم المقدسة

فاطمة الفردوس
15-12-2006, 07:32 PM
أين طفلك


أصــــرخ يحســــــــــين طفلك يون وّديته

* * *

عبدالله الطفل ذبـــــلان وابگلبه اسعرت نـيران

ناوي تروح للمــــيدان تطلب ماي للعـــــطشان

ما ظن شيمة العــدوان عدهم رحم عـالرضعان

رد يــــــــا مظــــــــلوم جسمي اليــوم شليته

* * *

يبن المصطفه لا ويــن رايح بالطـــــفل يحسين

محتار وتدير العــــــين تطلب ماي خويه امنين

تطلب ماي من طاغين ما عدهم كــــرامه ودين

لا ويــــــــن اتــــــروح گلبي ايــــنوح خليته

* * *

گلبي بالحزن نــــــاداك وبدمعي اريــــــد انخاك

لا تگصد لگوم اعــداك لتودي الطفل ويـــــــاك

ارجع خويه أترجـــــاك ما تلگه شهامه اهنــاك

شيفـــــــــيد اللــــــــوم دمعي ادمـــوم هلّيته

* * *

راح وگصد يم اعــــداه وعـــــبدالله الطفل وياه

ما بين الجــــــمع وداه حـــــاچه العسكر وناداه

ذاب الطفل مــن اظماه والــــنار اسعرت بحشاه

عــــــــبدالله اويــــــاي يشــرب ماي يا ريته

* * *

اتوجه حرمله وصــابه وصــار المنحر اصوابه

من دمه صفه اخضابه احــــتار حسين بمصابه

ولصوب الخيم جــــابه ونــــــــار الحـزن لهابه

والحـــــرًّه تصــــــــيح دمه يســــــيح ردّيته

* * *

جابه حسين لخيــــــمًّه وعــــــــياله اجــت يمّه

صارت عالطفل لـــــمّه وحده ابمنحره اتـــشمّه

وحده تمسح ابــــــدمّه وصاحت بالحزن أُمّــــه

يوليدي اشصـــــــــــار گلبي ابــــــنار شبّيته

* * *

وحسين اختلف أمـــره عــــالج موقفه ابصبره

صد لطفله وينظـــــــره جــــابه ووسده ابگبره

وسد عالترب نحــــــره وصــاحت زينب الكبره

يبن امـــي اشلــــــــون هالمـــــدفون واريته

* * *

(لندن ـ 1993م)

فاطمة الفردوس
15-12-2006, 07:33 PM
واذا المؤودة سئلت


نار تلهب في كــــــبدي حزن ينخر في جسدي

أهتف والهــــــــــــــفي قطعوا نحرك يا ولـدي

* * *

فكري سارح بالمصيبه وهايم ابعــــــــالم خـــــــــــيالي

وصورة الطف ارسمتها والحبر سود اللــــــــــــــــيالي

وشاهدت بعيوني حاله من الحزن غيّرت حـــــــــــــالي

واسمعت بالخيمه صرخه يبني ليش المهد خــــــــــالي

أمٌّ تصرخ واغوثـــــــاه يا ولدي يا عــــبد الله

فــــي وادي الطــــــــفِّ قطعوا نحرك يا ولدي

* * *

يبني يا عبد الله يبني اعيوني ما تگدر تنظــــــــــــــرك

اشلون اشوف المهد خالي اشلون اشوف ادموم نحرك

بعدك بأول حياتك ما شفت يولــــــــيدي عـــــــــــــمرك

اتهزك چفوف المنيه والمهد هاللــــيله گــــــــــــــــبرك

لـــــو اعلم نحرك يُقطع لسقيتك فيض المدمع

دمــــــــعي لا يكفــــــي قطعوا نحرك يا ولدي

* * *

بالأمس جدام عيني اتناغي يوليدي واسمعــــــــــــــــك

الليله سهرانه وافكر يبني منهو اللي يرضعــــــــــــــك

لون يا عبد الله تقبل أنزل لگــــــــبرك واطلعـــــــــــــك

وترضع وتتروه يبني وللگبر بــــــــيدي أرجعـــــــــــك

لو ترضى أكشـف قبرك أسقيك وامسح نحرك

وأشــــــــير بكفّـــــــــي قطعوا نحرك يا ولدي

* * *

ساهــــره واحچي اويه روحي واحسد اتراب اليضــــــمك

يبني ما تنفع حياتي باللحد خليـــــــــني يـــــــــــــــــــــمك

والترب أجليها عنك وامسح ادمــــــــومك واشــــــــــــمك

بالحياة اشعندي غيرك يالوحيد وآنــــــــــــــه امــــــــــــك

فيــــــــك الآية قد نزلت وإذا المؤودة ســـئلت

تعـنـــــــى بالوصـــــف قطعوا نحرك يا ولدي

* * *

راح أظـل سهــــــــرانه وحدي وانت يا عـبد الله وحدك

اذكر ايــــــــام العـشتها وشاخصه اعـيوني اعله مهدك

يالعطش گلبك تلاهب وانفطر يولـــــــــــــــيدي چبـــدك

لا تظن للماي اضوگه ولا تظن اتهــــــــنه بعـــــــــــدك

في القلب حملــت الهمّا يا زهرة قلبي لـــــــمّا

آنــــــــت للقــــــــطــف قطعوا نحرك يا ولدي

* * *

يبني كل ساعه تجيني فكره واتهــــــــدم كــــــــــــياني

عالمهد ظهري حنيته وصرت احاچـــــيه ابلــــــــساني

يالمهد عبد الله عافك وآنه حاربــــــــــــني زمـــــــاني

والدهر للطف تبعني وسدد اســــــــهامه ورمــــــــاني

أبكيك اليوم وأســـــــأل هل أذنبت لكي تقــــتل

وبسهــــــم الحــــــــتف قطعوا نحرك يا ولدي

* * *

يبني أقبل لوحياتي تنتهي وترجــــــــع حـــــــــــــــياتك

هالعمر ما ريده بعدك يالمماتي مـــــــــــــن ممــــــــاتك

يعيني كل دمعه الأصبها بيها أنظــــــــــر ذكــــــــرياتك

ما أظن دمعاتي تگدر تطفي جـــــــــــــــمرة نايـــــباتك

حيــــــــن رأيتك مقتولا أضحى قلبي معـــلولا

صــــــــبري لا يشفـــي قطعوا نحرك يا ولدي

* * *

(لندن ـ1993م)

فاطمة الفردوس
15-12-2006, 07:34 PM
بياحاله شافت فاطمه * عبد الله مخضوب بدمى

صـاحـت يمـحـروم *بالنبـلـه مفـطـوم

___

بضعـه محمـد فاطمـه بالحسـره والـنـوح

وصلت مفاوز كـر بـلا مـن عالـم الـروح

شافت آبو اليمه الدمع مـن عينـه مسفـوح

يتحسـر وشايـل طفـل بالنبـلـه مـذبـوح

صاحت يا قرة ناظري*يابني وياسلوة خاطري

أبـنـك يــا مظلوم*بالنبـلـه مـفـطـوم

___

مـدت أيديهـا تناولـت مـن أيـد الحسيـن

طفله الذي نحره انفصـل مـن رميـه البيـن

شـمـت وريــده ونـادتــه بدمعةاللـعـيـن

نورك يا شمعة مهجتي ويـن اختفـى ويـن

عبد الله يا صبي النظر*نحرك يمقطوع النحـر

تتـنـازف ادمــوم * بالنبـلـة مفـطـوم

___

عبد الله يا نجم السعد نـورك طفـه وغـاب

هـزت كيانـي لوعتـك ومصابـك امصـاب

هذا الوريد اللـي انفصـل بالنبلـه وانصـاب

ذكرني محسن من وقـع يـن عتبـة البـاب

كلما اصد المنحرك*اجري الدمع و أتصـورك

جــم محـسـن اليوم*بالنبـلـه مفـطـوم

___

قوم الذي بدافع غـدر هجمـوا علـى الـدار

هـم الـذي قـد صرعـوا عتـرة المختـار

نـاري الـذي اسعـرت تركـت آلـف نـار

سهمـك يذكرنـي بالـم لوعـة المسـمـار

لوما كسر ذاك الضلع*ماجان وريـدك ينقطـع

ولاتبـقـى محروم*بالنـبـلـه iiمـفـطـوم

___

عبد الله نفس امصيبتـي جـن دارت عليـك

الطيحوا جنينـي عـالا رض بالنبلـه راميـك

يا لمتت ضامي هـاك اخـذ دمعاتـي ترويـك

بالجنة يـا صبـي البصـر محسـن يتانيـك

يا منهل أعيوني اليسح*موقف وريدك منذبـح

بعـيـونـي مرسوم*بالنـبـلـه مـفـطـوم

___***___

فاطمة الفردوس
15-12-2006, 07:35 PM
قصيدة عبد الله يا وليدي

عبد الله يا وليدي ضيعتك من إيدي
بعيني إطبعت رسمك بس أهلج بإسمك
وسفه يا بعد امك ضامي ونزف دمك
----
عبدالله يار روح الروح يا نسمة بالحب إتفوح نسمة حناني طيب وأماني
ما أدري من عندي تروح تتركني للهم والنوح عقبك زماني جار ولاني
جفني اعلى مهد مشبوح دمعي ويه دمك مسفوح امك تراني فقدك دهاني
شي داوي جفن المجروح سهم إصرت بيه مذبوح مثلك رماني هدم كياني
يا فرحتي وعيدي عبدالله يا وليدي
عبد الله يا الغالي فكَد هضم حالي
ما شّانت إبالي مهد يضل خالي
------
سهم الأجل ليك اختار خالي المهد بعدك صار مهدك انظره حيرني أمره
بمصيبتك فكري احتار وآنا اغرتك بالأفكار كل لحظة فكره يا وليدي تظره
من عيني تجري الأعبار وبقلبي تتالهب نار لا هيه عبره لاهيه جمره
ركن الصبر يا إبني إنهار واستسلمت للأكَدار ما عندي قدره مل كَلبي صبره
شن كَطعوا اوريدي عبدالله يا وليدي
يا سلوه ايامي يالمنذبح ضامي
شفت النحر دامي وإشتد آلامي
-----
طير الأجل يالمحروم فوق المهد ظل يحوم محني دهر وش يسوى عمري
سهم النوايب مفطوم وآنا إشعرت سهم القوم صوب لي نحري ودمومي تجري
لا يشفه جرح الى ما لوم لا جفني يتهنا بنوم لوعني سهري شي طفي جمري
قلبي العلى فقد مهضوم ويبني إشكثر شفت إهموم بس الله يدري شح مني صبري
هالونه تعويدي عبد الله يا وليدي
لمن رحت مني يبني إنكَطع ظني
حين إبعدت عني صار النحب فني
----
عبد الله يا غصن البان يا وسفه ضامي وذبلان يا وليدي وردك مات إعلى خذك
قطعوا وريدك عطشان شبدك تسجر نيران شي طفي شبدك من هذا وجدك
نحرك رموه العدوان وإبنحري صار النيشان عذبني فقدك بعد شي يردك
قلبي الحزين الولهان ينعى ويصيح ابشجان آه يا ابني مهدك ظل خالي بعدك
متركز بجيدي عبد الله يا وليدي
يا لوعت مصابك ويش يحمل اصوابك
دمك صفه خضابك سهم الذي صابك
----
كل ضني ياإبني تهنيت ضامي بدماك ترويت جابوك إليه سهم الرزيه
وآنه ويه مهدك تميت سهرانه وانحب ظليت وهمومي بيه صبح ومسيه
حن الصوافن حنيت يا ابني اعلى فقدك ونه خفيه شي طح بديه
يوارني كَبرك يا ريت قبلك اموت اتمنيت يخفق عليه جناح المنيه
هاي آنه ترديدي عبد الله يا وليدي
ريت اسكن بكرك عمري فدهه لعمرك
يالمنحجب بدرك دوم آلهج بذكرك

فاطمة الفردوس
15-12-2006, 07:38 PM
الك قلبي

الك قلبي انفجع عبدالله يبني يبني *أحس نحري انقطع عبد الله يبني يبني
ذبيح و مارويتك يصب دمك لقيتك*أحس نحري انقطع عبد الله يبني يبني
*******
أبوك حسين آنة يافرح عيدي**و يا جلمة حنان البيها ترديدي
أوِن و أنوح عليك ياوليدي**الف وسفة أخذتك للذبح بيدي
متت من الظما عبد الله يبني يبني*ترويت بدما عبد الله يبني يبني
يالغصن الماحويتك يصب دمك لقيتك*احس نحري انقطع عبد الله يبني يبني
*******
شفت وجهك هلال و بالعطش ذبلان**أخذتك يبني بيك اقصدت للميدان
اوقفت بين الفزع و الخيل و الفرسان**صحت ياناس رحموا هالطفل عطشان
شفت سهم القدر عبد الله يبني يبني*توجه للنحر عبد الله يبني يبني
يصيبك مادريتك يصب دمك لقيتك*أحس نحري انقطع عبد الله يبني يبني
*******
بسهم صابوك و المنحر يفيض دموم**خذيت دمك بجفي و القلب مألوم
رميته للسما و ناديت ياقيوم**احكم بين دم هذا الطفل و القوم
رموك بهلسهم عبد الله يبني يبني*أحس بية الألم عبد الله يبني يبني
بجفن دامي بجيتك يصب دمك لقيتك*أحس نحري انقطع عبد الله يبني يبني
*******
رجعت للخيم بيك و جمرتي بصدري**و دمك على ذراعي يسفح و يجري
الرباب أمك شلون أخبرها ماادري**هون ثلثين من حيلي و ثلث من صبري
رحت صوب الخيم عبد الله يبني يبني*نطيتك للحرم عبد الله يبني يبني
و عساني لا نطيتك يصب دمك لقيتك*أحس نحري انقطع عبد الله يبني يبني
*******
نطيتك للفواطم و النحر مقطوع**عليك اجتمعن بنوح و نحب و دموع
غدن كل وحدة تنعاك بقلب مفجوع**بس صوت النحب و النايحة مسموع
اجن لك بحزن عبدالله يبني يبني*طفح موج الجفن عبدالله يبني يبني
بدمع جاري نعيتك يصب دمك لقيتك*أحس نحري انقطع عبد الله يبني يبني
********
اجن و اجتمعن كل الحرم يمك**وحدة من وريدك ياوليدي تشمك
و وحدة تصب دمعها و تمسح بدمك**و أمك حايرة و بس تلهج باسمك
العقل منها انفقد عبد الله يبني يبني*تصد على المهد عبد الله يبني يبني
و تقلك حين اجيتك يصب دمك لقيتك*أحس نحري انقطع عبد الله يبني يبني
*********
هي أمك يا عبد الله غدت تنعاك**تنوح و خضبت جفها بمسيل دماك
تقلك ريت وافاني الأجل وياك**و ريت السهم ارداني و لا ارداك
شفت دم ركبتك عبد الله يبني يبني*دهتني مصيبتك عبد الله يبني يبني
لرسول الله هديتك يصب دمك لقيتك*أحس نحري انقطع عبد الله يبني يبني

فاطمة الفردوس
15-12-2006, 07:39 PM
محتار

محتار جم لوعة شفت*محتار أمشي و التفت
و آنة وحدة و عيلة عندي منهو بعدي يحمي حدي
*********
حسين.....هاي الصرخة عليًّ ارتفعت من صوب عيالي
حسين......صاحن باسمي و زيدن همي شعبن دلالي
حسين......طفلك هذا يريد يودعك يا آخر والي
حسين.....مو بلسانه بدمعه يردد هالصوت العالي
جفني ينضح دمعي يسفح تالي يصبح خالي مهدي
و آنة وحدي و عيلة عندي منهو بعدي يحمي حدي
*********
حسين......طفلك آنة و تلفح روحي بجمرة آلامي
حسين......جبدي تفطًّر جلمة و تظهر من قلبي الظامي
حسين......هاليوم أصبح يوم المحنة و آخر أيامي
حسين......و شلون أشرب دمعة عيني و المدمع دامي
شتفيد يبني دمعتك شتفيد ذابت جبدتك
ارد اسألك وين أحملك و آنة مثلك يغلي جبدي
و آنة وحدي و عيلة عندي منهو بعدي يحمي حدي
*********
حسين.....ادري بحالك ناري التلهب تشبه نيرانك
حسين.....خذني لصدرك و اطلع بية لساحة ميدانك
حسين......خليني اسمع جلمة و تطلع من طرف لسانك
حسين.....عن هالحالة المرَّت بية خبّر عدوانك
عدوان يبني بلا شِيَم عدوان ماعندهم رحم
هذي امة بلايا ذمة بلايا رحمة كلها ضدي
و آنة وحدي و عيلة عندي منهو بعدي يحمي حدي
********
حسين.....لاشك تعطف هاي الوادم لوشافت زغري
حسين.....ريتك منهم ماي تحصِّل و تخمد جمري
حسين.....بيش اتصبًّر شافت عينك هالحالة و تدري
حسين.....بس لا خصمك يفجع قلبك و يصوب نحري
يرموك لا شك هالخبر يرموك نبلة بالنحر
هالرزايا و المنايا بالرواية رواها جدي
و آنة وحدي و عيلة عندي منهو بعدي يحمي حدي

فاطمة الفردوس
15-12-2006, 07:40 PM
للشاعر عزيز الكلكاوي
دهري ذبني


ياوليدي خلي الماي لا تطلب الماي**كل خوفي مني تروح و تقطع حشاي
************
دهري ذبني عبدالله يا شمعة ضوى عيوني
************
هاك أخذ ماي العين يبني و سلوتي**خل أفرح بدنياي و أنت فرحتي
خل أبتسم و أرتاح و أشتم وردتي**ردتك ليوم الشيب و اتلِم كبرتي
************
صدق يا بعد الروح مانمت ليلي**و لو يمر بيك الريح يحزن دليلي
و من تدبي،تدبي وياك همتي و حيلي**يا شمعة الإيمان يالتضوّي لي
************
قلبي الذي رّباك شينيِّمه اليل**يا وليدي خلي وياك يتهادي و يميل
لو ردت منه تروح يتهدم الحيل**دم نحرك المصيوب من عيني يسيل
************
مرَّت عليّ ساعة و تحملتها**و جانت تمر جالطيف و موالبدها
بسوق الدلال،الروح لأجلك بعتها**يا وليدي لأجل رباك روحي حرقتها
************
محتارة بين اثنين و دموعي تنصب**و لقلبك المعطوب قلبي تعطب
ما أقدر لفرقاك،فرقاك اليصعب**فراقك يخلَّف نار بالقلب تلهب
************
قلبي انرمى بسهمين و تقاسمه البين**سهمك و سهم حسين لاجنه أعظم
بالتضحية للدين تعلم و أعلم**من عالم التكوين أمر و تحتم

فاطمة الفردوس
15-12-2006, 07:41 PM
تنعاك الروح و اتنوح عبدالله عبدالله

و اشلون اتروح مذبوح عبدالله عبدالله

ضامي و ذبحوك ما رحموك من صابوك

*****

انتهت يا وليدي هالليله رواية همتي و صبري

و بدت ثاني روايه اليوم رواية دمعتي التجري

انطوت صفحة حياتي اوياك و ظلت ساعه من عمري

بنبلة حرمله انرسمت نهاية أمرك و أمري

بالنبله اليوم مفطوم آه يبني آه يبني

كَلبي المهموم مالوم آه يبني آه يبني

بدمك رووك ما رحموك من صابوك

****

يعبدالله انختم عمر يكَبل ما ينختم عمرك

و نشبت عودة النشاب يبني بنحري و بنحرك

بسهم صابوك كل ظني السهم لو شافك يعذرك

وكلت يرحم صغر سنك لون جتالك ينظرك

سدد و ارماك يالغالي يالغالي

ظل كَلبي اوياك يالغالي يالغالي

ضامي و حرموك ما رحموك من صابوك

****

خدك مني أبوك احسين و توجه صوب عدوانه

بعد فتره رجع محني ابوك و دخل صيوانه

رجع شايلك ظنيته شايل ورده ذبلانه

لنك إنته يوليدي ذبيح ابين ذرعانه

جابك مصيوب مخضوب يوليدي يوليدي

ظل كَلبي ايلوب ملهوب يوليدي يوليدي

للموت انطوك ما رحموك من صابوك

****

أخذتك من أبوك احسين بنحيب يفطر المرمر

و سندتك يبني بين ايدي و بديت بوجهك أتبحر

صرت أعصر دمع عيني و أصبه بفتحة المنحر

لعلها دمعة اعيوني تطفي جبدك اليسعر

نحرك مكطوع مطبوع بعيوني بعيوني

دمك و ادموع ينبوع بعيوني بعيوني

ترمح خلوك ما رحموك من صابوك

***

سحابه اعيوني يالجبدك أرض يبسها ريح الهم

و لاجنت أدري يالضامي يرووك بنجيع الدم

تظن عكبك أطوكَ الماي و أنسه الجره و ما أهتم

لا و الله يعبدالله أحس بالماي طعم السم

كَلبك عطشان بنيران دلالي دلالي

وجهك ذبلان بشجان دلالي دلالي

بالدم غسلوك ما رحموك من صابوك

****

فاطمة الفردوس
15-12-2006, 07:42 PM
عبد الله يبني ابكربله هضمتني دنياي هيهات من عقبك بعد أتهنه بالماي
*
عبد الله يبني يالخدت عيني و نظرها روحي اعله فقدك طايحه ابولية دهرها
و أشلون غدره هالدهر لمك غدرها لمصيبتك رايي انفقد ما أمتلك راي

**
ما تقدر اعيوني تصد و اتشوف نحرك يا لوعتي و دم النحر يجري اعله صدرك
شيطفي نار امصيبتك شيطفي جمرك جرحي مثل نحرك نزف يا هضم بلواي

**
يا لوعتي و يا شدتي يا هضم حالي وياك يبني قوضن بيض الليالي
ضلعي حنيته اعله المهد و المهد خالي مهدك نصبته ابمهجتي و اتهزك احشاي

**
يا روح روح الوالده و يا مهجت أمك يبني عسن دمعي جره و لا يجري دمك
روحي ادفنتها ابحفرتك يوليدي يمك و النوب إخذ بعد القلب يمك يا رجواي

**
شلي ابحياتي ابفرقتك لا عايشه الروح ابعيني يعبد الله شفت منحرك مذبوح
آلامي آلام أصبحت و اجروحي اجروح شوفتك يضمد كل جرح يا مرهم ادواي

**
بعيوني دمعه سافحه و بالقلب نيران اشلون أشرب الماي و رحت يوليدي عطشان
يا ريت لا فاض العذب و النهر لا جان ياريت قبلك يالطفل قربت مناياي

**
يهلال يا من حسبت تصبح بدر تام حيف ووسف ما خلتك سطوة الأيام
و آنه يعبدالله رموني ابخمسة اسهام الدنيه و زماني و كربله فرقتك و اعداي

فاطمة الفردوس
15-12-2006, 07:43 PM
يا سباح لب احشاي يالقطعوك من احشاي

يا الحرموك من الماي اشلون أهنا بلذيذ الماي

يا وليدي يا عبدالله

**

غصنك من ذبل يا بني يبست ورقة اسنيني و لمن غمضت عينك بعدك ساهرت عيني

و حال الموت يا روحي تالي بينك و بيني من قطعوا رمش عيناي فاضت بالدمع عيناي

*

يا عبدالله القلب مصيوب ابسهم اللي قطع نحرك عمري ضاعت أيامه من غابت شمس عمرك

و نار اللي سرت بحشاي من جمرة عطش صدرك وشعدها الليالي اوياي يبني اتحاربت وياي

*

يبس ماي النهر ياريت و بعدك لا غده يجري يا بني اللي قطع نحرك لا تظن ما قطع نحري

و سهم اللي قصف عمرك يا عبدالله قصف عمري يا شمعة أمل دنياي صارت مظلمه دنياي

*

ذنبك مادريت اشجان من ماي العذب حرموك ليش ابسهم المثلث يا ريع القلب فطموك

الطفل ماله ذنب ندري و انته بيا ذنب ذبحوك تاه الراي ما ظل راي شنهو الراي و انته الراي

*

اشلون أمشي يا عبدالله و أعوفك عالترب وحدك قبرك حفرته الأيام و بقلبي انحفر لحدك

راح أمشي و أخلي الروح يا طفلي ابكربله عندك إنت ابداي و آنه بداي و بعدك لا شفت هالداي

*

صدري باللبن من ذر اذكرت آنه عطش قلبك يا عبدالله لون تدري ابيا حال أصبحت عقبك

من ذبحوك يا وليدي ما أدري شنو ذنبك صارت بلوتك بلواي و انته مبتلي ابلواي

*

طبتي للمدينه اشلون عنك لو نوينه انروح لو سألوني شنطي اجواب يا بني يا شريك الروح

شقولن لليناشدني عفته ابكربله مذبوح يا هو اليستمع شكواي و للباري ارفعت شكواي

*****

فاطمة الفردوس
19-12-2006, 05:27 AM
--------------------------------------------------------------------------------

اللهم صل على محمد وآل محمد..

أقدم لكم قصيدة ( طفلة ) من أجمل القاصائد التي سمعتها في حق العليلة..
وهي من كلمات الأستاذ الأديب.. جابر الكاظمي..
وللرادود الملا ..باسم الكربلائي..
من إصدار( قوس السماء)..
-----
طفلة وشفت حيدر جدي ***من أرض النجف حاضر عندي
ويكَللي كل أهلج ميتين***يا طفلة إلمن تنتظرين
من أرض النجف حاضر عندي
*******
من عيني حوض الكوثر إيصب أنهار***قلبي جهنم بالحزن يلفح نار
بهالحالة جيت أكَعدت يم باب الدار***أترجى من الأهل توصل أخبار
ماشوف لن فارس إجى يثير غبار***لمن وصل لن شفته جدي الكرار
نظراته ظل يتأملني ***يمسح دمعتي ويسألني
ليش الدمع بعينج تجرين***ياطلفة إلمن تنتظرين
من أرض النجف حاضر عندي
********
يجاجيني وبوجهه الحزن يتستر***وبصخرة عيونه الدمع يتكسّر
ويقول عن وجهج عسى بعيد الشر*** اتعرفيني من هو وليش قاطع هالبر
يا طفلة جدج آنه جدج حيدر***أحضر الشدة شلون إلج ما أحضر
للشدة أحضر من يومي***جيت او أنشدج بهمومي
مذهولة ليش وتلتفتين***يا طفلة إلمن تنتظرين
من أرض النجف حاضر عندي
************
ياطفلة جايب لج خبر ما ينصح***يخلي الدمع من ناظرج دم يطفح
بمسحة عطف بيدي إعلى راسج أمسح ***من مسحة إيدي هالخبر يتوضح
بالطف هلج ظلت دماهم تسفح***وكل جسد من عدهم صريع بمذبح
جسوم إخوتج بالطف صرعة***شتنفع بعد هاي الدمعة
بكسرة الخاطر تبجين***ياطفلة إلمن تنتظرين
من أرض المجف حاضر عندي
**********
ياطفلة بالطف كَظت كل الفتيان***أولاد عمج وأخوتج بالميدان
صرعة وعليهم يسفي دار التربان***حتى عمامج إلها المقدر حان
هذا ذبيح بلا غسل لا أجفان***وذاكَ إعلى جرف المشرعة بلا ذرعان
طول إنتظارج ماينفع***وأنتِ إعلى نارج والمدمع
تتلفتين إيسار إيمين***ياطفلة إلمن تنتظرين
من أرض النجف حاضر عندي
*********
جاوبته وبصدري إنحدر سيل الهم*** لاشك دليلي على الأهل يتألم
لجن يهون امصابها وسفك الدم***لا زال أبوية حسين حي ما أهتم
جاوبني جدي جسم أبوج اتخذم***ابصدره حوافر خيل أمية اتهشم
بالحافر العسكر داسه***فوق الرمح شالوا راسه
وعا لغبرة جسمه بلا تجفين***يا طفلة إلمن تنتظرين
من أرض النجف حاضر عندي
********
من كل هلج ياطفلة واحد ماظل*** إلمن بعد قلبج يظل يتأمل
لا زم ضميرج للغصص يتحمل***وتتصبر ين إعلى المصاب إللي حل
رب الجلالة إبحالتج يتكفل ***بشّر الصابر بالكتاب المنزل
جاوبته صوتج صبرني***لجن سؤالك حيرني
ويظل إيراودني بكل حين***ياطفلة إلمن تنتظرين
من أرض النجف حاضر عندي
********
من أرض النجف يا جدي من قبرك جيت***إبموت الأهل وش هالخبر بيه وافيت
شمعة البيت انطفت وأنحب ظليت***يحرم عليه أنجان أطب هذا البيت
جنت أنتظر أهلي ترد وتمنيت ***صرت أنتظر موتي أموتن يا ريت
دمعة حزن عيني تهلها***وأحجي أو يا روحي وأسألها
غير الأجل عقب الطيبين***يا طفلة إلمن تنتظرين
من أرض النجف حاضر عندي
*************
ونسألكم الدعاء من القلب بتعجيل الفرج وبراءة الذمة...

شذن
31-05-2010, 01:43 AM
ماشاء الله جهد رائع في ميزان حسناتكم